غزوة قبايل ال جبران الحباب قحطان على يام

[مجمر]

من المعروف أن القبايل مند القدم تتقاتل ويحصل بينها حروب حتى على امور بسيطة بالنسبة لوظعنا الحالي , فيمايقارب عام 1280 هـ كان هناك رجل يدعى سعيد بن عايشه من أعيان قبيلة ال معيض من ال جبران ذهب لوحده الى احد الديار فوجدوه قبيلة يام وهم غازين على ربعه الحباب وهو لا يعلم فقتله بالغدر واحد منهم يدعى حسين بن سداح ال معجبه اليامي وواصلوا مسيرهم ووجدوا الفارس المعروف هادي بن عايض ال سلمان بن عبيد الحباب فقتلوه واخدوا الابل وعادوا الى ديارهم , فقال حسين بن سداح ال معجبه قصيده يفتخر فيها بأنه قتل سعيد بن عايشه منها هدا البيت :


لاكوني شايبن ماكان غنيت = ذبحة سعيدن على وصف التماني

فاجتمعوا قبايل ال جبران الحباب بقيادة الشيخ والفارس المعروف مسعود بن محمد ال برمان و مهدي بن زهره ال معيض وراشد بن وعله بن دعكن ال غايب وهادي بن عايض ال سلمان بن عبيد وغزوا على يام وصبحوهم في منطقة تسمى (الحضن الاصفر) وقتلوا منهم عدد كبير جداً من الشيوخ والفرسان المعروفين في يام ولم يقتل من الحباب احد بل أخدوا عدد كبير من الابل والفيد ورجعوا منتصرين فقال الشاعر والعقيد المعروف محمد بن مزهر ال برمان هده الابيات رداً على حسين بن سداح :


يا الاجنبي لا تمــدح يوم فاجيت = قبله كســــــرنا ثمانك على الوحاني
أزين لك إنك دعيــته يوم فاجيت = وخلــــــيت غدره وطراق المــــغاني
من قبلنا في طويل الرجم ونٌيت = عـــــلى خوي الركايب يــــوم غاني
به خبرتن صبٌحوا يوم انك اقفيت = شف لابتي مثل سيل في المحاني
شبعت طيور وقال الذيب وزٌيـت= بمشوٌكٍ في الضحــــى جاله مغاني
حرابنا مايداني مـــرقــد البــيت= وان شاف زولٍ يقول المــــوت جاني

وقال الشاعر والفارس / شديٌد بن حمد عين ال جميح الحبابي قصيدة طويله يصف ويمدح ال جبران وفعلهم هدا ويخبر ال جبران بانه رهن الاشاره والفزعه هو وربعه كما هو معروف من الحباب الحميه والفزعه ومن هده القصيدة الابيات التالية :


لاكـــون جت بالحــمايا يال جبران = والله ان نجيكم على حيلن سماني
سديتـــوا الحـال ياذربين الأيــمان = واللي كـــفانا فجـــعله مــايـــهاني
ربعن نهار اللقا والريب شجـــعان = ورادت المــوت ليا خـــاف الهــداني
تر حقهم من الكرامه حيٌل الضان = وصحـون برٍ تخـشع فـــي الصـواني

هذا وتقبلوا تحياتي .

[إبن شرثان الحبابي]

ووونعم بربعنا
واشهد انهم كفوووو

لاهنت ياخوي مجمر على موضوعك
يهعطيك العافية ..

[حبابي بروفيشنل]

ووونعم بربعنا
واشهد انهم كفوووو

لاهنت ياخوي مجمر على موضوعك
يهعطيك العافية ..

[ابن زابن الحبابي]

الله يرحمهم جميعاً

والحضن الأصفر من الأيام المشهورة بين قبيلة الحباب ويام
ولايـــــام يغزون إلا غـــدر والله يرحم الشيبان غدرة بحرب يوم

لاهنت على التوضيح

[الجارح]

والله نعم ياربعنا ماضي وحاضر والله يرحم الشيبان ويتم نعمة الأمن والامان في ظل ابومتعب

[ضرغام الحبابي]

لاهنت على النقل لكن للمعلوميه علي بن عايض ال سلمان بن عبيد لم يقتلوه يام وهو احد المشاركين
في الحضن الاصفر وانا معلومات من ابنائه وهم اللي يطلق عليهم الان ال ابوترشه
مشكور ولاهنت

