علي مسفر الحبابي
01-22-2009, 04:57 PM
اعزائي الكرام اترككم مع وصيه قديمه
للشاعر المرحوم فيصل الرياحي لأبنه "بدر" نسأل الله العلي القدير
ان يرحم ابوبدر رحمه واسعه ويبقي بدر واخوانه
يابدر خـذ وصيـه واعتبرهـا وديعـه =الله اعلم متـى يابـوك يـوم الوداعـي
يجري العمر والايـام تجـري سريعـه =سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه =رغم بعض العواصف رافعين الشراعي
نطلـب الله يوفقنـا دروب الشريـعـه =ما ندور على دروب الغوى والضياعـي
ونطلب الله يجنبنـا الامـور الشنيعـه =لاتعـاوى علينـا ضاريـات السباعـي
يابدر ماجنيتـك مـن بيـوت الدنيعـه =النفوس الضعيفـه والقلـوب الوجاعـي
يابدر مركزك بين الحصـون المنيعـه =اخذ منا ومن جـدك حميـد المساعـي
يابدر من يحـاول هزعتـك لاتطيعـه =الجبال الشوامـخ ترفـض الانهزاعـي
ومن قطع رفقتك قلـه يامـال القطيعـه =يارفيق المذلـه مـال رفقتـك داعـي
وكان بعض الرفاقه جاك منهم وجيعـه =قد يكون الفراق افضل من الاجتماعـي
لاترافـق خبيثيـن النبـا والطبيـعـه =سقط ناس سوالفهم تجيـب الصداعـي
يلبسون اقنعه فوق الوجيـه الوضيعـه =وعن وجيه الردى لازم يطيح القناعـي
واجد الطيبيـن ولا تضيـق الوسيعـه =دور اهل الوفا واهل الصدور الوساعي
والصديق الصدوق المحتـرم لا تبيعـه =احتفض به وخلـك للمواثيـق راعـي
واحذر الضحكه الصفرا من اهل الخديعه =حلل افكارهم في مختبر فكـر واعـي
بعضهم يتخذ من كـل حاجـه ذريعـه =يكرهـون البنـا ويفضلـون التداعـي
ولاتضلي خلاف النـاس مثـل التبيعـه =كلمة النعم جاهـد وانتزعهـا انتزاعـي
لاتأخـر جـوادك خلهـا فالطليـعـه =خذ مكانك مع اهل المجـد والإطلاعـي
المذمه علـى الانـذال ماهـي بديعـه =والمدايح يحصلهـا طويـل الذراعـي
والتزم فـي حبـال الله بـما تستطيعـه =من تمسك بدينه جاء بوجهـه شعاعـي
والصبر له عواقـب طيبـه لاتضيعـه =قدر الصبر والله معك وامـره مطاعـي
كم صبرنا على بعض الامور الفضيعـه =نعتبرها مـن التافـه وسقـط المتاعـي
وكم لي اصارع الدنيا بنفسٍ شجيعـه =واجتهادي يحقق لي نتيجـة اصراعـي
اتفاول بخيـر ودم وجهـي مـا ابيعـه =كـل شـيٍ يبـاع الا الحيـا مايباعـي
اعشق العـز.. واحـب الحيـاه الرفيعـه =واكره الارتخايه وارغـب الارتفاعـي
واتواضع لسمحيـن الوجيـه النصيعـه =واترفع عن اهل الزيف واهل الخداعـي
يابـدر لاتلفـت للعـقـول الخليـعـه =قدر الراس قـدره لاتحسـب الكراعـي
كم سمحنا وسامحنا خطـات الخميعـه =حشمـة الطيبيـن وقصـرة للنزاعـي
ما عرضنا لحمنـا للوحـوش المجيعـه =لو شربنا من الحنضل وسـم الافاعـي
ولن وردنا خصومة حـق والا نزيعـه =عظمنا ما يلين نكيل صاعـن بصاعـي
للشاعر المرحوم فيصل الرياحي لأبنه "بدر" نسأل الله العلي القدير
ان يرحم ابوبدر رحمه واسعه ويبقي بدر واخوانه
يابدر خـذ وصيـه واعتبرهـا وديعـه =الله اعلم متـى يابـوك يـوم الوداعـي
يجري العمر والايـام تجـري سريعـه =سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه =رغم بعض العواصف رافعين الشراعي
نطلـب الله يوفقنـا دروب الشريـعـه =ما ندور على دروب الغوى والضياعـي
ونطلب الله يجنبنـا الامـور الشنيعـه =لاتعـاوى علينـا ضاريـات السباعـي
يابدر ماجنيتـك مـن بيـوت الدنيعـه =النفوس الضعيفـه والقلـوب الوجاعـي
يابدر مركزك بين الحصـون المنيعـه =اخذ منا ومن جـدك حميـد المساعـي
يابدر من يحـاول هزعتـك لاتطيعـه =الجبال الشوامـخ ترفـض الانهزاعـي
ومن قطع رفقتك قلـه يامـال القطيعـه =يارفيق المذلـه مـال رفقتـك داعـي
وكان بعض الرفاقه جاك منهم وجيعـه =قد يكون الفراق افضل من الاجتماعـي
لاترافـق خبيثيـن النبـا والطبيـعـه =سقط ناس سوالفهم تجيـب الصداعـي
يلبسون اقنعه فوق الوجيـه الوضيعـه =وعن وجيه الردى لازم يطيح القناعـي
واجد الطيبيـن ولا تضيـق الوسيعـه =دور اهل الوفا واهل الصدور الوساعي
والصديق الصدوق المحتـرم لا تبيعـه =احتفض به وخلـك للمواثيـق راعـي
واحذر الضحكه الصفرا من اهل الخديعه =حلل افكارهم في مختبر فكـر واعـي
بعضهم يتخذ من كـل حاجـه ذريعـه =يكرهـون البنـا ويفضلـون التداعـي
ولاتضلي خلاف النـاس مثـل التبيعـه =كلمة النعم جاهـد وانتزعهـا انتزاعـي
لاتأخـر جـوادك خلهـا فالطليـعـه =خذ مكانك مع اهل المجـد والإطلاعـي
المذمه علـى الانـذال ماهـي بديعـه =والمدايح يحصلهـا طويـل الذراعـي
والتزم فـي حبـال الله بـما تستطيعـه =من تمسك بدينه جاء بوجهـه شعاعـي
والصبر له عواقـب طيبـه لاتضيعـه =قدر الصبر والله معك وامـره مطاعـي
كم صبرنا على بعض الامور الفضيعـه =نعتبرها مـن التافـه وسقـط المتاعـي
وكم لي اصارع الدنيا بنفسٍ شجيعـه =واجتهادي يحقق لي نتيجـة اصراعـي
اتفاول بخيـر ودم وجهـي مـا ابيعـه =كـل شـيٍ يبـاع الا الحيـا مايباعـي
اعشق العـز.. واحـب الحيـاه الرفيعـه =واكره الارتخايه وارغـب الارتفاعـي
واتواضع لسمحيـن الوجيـه النصيعـه =واترفع عن اهل الزيف واهل الخداعـي
يابـدر لاتلفـت للعـقـول الخليـعـه =قدر الراس قـدره لاتحسـب الكراعـي
كم سمحنا وسامحنا خطـات الخميعـه =حشمـة الطيبيـن وقصـرة للنزاعـي
ما عرضنا لحمنـا للوحـوش المجيعـه =لو شربنا من الحنضل وسـم الافاعـي
ولن وردنا خصومة حـق والا نزيعـه =عظمنا ما يلين نكيل صاعـن بصاعـي