المساعد الشخصي الرقمي

مشاهدة النسخة كاملة : سجل اقوى بيت اعجبك ....


الصفحات : 1 2 3 4 5 6 7 8 9 10 11 12 13 14 15 16 17 18 19 20 21 [22] 23 24 25 26 27 28 29 30

alsh3r
04-19-2011, 10:53 PM
سهرت ليلي يوم ربعي ( نواعيس ) .. و تركتهم و الكل يـزعـج ( شخيـره )



أقلب الذكرى و ذيــك ( الهواجيس ) .. و أدعي عسى بالأمر تاليه ( خيره )








10:53 PM

مآ عاد إلا الليل :g9g1 (68):

الشيخ كارلوس
04-19-2011, 11:01 PM
...

انتظرتك لين ما صـاح الحنين
من غيـابٍ في ملامحه اشتعل





قومَّ الدنيـا .. على باله تجين !
زي .. طفلٍ كسَّر ألعـابه / زعل

....

الشيخ كارلوس
04-19-2011, 11:33 PM
..

قالوا توجّه قلت ودي على الشرق
أفرح ,,, اليا سقت الركايب مشرّق
..
أحب ممشى الشرق عن جملة الطرق
حبٍ ... لجى في وسط قلبي و ورّق
..
من حب ريمٍ طارقٍ مهجتي طرق
حبه على شريان قلبي تطرّق
..
أصارع الهاجوس وأجاوب الورق
حسبي على اللي للحبايب .. يفرّق
..
من ينقذ اللي في بحور الهوى غرق
كنه سجينٍ ... بالكـــــلام ايتشـــرّق
..
خشفٍ سرق قلبي على غفلتي سرق
وإن جيت يمّه ... عن عيوني تدرّق
..
طالعت فيه ... وطالعت عيني البرق
وقفّيت منه ..... ودمع عينه تزرّق
..
والحب ... مثل الموت ما بينهم فرق
مير المُحب بحــالته ... ما يبرّق ..!

..

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
04-20-2011, 11:40 AM
من المكتب الصحّي الى شارع اجور رود

افـكــر بـزولــك وانـــت فـــى ديـرتــك سـالــي



مريضـه فـى لنـدن وارتجـي ربــي المعـبـود


يخفـف همـومـي يــوم مــا عــاد لــي والــي



اهوجـس وسولـف والبشـر بالجنـاح ارقـود


تــرا مــا سمعـنـا فـيــك مـــن قـــول عـذالــي


بـربــك تـوجــه لـــي تـــرا شـوفـكـم يـاسـعـود

مــع الـبـاب لامــن شفتـكـم يـنـشـرح بـالــي



اطـالــع صـــورك يـابـعـد كـــل مـــا فـالـجـود


اطــالــع صــــورك وازرق الــدمــع هـمــالــي



دخيـلـك تحملـنـي لحـشـمـت هـــذاك الـعــود

مـريـضــه ومــنــك كـــــل هــمـــي وغـربــالــي

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
04-20-2011, 11:42 AM
ياجماعه وان نويتوا على انكم راحلين
غمضونـي عــن مظاهيـركـم iiلاشوفـهـا

كن في صدري سنـا ضـو ربـع iiنازليـن

ولـعـوهـا بـالـخـلا والـهـبـوب تـلـوفـهـا

ول عـود لاش رحـمـه، ولاقـلـب iiيلـيـن

عل ذودك في نحر قـوم وانـت تشوفهـا

عـيـدوا بــي بالخلا،والفـريـق iiمعيـديـن

وكـل عـذرا انقشـت بالخضـاب كفوفهـا

مـا يقـرب دارهـم كـود صنـع iiالذهبـيـن

كـود حمـرا عزمهـا مـن صفـاة iiبلوفهـا


كن حنين الويـل يشبـه لخفـات iiالقطيـن

لونـولـه بالـقـدم مــع طـمـان iiجروفـهـا

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
04-20-2011, 11:46 AM
ياكبدي اللي طواها البعد ماجوره

