سالفة معيض ابن صدغان

[الراية]

السلام عليكم ورحمة الله وبركاته


هذا معيض بن صدغان أل الشريف الحبابي

قصته مع أمير عسير السابق خالد الفيصل وهي كالتالي :

جاء عند الأمير خالد الفيصل مثله مثل سائر القبائل في قضاء حاجتهم وحاجات الناس المهم تقدم عند الأمير ويوم وصله سلم على الأمير وقال له من انت قال أنا معيض ابن صدغان أل الشريف قال حياك الله ويش عندك قال عندي ياطويل العمر ذا المعروض وهو يتحاكا مد يده على جيبه عشان يطلع المعروض ويعطيه الأمير خالد ويوم شاف المعروض ( ورقة بيضا ) مافيها ولا كلمه قام معيض ابن صدغان وعطا المعروض خالد الفيصل شاف الورقه ليها بيضا مافيه حرف قال خالد الفيصل الورقه بيضا مافيها شي قال معيض ابن صدغان :

اني داري ياطويل العمر لكن حن عند أهلنا وربوعنا شيوخ وعراف وأما لا جيناكم يا أل سعود اتلاصد

ضحك الأمير خالد الفيصل وعلمه ابن صدغان بالعلم كله وخلص حاجته
عز الله رد لو انه واحدن غيره مازيد تحاكا , اذا فيه تعقيب من ربوعنا أل الشريف على الموضوع مرحبا وسهلا .



منقول من أحدى شيبان أل زينه أل الشريف
أخوكمـ / الرايه

[الهاجس البطران]

ههههههههه

اي والله التصرّف!

وردّه يدل انّه عارف سوى بين ربعه او تو الامراء

لكن هل هو متعمد يجعل معروضه ورقة بيضا و الا بالغلط اظهرها؟

لاهنت يا الرايه

[الراية]

قايلن مايهون
مالك لوا ماكان متعمد وواضح من رده


لاهنت ياكحيلان

[إبن شرثان الحبابي]

هذا التصرف
ماشاء الله عليه
لاهنت يااخوي الراية
الله لايحرمنا من سوالفك وعلومك الجزلة
ننتظر منك المزيد ...

[سناد]

طبعا ابن صدغان من عراف وعقداء آل الشريف وهو من آل معيض............ وكلمته اتلاصد بسبب ان عنده لتغه في الكلام حيث ينطق القاف دال .....فهو يريد أن يقول اتلاصق أي أن الأوراق تلاصقت ببعضها البعض
رحمه الله رحمه واسعه وغفر له

[الراية]

حياك الله يابن شرثان

أرحب يابو ضاوي صدقت فيما قلت . بيض الله وجهك يامسندي


تحياتي للجميع

[ابن زابن الحبابي]

الجـــمــيع ماعليكم زود


معيض بن جبران بن صدغان عنده لتغة في الكلام ورفيقنا ونعم الله يرحمه ومثل ماقال أبو ضاوي جعله يسلم لكن السواليف كثيرة عن معيض الله يرحمه وتصرفه في مثل هذه الأمور معروفة



وبيض الله وجهك على الطرح يالوافي

[الراية]

مرحبا يابن زابن

وجهك أبيض جعلك اتحيا والحبابي وافي عسى الله يرحمه


تحياتي لك

[فهد الاحبابي]

الله لايهينك ياخوي / الـر يه

القصه سمعناها مثل ماقلتها لك الف شكر اما معيض بن صدغان الله يرحمه فهو شيخ ومقرع حق وابن زينه أل معيض أل الشريف حجاب المشرق

تقبل مروري ولك تحياتي

اخوكم/ فهد الاحبابي

[الغريب]

الله يرحمه واموات المسلمين اشهد بالله ان الحبابي ونعم في ذي وفي غيرها وجعل عظامه الجنه ..... ولا هنت يالرايه على الموضوع ....

[دايم الطيب]

رحمة الله عليه



لاهنت يالرايه

[ثامر]

والنعم الله يرحمه,,,,,,

ابن صدغان مع السبعه الي تغدوا عند معيض بن جازع ال مالك في ذات ينصاب مع ال فطيح قبل 50سنه ,,,

الله يرحمه

[الراية]

أشكر الجميع على المرور والتعليق

[قحـطـان الحـبابـي]

الله يرحمه ويغفر له

ورث بعده الذكر الطيب


لاهنت على مانقلت يالرايه

[الراية]

الله يرحمه ويغفر له

ورث بعده الذكر الطيب


لاهنت على مانقلت يالرايه

قايلن مايهون يالغالي

[أبو ذيب الحبابي]

ونعم ياحجاب المشرق
والحباب فيهم عراف ومقاطع واجدين
الله يرحم الميت ويطول في عمر الحي

[الراية]

يستاهلون ربعنا

شكرا على المرور ياأبوذيب الحبابي

[حسين بن منصور]

يكفي الحباب قصته مع ناهس

وجيرته لهم ومثل ال الشريف

بالعلوم الغانمه جعله في الجنه

قصصه كلها طيبه وفكاهية

[الراية]

يكفي الحباب قصته مع ناهس

وجيرته لهم ومثل ال الشريف

بالعلوم الغانمه جعله في الجنه

قصصه كلها طيبه وفكاهية


أرحب ياحسين

سولف علينا إبن جلاله أل علي عبيده بعلوم إبن صدغان اللي تجمل وتدل على العفويه وصفاء النيه رحمة الله عليه



لاهنت على مرورك

[ابن زابن الحبابي]

الله يرحمك يامعيض الله يسكنه جنة الفردوس وابن جلالة جعلك تسلم من المنادية وهو شيخ على بني طلق عبيدة وهم زهير وآل علي والمنادية حسب ماسمعت

[ابوشوق السعدي]

والله وسبعين نعم بابن صدغان الله يرحمة

وله سوالف عديده وهو قناص ماهر

[الراية]

بيض الله وجيهكم على المرور

[غلاب]

الله يرحم ابن صدغان وافي وعلمه طيب عند البعيد والقريب ومن حقه علينا نشيد بمواقفه الشيقه هو والذ ي مثله من رجال الحباب وغيرهم

[ثامر]

الاخ/الرايه

انت ماجاوبتنا هل هذا الفارس من ضمن المجموعه الي تغدوا مع ال فطيح في فرع العصيلاء بالقرب من النعضاء عند حياة معيض بن جازع ال مالك قبل 50سنه,,,,,لأني سمعت انه منهم.


تحياتي

[ابن زابن الحبابي]

الاخ/الرايه

انت ماجاوبتنا هل هذا الفارس من ضمن المجموعه الي تغدوا مع ال فطيح في فرع العصيلاء بالقرب من النعضاء عند حياة معيض بن جازع ال مالك قبل 50سنه,,,,,لأني سمعت انه منهم.


تحياتي

ولاتهونون جميع
يعذرني أخي العزيز الراية في الرد على صاحب الاستفسار بما أنه صاحب الحق في الرد على الموضوع ولكن للاستثناء في بعض من الأمور المعلومة
ياثامر


والله ودك هو منهم وألا ماهو منهم مالها جواب

استفسارك ماله سنع ولاله رد وإذا تبغى تسأل اسأل أسئلة لها منطق ولها جواب وسلامة من عندي



؛؛؛؛؛؛؛

[غلاب]

نقول ونعم بالضيف والمضيف ياثامر والجواب جاك من ابن زابن

[الراية]

ابن زابن الحبابي & غلاب

بيضان وجيه على المرور والتعليق