قصيدة في الشيخ : جارالله بن مهدي بن زهرة الحبابي

[سرآب]

بسم الله الرحمن الرحيم

كتبت هذه الابيات في الشيخ جارالله بن مهدي بن زهرة الحبابي

الله يشفيه ويطول بعمره

ويسعد اهله وقرابته ويسعدنا بسلامته وعودة صحته ان شاء الله

واعذروني على القصور








ارتداد الصوت ما رد الكلام

والصدى يرجع على اللي ما يبيه

لا حصل طاري وطير الجو حام

هاض هاجوس الشعر والطيب فيه

ما بقى الا على الدنيا السلام

لو بقت كلمة على طاري تجيه

اشهد ان الطيب في راس السنام

والسنام الطيًب الحر النزيه

لو يشين الدهر بأشد الحزام

بعد ربي شيخ والله لأعتزيه

المرض والله يشفيني حرام

لو يجيني والله اني لاحتريه

دامني بأكفيك عنه يا سلام

يعتبر عندي دواء واقول ابيه

يا ابن زهرة يالكريم ابن الكرام

انت جار الله ولا غيرك شبيه

ان بغيت اعد فعلك بانتظام

بس كلمة غيركم تقصر يديه

الكرم والطيب والربع الحشام

والصقيل اللي قطع راس السفيه

الهلام يموت ما ينفع هلام

وانت خيرك سابق وفعلك وجيه

يا صباح ونور من بعد الظلام

يا سنام الطيب يالحر النزيه

الله يطول بعمرك الف عام

والله يجملك يالشيخ الفقيه

الوفاء والعز وأسمى الاحترام

مني أحمد يا سلام الله عليه



وسلامتكم



أحمد بن عبدالله بن حامد الحبابي

[الراية]

صح لسانك يااحمد والله يشفي جارالله بن زهره

وسلم لي على ابوك وال جليل

لاهنت لاهنت

[قحـطـان الحـبابـي]

أرحب ياأحمد

الله يحييك

وصح لسانك


ومايشوف شر انشاء الله أبن زهرة

بنتظار جديدك

:)

[مبارك الناصري]

صح لسانك

والله يشفيه ويطول بعمره ان شاءالله

[حسين الفحوس]

صح السانك وبيض الله وجهك

وقصيده فيمن يستحقهـا يستاهل النعم ابن زهره والله يقومـه بالسلامـه


لاهنت يا غالي

[ابو نايف الحبابي]

أبيات جزله وابن زهره يستاهل أكثر

وان شاء الله يقوم بالسلامه

[سرآب]

صحت أبدانكم جميعا

والله يعطيكم العافية على التواجد الرائع

لا هنتم

[دايم الطيب]

صح لسانك

ونسأل الله الشفاء العاجل لأبن زهره


لاهنت

[سرآب]

صح بدنك اخوي دايم الطيب

والله يقبل دعاءك

مشكور على حضورك

[ناب الذيب]

الله يقومـه سالم ان شاء الله


وصح السانك

[سرآب]

تسلم يا ناب الذيب وصح بدنك

لا هنت على التواجد

[سعيد ال دوكر]

صح لسانك وأسال الله العالي العظيم الشفاء العاجل لشيخ جارلله

[سرآب]

صح بدنك واللهم آمين

مشكوور على حضورك ولا هنت أخوي

[هادي بن دوكر]

صح الله لسانك

وابن زهره حقه على الجميع والله يبض وجهك

[سرآب]

صح بدنك أخوي هادي ووجهك أبيض

والله يقومه بالسلامة

لا هنت

[ابن الشيوخ]

بيض الله وجهك

وصح الله لسانك

واسأل الله العلي العظيم أن يشفي الشيخ جارالله بن زهره وجميع مرضى المسلمين


موفق

[ابن زابن الحبابي]

الله يعافيه ويشفيه

الله يعطيه العافية