اللي يبي يشيش راسه يدخل

[حسينـ الفحوسـ]

هذه القصيدة هي للشاعرة الإماراتية المعروفة أنغام الخلود إبنة شيخ قبيلة الظواهر.. وهي قبيلة معروفة في الإمارات وهذه القصيدة مهداه لأبناء قبيلة الحباب عامة ً ولسمو الشيخة فاطمة بنت سحمي الحبابي حرم صاحب السمو الشيخ خليفة بن محمد آل نهيان بشكل خاص.


إن كان عذروبي مصــــــــافات لحــباب=يا الله عسى بيض النواصي عذاريب
إلي حستـوهم مـــــودتـيـــه أعــــــــراب=فيــــهــم عـدودٍ تقري الطير والذيـب
سقم العدى لـــي غــزر الرمــــح والناب=وسلومــهـم مـجـد ورفـعـه وتـهـذيـب
أهل الجماله والشكاله بالأوجــــــــــــاب=الغانـمـيـن الـــوافــيـيـن المـعـاريـــب
عندي غلاهم ماله حــدود وأنـــصــــاب=ودٍ له صنوف التــصافي جــلابــيــب
ودي بميثاق المــيامـيـــن لـــي طـــــاب=والطيب يسترسل على جاري الطيـب
واخص منهـم نايـفـــــــة تلــع لرقــــاب=الصـايبــه تـاج الريــوم الـــرعابـيــب
ماهوب من عد الحسن طوق ٍ و( كاب )=إلارنـــــوقــه في الكواعب تـعـاجـيب
شخصـيـتــة مخـــشورة ٍ بستـــر وآداب=لي فيه قدوه وأقتدي به علـى الـطيـب
نزه ٍ عـــن العـاثــر تــعــلا بــمــرقــاب=رس ٍ رسيس من العــدود المـهـاذيـب
معجب بمن يستاهـــل الـــود بعجـــــاب=وطاريه عنـدي مثـل مسك المثـاريـب
ثــقـيـــل روزه ماتــصـــوّخ لـــنـبــــاب=رايه صريـح وبـيـن جـلاسـه امـهـيب
ماهـــزفـــه مــن شـل قـول ٍ ومن جـاب=وإن شار يتـــقدى على شور ٍ امصيب
اسمــــه تكـــون خمسة حروف بكتـــاب=همطاف فسر ٍ للــرمــوز المـــجالـيـب
بالله يامــــــن تــوصلــونه لي أطــــلاب=ردّوا السلام لناجي العرض والجيــب
سلام أزكى من دهـن عـــود ٍ لطيّـــــاب=وبذوقه أحلا من غبوق الحنازيــــــب
ويالله عســـى يــــود ٍ تلـيـا بـسـحـّــــاب=مركون من غيثٍ يريق السحاحيـــــب
تتعاقــد ابــروقـــه من الغرب بحجـــاب=يتراكت اسبوعين شِـرْعه مناصيــــب
يسقــي وطنهم من همي الغيث سكـــاب=يبطي وتعشب به سفوح وعراقيــــب
يسقي وطـــن مـــن للمروات كســـــاب=محكام له حكمه وراي وتجاريـــــــب
هـــذا ووده لاتـــبـــــدل ولاغــــــــــاب=واشواق ودي له طروش ومناديـــــب
لــــوهـو بعيـد عـندي اقرب م الاقـراب=وقدني على الموافاه لين أمشط الشـيب
وأنا أشهد اني في هــل الستــر معـجاب=حـتـّـيـش لو مالي حقوق ومطاليـــــب
والحباب روس ومن نوى خذلـهم خـاب=سادات وعدود وروس ٍ مصاليـــــــب
وربعي جوازيهم مـعـاكـيف الأهــــداب=بدور تجلي حالكــات الغــيـاهـيـــــب
وإن كان عذروبي مصافــات لـحـــبـاب=يالله عسى بيض النواصي عذاريــــب


وقد رد على هذه القصيده أكثر من 50 شاعرا من شعراء قبيلة الحباب


لعنبو من لامها في الحباب


القفـوا التحايا:)

[عبدالله الفحوس]

شاش راسها بالحباب
لاهنت ع النقل والابداع
دائما متألق

تحياتي

[صالح الحبابي]

على قول الفراعنة شش يارأسي لارحم مجناك شش!

