انا اشهد اني فالخوي ماترديت

[الراية]

السلام عليكم ورحمة الله وبركاته

ابيات طريفه وفيها شرهه بيني وبين الاخ والصديق العزيز / مناحي بن محمد السبيعي ارسلي هذه الابيات :


يعني يابوحامد اذا عنك أبطيت = ما للخوي حقن يكلم خويه
شفني على ظنك ولايوم صديت = لمواصلك أسعى ونفسي سويه
اكلمك مره ومرات للبيت = اجيك يامحمد بوقت اضحويه
وادورك مثل الجلوجي عن الزيت = وللوصل يامحمد عزومي قويه
واليوم شفنيلك عتب حب أبديت = واعتدها حملة عتب توعويه
والشك زايل عنك ياوافي الصيت = لانك بعد من فوق ظني شويه


رديت على ابو محمد ولاهيب على نفس القافيه بالضبط لاني شاعر وسط :



ارحب تراحيب الرجال المناعيت = ياصادق الهمه زبون الونيه
شفت الرسالة عقبها ضقت وازريت = لاابدي معاذيري وتشره عليه
انا اشهد اني فالخوي ماترديت = غير الظروف القاسيات العصيه
حسبي عليها تبعد اللي تمنيت = وانا على خبري تعرف القضيه
عجل علينا بالمجي وانت لاجيت = لك الحشيمه والعلوم الوفيه
وان كان في جيتك قمت وتوانيت = ترا الوعد برماح ولا الحويه
ووصل سلامي للظفيري ليا الفيت = عنده وعند شباط قوم الحميه


وسلامتكم جميع ,,,,

أخوكمـ / الراية ,,,,

[سناد]

انا اشهد اني فالخوي ماترديت = غير الظروف القاسيات العصيه

بيض الله وجهك وصح الله لسانك ولسان خويك السبيعي

لابالله ماأنت بشاعر وسط الا شاعر كفو وأبياتك جزله

والآن عرفت اسمك من خلال القصيده مثل ما عرفت اسم الشاعر المسافر

شكرا يا محمد ابن حامد آل حثيث الحبابي القحطاني

[بنت عبيده]

أنشهد أن قصيدتك كفو يانسل الأحرار

[مهدي الغرابي]

صح لسانك مليووون واهم مافي الابيات معناها



وعز الله ان ما اطيب من شرهة الغالي على الغالي



وترا ابياتكم على نفس البحر اللي هو المسحوووب ونفس القافيه



لكن يا ليت نسمع لك على غير ذا البحر اذا ما فيه مشكله




لاهنت يا كحيلان



تحياتي

[دايم الطيب]

ارحب

وصح لسانك وصح لسان السبيعي


ولاهنتوا على جزاله

[حسين الفحوس]

مافقدك خويك وارسلك الا من طيب راسك

صحت السنتكم جميع يابو حامد


:):)

[ابو نايف الحبابي]

أبيات جميله ورائعه للغايه صراحه متميزه

وننتظر المزيد من الشعار عسى الله يوفقهم ..........

[الراية]

الله يعلم انكم شرفتوني بمروركم جميع

[نجم الأمارات]

اسجل اعجابي

صح اللسانك وللسان السبيعي وشكر"

[الهاجس البطران]

صح لسانك يا بو حامد ولسان السبيعي عز الله انكم ابدعتوا

والحذر ثم الحذر يا الربع من سناد تروه بيكشف كل الاوراق لكن اصبروا عليه شوي ههههه

تحيات\قايد جيوش الاحباب

[قحـطـان الحـبابـي]

صح لسانك ولسان السبيعي

:)

[سناد]

صح لسانك يا بو حامد ولسان السبيعي عز الله انكم ابدعتوا

والحذر ثم الحذر يا الربع من سناد تروه بيكشف كل الاوراق لكن اصبروا عليه شوي ههههه

تحيات\قايد جيوش الاحباب

هههههههههههههه

أنا ما أكشف الأوراق الا اذا أراد صاحب الاسم كشف اسمه مثلي ومثلك يابومهدي ومثل ابوحامد

وصدقني اني لو عرفت أحد في المنتدى والله ما أكشف اسمه لأن هذا يعتبر تعدي على خصوصيات الغير

لكن بالنسبه لي ولك ولبو حامد فراحت علينا هههههههههههههه



أنت خابر "الباشاميل"هههههههههههههه

[هادي بن دوكر]

أبيات جميله ورائعه للغايه صراحه متميزه

وننتظر المزيد من الشعار محمد ابن حامد

وانت ابيض وجه وبيوتك وافيه ومثل هذي ماعيها عزر

واتحفتونا بالموضوع والمعنى

وتقبل مرور ابن دوكر

ولك اجمل تحيه

[ابن الاجواد]

يا ابو حامد عز الله انكـ شاعر كبير مثل ما قال سناد


على العموم صح لسانكـ و لسان خويكـ السبيعي

[الراية]

بارك الله فيكم ولاهنتو على الردود الرائعه