الليل يا النشامى

[شيهان الحبابي]

مني سلامي والتحيه للجميع ومقابل الوافين يشرى بالنقود=والمعرفه تبقى بعرف رجالها واللي عقد روس الحبال يحلها

دام الفيافي خضر واجواها ربيع ودي بخوة كل قرم ٍفي الوجود=النار شبة والدلال بجالها واللي عقد روس الحبال يحلها

[دايم الطيب]

يعطيك العافيه ياشيهان













تحياتي

[عبدالهادي بن مسفر الحبابي]

واللي عقد روس الحبال يحلها


لاهنت ياغالي وصح لسانكـ ننتظر مشاركات الأخوان

[حسينـ الفحوسـ]

لابد من وضع اعلان بالاهدائات لأي شاعر خاطره بالمحاوره لكي يتم الاتفاق مسبق


لاهنت يا الذيب

تحياتي

[الرايز]

يامرحبا بالشاعر الي به نضيع=وأنا معك يازين أبليا وعود
خل العرب تبدع وحالك حالها=واللي عقد رؤس الحبال يحلها
أبدع وأنا ببدع ومعنانا سريع=وخل الشعر في ليلنا ماله حدود
والكلمه الي ترتقي نسعالها=واللي عقد رؤس الحبال يحلها

[شيهان الحبابي]

الاخوان الاعزاء

دايم الطيب
عبدالهادي بن مسفر
حسين

الله لا يهينكم على المرور وشرفتوا الصفحه بطلتكم وتفاعلكم

لكم اجمل تحيه

[شيهان الحبابي]

الراااايز

ارحب ولا هنت على التواصل وصح السانك

واستلم



دام البقا يا صاحب الذوق الرفيع وافي على وافين في كل العدود=تبقى ويبقى كل علم بفالها واللي عقد روس الجبال يحلها

من سام سلعه يشتريها ما يبيع يا صارف العمله توقع لا تزود=دينارها وجنيهاها وريالها واللي عقد روس الحبال يحلها
فرصه طيبه يا ابو هادي ولنا مقابله جديده في ضروف احسن من كذا

لاهنت ولك التحيه

[الرايز]

لا تشهر بسيفك ترى سيفك قطيع=أمعاهدك يازين وبقى بالعهود
وأغلى الجنابي ترتقي بسلالها=واللي عقد رؤس الحبال يحلها
والسلعه الي قلته لا ما أبيع=هي شوفتك ونعم فيكم يالأسود
ربعك تماري بالفخر وأنته لها=واللي عقد رؤس الحبال يحلها

الله يبيقيك وصح ألسانه ..

وافي ولي الشرف بمقابلتك يالغالي

ولناء لقاء ..