من مواقف أبو غريب

[الراية]

السلام عليكم ورحمة الله وبركاته


الشيبان الأولين كانوا يشفقون على بعض وفزعاتهم عجله بينهم بين عسى الله يرحمهم واليوم بتكلم عن موقف الشيخ علي بن مايقه أل حثيث ( أبوغريب ) عند ابن جلوي يوم ازهموه ربعه الحباب


حل حكم ( قص يدين ) على محمد بن ذفال أل برمان الحبابي ( الله يحسن خاتمته ) ومعه واحد من عيال عمه اسمه حامد واللي حكم عليهم الأمير سعود بن عبدالله بن جلوي وهو معروف بشدته وقسوته بين أبناء قبايل الجزيره العربيه وأبوه عبدالله بن جلوي من قبله وهو أشهر من نار على علم , السبب في الحكم ان محمد بن ذفال أل برمان وابن عمه خذوا لهم كم ناقه من قطر وساقوها لين وصلوها الحسا ( الأحساء ) وباعوها وذاك الوقت جوع وخوف وعلى ماقيل ياماكل ياماكول المهم إن أخويا الأمير سعود بن عبدالله بن جلوي مسكوا محمد بن ذفال وابن عمه وحكم عليهم ابن جلوي بقص يد كل واحد منهم وكانوا ذاك الوقت عادهم صغار في السن , وصل العلم لـ أل برمان الرشده وهم يعرفون قوة العلاقة بين الشيخ علي بن مايقه أل حثيث والأمير عبدالله بن جلوي والأمير سعود بن عبدالله بن جلوي ومدى قوتها قاموا ربعنا رجال أل برمان توجهوا للشيخ علي بن مايقه وحولوا عليه في روضة ( المشقوق ) جنوب قطر رحب بهم وعلموه بالعلم وقاموا يزهمونه ويقولون تكفى ياعلي قال : أبشروا وأنا أبو غريب , أكرمهم وقام من ذي صباح وركب ذلوله ( الصميما ) ناقةٍ سمرا ماجا نهار خامس الا وهو في الحسا ( الأحساء ) ودخل على الأمير سعود بن عبدالله بن جلوي أل سعود في قصره ورحب به الأمير وقال أبو غريب : ياطويل العمر عيالنا جمعو لهم محلب خير وحطوا فيه ذباب واليوم مالنا منهم بد فهم عيالنا قال الأمير سعود بن عبدالله بن جلوي : اذا فكيناهم بناخذ أباعرك اللي في قطر ياعلي قال أبوغريب : لو تبغى عيالي أخذهم قال الأمير سعود بن جلوي : أبشر ياعلي أنت لك مقامك وطلبتك تبشر بها وفك الرجاجيل , ربعنا يستاهلون وأبوغريب كفو لها وعسى الله يرحم من مات ويعز الحي انه على كل شئ قدير .



أخوكمـ / الرايه

[ابن زابن الحبابي]

والنعم يأبو غريب الله يرحمه ويغفر له
والله يحسن خاتمة محمد بن ذفال

اما ابن جلوي فالمثل قد جرى على ألسن الناس وعلى قولتهم والله لو إنه حكم ابن جلوي مثل ماذكرت حكمه نافذ نافذ

لاهنت على الطرح

[الهاجس البطران]

الله يرحم ابوغريب ويغفرله

وابن جلوي معروف بشدة حكمه ومن الامثله على ذلك، مره من المرات كان يحلقه حلاق بموس ويوم وصل الحلاق عند حلقه تبسم فأمر ابن جلوي بقطع راسه!

