قصيده عربيه تعلمك الانجليزيه

[عبدالكريم الفحوس]

قصيده عربيه تعلمك الانجليزيه ....

القوم جورج وجون وعيونهم زغر & مـا تعـرف لترجمتهـم بالكـلام

عنـدهـم الأم سمـوهـا مــذر & والأبـو فـذر قليليـن الـرحـام

والمـرأه فيميـل والميـل الذكـر & وأختك السستر وترى البوي الغلام

والبدي جسمك وباك اسم الظهـر & واليدين الهنـدز والفنقـر ابهـام

والغنم هي شيـب والكـاو البقـر & واللحم هو مييت والبـون العظـام

والدجاجه هـن والهـوك الصقـر & والبجن قالوا تراه اسـم الحمـام

وشمس ربي صن والمون القمـر & والشهر سموه منث وييـر عـام

والدقيقـه منـت والسـاعـة أور & وهولـدي عطلـة وديوتـي دوام

والبـرد الخبـز والسكـر شكـر & والعسل هاني وسوب اسم اليـدام

والشجـر تريـز والنهـر الرفـر & والسماء اسكاي واكلـود الغمـام

والنجوم استارز والطقس الـوذر & والضو لايت ودارك اسم الظـلام

وكلمة فلور تـرى تعنـي الزهـر & وكل عشب قراص لو انه ارمـام

وكل غرفه روم والهاوس القصـر & وباب بيتك دور والروف الطمـام

ولو علـى بلدانهـم دايـم مطـر & ما تساوي ديـرة العـرب الكـرام

إن شاءالله تعجبكم وتتعلمون منها

[صالح الحبابي]

لاهنت أخي عبدالكريم

شكراً على هذا النقل

[حسينـ الفحوسـ]

ما تقصر يا ابو ريتاج


اشكرك على مجهوداتك يا غالي

تقبل ودي

[عبدالكريم الفحوس]

اشركم على المروووووووووووووووووووووووووووووووور

[ريحة الورد]

الله يعطيك العافيه اخوي عبد الكريم



ابو ريتاج



تحيات


((((ريحه الورد ))))

[ريانة العود]

:)لاااااااااهنت والله يعطيك العافية

[عبدالكريم الفحوس]

الله يقدر مروووووركم
شكرا

[دايم الطيب]

لا هنت
جمل حالك

[أبو سلطانـ القحطاني]

ارحب

لاهنت على هالنقل وهالقصيده الطيبه

تقديري

[دندون المحمدي]

احس اني دخلت ع الموضوع وانا صفر على من الشمال

وبعد ما نسخت القصيده وحفظتها تغير فيني شي


لاهنت يا الذيب

[قحـطـان الحـبابـي]

لاهنت على الطرح