زايد أبن الزقروط
03-15-2009, 09:44 PM
السلام عليكم ورحمة الله وبركاته
في أحد الأيام أتصل علي أخ عزيز على قلبي وكان مسجونآ و أسمه
}ناصر{
طلب مني في أتصاله أن أكتب له قصيده في ناصر بن قبيل الزيداني القحطاني )أبوفراج( حيث أنه ليس شاعر
ولأن مدة حكمه كانت طويله ويرغب أن يتدخل أبوفراج فيها
فقلت له: أبشربعزك
وكتب له القصيده وأرسلها لبوفراج
وماقصر العبيدي بيض الله وجهه ووجيهكم قال وطال
فكانت هذه القصيده ولله الحمد سببآ في جلاء همه وتفريج كربه
والقصيده هي
صبرنا لين مل الصبرمنا ياصبي قحطان=على جور الزمان اللي علينا صك بيبانه
نبي شوف الربيع وسجة في روضة الصمان=عقب مافاحت فياضه بريح العشب وألوانه
نبي شوف الشمطري والخزاما والربل رويان=سقاه الغيث من مزنن تراعد فوق قيعانه
معاصوت الطيور اللي تغني باجمل الالحان=يزيد العمر ويطيب الفواد اللي شكا احزانه
الا ياراكب اللي منهجه يروي ضما الضميان=حديث الصنع لامن فز يطرب روح ربانه
على فكسار أبدع في طرازه مصنع اليابان=تميز بالوصوف النادره من بدة أخوانه
ليامن دار ويله مثل حر يكفخ الجنحان=نداوي على شوف الحباري رف جنحانه
ولامنه طلع في راس عرقن يشبه السلطان=على عرش الزعامه معلنن حكمه وطغيانه
وله لون كما بدر بنصف الشهر شاع وبان=وله شكل يعجز الفكر عن وصفه واحسانه
تحرك وأتجه للي شهر من بدة الشجعان=كريم وافي قرم وفعل الطيب عنوانه
شجاع من عبيده فاز بالتقدير والعرفان=ابفعل غانم يجري معا دمه بشريانه
لبوفراج وصلله سلام يهزع الميزان=عدد ماناح ورق يجذب المشتاق الحانه
سلام وافي بالورد والكافور والريحان=وأغلى من كنوز البحر لولوه ومرجانه
ومن بعد التحيه خبره بالعلم والتبيان=واشرح له ظروف اللي يشوف الويل باعيانه
ترى ناصر وقع في موقع يفرح به الشمتان=ولابه حيلة يحتال فيها وسط زنزانه
ليا نامت عيون الناس يقضي ليلته سهران=غدا مثل الفقير اللي يهزه شوف ديانه
معا هم تمركز في فواده كبر خشم العان=حمس حدب الضلوع اللي شكت من صلو بركانه
هواجيسه تلف القلب مثل الترس والرمان=سبايبها تردا حاله وصار المرض شانه
الا يامسندي طالبك تاتي بالخبر عجلان=عسى تفرج لعين من ثمان ليال سهرانه
وصلوا عد ماغنا الحمام بعالي الأغصان=على من أرسله ربه لنشر الدين واركانه
وسلامتكم
أخوكم
زايد بن حسن أبن الزقروط
في أحد الأيام أتصل علي أخ عزيز على قلبي وكان مسجونآ و أسمه
}ناصر{
طلب مني في أتصاله أن أكتب له قصيده في ناصر بن قبيل الزيداني القحطاني )أبوفراج( حيث أنه ليس شاعر
ولأن مدة حكمه كانت طويله ويرغب أن يتدخل أبوفراج فيها
فقلت له: أبشربعزك
وكتب له القصيده وأرسلها لبوفراج
وماقصر العبيدي بيض الله وجهه ووجيهكم قال وطال
فكانت هذه القصيده ولله الحمد سببآ في جلاء همه وتفريج كربه
والقصيده هي
صبرنا لين مل الصبرمنا ياصبي قحطان=على جور الزمان اللي علينا صك بيبانه
نبي شوف الربيع وسجة في روضة الصمان=عقب مافاحت فياضه بريح العشب وألوانه
نبي شوف الشمطري والخزاما والربل رويان=سقاه الغيث من مزنن تراعد فوق قيعانه
معاصوت الطيور اللي تغني باجمل الالحان=يزيد العمر ويطيب الفواد اللي شكا احزانه
الا ياراكب اللي منهجه يروي ضما الضميان=حديث الصنع لامن فز يطرب روح ربانه
على فكسار أبدع في طرازه مصنع اليابان=تميز بالوصوف النادره من بدة أخوانه
ليامن دار ويله مثل حر يكفخ الجنحان=نداوي على شوف الحباري رف جنحانه
ولامنه طلع في راس عرقن يشبه السلطان=على عرش الزعامه معلنن حكمه وطغيانه
وله لون كما بدر بنصف الشهر شاع وبان=وله شكل يعجز الفكر عن وصفه واحسانه
تحرك وأتجه للي شهر من بدة الشجعان=كريم وافي قرم وفعل الطيب عنوانه
شجاع من عبيده فاز بالتقدير والعرفان=ابفعل غانم يجري معا دمه بشريانه
لبوفراج وصلله سلام يهزع الميزان=عدد ماناح ورق يجذب المشتاق الحانه
سلام وافي بالورد والكافور والريحان=وأغلى من كنوز البحر لولوه ومرجانه
ومن بعد التحيه خبره بالعلم والتبيان=واشرح له ظروف اللي يشوف الويل باعيانه
ترى ناصر وقع في موقع يفرح به الشمتان=ولابه حيلة يحتال فيها وسط زنزانه
ليا نامت عيون الناس يقضي ليلته سهران=غدا مثل الفقير اللي يهزه شوف ديانه
معا هم تمركز في فواده كبر خشم العان=حمس حدب الضلوع اللي شكت من صلو بركانه
هواجيسه تلف القلب مثل الترس والرمان=سبايبها تردا حاله وصار المرض شانه
الا يامسندي طالبك تاتي بالخبر عجلان=عسى تفرج لعين من ثمان ليال سهرانه
وصلوا عد ماغنا الحمام بعالي الأغصان=على من أرسله ربه لنشر الدين واركانه
وسلامتكم
أخوكم
زايد بن حسن أبن الزقروط