أبو سلطانـ القحطاني
01-30-2009, 11:06 PM
شاعر الابحار مع قصائده لامرسئ له
أعزائي رواد الشعر .. اخترت لكم في مساهمتي هذه مجموعة من أبيات الشاعرالاماراتي المعروف محمد بن مسعود الاحبابي ( بن طرقه )
دعوني في البدايه أعرفكم بالشاعر ..هو / محمد بن مسعود بن هادي بن جبران بن عامر بن حامد بن شنان بن سويلم بن شامر بن محمد بن هويج الأحبابي.
له عدة دواوين منها ديوان وسميات ورباعيات المسعود يشغل منصب مدير العلاقات العامة في مجلة الصدي + مجلة جواهر لـدار الصدى دبي الامارات العربيه المتحده.
يتصف شعرهـ بالحداثه ودمج بعض مفردات اللغة العربيه الفصحى للشعر الشعبي والنبطي وهي محاوله جيده للإرتقاء بمستوى الشعر الشعبي ( الحداثه )
إلى شعرهـ
قصيدة مهداة لصاحب السمو الشيخ محمد بن راشد ..
http://www.qahtan.net/up/uploads/a44092b6ee.jpg
لو يَجْمعون النَّاس جَمْعَ=وْيِضْرَبْ عددهم في ثلاثين
ما عادلوا للشيخ صِبْعَا=ولا شَعْرِةٍ من حاجِبْ العين
لِلْعُرْب والإسلام دِرْعَا=حصنٍ حصينٍ مِ المعادين
يرْفَعْ قِيَمْ الانسان رَفْعَا=بالعِلْم والأخلاق والدين
سَوَّاهْ رَب العَرْش نَفْعا=غيثٍ ويحيي به ملايين
دؤوب للإصلاح يسعى=ما يعْرف الراحات واللِّيْن
به يقتدون الناس طَبْعَا=أعْداءْ وِحْسود وْمحبّين
يِشْلَعْ جذور الظلم شَلْعَا=بالقِسْط يحكم والميازين
مَاخِذْ من المرحوم طبْعَا=ومن كان (زايد) خاله يْزين
قصيدة مهداة إلى سمو الشيخ حمدان بن محمد بن راشد آل مكتوم ..
http://www.qahtan.net/up/uploads/8b6b47a13f.jpg
أعلى المناصب ترتِفِعْ لك=ما عمْرَها كانت معاليك
رفيع متعلّي محَلّك=يسقط عقال اللى نظَرْ فيك
سقف السما السابع يِظلّك=فَجِّعْ وْبَتْشوفه مغَطّيك
من هيبتك ينهاب ظلّك=يهوش وِيْزَبِّنْ من يْجيك
مدحت بعضك هوب كلّك=جزءٍ تجزّأ من معانيك
عسى المنايا ما تدلّك=تخطاك وِتْفَاجي معادي
وقال ايضا
أهوى مخاواة القروم الرجاجيل=وافضـّل الفطن الأديب السنافي
أعشق صدى صوت النـّجر والمعاميل=لي عاد في شرفٍ شمالي عوافي
تاتي بضيفان الفلا صهلة الخيل=أو نار سمرٍ من بعيدٍ تشافي
أرى دلال البن لي مابها هيل=مثل القصيد اللي بليـّا قوافي
أحلى من السـّجع الشجي والمواويل=حنين حاشي يتبع الذّود لافي
واجمل من القنديل في حندس الليل=خدٍّ أسيلٍ زيل عنه اللحافي
همس الأوانس لابسات الخلاخيل=أرق من شِعر السرّي والرّصافي
.........
عوافي منطقة سياحيه تابعه لامارة راس الخيمه
السري والرصافي شعراء معروفين فالتاريخ
وله في الغزل
شفتها تقرا رياض الصالحين=وانزعت من قلبي الصالح صلاحه
حدّثتني عن حقوق الآخرين=واحرمتني من حقوقٍ لي متاحه
وحكتْ لي عن وفاء الأوّلين=وسَبت سلوان صدري وانشراحه
تاسر ألباب الملا بالحاظ عين=في حجرها جيش جرّار وسلاحه
يوم غطـّى شعرها شمس الجبين=شفت فيها ظلمة الكون وصباحه
أصلها كالناس من مايٍ وطين=بس ماها من ينابيع الملاحه
وله هذه الابيات الغزليه والتي اختصرها في وصف احدى مواطن الجمال لدى الفتاه وهي الخدود( اوجناته) وحبة الخال الذي شبهها بالعبد الزنجي...
