(( فتنــه لميـــس ))

[حسينـ الفحوسـ]

السلام عليكم ورحمه الله وبركاته

اقامت احدى المنتديات مسابقه شعريه على عديد من الشعراء الذين يرغبون بالدخول بالمسابقه

وطريقه المسابقه ان كل شاعر يدخل بقصيده واحده

والمسابقه مسماها (( شيخه القصيد ))

وقد حاز الشاعر سعيد ابو ديه بقصيدته (( الطريق الى الجنه )) على المركز الاول فألف مبروك يا ابو عبدالهادي

وسأقوم بنقل قصيده الشاعر سعيد ابو ديه الى منتدى بوح القوافي

وقد حاز الشاعر مضواح بن شتوي الحبابي بقصيدته (( فتنه لميس )) على المركز الثالث فألف مبروك يا ابو نايف

واترككم مع رائعه مضواح بن شتوي الحبابي بقصيدته (( فتنه لميس ))

[حسينـ الفحوسـ]

(( فتنة لميس))






ياكثركـم كثـراه يـامـال النـفـود=ياهل القصايد والمدايح فـي لميـس
رحتوا ضحايـا للشفايـف والخـدود=اللي عليها من دقيـق الفـن كيـس
القدس محتله تحـت حكـم اليهـود=مستيسره في حكم طاغـوت نجيـس
وبغداد في حكـم الثعالـب والقـرود=لا شعب لادولـه ولا حتـى رئييـس
رسولنـا سبّـوه والعالـم شـهـود=وتاريخنا يرفس به الطاغـي رفيـس
عدونـا مـن خلفنـا يبغـي يسـود=له خطة واهداف يضرسها ضريـس
اسلامنا كـل العـداء ضـده تكـود=من اكبر الحاخام لين اصغـر لويـس
اطفالنـا تقتـل علـى يـد الحقـود=وابطالنا راحـوا ضحايـا خندريـس
واسلاحنـا ماغيـر نرجـم بالحيـود=واطلق شنب فينا معه بندق رويـس
شح المطـر لانـو لابـرق ورعـود=والارض مثل النار تلهب في يبيـس
وحنا نغني فـي لميـس ام الجعـود=والوضع عادي للجليـس وللونيـس
ياحيف ويش اللي حصل ياهل العهود؟=يا احفاد من يحمى ليا حمي الوطيس
اللي على الاسـلام والسنـه تـذود=اللي تدوس الشرك واصنامه دويـس
امجادكم في نقـص واعداكـم تـزود=غرتكـم الدنيـا ويغريكـم بلـيـس
نسمع قصيـد جعـل يومـه مايعـود=والهرج له مقياس وين اللي يقيـس؟
لصار مال الهرج فـي معنـاه فـوداحسن تسد ااذنك ودور لـك جليـس
الهرش يبقى هرش والحاشي قعـود=والحر يبقى حر ولا الهيـس هيـس
ياللي تناسيتو مـن الـرب الـودود=تعوذوا من نزغة ابليـس الخسيـس
وجيهكم من كثـر ماتعصـاه سـود=واللي غفل عن طاعة المولى تعيـس
توبوا عن الزلات واصحـوا يارقـود=وتمعّنوا في حالـة الحـال البئيـس
المشكله صار العـدم مثـل الوجـود=وانتوا هل التوحيـد معدنكـم نفيـس
ياهل الشهامـه ياعريبيـن الجـدود=لاتندبون الوقـت والحـظ النحيـس
اظــن مايحـتـاج للسـائـل ردود=الرد والمعنى علـى جبهـة لميـس


مضواح بن شتوي


اخوي مضواح الله لا يخلينا من اللي مثلك وشرواك

صح لسانك يا غالي

وبيض الله وجهك

تحياتي

[أبو سلطانـ القحطاني]

ارحب ارحب


الشاعر مضواح الحبابي ممـيز وجزلـ


لاهنت يبو سعيد


تقديري

[حسينـ الفحوسـ]

قايل ما يهون اشكرك على المرور يا خيال

عشت

[دندون المحمدي]

بيض الله وجهك ووجهه مضواح


بس هالشاعر نسمع عنه وما نشوفه بوسائل الاعلام ؟ حتى وجهه ما نعرفه وارباع الشعار من القبائل الثانيه من اول قصيده وهو ع tv ؟

لاهنت ع الجهد

[عبدالهادي بن مسفر الحبابي]

قصيدة جزله من رجالاً جزل


لاهنت اخوووي ع نقل القصيدة


وصح لسان قايلها وناقلها


نقبل مروري






تحياتي

[أميرة الورد]

صح لسان الشاعر
قصيده جزله من شاعر مبدع

سلمت يمناك حسين على النقل

تقبل مروري

[حسينـ الفحوسـ]

مروركم شرف

ويستاهل ابن شتوي هذا الاطراء

لكم ودي

[زايد أبن الزقروط]

صح لسان الشاعر

ويعطيك العافيه يابو سعيد على هذا النقل وبيض الله وجهك اوجهه

تقبل مروري

[عبود الغربي]

قصيدة طيبة و جزلة و في محلها فهي على متبلدي الأحاسيس مثل الرماد الحار على وجوههم و للعاقل المغرور مثل قرصة له حتى يترك لميس الله يهديها و جميع الفنانات إلى صراط الله المستقيم آآآمين .

[المطنوخ]

لاهنت يا حسين وابن شتوي شاعر كبير وجزل

بيض الله وجهك ووجهه ولكم تحياتي

[حسينـ الفحوسـ]

يستاهلـ مضواحـ

لاهنتوا ع المرور

تحياتي

[فرحان العتيبي]

بيض الله وجهك ::: تقبل تحياتي وتقديري

[حبابي وافتخر]

والله انه صادق صح لسانه

[حسينـ الفحوسـ]

لاهنتوا على المرور

تحياتي

[دايم الطيب]

مبروك للشاعرين



وصح لسان مضواح



لا هنت أبو سعيد






تحياتي

[قحـطـان الحـبابـي]

صح لسان الشاعر

ولاهنت على النقل

[الهنتر]

لاهنت ابيض وجهه