هذي خسايـر فراقـه واتكبدهـا


ابانشد اللي وصاله ماظهر نــوره


محبتــه ليـه خفاقـي يجددهـا

لو أن وقتي يرجع ماضي عصوره


محبته كااااان (والله ما أتعودهـا)

سعيد اليامي
04-20-2011, 01:05 PM
حاولت نسيانك وعيت لنساك

لاجيت ابنسى ذيب صدري عوالك

سعيد اليامي
04-20-2011, 01:06 PM
هذا احلى بيت سمعته
مع تحياتي للجميع ((((((((((( سعــــــــــــــــيد اليــــــــــــــــــــامي))))))))))))))

سعيد اليامي
04-20-2011, 01:08 PM
بفارقك لو كان ماخترت فرقاك
بفارقك وانا فرجوا وصالك



البعد لو به خير ماكان خلاك
تقطع من عيون المحب أتصالك
ماكثرك فالصده وفا لوصل ماشواك
الكبر لله لايغرك جمالك

خليتني للبعد والبعد قساك
خلاك تنسى واحدآ قد وفالك

سليت سيف الهجر كني من أعداك
وذبحت شوق الروح شاللي جرالك

العام ماتصعب الى قلت بلقاك
واليوم من دون المواصيل هالك
مانت بردي حسبي على الوقت رداك

غير صفاك وطيبتك واعتدالك



حاولت نسيانك وعيت لنساك

لاجيت ابنسى ذيب صدري عوالك

لو أنك بترجع كثر ماتمناك

ماكان ذا حالي ولا ذا بحالك
كثر الجفا وآنا استغفر الله اشراك
حبك كفربي لعن ابو من صفالك


خذاك مني البعد ماعاد بقاك
لاكن على قول المثل مش حالك

تدري وش اللي يقتل الشوق ياذاك


لاني بولد عمك ولا بولد خالك

الشوق برد ودافي الوصل لقياك
وثلج الجفا خرب طريق اللقالك
علمتني حبك وعلمني انساك

لوكان من دنياي مابه بدالك

تبغي تضيق خاطري جعله فداك
ماهوب انا اللي يعاتبك في حلالك

طلبتني قلبي وأنا قلتلك جاك
والحين سو فخافقي مابدالك.

الشيخ كارلوس
04-20-2011, 09:33 PM
****


واوجودي .. وجد من فارق هله واحباااابه


الغريب .. اللي تبلواه القدر بـ مطمه


**


حابسينه ظلم في حبس وثيق بااااابه


يزهم الحراااااس ... والحراااس ماهم يمّه


**


وان بغى يكتب كتاب لعزوته واقرااااااابه


خاااف من وقع الخبر .. يقضي على قلب امه

****

الشيخ كارلوس
04-20-2011, 09:48 PM
****



يامل قلبٍ كما دلوٍ


على جال ماه


يطيح في البير ..


ويعود براس الرشا


**


الدلو .. راوي وقلبي ويش


يروي ضماه


متحمل هموم هم اقبل


وهمٍ اغتشى


**


تضوي مع النجم لامنه


لمع في سماه


وتغيب في الصبح


وتعّود حراوي العشاء


**


على زمان مضى علمه


بروس علماه


لو قالوا : اليوم مثله ..


قلت : والله حشا


****

الشيخ كارلوس
04-20-2011, 10:00 PM
***


السبت : دمّه ثقيل ..


وحالته حاله ..


.. الحاله اللي ..


عسى ربي يسويها ..


وانتي لا غبتي نهار السبت


بـ لحاله ..


.. يصير الاسبوع كله ..


( رايح ٍ فيها ) ..


***

الشيخ كارلوس
04-20-2011, 10:04 PM
**


ماني من آهل الزعل


ولا احب الزعل ,


لاتحسبيني من ادنى شي


ابزعل عليك


**

الشيخ كارلوس
04-20-2011, 10:14 PM
***


أنا البارحه يوم إن


خالي الضماير بـات


تسلّطّ علـى عينـي


حريـبٍ يحاربهـا


**


حرمها لذيذ النوم ...