[الراية]

حياك الله يامجمر
ونعم ونعم ياربعنا في ذي وغيرها
سالفة الحضن الاصفر معروفه وهي للحباب على يــام بدون قصور فيهم صبيان محلف
وأتمنى انك تطرح من قصص وقصايد رجال أل سلمان بن عبيد القبيله المعروفه

ولك تحياتي

[مجمر]

العفو لجميع من شكرني على هده القصة واشكركم على الردود , ولكن ياجماعه القصيدتين ماطلعت في الموقع(قصيدة ابن مزهر وقصيدة حمدعين) ليش يالربع ارجو الرد , وبالنسبه لـ ردك يا أخ ضرغام أنا ماقلت ان احد أنقتل من الحباب في الغزيه ولابعد الغزيه لا علي بن عايض ال سلمان بن عبيد ولا غيره بل دكرت انهم رجعوا منتصرين , وبالنسبه لـ علي بن عايض والله إن الشايب اللي عطاني السالفه مدحه وأثنا عليه هو و مسعود بن محمد وحمد عين وكثير من ال جبران لكن لا تحظرني اسمائهم وونعم بهم جميعاً .

[مجمر]

عفواً يا أخ ضرغام في الرد السابق كنت أقصد هادي بن عايض ال سلمان بن عبيد هو الدي لم يقتل وهو الدي مدحه راعي السالفه وقال أن علي بن عايض ال سلمان بن عبيد قتل بعد سعيد بن عايشه قبل الغزيه , وأنا نقلت القصه كما أتتني وإدا كان هناك أي تعديل أو إضافه فالله يحييك وشكراً .

[أبو ذيب الحبابي]

ونعم ياربعنا اول الدنيا وتالي
يقول الشاعر ابن مخروقة يرحمه الله
خلة ويا من بريد لي && على ارك من غواليها
رح لجمع ال جبراني && اهل النواميس تشريها
قد ذكر لي خبرة مدو && ذياب اللحم ما تخليها
خمسين ينعق لهم مهدي && معه ام خمس مضريها
ان مدو القوم ليه الاول && وان انكفوا عند تاليها
مهدي شبيت نيراني && عاد الخشب موقد فيها
انها شروع ال جبراني && شيبانهم ما تخليها
يابيض غني لابن زهره && وتقللي في مباديها
حط النصايب ورا خاله && مثل الرخم في مماسيها
سداح اختاف ولا تامن && جيش ال عاطف تفاجيها
لنتوا وراء بقع نجراني && لابد لك من حوافيها

[مهدي الغرابي]

كفو والله يا صبيآن الحبآب ..






ولاهنت وبيض الله وجهك على النقل الرائع ..






والقصايد اكتبها بدون تنسيق يا الذيب واطرحها وازهل من ينسقها ويضبطهآ ..






لاهنت لاهنت ..






تحيآتي ..

[الراية]

القصايد تم تنسيقها وهي موجوده

[علووش]

ونعم بربعنا ولافيهم شك
لكن القصايد مالقيتها ولا شفتها

[حفيد الذيب]

ونعم بربعنا ولافيهم شك
لكن القصايد مالقيتها ولا شفتها



يستاهلون ياعلي ربعنا المدح


لكن ترى القصايد كلها موجوده وانا أشوفها حاليا

[سناد]

يابري حالي برياه ياصبيان آل جبران .... في ذمتي يوم ألقى ربي انهم محزم الرفيق وسقم الحريب

[ابن المدوس الحبابي]

موضوع وفقت في طرحه اخي الكريم والنعم في ربعنا وقت الشده كلن يثبت وجوده

ولكن عندي ملاحظه بسيطه جدا وهي لاتعيب طرحك ولكن ..

لو تعدل تنسيق الموضوع بيكون افضل والسموحه اخوي


والله يعطيك الف عاافيه على هذا الطرح المميز ^^

[حفيد الذيب]

يقول في قبيلة ال جبران الشاعر / ذيب بن فرحان الحميداني :



آل جبران هل المـدح جـدى = شيخهم ما يجعل الفرض مايل
يا سلام الله عليهـم مبـدى = عد ما هلت مزون المخايـل
مثل نور من سرى به تقـدى = شوكة الميزان بيـن القبايـل
يقرعون العرو للـي تشـدى = لين تلفي بالحمـول الثقايـل