صح لسان قائلتها والحباب يستاهلون

شكراً لك الكايد

[عبدالرحمن الحبابي]

شكرا على القصيدة

[حسينـ الفحوسـ]

اي بالله شش يارسي

لاهنتوا على مروركم

دمتم

[دايم الطيب]

يعطيك العافيه

[أبو سلطانـ القحطاني]

يستاهلوونـ الحبابـ

في ذمتي



لاهنت

[محمد خفير الحبابي]

لاهنت على القصيده اخوي حسين ودايما متعالي




اخوك /محمد خفير الحبابي

[محمد خفير الحبابي]

اريد ان اعرف شي اخوي الكايد ايش مناسبه القصيده

[حسينـ الفحوسـ]

لاهنتوا يارجال

ابو خفار انت اقر القصيده كم مره وتعرف المناسبه

تحياتي

[سعيد مسعود الحبابي]

والله شاش راسي
،،،،،،،،،،،،،،،،،والحباب بحر يزيد ماينقص،،،،،،،،،،،،،،،،،

[حسينـ الفحوسـ]

سعيد

ارحب تراحيب المطر

لاهنت يا غالي على مرورك وعلى شيشت راسك

تحياتي

[ريانة العود]

لااااااااااااااااااااااااهنت

[حسينـ الفحوسـ]

ريانه


ولا انتي


شاش راسها

[ريانة العود]

لاااااااااااااااهنت ومشكوووووووووووور علىى النقل الرائع

[حسينـ الفحوسـ]

من ضمن الشعراء الحباب الذين ردوا عليها


شعر: محمد بن مسعود مدير العلاقات العامة لمجلة الصدى.



نفرش لك قْلوب المحبّين (الاحباب)=يا من أخجلت عْيال (مَحْبوب) بالطّيب

يا كوكبٍ بين المجَرّات ما غاب=يا مِشْعِلٍ بالعِلْم سودٍ غياهيب

يا مْطَعِّمْ القيفان بالفاظٍ اعذاب=من غيرك اللي شَرَّبْ الشِّعر بالطيب؟!

يعجَبْ بك (الطرماح) و (الراعي) اعجاب=يا مْهَذِّب مْهَار المعاني تهَذّيب

ربعك (هوازن) نسل الاشراف الانجاب=أهل الوفا واهل القنا والمواجيب

وربعك سَنَدْ للّي من الدهر مرتاب=وربعك لمن غاله زمانه معازيب

إبّان غوصك كنت يا الغَيْص تَبَّاب=تطوش وِتْسَرْدِلْ وانا تَوّني سَيْب

منْك آتَعَلًّمْ يا عميدي بالكتاب=تلميذك أخطي بعض الاحيان واصيب



-----------------




تحياتي

[حسينـ الفحوسـ]

وسأورد البقيه



لكم ودي

[سفر الحبابي]

لاهنت ياحسين

[حسينـ الفحوسـ]

ارحب يا سفر


ولا انت يا ابو حسين


اشكرلك مرورك

[فيصل الحبابي]

لا هنت ياحسين والحباب قبيله لو نمدح ونسولف فيها وفي سلومها وعاداتها وشعارها وشيبانها وشيوخها بيشش الراس بقوه وسلامتكم
اخوكم فيصل

[حسينـ الفحوسـ]