والنـوم لـه لـذات


ليا حل فـي العينيـن


فتّـر حواجبهـا


**


سرت بي ركايب هاجسي


في زمانٍ فات


وكم مـن هواجيـسٍ


تتعّـب ركايبهـا


**


أراجع كتاب العمر ...


واقلّـب الصفحـات


وصفحـه مزيّنهـا ...


وصفحـه مخربهـا...


***

الشيخ كارلوس
04-20-2011, 10:22 PM
**


كل العيـون تهيـم بـك ...


ياكـل طيـف


كـل العيـون ...


وصورتـك باحداقـهـا


كلٍ تخيّـل صورتـك ... حتـى


الكفيـف


يعـرف ملامـح طلعتِـك


وإشراقهـا


وكل القلوب تحب ؟


وإبـن آدم ضعيـف


ياظالمـه ...كــلٍ يـخـاف


فراقـهـا


**

الشيخ كارلوس
04-20-2011, 10:27 PM
%%



صحيح انك زمان فـات غالـي


قبـل تكشفـك دورات الليالـي


حسبتك شمعتة تضوي طريقـي


وجعلت رضاك ربح وراس مالي


تركت اللي يقاسمنـي همومـي


وتابعت السراب اللـي زهالـي


سـرابٍ قادنـي يـم المهالـك


غشى عيني وخيم فـي خيالـي


وعقب بان الخيال من الحقيقـه


تندمت ورجعت لمـن صفالـي


الا ياروحـي اللـي فارقتـنـي


عقب زال الوهم عنـي تعالـي


تعالي حسسيني فـي وجـودي


معك معنى الوجود اول وتالـي


أنا لك لو خدعني زيف وقتـي


الأول بالغـلا مـالـه بـدالـي


أنا لو غلطتـي كانـت كبيـره


يكفرها العـذاب اللـي جرالـي


تعالـي جـددي عهـد المـوده


محت يمناي ماخطـت شمالـي


تعالي عوضي حرمـان قلبـي


مكانك ظل طول الوقـت خالـي


تعالي لو بقـى بالعمـر لحظـة


تساوي من حياتي ما مضى لي


أعزف بقربك الحـان السعـاده


وأقول لعاذلـي مالـك ومالـي



%%

الشيخ كارلوس
04-20-2011, 10:29 PM
.....








وش تقدرين اليوم عنـي تقوليـن





لو يسألونك غيـض والا شماتـه





مدري؟ ولكن وضحـي لا تخفيـن





وفـاك للماضـي يجسـد حلاتـه





رغم الفراق الي مضى دونه سنين





قولي لهم كنـت الحيـاه بحياتـه





أعميت قلبه عن جميـع المزاييـن





وأنكر معي عذري الاحساس ذاتـه





أضحك وهو يبكي من الوجد والبين





وأبكي معه تمثيل وأشكـي شكاتـه





لين أدمن الحيره وشكوى المحبين





وأصبح غرامه بي..من أبرزسماته





أربع سنين مولع السمـع والعيـن





شوفى هنا دنياه...واسمي غناتـه





والخامسه صارأختـلال الموازيـن





فقدت ما كنت أعشقه من صفاتـه





صار السكون اللي عهدته براكيـن





وحلـيت عبراتـه محـل عبراتـه





وإقفي هنا بالشـرح لا تستمريـن





خيالـك المبهـوت لمـي شتاتـه







....

الشيخ كارلوس
04-20-2011, 10:34 PM
..........