لاهنت يا السويلمي

[حسين الفحوس]

والله والسبعه انعام يبو غريب


هذي فعول الرجال اللي لما جا حلهـا

الحين لو تستفزع برجال له مكانته عند امير ولا مسؤول يتضايق ما يبي يخرب سمعته قدام معارفه

لاهنت يا كحيلان

[الراية]

والنعم يأبو غريب الله يرحمه ويغفر له
والله يحسن خاتمة محمد بن ذفال

اما ابن جلوي فالمثل قد جرى على ألسن الناس وعلى قولتهم والله لو إنه حكم ابن جلوي مثل ماذكرت حكمه نافذ نافذ

لاهنت على الطرح



قايلن مايهون يابن زابن

يعطيك العافيه

[[ باحث تاريخي ]]

ليس بغريب على قبيلة مثل هذه القبيلة(الحباب) مساعدة القريب واكرام الضيف وتجوير المستجير ...الخ
اشكرك اخي الرايه.


اخوكم/ باحث تاريخي

[إبن شرثان الحبابي]

والله ونعم يابو غريب
عسسى الله يرحم الميت ويعز الحي
لاهنت يااخوي الراية
ننتظر المزيد ...

[الراية]

الله يرحم ابوغريب ويغفرله

وابن جلوي معروف بشدة حكمه ومن الامثله على ذلك، مره من المرات كان يحلقه حلاق بموس ويوم وصل الحلاق عند حلقه تبسم فأمر ابن جلوي بقطع راسه!

لاهنت يا السويلمي

ولا انت

شرفت يالهاجس البطران

[حفيد الذيب]

والله ومليون نعم ياراعي العزوه ( فحل الشول أبو غريب )


والله وبالله وتالله ان حبه في قلوبنا كلنا وجعل قلبن يبغضه ويبغض صبيان الحباب ينجلط


لاهنت يابيرق المنتدى على ما اتحفتنا به من علومك الجزله


وترى عادني أرقب قصة فرضه في عبيده قحطان

[الراية]

والله والسبعه انعام يبو غريب


هذي فعول الرجال اللي لما جا حلهـا

الحين لو تستفزع برجال له مكانته عند امير ولا مسؤول يتضايق ما يبي يخرب سمعته قدام معارفه

لاهنت يا كحيلان

قايلن مايهون طال عمرك

وماعليك زود


لاهنت

[الراية]

;220960']ليس بغريب على قبيلة مثل هذه القبيلة(الحباب) مساعدة القريب واكرام الضيف وتجوير المستجير ...الخ
اشكرك اخي الرايه.


اخوكم/ باحث تاريخي

شكرا على المرور والتعليق المميز

تحياتي لك

[الراية]

والله ونعم يابو غريب
عسسى الله يرحم الميت ويعز الحي
لاهنت يااخوي الراية
ننتظر المزيد ...

قايلن مايهون يابن شرثان

شرفت

[الراية]

والله ومليون نعم ياراعي العزوه ( فحل الشول أبو غريب )


والله وبالله وتالله ان حبه في قلوبنا كلنا وجعل قلبن يبغضه ويبغض صبيان الحباب ينجلط


لاهنت يابيرق المنتدى على ما اتحفتنا به من علومك الجزله


وترى عادني أرقب قصة فرضه في عبيده قحطان


قايلن مايهون ياكحيلان

وأبشر بكل شي يرضيك ويرضي الأخوان

[مشآعل]

الله يرحمه ويغمد روحه الجنه

الله يعطيك العافيه ولاهنت..

[أبو ذيب الحبابي]

لاهنت يالرايه وهذي السوالف الي تجمل
والله يرحم من مات ويطول في عمر الحي على طاعته ورضاه

[الراية]

الله يرحمه ويغمد روحه الجنه

الله يعطيك العافيه ولاهنت..

