المساعد الشخصي الرقمي

مشاهدة النسخة كاملة : ‏@الفياقرا@

زايد أبن الزقروط
01-25-2009, 11:58 PM
السلام عليكم ورحمة الله وبركاته
وبعد
هذي قصيده كتبتها وارسلتها على نواف بن سالم بن سباح الحميداني وهومن سكان مدينة العين في الأمارات العربيه المتحده والقصيده تعبرعن نفسها وحيث ان ماهوب شاعرفقد جاني رد القصيده بفعل طيب مانيب ناسيه
والقصيده تقول


ياراكب اللي من الألمان مصدرها=مصانع كملتها واعتنت فيها
تجري عليها التجارب قبل تظهرها=في صالة العرض لشراي يشريها
فيها علامه جميع الناس تخبرها=علامة في جبين الوجه تعنيها
فياقرا يجذب الأنظار مظهرها=والحجم وافي وراع الذوق يغليها
أحدث طراز نزل فيها واشهرها=‏ ‏ sel500 لون البدر زاهيها
أنشهد ان الخواجه يوم سوكرها=طبق دروس على الأبداع قاريها
لاجيت أوصف مزاياها ومنظرها=يشيب قاف القصيده قبل يوفيها
من بصمة الكف تستقبل أوامرها=والدسك والكوندشن باللمس تجريها
والسيت من جلد ريم قد تخيرها=والبدي لمعة نجوم في معاليها
كن الجواهر على الكبوت ناثرها=ومثل المرايه تعكس الي يراعيها
واليامشت في ادروب البعد تقصرها=وتقرب الي صعيبات مناويها
وتزين الارض لاسارت توايرها=وعلى خطوط القار تثبت مواطيها
قم يانديبي لوجه الشرق نحرها=أقطع حدود السعوديه وعديها
مر المراكز بسرعه لاتناظرها=معك أمانه لزوم أنك توديها
ولما وصلت العين والعين خابرها=دارالربوع الي بعيدات هقاويها
أنص البيوت الي طويلات منابرها=مدهال قرم فعول الطيب قانيها
وأقلط على الي ضيوف الدارقدرها=عند أبن سالم تراه ايعز طاريها
أمعزبك مجلسه للضيف عامرها=يبدي التراحيب والضيفان يقريها
تلقا دلال من الرسلان محضرها=والعود الازرق يعجول في نواحيها
وعقبه تفضل على ضيفتك وأحضرها=ترا معزبك يفعلها لراعيها
ومن بعدهذا وهذا لاتوخرها=أمانتك يانديبي لاتخليها
وصل سلام عدد ماطار طايرها=واعداد ماصلا لمكه مصليها
سلام أطيب من الكادي وعنبرها=تخص نواف في جملة معانيها
وقله ترا العين ماغفت محاجرها=والنار في صدر زايد زاد لاضيها
والرجل عن ماتريد النفس قاصرها=بين الخطوط الحمر محصوره خطاويها
عامين والحال في وضع مكدرها=والصبرطال وعذاب الروح مشقيها
يامن يجيب البشير الي يبشرها=ويزيل هم على روحي معنيها

وسلامتكم وآسف على الأطاله


زايد بن حسن أبن الزقروط
أبو سلطانـ القحطاني
01-28-2009, 10:51 PM
ارحب ارحب

:)


صح السانكـ .. ويستاهل من انت عمتها عليه


كفوووو كفووو



ننتظر منكـ المزيد







تقديري
زايد أبن الزقروط
01-28-2009, 11:40 PM
مرحب باقي وصح بدنك
ياخيال قجطان
ومن فعل طيب يلقاه

تحياتي وتقديري
زايد أبن الزقروط
02-12-2009, 07:52 PM
أسعدني مرورك
حسينـ الفحوسـ
02-12-2009, 10:54 PM
صح لسانك وعلا شانك وعلى الاخرى عانك

ونعم فيك وفي الحميداني

تم التنسيق بعد اذنك:)

تقبل مروري
زايد أبن الزقروط
02-13-2009, 03:50 AM
صح بدنك يابوسعيد
ويعطيك العافيه


تحياتي وتقديري
دايم الطيب
03-10-2009, 12:37 AM
ابو حسن




صح لسانك
تحياتي
زايد أبن الزقروط
03-10-2009, 12:45 AM
صح بدنك يادايم الطيب

ومشكور على المرور

تحياتي وتقديري
قحـطـان الحـبابـي
07-22-2009, 12:07 AM
صح لسانك
والله لايهينك
الحبابيR
07-23-2009, 03:25 PM
صح لسانك ولاهنت
زخات مطر
05-02-2010, 07:06 PM
صح لسانكـ


لاهنت
الهاجس البطران
10-09-2010, 04:29 AM
صح الله لسانك واعتلى شانك والله لا هانك
تحيات\قايد جيوش الاحبابي