يوم الوفا له في مشاعـرك عينـه


وانا معـك وافـي ورى ماهقيتـي


إنسقت مع شوق الخفوق وحنينـه


ماقلت كم خذتـي ولاكـم عطيتـي


أعطيك نون العيـن لـو تطلبينـه


واخلق لك الاعذار مهمـا قسيتـي


ويوم اعترفت أنك لقلبـي وزينـه


طاح القنـاع الـي وراه أختفيتـي


وين الحنان اللـي معـي تدعينـه


وين الوفا اللي في ثيابـه بديتـي


صرتي لدهري في عذابـي عوينـه


هدمتـي اللـي بالامانـي بنيتـي


تأكـدي كـل البشـر تخدعيـنـه


إلا خفـوقٍ مـن حنانـه رويتـي


ماعاد أنا الطفـل الـذي تخبرينـه


يزعل وترضينـه متـى مابغيتـي


شوقي غدى كتلـة رمـادٍ بطينـه


وهو امس نار من وهجها دفيتـي


وش عقب موت الشوق لك ترتجينه


ياللي بـراىٍ مـا نفعـك اقتديتـي


غلاك في قلبـي هدمتـي حصينـه


وعليـه بأقـدام التعالـي وطيتـي


لادمـع هـل ولا مشاعـر حزينـه


سـراب بينتـي سـراب انتهيتـي


.........

الشيخ كارلوس
04-20-2011, 10:39 PM
***


ياصبا نجد جـددت الجـروح القديمـه


يوم ذعذع هواك وخالـي البـال نايـم


ياصبا نجد ليت أهل الحسد والنميمـه


منك تستوحي اللين وصفاء النفس دايم


لأجل من يشتكي لوعات فرقـا نديمـه


مايصيرون ضده بيـن واشـي ولايـم


ياصبا نجد وين اللي وصوفه عديمـه


نار فرقاه حطت فـي فـؤادي علايـم


ياصبا نجد قله كـان ظيمـي يظيمـه


لايطـاوع بحبـي ناقليـن النمـايـم


مثل ماقالوا (العاقل ضميره خصيمـه)


والله إني من أجله عن هوى الغير شايم


ياصبا نجد لولا أهل العقول السقيمـه


يصنعون السوالف بيـن زور وظلايـم


كان والله لاجيـه بصـورةٍ مستديمـه


المسافـات ماتفـرق قلـوب تـلايـم




****

الراية
04-21-2011, 02:36 AM
احدن يحاول بالردا بنت عمه = واحدن يحاول ستر عذرا عوانيه