ومن ضمن الردود على الشاعره الاماراتيه

كما وعدتكم بطرح المزيد من الردود

لشعراء الحباب في الامارات





شعر: جابر محمد الحبابي



يا مرحبا ترحيبة الود باعجاب=فيها الوفا لاهل الوفا بكل تاديب



تحيّةٍ يحمونها عشرة أسراب=يحمونها من مدخل النقص والعيب



بالشاعر اللي هز الافكار بِكْتاب=بصفح الجرايد سَجّلوه الكتاتيب



فالبارحه نومي حلوم وتقلاَّب=وما جابت الورقا على الغصن باجيب



للمدح شوّاشٍ وللصوت مرعاب=يجذبني الداعي بخيط المجاذيب



فيا راكب اللي شِدّ كوره بمصلاب=عوج الرقاب مْنَاضيات المصاليب



فوق السديس وتوّ ما شَقْ الانياب=ومقوّساتٍ مثل عوج الكلاليب



من فوقه اللي يسري الليل ما هاب=يسري مساري مثلما يسري الذيب



وياخِذْ كتاب ويرجع الرَّد بِكْتاب=وما شغله إلاّ موصلات المكاتيب



ويبدي بمكتوبي على راس مرقاب=وِيْسَلّمه ناسٍ بروس المراقيب



ويثني الجزا لاهل المزايا والاعجاب=ناسٍ لهم في ماكر العز تركيب



يا بنت من يثني ليا كَلَّحْ الناب=يوم الذخاير مثل روس المشاهيب



من ساس ناس ومن عنى الصدق ما خاب=ما هو يخيب إلا مجمِّعْ الاكاذيب



والبيت ما هو يرتفع كون بكراب=ولا يشدّه فوقها إلاَّ الأطانيب



قومٍ لِمَا وصل الغضب روس الاشناب=يا سعد من هم له خويّا ومعازيب



هذا الصحيح وكلمة الحق تنجاب=هَرْجٍ عليه شْهود ناس ومراقيب



ماني بمن يشرب مع كل مشراب=لي مشربٍ من غير كل المشاريب



والطير له مخلب وله راس منقاب=ولا تاصل الحروه بغير المناقيب



وتْرى الحمول الكايده تبغِي رْكاب=واذا بغيت الحمل دوّر له هْديب



وللعمر قَصَّابٍ وللرزق جلاَّب=وعند البنا لا تنغدر بالمناسيب



وللرمح زَرَّاقٍ وللسيف قَضَّابْ=دنياً عرفناها ببعض التجاريب



بيض الصبايا لو تحمَّل بالاطياب=بعض العَرَبْ ساسه يكفّي عن الطيب



(أنغام الخلود) لْهَا مع الشِّعر مضراب=مضراب ما هو مثل كل المضاريب





شعر: محمد بن مصلح الحبابي



يا من فتح للشِّعر بابٍ ورا باب=له في الشِّعِرْ كلمه ومعنى وتاديب
شِعْرٍ عريب مْعَرَّبٍ نال الاعجاب=معناه واضح ما كتب بالخفا غيب
به مرحبا ما بان نجمٍ وما غاب=عَدّ النجوم الساهرات ا لمراقيب
ترحيبةٍ فيها شذا طيب ما طاب=من ريح ريحان المعَزَّهْ بترحيب
شِعْرٍ بنسمات التمجِّيد منساب=من شاعرٍ يسبك معانيه وِمْصيب
ما هب غريبه صاحب الحق لى صاب=له بالمعَرْفه ساس حق المطاليب
يا بنت من يشهد له المجد بِكْتاب=رجلٍ ومن روس ا لرجال الأناجيب
روسٍ لهم ماقف على كل محراب=يقولها من جَرَّبْ الفعل تجريب
والمدح في اهل المدح له طِرْق واسباب=مِ اللي بعد مثلك يعَرْف المواجيب
يا مبدع القيفان ممدوح الانساب=أشهد بقولك فعل ما فيه تكذيب
ويا من لفعل الطيب والمجد طَلاَّب=منْك ابتدا وانت بعلوّ المراتيب
لك سِمْعِةٍ ما بين قِرَّابْ واجناب=فوق الثريَّا بالكَرَم لك مساحيب
كلمة وفا ماني عن القول مرتاب=الشاهد اللي يعلم السِّر والغيب
إنّك مديح الذات بِحْضور وِغْياب=دمث الجناب وطاهر العرْض مِ العيب
يا صفوة الامجاد لك نحسب حْساب=بين الزحول وعاليات المناصيب
من ماضي أسلافك ترى القدر ما شاب=م الماضي الماضي وللقول تعقيب
يوم العَرَبْ تركَبْ على خيل وِرْكاب=منصى وينصونه هل الفِطَّرْ الشِّيب
والمدح لى له بالتواقيع مضراب=صايب وفي عذب السجيّه بترتيب
ما له عن اهل الطيب والجود مجناب=لي معْرفتهم عِزّ مجد ومكاسيب
سامي المقام وعالي الشان ينهاب=والطيب ياخِذْ من بعد طيبته طيب
عين العزيب اللي رتع شِمَّخْ هْضَاب=عليه من وصفه ولو وصفه صْعيب
أسمى من التوصيف وصفه ولا جاب=كامل وصوفه فوق عَد الحواسيب
ياللي لسمحات التماثيل نَهَّاب=جزل المعاني موقفاتٍ بتهذيب
كن الذهب بِسْطورها خِضّ وانذاب=عقْدٍ تلالى في رقاب الغراشيب
لك الشكر وِمْكَرِّرْ الشِّكر باعراب=ما نستمع في اللي سعانا بتخريب