على اوجناته عبْد زنجي=يالس ينسـّق ورْد لخدود
ايحرس بستانه ويسجي=بمصقـّلٍ من دونه ايذود
خادم عرب مطواع فنجي=في عْمان له حيـّان وجدود
في خدمة العم الغرنجي=بالجِد يبذل كل مجْهود
يختال كالظاهر البرجي=أسوَد يحكم البيض والسود
ليته حجر واجيه حجـّي=آقبـّله واشم له عود
ولهـ ايضا..
قلنا لهم مخدومكم كل=ما تسمعونه يطرق على الباب
قالوا حشا كلاّ وألف كل=والفين فوق الألف كذّاب
بالنازعات وسورة النـّمل=بالعنكبوت أقسم والاحزاب
قالوا سمعنا يستوي قل=والاّ لهونا عنْك قرّاب
يا سامع الناعس على الطل=أمرِك عجيب وسمعِك اعجاب
أزقرك من زعبيل لاوّل=تسمع وتتوايب مِ لهْباب
......
ازقرك بمعنى اناديك
زعبيل ولهباب مناطق في دبي
وحرف الميم (م) يأتي في لهجة اهل الامارات بمعني مـِـن
وقال ايضا
قايسَت في خصرها عقدٍ فريد=وابتهت راعي الذهب منها وشاب
جيدها شروى الخصر .. والخصر جيد=قد تساون في مقاسات الحساب
عرّضت تختال بالثوب الجديد=كنـّها تاطي على روس الحراب
أو كمن يخطو على سطح الجليد=أو كمن يسعى بربـّاض التراب
هنـّت الأطفال بالعيد السـّعيد=واحرقت بعيونها قلب الشباب
عند اهلها حبـّها حبٍ شديد=وعندي أغلى من تخضـّب بالخضاب
...............
شروى يعني مثل
رباض التراب .. رباض تعني المنطقة الرمليه التي يصعب المشي فيها ويخشى السائر فيها من الوقوع
وله هذه الابيات الرائعه التي تبرز قدرة الشاعر في التطرق الى افكار جديده باسلوب ممتع ومتمكن..
كنّ بمحاجر عينك جنون=والاّ بها سحرٍ من عمان
أحتاج لك يا نور العيون=حاجة عرب الاردن لعمـّان
مهم كالنقطه على النون=لي جت على كلمة السودان
لك شان كالأرزه يا مزيون=عند الدّروز بعلم لبنان
ما بنفصل عنـّك يا مضنون=لو تنفصل فارس عن ايران
سرّي وسرّك في بطن نون=في منخفض خندق اليابان
وإليكم مجموعة من قصائده الرائعه...