الشيخ كارلوس
04-21-2011, 08:45 AM
===========



صاحبي وان جاك عني سالفه والا قصيده


ماكتبت الا غلاك ولا رجيت الا حنـانك



شاعرك هذي حروف العشق تسبح في وريده


كل ما طرز بـها جيدك .. تثنى خيزرانك



كل حرف في قصيدي ما تحرر وانت سيده


والقصايــد ما يساوي طيبها زلة لسانك



صاحبي حتى جروحك كل ما غابـت فقيده


من غلاك أزريت لااميز قساوتــك وليانك



ليه أغني للقمر والفجر وسنيني جديــده


جيت ادور عن ربيع العمر واغراني زمانك



لايهمنك ليال البرد واشواقي وقيـــده


كل ما ضاق المدى بخطاك تستـاهل مكانك



والكلام اللي مغير اقراه بعيونك واعيــده


خلني في سالفة نجلك ليــا شحت ثمانك




===========

الشيخ كارلوس
04-21-2011, 08:51 AM
الوه لبيه فاضي وش تبي امر


ياجارح القلب جرح لو رحلت ادمى


تعبان كني عيون المغرم الساهر


لكن انا غير اشرف واغلى واسمى


مخزن اسمك بجوالي بسم عامر


يلين شيخت اسم عامر على الاسماء


وقصيدة محمد المكتوم والسامر


وابداع قيس الملوح وابن ابي سلمى


لقيتها في محيا وجهك الغامر


مثل السراج المنير بعتمة الظلما


ونهودك الراهي المتناسق الثامر


مزموم والا غلاي اشتد به وازمى


الشوته اللي خسرها حظي الدامر


جمهورها دمعتن في محجر المرمى


تتوقع الهجر طعمه حلو والا مّر


الحل واضح لكن قلب الفراق اعمى

الشيخ كارلوس
04-21-2011, 08:57 AM
العيد غربه .. والفرح ثوب مشقوق


يالمـّة الخـلاّن ... ياريحـة أمي


من عادة العاشق يناجـيه معشوق


وانا التـناجي بين عيني وفمي


النوم : حلمٍ تطرده لهفة الشوق


والوجد بعـروقي يخـاويه دمي


واليوم مثل البارح غروب وشروق


لمّي ثـمار العمــر يـاروح لمّي


احدي هجوسي مثل من يحدي النوق


واحمل عناقيــد الندم وسط كمي


وارقـب نجوم الليل بعيون مخنوق


والفــجر لا حـولي ولا هو بيمّي


أماّ زماني ساقـنـي للشقا سـوق


أو زادنـي هم ٍ على غـير همي

الشيخ كارلوس
04-21-2011, 09:03 AM
لاتحسب اني جاهل بعض الامور الخافيات


اللي تحدك ؟


وانت مالك عن هوى


قلبي مطير ؟


....



ادري ...


واقدر ..


واتحمل ..


واتحاشي الانفلات


والا تراني في بعض الاحيان


مااطيع الشوير ...؟


....

الشيخ كارلوس
04-21-2011, 09:05 AM
مارحلتي لين حطمتي بما فيه الكفايه


عاقل حب الجنون وصوت ناره في هشيمه



استبحتي حرمة المجنون بإدراك وعنايه


والتفيتي له بعقلك وارتكزتي في صميمه



امتلكتي غايته لو ماكان لك غايه


وانتصرتي في عيونه واعترف لك بالهزيمه



من كثر مايعشقك ماقال لك بالحب رايه


خايف الايام لاتطلع عواقبها وخيمه




**

الشيخ كارلوس
04-21-2011, 09:08 AM
انا احمد الله ماخذتني الهواجيس


واثق ولاهميت من عذربوبي



واللي على درب المراجل مفاليس


من بعد هذي قلت يانفس توبي



صفوا الصفوف ومقدم المرجفة هيس


وانا لحالي واركز احيان ثوبي



وان زاد جمع الدنفسة بالدنافيس


يبطون والله بالغدر ماغدوبي



ماعيش عيشة ليل خلف الكواليس


يدرون بي .... ولا عسى مادروبي

الشيخ كارلوس
04-21-2011, 09:10 AM
يوم سلهم وابتسم عطب السهام
شرّعت بالقلب من رمشٍ فتون

كنت أبا سلم وضيعت الكلام
وارتسم طيف المشاعر بالعيون

موقف كن الدقيقه فيه عام
عشت فيه بكون والعالم بكون

قلت من ما شفت سلم يا سلام
يا عسى العذال له ما يفطنون

يا عيونه ما على رمشك ملام
الغلا خلا لك الكايد يهون

فز لك قلبٍ بصدق الحب هام
والحقايق ما تغيرها الظنون

ماني أول من شكا جور الغرام
ومن تفوته رغبته مات مغبون

بس أنا أول من خطب وده وشام
لين صار اللي حسبته ما يكون

يوم جيت وشفت بك كل المرام
قلت ما غيرك على قلبي يمون

الشيخ كارلوس
04-22-2011, 10:21 PM
اليتم يتم الأدب والموت موت الضمير
والحب ... حب المعالي بأختلافاتها
والجرح جرح المشاعر من لسان الحقير
والصوم .. صوم الجوارح عن شهواتها
والبخل بخل الغني والجود جود الفقير
والفوز ... ماهوبـ فالدنيا .. ولذاتهـا

الشيخ كارلوس
04-22-2011, 10:24 PM
عزيتهم .. ﻷنهم [ ربع وأصحاب ] ..
وتضايقوا من فرحتي .. وإهملوني !
أسباب .. خلتهم كذا ؟ أو بلا أسباب ..
طاحوا .. وصعبه يرجعون لـ عيوني !

