زايد أبن الزقروط
02-03-2009, 05:56 AM
السلام عليكم ورحمة الله وبركاته
وبعد
هذي قصه وقصيده
قصتهاحصلتلي بينما كنت متخاوي أنا ورجاجيل من قبيلة معروفه ليست من قبايل قحطان
وأعتذر عن ذكرها لاسباب خاصه
المهم كنا نمزح مع بعض طول النهار ويام جا الليل قال واحد منهم
القحطاني لايمسي حولي ترو علي خطر منه
وأعتقد
أنه كان يمزح ولكن كلمته حزة بصدري
خليته لين أصبحنا وصبحته بهذي
القصيده
يامقدم الشكوى على غيربرهان=وش حجتك يوم أتبلا علينا
دعواك هذي مالها أي حسبان=غلطان ياللي صابك الشك فينا
ترا الخوي له عندنا حق وأركان=مثل الصلاة اللي على المسلمينا
يبشربنا في لازمه لابدا الشان=حنا معه في اللي يبي جاهزينا
له منزل عالي وتقدير واحسان=وأرواحنا تفداه في كل حينا
حنا ذبحنا خالنا ياكحيلان=كله علشان الخوي يافطينا
وأنته اتقول أن الخطر مننا بان=أثبت كلامك بالدليل اليقينا
وأبشر بحقك وافي دون نقصان=أليا حصل منا الخطا أو عدينا
والا فلا تبني كلامك أبهتان=وأحفظ حقوق مخوة الطيبينا
تم الكلام اللي كتبته بديوان=والعلم واضح مايبي مفسرينا
وبعد ماسمعها تعذر الرجال وأستفزع بواحد من ربعه علشان
يرد علي
رفيقه رد بهذي الأبيات وقال أدخل
على الله أنك ماعاد ترد علي
قال
خط قريته حسبي الله على فلان=عقبه كرهت المزح والمازحينا
يابوحسن لاتجعل المزح نيشان=تستهدف الصاحين والمجرمينا
حنا ثقتنا وافيه يابن قحطان=نمزح ومن مزح الخوي مااشتكينا
أنوسع الخاطر معك يابليهان=ونداعبك حيثك من الفاهمينا
ماندري أن المزح يقفاه قيفان=وتشره على هذاك وعلينا
وسلامتكم
وبعد
هذي قصه وقصيده
قصتهاحصلتلي بينما كنت متخاوي أنا ورجاجيل من قبيلة معروفه ليست من قبايل قحطان
وأعتذر عن ذكرها لاسباب خاصه
المهم كنا نمزح مع بعض طول النهار ويام جا الليل قال واحد منهم
القحطاني لايمسي حولي ترو علي خطر منه
وأعتقد
أنه كان يمزح ولكن كلمته حزة بصدري
خليته لين أصبحنا وصبحته بهذي
القصيده
يامقدم الشكوى على غيربرهان=وش حجتك يوم أتبلا علينا
دعواك هذي مالها أي حسبان=غلطان ياللي صابك الشك فينا
ترا الخوي له عندنا حق وأركان=مثل الصلاة اللي على المسلمينا
يبشربنا في لازمه لابدا الشان=حنا معه في اللي يبي جاهزينا
له منزل عالي وتقدير واحسان=وأرواحنا تفداه في كل حينا
حنا ذبحنا خالنا ياكحيلان=كله علشان الخوي يافطينا
وأنته اتقول أن الخطر مننا بان=أثبت كلامك بالدليل اليقينا
وأبشر بحقك وافي دون نقصان=أليا حصل منا الخطا أو عدينا
والا فلا تبني كلامك أبهتان=وأحفظ حقوق مخوة الطيبينا
تم الكلام اللي كتبته بديوان=والعلم واضح مايبي مفسرينا
وبعد ماسمعها تعذر الرجال وأستفزع بواحد من ربعه علشان
يرد علي
رفيقه رد بهذي الأبيات وقال أدخل
على الله أنك ماعاد ترد علي
قال
خط قريته حسبي الله على فلان=عقبه كرهت المزح والمازحينا
يابوحسن لاتجعل المزح نيشان=تستهدف الصاحين والمجرمينا
حنا ثقتنا وافيه يابن قحطان=نمزح ومن مزح الخوي مااشتكينا
أنوسع الخاطر معك يابليهان=ونداعبك حيثك من الفاهمينا
ماندري أن المزح يقفاه قيفان=وتشره على هذاك وعلينا
وسلامتكم