من جبينه ينْهَضْ الفَجْرِ=باكِرٍ وِيْوَقِّظْ النورِ
كَنّ وَجْنَاته رُبَى زَهْرِ=من جنوب (الساحل السوري)
عقرب الصدغين مِتْذَرِّي=بين جِلْنَارْ وْ وَرِدْ جُوْري
حِرْت من رمّانة الصَّدْرِي=أثْمَرَت في غِصِنْ كافوري
والعَجَبْ من خَمْرَةْ الثَّغْرِ=عُصِرَتْ في (العصر الاشوري)
عاصَرَتْ (دوس) وْ (بني بَكْرِ)=واسكرتني تِسْعَةْ شْهورِ
خَذْ هايَة الخَيْل البديعه=اللى مرابِطْها من (سْبيع)
وْله عين مدعوجه وسيعه=تخَشِّع فْوادي تخَشِّيْع
ريجه شرى ماي (الرفيعه)=والَذّ من مايَة (مريفيع)
والَذ من ماي (الوِريعه)=اللى تِفَجَّر من ينابيع
من لِيْن عُوده ما يطيعه=تلعَب به أرياح المرابيع
ألْدَن مِ الاغصان الرفيعه=لى في بساتين الزراريع
أو مِثل موزٍ عَ (الشريعه)=أو في غِتَلْ (سور المزاريع
العنق والخصر والرصغين=متساوياتٍ بالِقْياسِ
والصدر بارز بروزٍ زين=بروز صامل من الناسِ
فزرا قطاته تقول اثنين=إن سار وإِن رَد مَيَّاسِ
ما هوب قولٍ بشوف العين=ذِرْعانه أدماهن اللاسِ
كَن شِفّتينه يَمِرْ ممسين=ينفخ عليهن بالانفاسِ
ما له شبْيهٍ سوى شَيْئين=صوْرَتْه وِقْيَاسْ الالباسِ
يا بو حَمَدْ ـ إهداء إلى الأخ الفنان ميحد حمد
من كل لونٍ به اثنانِ=يتلاءْ مَن يا (بو حمد) فيه
إن سَلْتني عن الاخضرانِ=في راحته واحد وفي فِيْه
في الاوّله حِنّا (عمانِ)=والتالي النّعْنَع مْحَلّيه
وان سَلْتني عن الاحمرانِ=في شِفّته وايضاً بخَدّي
وان سَلْتني عن الابيضانِ=في مَنْحره وبْساعد يْديه
وان سَلْتني عن الاسودانِ=لون اليديل وْهَدبْ عينيه
وان سَلْتني عن الاصفرانِ=مِرِّيّته وِشْغَابَة اذنيه
سِيْد الجميلات الحسانِ=يا (بو حمد) عَذَّبْ محبّيه
وله أبيات تتسم بطابع الفكاهه والطرافه المطلوبه
نذكر منها..
حبه ربط بالي بعصفور=إن جيت بهدأ صفق و طار
على سريري حط ناطور=إن قلت برقد دق لي طار
قام مني يسرق النود وينود=خذ وسن عيني و حط الإنتباه
أتركه و اشتاق للجرعه واعود=أدمنت روحي على حقنة غلاه
شفت نحله فوق وردة وجنتيك=تبذل المجهود في جمع الجنى
تتخذ بيت لها من شفتيك=يأمن القناص من يسكن منى
منـ ق ـــول
:)
أعزائي رواد الشعر .. اخترت لكم في مساهمتي هذه مجموعة من أبيات الشاعرالاماراتي المعروف محمد بن مسعود الاحبابي ( بن طرقه )
دعوني في البدايه أعرفكم بالشاعر ..هو / محمد بن مسعود بن هادي بن جبران بن عامر بن حامد بن شنان بن سويلم بن شامر بن محمد بن هويج الأحبابي.
له عدة دواوين منها ديوان وسميات ورباعيات المسعود يشغل منصب مدير العلاقات العامة في مجلة الصدي + مجلة جواهر لـدار الصدى دبي الامارات العربيه المتحده.
يتصف شعرهـ بالحداثه ودمج بعض مفردات اللغة العربيه الفصحى للشعر الشعبي والنبطي وهي محاوله جيده للإرتقاء بمستوى الشعر الشعبي ( الحداثه )
إلى شعرهـ
قصيدة مهداة لصاحب السمو الشيخ محمد بن راشد ..
http://www.qahtan.net/up/uploads/a44092b6ee.jpg
لو يَجْمعون النَّاس جَمْعَ=وْيِضْرَبْ عددهم في ثلاثين
ما عادلوا للشيخ صِبْعَا=ولا شَعْرِةٍ من حاجِبْ العين
لِلْعُرْب والإسلام دِرْعَا=حصنٍ حصينٍ مِ المعادين
يرْفَعْ قِيَمْ الانسان رَفْعَا=بالعِلْم والأخلاق والدين
سَوَّاهْ رَب العَرْش نَفْعا=غيثٍ ويحيي به ملايين
دؤوب للإصلاح يسعى=ما يعْرف الراحات واللِّيْن
به يقتدون الناس طَبْعَا=أعْداءْ وِحْسود وْمحبّين
يِشْلَعْ جذور الظلم شَلْعَا=بالقِسْط يحكم والميازين
مَاخِذْ من المرحوم طبْعَا=ومن كان (زايد) خاله يْزين
قصيدة مهداة إلى سمو الشيخ حمدان بن محمد بن راشد آل مكتوم ..
