ال حميدان من الحباب

[حمد محمد]

السلام عليكم ورحمة الله وبركاته

عندي استفسار يالربع عن وسم ال حميدان من الحباب هل هو مغزل كبير على الرقبه من يسار واذا هو وسمهم

احد من ال حميدان باع بعير اصهب طوله وسط وسمه المغزل بهذا الشكل ---| فوق عطف الرقبه من يسار وشاهده ناظر خلاف العين من يسار وعليه مطرق طويل على العضد من يسار ولا ادري هو كي واللا وسم وصف البعير طوله وسط له غارب زين ورقبته مطلاعها نازل وعقبه تسند ولحيه طافح وله عرنون طيب ومشربه زين واذنه تراخاها شوي

وارجو من عنده خبر او معلومه عن هذا البعير لايبخل علينا تكفون يا لاد قحطان

[الراية]

حياك الله ياحمد

راجع هذا الرابط وبتلقى اللي يفيدك ان شاء الله

http://www.alhbab.com/vb/showthread.php?t=8546&highlight=%CD%E3%ED%CF%C7%E4

[أبو سلطان القحطاني]

ارحب

:)





شكلك خبير في اوصاف البل .. طاب لي وصف البعير

الله يبارك فيه وفي اماته


عموما لو كنت تسال عنه الاخوان مابيقصرون وياك




موفق
:)

[الحثيثي]

ارحب ياحمد,,,
البعير كان عليه المغزل من يسار فهو ل آل حميدان,,,
يمكنه من ركاب الشيخ عبدالله بن فجحان ال حميدان وانشد عن عزله ووضح سن البعير ومن وين شاريه ولا يمكنه من ركاب الحميدان هل قطر...

[حمد محمد]

الله لايهينكم يالربع وبيض الله وجيهكم جميع

[حمد محمد]

لاهنت يالحثيثي والبعير الله واعلم انه مناصف الظاهر ان اكبر بناته جذاع واللا ثنايا وانا شاريه من سوق الحسا

[حمد محمد]

الحثيثي الله لايهينك *اذا قدرت اتجيب النا رقم ابن فجحان ترسله لي علي الخاص وجعل والديك فالجنه علي كل الاحوال انت والحاضرين *ولا نستغني من مساعدة اخوانا فالموقع اللي عنده معلومه لا يبخل علينا بها

وجعلكم تسلمون علي كل حال

[حفيد الذيب]

ياطيب الفال رقم ابن فجحان مالك فيه عازه وانا اخوك لاسيما ان فيه من يكفيه منا ياربعه


أن بغيت رقم ملاك البل والذود اللي من ال حميدان ( أهل قطر تحديدا ) فأبشر بالسعد


راسلني على الخاص ومالك من النجوم الا سهيل طال عمرك

[حمد محمد]

كفو يا حفيد الذيب اجل احتزم وانا اخوك جايك فالخاص

[حفيد الذيب]

جاتك العلوم في الخاص يالذيب

[ابن زابن الحبابي]

كفيت ووفيت ياصبي آل حميدان

[حفيد الذيب]

ماعليكم زود جميع والله يرحم والديكم

[حمد محمد]

لاهنت يا حفيد الذيب بيض الله وجهك