اللهم أمين


شكرا على المرور

[الراية]

لاهنت يالرايه وهذي السوالف الي تجمل
والله يرحم من مات ويطول في عمر الحي على طاعته ورضاه

قايلن مايهون

شكرا على المرور

[غلاب]

نقول ونعم بابو غريب الشيخ علي بن مايقه ال حثيث كلٍ يشهد له بالمواقف المشرّفه والحميّة والفزعه وحبه للجميل عند ربعه الحباب وغيرهم وفزعة الحبابي للحبابي ليست جديده ولا غريبه فهذه عوايدهم المعهوده من يوم الله خلقهم وكلٍ منهم يفزع للاخر وقد استقصيت حقيقة ذلك فوجدتهم يداً واحده في الغزوات والهيات القديمه وفي شتى الامور الكبار والصغار والحمد لله قسمهم الناموس والانتصار أما هذه القصة التي طرحتها يا أخ الراية فهي صحيحه ولكن لي عليها إضافه بسيطة لا تؤثر على طرحك الا للتوضيح وهي : كان محمد بن ذفال ال برمان قبل تسعين سنه واكثر وعمره انذاك ثمانية عشر عاماً 18 وكان حاله حال ابناء عمومته صبيان الحباب يكسبون الفيد ونظرهم بعيد واللي مايعشي عياله ويستر حاله جعل ما حال الرفيق بحاله وكان برفقته واحد من ال سلمان بن عبيد اسمه حامد بن عايض بن عايض يقارب له في السن وقد توفي هذا الرجل قبل عشرات السنين وفادوا لهم عدد من الابل ونصوا بها الاحساء يريدون بيعها وكان هناك معاهده بين اهل قطر واهل الاحساء ان يردون الابل المعروفه بالوسم وعندما دخلوا الاحساء تواجهوا مع اخويا ابن جلوي وكان واحد من الاخويا يعرف وسوم الابل انها من ابل القبيله التي بينهم وبينها معاهده وشافوا العيال صغار في السن ودروا انهم فايدينها ولاهم بشارينها فقاموا الاخويا وبلّغوا ابن جلوي وقت دخولهم سوق الاحساء وعندما باعوا الابل القوا عليهم القبض وادخلهم السجن ثم امر عليهم بالامر اللي انت ذكرته وبلغ الخبر ربعهم ونصوا ابو غريب ولا قصر الله يرحمه ويسكنه فسيح جنّاته ويبيض وجهه حي وميت وأنا قد سولفت مع الشاعر الاستاذ سعيد بن علي ال برمان وتطرقنا الا هذه القصة فقال والله ان لابن مايقه معروف كبير على بعض ربعنا فك منهم اثنين من السجن والقصاص بالاحساء زمان ثم قال ارسلت قصيده لحامد بعد وفاة والده يرحمه الله فيها رثاء ومعناها يعود لهذه القصة ومنها هذه الابيات :







ليت الليالي ماتقفّي بغالي=وان الشلي ما يفقدونه قبايله
كم واحدٍ لا مات قالوا فقيده=مرحوم ياللي مانسينا جمايله
عساه بالجنه شهيدٍ مخلّد=اللي بعلم الجود تذكر فعايله
والا الردي لي مات فرحو وقالوا=الموت ستره والعوض في بدايله
الموت سترٍ للردي كاسب الردى=راع الردا اللي ماكسب فعل طايله
ياجعل رجلٍ ماتنومس علومه=يحط في قبرٍ كبارٍ نثايله
لكن صحيح ان فرق بعض الرجالي=من بعضهم فرق الجبل من سهايله
فيهم كما عدٍ يصدّر وروده=من غزر عينه ماتغرّف حثايله
فيه الظفر والجود والصدق والنقى=شبره طويلٍ ما الهداني بطايله
مايُمدح الا كاسبين الجمايل=اقوله وغيري من الناس قايله
من بعد ذا بكلفك يانديبي=من فوق جمسٍ يعجب اللي يخايله
توه جديدٍ من حفيز الوكاله=اخر طرازٍ تو ماجت مدايله
نصّه قطر ملفاك بيت الحثيثي=ملفاك رجلٍ وافياتٍ خصايله
ابوعلي حامد حميد السجايا=سلم عليه وحط بيده رسايله
سلم على اللي بالوفا يذكرونه=مورّث للجود من ساس اوايله
سلم عليه عداد ماهمل المطر=من النوّة اللي عقبها الدار سايله
سلام من قلبٍ سليمٍ من الغشش=اصفى من الما اللي زلالٍ زلايله
من سلت منه ليه يشهد بطيبه=ويشهد لطيبه حكمته في مثايله
ويشهد له اللي لي نصاه وهقابه=يبذل له المجهود ماهو يحايله
ويشهد له اللي من بعيدٍ عناله=يرتاح من همه وهو قبل شايله
من لابة سمٍ على كبد ضدهم=حرابهم ماعاد تبرا غلايله
أهل الوقايع يوم كلٍ له ايده=في الجهل يوم الحرب ترمي فتايله
حبابيٍ منّا وزوده يزيدنا=من صلب جدٍ طيباتٍ اصايله
اعتز بالطيّب وقلبي يعزه=معزةٍ بالقلب ماهي بزايله