شعر: مبارك بن عايض الحبابي




يا الله لا تقفل لنا دونك أبواب=تسمع دعانا لا دعيناك وِتْجيب
يا عدل يا نافع يا معطي يا وَهَّاب=تجعل لنا ستر وحمايه من العيب
نخطي ولا ننساك للعبد تَوَّاب=يا حَيّ يا قيّوم يا عالم الغيب
هذا وانا جتني هواجيسي أسراب=زهمتها واستعجلت في المواجيب
يا مرحبا ترحيب ماني بكذَّاب=أهل الوفا يستاهلون التراحيب
أحلى من السِّكَّر على الدَّرْ لا ذاب=من مهجةٍ بين الضلوع المحاديب
أصفى من الصافي ولاني بنصّاب=والموت افضل من طروق الأكاذيب
باللي يصافينا ونحسب له حساب=ونقوم في قدره بحشمه وترتيب
الله لاهان (أنغام) زاهية لِخْضاب=أسمٍ تلالا واعتلى في المراقيب
سادك على جمع الكواعيب الاتراب=وعقلٍ ثقيلٍ حنّكته التجاريب
بنت العقاب اللي تسلسل من عْقاب=من لابةٍ والله وْنِعْم الاشانيب
أهْلِكْ أجاويدٍ من خْيار وانجاب=بعزومهم يحمون حرش العراقيب
تامن بهيبتهم وسط سيح وِهْضَاب=لْهُمْ على نطح المعادين تدريب
راع الحسد (هذا بلا بوك يا عْقاب)=اليا فِتح حنجوره أوْسَعْ من البيب
واللي يعذرب في العفيفات عَقَّاب=بيت المعزّه ما يجي فيه تخريب
رفيقنا ياطى المخاطر ولا يْهَاب=يكرِمْ ويكرَمْ والليالي معاجيب
احنا (الحباب) وكل شيٍ له أسباب=فرّاسنا يوم العزاوي معاطيب
وْرَجَّالنا ما يستوي بارد أعصاب=وفرضٍ علينا ما نخون المعازيب
حكّامنا القدوه عريبين الانساب=زايد لنا القايد ومن طيبه نْطيب
معاهدينه حق يا اصحاب الالباب=ومن لا يودّه جعْل يشكي الأصاويب
على بياض الوجه ذِهَّاب وايِّابْ=وهذا من المولى حظوظ ومكاتيب
والله نحب الدار والحب غَلاَّب=ولا لنا عن سكّة الحق تجنيب
من وقتنا اللي به على خيل وركاب=إلى زمان (الرِّنج) و(البنز) و(الجيب)
يا الله يا منزِلْ تبارك والاحزاب=تحقق الآمال والظن مايْخيب
عفوك اذا قمنا انتنابز بالالقاب=وتقليب الاسما ما يجي حَلّها صْعيب
للشِّعر شِعِّارٍ وللكيف شراب=وانغام تنصب للمنافِسْ ملاسيب
كنها اورثت بالشِّعر (بو زيد) و(ذياب)=وْشِعْرٍ على معناه يعطيك ترغيب



تحياتـ

حسينـ الفحوسـ

[ريانة العود]

والله ان الحباب يستاهلون مشكور عالموضوع الحلو +الذووووووووووق

[الزعيم]

شكراً ياخوي حسين على هذا الموضوع
تقبل تحياتي

[أبو سلطانـ القحطاني]

ارحب يـ حسين


لاهنت على الردود الطيبه


تقديري
:)

[عبدالهادي بن مسفر الحبابي]

والحباب روس ومن نوى خذلـهم خـاب......سادات وعدود وروس ٍ مصاليـــــــب

لاهنت لاهنت ياحسين

على النقل الجميل للقصايد

تقبل مروري

[حسينـ الفحوسـ]

ولا انت

مرورك شرفني

مرحبابك

[نايف بن نملان]

لاهنت ياحسين

[حسينـ الفحوسـ]

ولا انت يا نايف:)

[بن زابن ال الشريف]

القصه معروفه ولاهااان من نقلها

[ابوتركي الحبابي]

لاهنت ياحسين على نقل القصيده الطيبه

دائم متألق الله يحفظك

ننتظر جديدك وتقبل مروري

[بن مداوي الحبابي]

يعطيك العافيه

[الـ حراف]

ايــــــــــــــــــــــــــــه انا اشهد انها شاعره والحباب يستاهلون اكثر

[حسينـ الفحوسـ]

الله لا يخليني من طلاتكـــم

لاهنتوا

القفوا التحايا

[الصامت]

شـكــ وبارك الله فيك ـــرا لك ... لك مني أجمل تحية .
ولا احد يلومها في الحباب

[حسينـ الفحوسـ]

شـكــ وبارك الله فيك ـــرا لك ... لك مني أجمل تحية .
ولا احد يلومها في الحباب



.


الصامت

شرفني مرورك

تحياتي

.

[قحـطـان الحـبابـي]

لاهنت ياحسين على الطرح

[حسينـ الفحوسـ]

ولا انت يا قحطان

شرفني مروركـ

القف التحايا

[الحبابي27]

بيض الله وجهك

[حفيد الذيب]

:94::94:أنا أشهد انها شـاعـره وعيال محبووووب يستـاهلـوووون الطيب كلـه



لاهنت ياحسيـن ألقف التـحايا

[ندى الشهري]

شـكــ وبارك الله فيك ـــرا لك ... لك مني أجمل تحية .

[الراية]

بعض الشعر يبقى على طول السنين والبيت الاول يسوى قصايد والحباب كفوو

لاهنت ياذيبان

[مسفرالملحاني]

اي والله شش ياراسي شش
لاهنت ياخوي حسين ودااايم متآلق
ولعن ابو من لامهااا في الحباب ويستاهلون
تقبل مروووري