الشيخ كارلوس
04-22-2011, 10:25 PM
السبت يخنقني بكل ايدينه
يأكرهي لسبت الدوام وسبتي
ومع ثقل دمه فالسبوع وشينه
زودتي إلضيقه ( فراق ) وغبتي

الشيخ كارلوس
04-22-2011, 10:27 PM
‏​‏​‏​‏​​‏​‏​‏​‏​من قال لك ، بـ أني مع الوقت بنساك
مريض .. ويشوف الاوادم ، مراضى ،
خلك معـاي وقول لعداي .. وعداك :
متى تزاعلنـا .. عشان نتراضى !؟

alsh3r
04-22-2011, 11:30 PM
ألا يآ وجــودي وجـد عود(ن) طريــــح فـرآش = و لآ له من الشغلــــه سـوى جر ونـــآتــه

غـزوه العرب غفلـه و غـآروا على آلأدبآش = و لآ عآد بـــه شـدّه يدور لمنجــــآته

و صـوّت على ربعــه و لكن ربعــه مــآش = و من حـر مآبــه بل خده بدمعــــآته

طرى لـه زمــآن(ن) فيه يـآمآ غبـش مغبــآش = ويآمــآ حمـآ ذوده من القــوم لآجآتــه


:icon114:

alsh3r
04-22-2011, 11:39 PM
دعاء :-

بعد الآذان .. و قبل وقت الاقامه

أدعي :

عسى الله لا يكثر همومك


و أقول من قلب(ن) صدق في كلامه


( ياجعل يومي يا الغلا قبل يومك )


,

alsh3r
04-22-2011, 11:44 PM
لك في وسط قلبي ( شيوخ و قبايـل )


يمشون تحت ( آمرك ) على ما بغيتـه



أضـرب بهم ضلـع الجبل / و يتهـايـل


و أقطع بهم عرض البحـر/ لا نويـتـه



:g9g1 (4):

alsh3r
04-23-2011, 12:24 PM
الموت في عينك ما يحتاج : توضيح


أضرب مثل / ياما و ياما و ياما ..!!



أبوك يذبح لـ النشاما .. ( مفاطيح )


و إنتي بعينك ( تذبحين ) النشاما !





ياجعلني ما خلى من أبوي :p

alsh3r
04-23-2011, 01:40 PM
جـيـت ( أبـكـيـك ) لـكـنّـي مـــا عـنــدي عـزيـمـه

أشحـذ ( العيـن) دمعـه .. و أشحـذ القلـب همّـه



و الــعــيـون الـشـحـيـحـه .. و الـيـديـن الـكـريـمـه

حـوّلـت راس راعـيـهــا .. عـلـى ( راس كــمّـــه )



أحـتـمـي شـيـمـتـي و الـدمــع مـا فـيـه شـيـمـه

( لــو دهــن سـيـر عيـنـي جاب فـي ّ المـطـمّـه )



الــدوافــع كــبــيـــره .. و الـعــواقـــب وخــيــمــــه

لا تـــحــرّا دمــــوعــي يــا ضـنـا أبــــوه و أمـــــــه



عــدّ فـــي صـــدر بــيـــت الـذكــريــات الـقـديـمــه

مــالـك إلا كــرامــة (شــعـــر) و إبــــراء ذمّـــــــه



و إن بـغـيـت الـكـلام الـصـدق .. ذبّ الــخـريــمـه

روح عـنّــي .. تـرى مـشـغـول بـأشـيـاءٍ مـهـمّــه

:g9g1 (4):

alsh3r
04-23-2011, 01:47 PM
آســــف عــلــى مــــا بـــــدر مــنّـــي .. و سـويــتــه

إشـــره و شــرهــتــك يـا عــيــنــي عـلـى راســــي



أخـطـيــت .. بـس الـطــريـق الـصّــح مـا أخـطــيــتـه

أقــــــر .. و إقـــرار نــفــسـي بـالـخــطــا قـــاســـي



,

alsh3r
04-23-2011, 01:53 PM
أنـــــــا أنـــــــا مـــازلــــت , و الـــشــــوق : مـــــازال


جــالـــس و أمّــــول مــــن فـــراقـــك ( لــحــونـي )



أنــــا بـــدونــــك : " حــالــتــي " حــالــهــا حــــال


بس أنتْ قل لي : ( كـيـف حــالك بـدووونـي ) ..!