والقصيدة أطول من ذلك ولكن اوردنا من الابيات مايدل على هذه القصة , ثم قال الشاعر سعيد بن علي ال برمان قصيدة اخرى في نفس هذا الموضوع منها هذه الابيات :




ياسلامي عد وبل المخيله=يابني عمّي زحول الحباب
من تجمل مانسينا جميله=من بعيد الناس والا القراب
المواقيف الصعاب الثقيله=ما لها الا من يحل الصعاب
الرفيق اللي علومه جميله=قسمه البيضاء عزيز الجناب
يوم صدّر الامر مافيه حيله=امر من حكمه يقص الرقاب
ارتكا له من يزبن دخيله=الحثيثي ماتعذر وغاب
من تذكر موقفه يدّعي له=يالله انك تمنعه من العذاب
ابن مايقه احتمل للثقيله=يوم ربعه من ورا قفل باب
منكر المعروف يالله تزيله=كسوة الباير جناح الغراب




والقصيدة اطول من ذلك ايضاً . الله يرحم الميت ويبقي الحي وربعنا ال مايقه كفو ويستاهلون النعم أولهم واخرهم وكل حبابي يعتز بهم وشكراً لك اخي الرايه وتحياتي للجميع .

[بطاش الحبابي]

والله ونعم بالفارس/ علي بن مايقه الحبابي

الله يرحمه ويجعله من أهل الجنه

[الراية]

غلاب

بيض الله وجهك ياحبابي وأنتوا وافين من أول وتالي



لاهنت

[الراية]

بطاش الحبابي


لاهنت على المرور والتعليق يالغالي

[أبو فهد]

ابو غريب الله يرحمه علومه طيبه وجمايله عند البعيد والقريب وارجو من الاخ المراقب الراية ايراد قصة ابو غريب وسعيه وطلبه من ابن جلوي بعتق وفكاك الطويل المري من القصاص وكان لبو غريب الفضل بعد الله في ذالك وقد رواها لي احد رجال ال مره .ولكن كلما اخذت القصص من اصحابها كانت اقرب للصواب وابعد عن الزيادة والنقصان.

[العبدي]

والله ونعم

الله يرحمه ويغفر له

[الراية]

ابو غريب الله يرحمه علومه طيبه وجمايله عند البعيد والقريب وارجو من الاخ المراقب الراية ايراد قصة ابو غريب وسعيه وطلبه من ابن جلوي بعتق وفكاك الطويل المري من القصاص وكان لبو غريب الفضل بعد الله في ذالك وقد رواها لي احد رجال ال مره .ولكن كلما اخذت القصص من اصحابها كانت اقرب للصواب وابعد عن الزيادة والنقصان.


مرحبا يابوفهد

ماعليك زود طال عمرك واما المري فهو من فخيذة أل جابر أل مره ربع المرضف وسالفته مثل ماذكرت واما التفاصيل بنشد الشايب منها ونطرحها كموضوع مستقل في هذا القسم



تحياتي لك

[الراية]

والله ونعم

الله يرحمه ويغفر له

ماعليك زود ياوجه الحباب والله لايهينك