حفيد المجد محمد بن هتفر

[سعيد ابوديه]

هتفر سليل امجاد والمجد التليد =نوخ على روس الجبال النايده
من عهد رقعه راعي الفعل الوكيد=الي فعوله عالبسيطه سايده
واليوم ياتاريخ في العهد الجديد=سجل هنا مجدٍ محمد رايده
ياليت رقعه شاف وقفات الحفيد=الي وقف ولا نسا عوايده
الله عطاه الحلم والعقل الرشيد=في حكمته وقت الشدايد فايده
وشبره ليا عدو هل الطاله يزيده=وفعاله الفذه عليهم زايده
كريم سبلا لو ملك مال الوليد=لعيون عطرين الشوارب بايده
مثل الجمل يطوي بعزمه كل بيد=وليا برك شل الحمول الكايده
سيف الحباب الحد في اليوم الشديد=من ينتخيبه يبشر بسنايده
يابعد هقواته ونظرته بعيد=وفي ذمتي ما تنحصى مدايده
افعال ابو خالد عسى عمره مديد= يفخربها التاريخ في شهايده
راعي شداد ومجده عذب القصيد= مثل البحر ما تنحصى فرايده
الشاعر اللي نظم العقد الفريد=وتلقا شموخ الشعر في قصايده
ونا قصيدي لا يشح ولا يبيد=والله يجملني على سدايده
شاعر وامثل قوم والطارف سديد=وكلٍ تشرف في فعل بدايده
ربعي سنام المجد والماضي يشيد=بالفعل ولتاريخ له بنايده
سنحان سيفٍ الحد والمجد المجيد=والمجد فعل جدودنا وكايده
وخالي حجاب المشرق وماله نديد=يوم الحدود محدده ومحياده
فعل الحباب يثبته بيتٍ فريد=بيت على معنى بدون مزايده
قال الصبي زبران والمعنى شهيد= قول على فعلٍ ماهو بمكايده
ون عدو اهل الفعل والمجد التليد=مجد ابن هتفر في الجبال النايده

[سناد]

يستاهل ابن هتفر المدح وأنت ونعم ياوجه سنحان ومعرب مابين جد وخال

[الهاجس البطران]

صح لسانك يا ابوديه عدد ما قاد الجيوش قحطاني

ويستاهل ابن هتفر المدح وانت ترفع لك البيضا بروس النوايف ونعم ما توفيك حقك يا طويق الجنوب

لاهنت لاهنت وننتظر منك المزيد لان قراح الماء ما حدن يعافه

تحيات\قايد جيوش الاحباب

[حسين الفحوس]

ارحب يابو عبدالهادي

وصح السانك واعتلا شانك قصيده جزل وطيب وفي من يستاهله


بأنتظار المزيد


تقبل مروري

[هادي بن دوكر]

ابو عبد الهادي بيض الله وجهك

على ها لدرر النادره الي ليست بغريبه منك

وابن هتفر يستاهل المدح وربعه

وانت وافي من وافين وتقبل مروري

ولك اجمل تحيه وتقدير من اخوك الصغير

[الراية]

صح لسااانك يابوديه

[نااايف]

ابو خالد يستاهل

ولاله عايب ابوه حمد

وخاله جراب

وصح لسانك يابوديه

[قحـطـان الحـبابـي]

صح لسانك يابو عبدالهادي