, ْ

alsh3r
04-23-2011, 02:01 PM
لـــــو تــجـــي الـدنــيــا عــلـــى كـيــفــي إن كــــــان


مــا ضــاقــــت الــــدنـــيــا بـــعـــيـــنــي و لا يـــــوم !



لــكـــن مـــا دامــــت عــلـــى كــيــف الإنـــســـــان


يـمـسـي بـهــا مـعـطـى / و فـي الـصـبـح محـروم



,

alsh3r
04-23-2011, 02:41 PM
تــغـيـض ( عــيــنـي ) مـن دمـــوووعـــي قــبــل تـمـتــلــي
ـ
و (الــمــقــبــره ) تــمـتــلـي مــوتــى و عــيّـت تــغــيــض ؟


نـصـايــب ٍ بــيــض فــــوق الــروس .. ( و الله ولـي )

( و الله ولــي ) و الـمـصـايـب سود مـاهـيـب بـيـض


حــاولـت جــاهـد يـهــيــض الـصـدْر ( مـمـا يـلــي )

لـكـنّ ( فـيـمـا سـبـق ) حاولت و أزريت أهـيـض !


يـا كــم ( دفــنــت ) بـيـدي شـخـص ٍ عــزيـز ٍ عـلــي

و إليـا بقى شـخـص يدفـنـي ( تـرانـي حـظـيــظ )


,

الشيخ كارلوس
04-23-2011, 04:50 PM
المواقف تشخل الناس و الطيّب يبين ,
كل عام يطيح تسعه و يصفالي وحيد !

الشيخ كارلوس
04-23-2011, 04:52 PM
أسترجـع الماضـي و أناديهـا تعالـي لـي كـمـا
غيثٍ يبشّر بـ.. الحيـا سيلـه و سيعـات الفجـاج


والا تعالـي لي مِثـل طيـفٍ تهـادى .. و إرتـمـى
داخل عيـوني لوّ يسافر بيـن رمشـي وَ الحْجـاج !




حتّـى تعيـش الخطـوه اللّـي رافقـت درب الظمـا
و أنا أجعلَك لـ الهامه اللّي ما انحنت لَـ الناس تاج

الشيخ كارلوس
04-23-2011, 04:54 PM
طاري الهوى يوجع اللي مابرى جرحه
من وين مالدّ .. هبّت صوبه الذكرى
يبكي ويحتار دمعه .. ضيق أو فرحه
والأغلب أوجاع دام الجرح ما يبرى

الشيخ كارلوس
04-23-2011, 04:57 PM
حاولت مرة قلت أبصمل وأبنساك
ولا أنتبهت !! إلا وأنا .. عند بيتك


تدري وش اللي عاد وداني هناك
نسيت نفسي .. وأحسبني نسيتك

الشيخ كارلوس
04-23-2011, 05:02 PM
أنا أحبك وأعرف أنك تحبيني
رغم الفروق البسيطة بينك وبيني


أنتي تطيح بمكان فراقنا دموعك
وأنا مكان الفراق يطيح من عيني

الشيخ كارلوس
04-23-2011, 05:04 PM
شفني وأنا فـ عيوني [ الحزن ] ساكن . .
وإن لمتني ما نيب حمل الملامه ..!
تبيني أفرح ..؟! ودي أفرح ولكن ..
ما به فرح يكفي لنصف [ إبتسامه ] ..!

الشيخ كارلوس
04-23-2011, 05:09 PM
إن كان يحسب خفوقيّ ضمن حاجاته ..
وصـوه .. ينقّع ظنونة ثُمّ يشربها ..

الشيخ كارلوس
04-23-2011, 05:10 PM
ما أرتحت لك بس مع هذا تحملتك
والمشكله عارف إنك ما أنت جابرني
لو شفتني في كلام الحب جاملتك
إحساس عابر معَ غيرك يساورني ..!

