على ذكر‎ المواجع والسفر والحل والترحال !!

[أميرة الورد]

..



على ذكر‎ المواجع والسفر والحل والترحال !!
طويت آخر ورق عندي في دفتر أحزاني ...

طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!


جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

![حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني]! !!

تخيل !!

تخيل يوم عانقني خيالك .. خاطري وش قال !!
تخيل قبل أسولفلك نشدني عنك وجداني!.


نشدني لين خلاني ![مدينه هزها زلزال ]!
تخيل !! ماهدا حتى لقاك بوسط شرياني


أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا !!
هنا كانت ليالينا ![غـــــلا]! والمقبلات![آمـــــال ]!
وهنا كانت مواعيدك مطر تخضر به أغصاني !!


هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني

حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ![أضم الريح بأحضاني]!

تسافر بي الذكرى وأحسب إني وصلت آخــر وطن بالبال !!
واثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال
سوالف للعيون اللي صداها "دمعةأحزاني"

..

[حسينـ الفحوسـ]

يعطيك العافيه يا اميره

من جد نقوه هالقصيده

تقبلي مروري

سلام

[أبو سلطانـ القحطاني]

مرحبااا


:)



يعطيكـ العافيه .. موضوع طيب

ننتظر المزيد







تحاياي

[أميرة الورد]

حسين

خيال

مشكورين على المرور يا التوؤمين:)

أسعدني تواجدكم


تحيتي لكم

[الـهنوف]

قصيدة رااائعة يا أميرة الورد



حبيبي لا تنشدني عن أوضاعي وكيف الحال .



أنا بعدك سحاب أبيض ( أضم الريح بأحضاني )



تقبلي مروري

[أميرة الورد]

أسعدني تواجدك غاليتي

مشكوره على المرور

لك مني كل الود

[دايم الطيب]

أميره



لا هنت
على النقل الرائع

















تحياتي

[أميرة الورد]

الاروع هو تواجدك أخوي دايم

مشكور ولاهنت على مرورك

تحيتي لك