http://www.qahtan.net/up/uploads/8b6b47a13f.jpg
أعلى المناصب ترتِفِعْ لك=ما عمْرَها كانت معاليك
رفيع متعلّي محَلّك=يسقط عقال اللى نظَرْ فيك
سقف السما السابع يِظلّك=فَجِّعْ وْبَتْشوفه مغَطّيك
من هيبتك ينهاب ظلّك=يهوش وِيْزَبِّنْ من يْجيك
مدحت بعضك هوب كلّك=جزءٍ تجزّأ من معانيك
عسى المنايا ما تدلّك=تخطاك وِتْفَاجي معادي
وقال ايضا
أهوى مخاواة القروم الرجاجيل=وافضـّل الفطن الأديب السنافي
أعشق صدى صوت النـّجر والمعاميل=لي عاد في شرفٍ شمالي عوافي
تاتي بضيفان الفلا صهلة الخيل=أو نار سمرٍ من بعيدٍ تشافي
أرى دلال البن لي مابها هيل=مثل القصيد اللي بليـّا قوافي
أحلى من السـّجع الشجي والمواويل=حنين حاشي يتبع الذّود لافي
واجمل من القنديل في حندس الليل=خدٍّ أسيلٍ زيل عنه اللحافي
همس الأوانس لابسات الخلاخيل=أرق من شِعر السرّي والرّصافي
.........
عوافي منطقة سياحيه تابعه لامارة راس الخيمه
السري والرصافي شعراء معروفين فالتاريخ
وله في الغزل
شفتها تقرا رياض الصالحين=وانزعت من قلبي الصالح صلاحه
حدّثتني عن حقوق الآخرين=واحرمتني من حقوقٍ لي متاحه
وحكتْ لي عن وفاء الأوّلين=وسَبت سلوان صدري وانشراحه
تاسر ألباب الملا بالحاظ عين=في حجرها جيش جرّار وسلاحه
يوم غطـّى شعرها شمس الجبين=شفت فيها ظلمة الكون وصباحه
أصلها كالناس من مايٍ وطين=بس ماها من ينابيع الملاحه
وله هذه الابيات الغزليه والتي اختصرها في وصف احدى مواطن الجمال لدى الفتاه وهي الخدود( اوجناته) وحبة الخال الذي شبهها بالعبد الزنجي...
على اوجناته عبْد زنجي=يالس ينسـّق ورْد لخدود
ايحرس بستانه ويسجي=بمصقـّلٍ من دونه ايذود
خادم عرب مطواع فنجي=في عْمان له حيـّان وجدود
في خدمة العم الغرنجي=بالجِد يبذل كل مجْهود
يختال كالظاهر البرجي=أسوَد يحكم البيض والسود
ليته حجر واجيه حجـّي=آقبـّله واشم له عود
ولهـ ايضا..
قلنا لهم مخدومكم كل=ما تسمعونه يطرق على الباب
قالوا حشا كلاّ وألف كل=والفين فوق الألف كذّاب
بالنازعات وسورة النـّمل=بالعنكبوت أقسم والاحزاب
قالوا سمعنا يستوي قل=والاّ لهونا عنْك قرّاب
يا سامع الناعس على الطل=أمرِك عجيب وسمعِك اعجاب
أزقرك من زعبيل لاوّل=تسمع وتتوايب مِ لهْباب
......
ازقرك بمعنى اناديك
زعبيل ولهباب مناطق في دبي
وحرف الميم (م) يأتي في لهجة اهل الامارات بمعني مـِـن
وقال ايضا
قايسَت في خصرها عقدٍ فريد=وابتهت راعي الذهب منها وشاب
جيدها شروى الخصر .. والخصر جيد=قد تساون في مقاسات الحساب
عرّضت تختال بالثوب الجديد=كنـّها تاطي على روس الحراب
أو كمن يخطو على سطح الجليد=أو كمن يسعى بربـّاض التراب
هنـّت الأطفال بالعيد السـّعيد=واحرقت بعيونها قلب الشباب
عند اهلها حبـّها حبٍ شديد=وعندي أغلى من تخضـّب بالخضاب
...............
