أسير بلا قيود
10-06-2010, 03:36 PM
مانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور
حط اليمين اعلىالشمال وخاطـره فيـه اسئلـه
قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه
قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه
قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه
من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه
ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه
تحياتي وتقديري
لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه
قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور
حط اليمين اعلىالشمال وخاطـره فيـه اسئلـه
قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه
قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه
قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه
من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه
ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه
تحياتي وتقديري