مشاركة الاعضاء في كتابة قصيده واهدائها للمنتدى

[الهاجس البطران]

بسم الله الرحمن الرحيم
السلام عليكم ورحمة الله وبركاته.....وبعد,
اخواني واخواتي اعضاء منتدى الاحباب
انا حاب اشارك معكم بهذا الموضوع اللي من ابتكاري
الموضوع بكل اختصار هو:كل شاعر وشاعره يكتب بيت على نفس وزن وقافية وموضوع البيت اللي ببدابه.الموضوع عن منتدى الاحباب وبنجمع هذي الابيات لتكون قصيده ونهديها لمنتدى الاحباب.ارجو التفاعل لكي نكون القصيده باسرع وقت ممكن
ملاحظه:يجوز للشاعر بالمشاركه باكثر من بيت لكن ليس دفعه واحده بل باوقات مختلفه.
ارجو من المشرفين تثبيت الموضوع

البدايه:


يا منتدى الامجاد يا مرتع الطيب=جاتك ركايبنا على أقصى جهدها

[أبو سلطان القحطاني]

ممتاز



ثبته كـ تشجيع مني لك


وانـ شاء الله تلقى التفاعل







موفق

[الهاجس البطران]

الله لايهينك وباعكس اذا شفتوه مهب زين ما عندي مشكله بشله والموضوع ذا للجميع مهب لي يعني مالي دخل فيه انا اللي علي طرحت الموضوع وكلن يجود بالموجود وانا ما يهني التشجيع الله يطول عمرك انا اقدحها من راس صافي واهم شيء الموضوع ماعليكم من الكاتب الله لايهينكم اهم شيء نطرح ما يفيد المنتدى
تحيات\قايد جيوش الاحباب (!!)

[ذيب الغداري]

اررررررحب


لاهنت ع الطرح وان شاء الله نشوف التفاعل


خيال قحطان


لاهنت وابيض وجهه ع التثبيت

[ابو نايف الحبابي]

فكره رائعه وأن من المؤيدين للفكره وأشكرك يا المسافر


واشارك في القصيده ببيت دعم للمنتدى .



فيك العلوم الوافيه والتجاريب * وصقور عز تعجبك في هددها

[الراية]

لاهنت والان البيت موزون

[حسين الفحوس]

يدهلك منهم عاشقين المراقيب=وقفاتهم حاظر وسابق عهدهـا

[الراية]

وجه الله ياحسين الفحوس

اني قد قلت وماحد سمعني

صح لسانك

[قحـطـان الحـبابـي]

طرح رائع

بيض الله وجهك

وبنتظار تفاعل الجميع وبتحديد ( الشعراء )

لاهنت
:)

[اااالمحتار]

يعطيك ألف عافيه على هذا الموضوع
وحبيت اشارككم ولو ان ماني بشاعز


تفخربك اقروم تحل المصاعيب
سترالعذارى لنتخت هم سعدها

[vip]

فكرة جيدة وتشكر عليها يا الشاعر المسافر

ما فيك ضيف وكل ابونا معازيب
يا نعمةٍ بعض العرب ما حمدها

[مجروحة وتكآبر]

سلمت اناملك
على جمال ما نثرت هاهنا
رآآق لي مآقرأت هنآ..
لا عدمنا أفكآرك الراقيه
مررت من هنا فزرعت احرفي
بإنتظار المزيد .. ولا أزيد..
دمتم بكل ود وسعآدهـ...
تقبلوا ردى وشذى وردى..:g9g1 (4):

[اااالمحتار]

ملفاالرجال اللي تعرف المواجيب
واللي تجوب اطايله حن مددها

[الهاجس البطران]

نقلط على الجزله بروس المخاليب=وافعالنا يا سعد منهو شهدها
لاهنتوا على التفاعل
تحيات\قايد جيوش الاحباب

[ملاك]

ودي اشارك بس اخاف تضحكون علي:g9g1 (46):

[مرعي الفحوس]

شكرا أيها الشاعر المسافر على هذه الفكرة الجميلة

و هذا ما جادت به القريحة,على عُجالة

بك سلوة الغايب بدار الأجانيب ***** لا صكّت الغربة و طوَّل أمدها


ما فيك ضيف وكل ابونا معازيب
يا نعمةٍ بعض العرب ما حمدها

أُسجِّل إعجابي بهذا البيت يا
vip

تقبلوا مروري

[حسين بن منصور]

يالربع اعتبروا من المنتديات الاخرى

الفكره ممتازه ونشجعها بس الخلط مايصلح

بيوت مكسره وقوافي مكرره والافـــضل ان

ينسقها شــاعر ويشــرف عليها اتمنى قبول

ملاحظتي ولي عوده

[حسين الفحوس]

وجه الله ياحسين الفحوس

اني قد قلت وماحد سمعني

صح لسانك

لبا عيونك يا عريب المنسب

والله ما يذخر اخوك عليكم شي :)

....


واتمنى من اخواني الاعضـاء عدم المشاركـه لمن لا يجيد الشعر

واي بيت مكسور او قافيه مكرره راح تحذف المشاركه تلقائيا

دمتم

[الراية]

اي بيت فيه كسر او غير موزون سيتم حذفه

[عايض العاطفي]

الذيب يعوي لاسمع عويت الذيب=والسابقه قد قيل تطلع بيدها

[حسين بن منصور]

سلام ياربع تعرف المواجيب= جمع الحباب اللي يوفي عددها
اللي لهم في العز قسم ومكاسيب=وافعالهم بين الرجال نحمدها
تبنى هقاويهم على المدح والطيب=مثل الخيام اللي تبنى عمدها
الظن فيهم فوق مايمكن يخيب=خطة ظفر مرسومه واعتمدها
واشوارهم ما تخطي ودايم تصيب=وافعولهم حتى الخصيم يعددها
ورجالهم لو تكتسي لحيته شيب=كل العقد بيحلها ويعقدها
ورجالهم يعرف ويفقد ليا غيب=ربعي مواعدها توفي وعدها
ورجالهم لو مانزل قرش في الجيب=في قولهم من عز نفسه وجدها

[نهاار]

فكــرة طيبه ومشاركتي المتواضعه اقول فيها


جتكم ركايبنا على الفطر الشيب =تنقل رجال" صادقه في وعدها


تنقل مشاعر ضدها الشك والريب = هذي مشاعر جبتها من مهدها


شفت النداء من شاعر" طيب الصيب= ابن الحباب اللي شجيع" ولدها


يامرحبا واثني جميع التراحيب = عين الحسود الله يزوّد رمدها


ياعزوتي ذا المنتدى م/ المكاسيب = جمع الحباب اتموت محد" ضهدها


هذا التواصل زين عدّاكم العيب = والله يبلغ كل نفس" سعدها


حنا تحت ربي ولا نعلم الغيب = الخافي أشوفه كما المر وأدها


الله يحفظ الدين من كل تغريب= وار جال يبقى الطيب حبله بيَدَها


رحمه لمن حده زمان اللواهيب =آل السعود اللي يزمجّر أسدها


نهااار الحبابي

[الأحبابي]

اهل الوفا والطيب واهل المواجيب
لاوعدت توفي وتحضر وعدها

[الراية]

يستاهلون النعم جمع الرفاقه % ربعن على الجزله تحث الخطاوي

[ابو دكام الحبابي]

صح لسانك وكل الي شاركو وبصراحه فكره رائعه