شروى يعني مثل
رباض التراب .. رباض تعني المنطقة الرمليه التي يصعب المشي فيها ويخشى السائر فيها من الوقوع
وله هذه الابيات الرائعه التي تبرز قدرة الشاعر في التطرق الى افكار جديده باسلوب ممتع ومتمكن..
كنّ بمحاجر عينك جنون=والاّ بها سحرٍ من عمان
أحتاج لك يا نور العيون=حاجة عرب الاردن لعمـّان
مهم كالنقطه على النون=لي جت على كلمة السودان
لك شان كالأرزه يا مزيون=عند الدّروز بعلم لبنان
ما بنفصل عنـّك يا مضنون=لو تنفصل فارس عن ايران
سرّي وسرّك في بطن نون=في منخفض خندق اليابان
وإليكم مجموعة من قصائده الرائعه...
من جبينه ينْهَضْ الفَجْرِ=باكِرٍ وِيْوَقِّظْ النورِ
كَنّ وَجْنَاته رُبَى زَهْرِ=من جنوب (الساحل السوري)
عقرب الصدغين مِتْذَرِّي=بين جِلْنَارْ وْ وَرِدْ جُوْري
حِرْت من رمّانة الصَّدْرِي=أثْمَرَت في غِصِنْ كافوري
والعَجَبْ من خَمْرَةْ الثَّغْرِ=عُصِرَتْ في (العصر الاشوري)
عاصَرَتْ (دوس) وْ (بني بَكْرِ)=واسكرتني تِسْعَةْ شْهورِ
خَذْ هايَة الخَيْل البديعه=اللى مرابِطْها من (سْبيع)
وْله عين مدعوجه وسيعه=تخَشِّع فْوادي تخَشِّيْع
ريجه شرى ماي (الرفيعه)=والَذّ من مايَة (مريفيع)
والَذ من ماي (الوِريعه)=اللى تِفَجَّر من ينابيع
من لِيْن عُوده ما يطيعه=تلعَب به أرياح المرابيع
ألْدَن مِ الاغصان الرفيعه=لى في بساتين الزراريع
أو مِثل موزٍ عَ (الشريعه)=أو في غِتَلْ (سور المزاريع
العنق والخصر والرصغين=متساوياتٍ بالِقْياسِ
والصدر بارز بروزٍ زين=بروز صامل من الناسِ
فزرا قطاته تقول اثنين=إن سار وإِن رَد مَيَّاسِ
ما هوب قولٍ بشوف العين=ذِرْعانه أدماهن اللاسِ
كَن شِفّتينه يَمِرْ ممسين=ينفخ عليهن بالانفاسِ
ما له شبْيهٍ سوى شَيْئين=صوْرَتْه وِقْيَاسْ الالباسِ
يا بو حَمَدْ ـ إهداء إلى الأخ الفنان ميحد حمد
من كل لونٍ به اثنانِ=يتلاءْ مَن يا (بو حمد) فيه
إن سَلْتني عن الاخضرانِ=في راحته واحد وفي فِيْه
في الاوّله حِنّا (عمانِ)=والتالي النّعْنَع مْحَلّيه
وان سَلْتني عن الاحمرانِ=في شِفّته وايضاً بخَدّي
وان سَلْتني عن الابيضانِ=في مَنْحره وبْساعد يْديه
وان سَلْتني عن الاسودانِ=لون اليديل وْهَدبْ عينيه
وان سَلْتني عن الاصفرانِ=مِرِّيّته وِشْغَابَة اذنيه
سِيْد الجميلات الحسانِ=يا (بو حمد) عَذَّبْ محبّيه
وله أبيات تتسم بطابع الفكاهه والطرافه المطلوبه
نذكر منها..
حبه ربط بالي بعصفور=إن جيت بهدأ صفق و طار
على سريري حط ناطور=إن قلت برقد دق لي طار
قام مني يسرق النود وينود=خذ وسن عيني و حط الإنتباه
أتركه و اشتاق للجرعه واعود=أدمنت روحي على حقنة غلاه
شفت نحله فوق وردة وجنتيك=تبذل المجهود في جمع الجنى
تتخذ بيت لها من شفتيك=يأمن القناص من يسكن منى
منـ ق ـــول
:)