الشيخ كارلوس
04-23-2011, 05:12 PM
ديـرْةٍ مِنْتْ فِيهَا مَا عَلِيْهَـا حَلا .. !
لَوْ سَحَايبْ مطَرْها ؟ كلْ ليْلَهْ تسْيلْ

الشيخ كارلوس
04-23-2011, 05:14 PM
مهما سعى الإنسان / يجهل مصيره
وممكن تموت بظرف لحظة أمانيه ,

كم واحدٍ .. ما نام .. سبَّة ضميرة
وكم واحدٍ .. ما حسّ باللّي يسوّيه ,

بعض احتياجاتي صغيرة / كبيرة
وأنت الخطا اللّي بالفعل أستلذ فيه

يا صاحبي قلبي جروحه غزيرة
خلِّك معه مهما حصل .. لا تخلّيه !

لا تقول بُعدك : يمكن يكون خيرة
إذا فراقك خير .. أنا الخير ما أبيه !

الشيخ كارلوس
04-23-2011, 05:17 PM
خذني على جفنٍ من الشَوق غارق
لا للندم نظره ,, ولا للعتب صوت !


لا بدّ ,, ما نفقد بعض ؟ و ( نتفارق )
إمآ من ( الأيام ) والا .. من ( المُوت )

الشيخ كارلوس
04-23-2011, 05:19 PM
شفني على كثر ما أرجي جيّتك شفني
أحيان !! احس الزمن ملّ و تعداني !
يؤسفني !! إنّك تجاهلني و يؤسفـني
إني " إلى الآن أحبّك " رغم ما جاني !!

الشيخ كارلوس
04-23-2011, 05:25 PM
الحب :
فنّ الدرب
والجري والضيّ
وتشوف قدامك ولا كنّك تشوف



تستأرض من اللهفه
وفي رجاء الريّ
وتطوّف أشياء قبل ما كانت تطوف

الشيخ كارلوس
04-23-2011, 05:31 PM
,,,

يحق لي ... أفتخــر بـ اعداي
لاصاروا اصدق من اصحابي !!



طالت عليّ الخطا .. واخطَـاي
ماعـاد تتحمّـــــــل اعصــابي



لو تلمس الريح جوف النـاي
يســري بي الوجد .. لاحبابي



ياصاحبي.. صاحبـي بلــــواي
والا عــــــدوي .. دوى نـــابي



وان قلت لي أختصــر مغناي..!
اقــــرا لك من آخــــر كتــــابي



يحق لي ... أفتخـر بـ اعـــداي
لاصاروا اصــدق من اصحابي .. !

,,,

الشيخ كارلوس
04-23-2011, 05:34 PM
اعاتب الوقت ..
بس الوقت وش ذنبـهـ !!
الذنب ذنب القلَوب ...
وطبعـها القـاسيَ

الشيخ كارلوس
04-23-2011, 05:37 PM
وش آخرك يا ضيقة البــال قولي لي
تعبت اردد واقول : الحـــال مستوره ..!
إن جيت ابشكي / لقيت الكل يشكي لي
وإن قلت بتهون / زاد الوقت في جوره ..!

الشيخ كارلوس
04-23-2011, 05:40 PM
شفت الغيوم ليآ رضت وأمطرت سيل
ورآحت سُحب تركض تبّشر أراضي
يشبه شعوري يوم جيتك وانآ أشيل
قلب ومكآنك فيه مآ زآل " فآضي "

alsh3r
04-23-2011, 05:41 PM
صـعـب أتضـايـق ( عـلـى شاني ) عـلــى شـانـي !

مـســلــم ، و أدور ســتـــر ربـــي ، و أعـــبــد .. الله


و صعب ، أتـضـايـق بـعـض الأحـيـان ... و إخـوانـي :-


[ زايـــد ، و سلطان ، و مــحــمـد ، و عـــبــــدالله ]


,

الشيخ كارلوس
04-23-2011, 05:48 PM
لا صرت متهني و رايق و[ مبسوط ]
هذا " مُنى عـيني " و غايـة مرادي !
واصل حياتك مـ أنت فيني بـ مربوط
ولا عاد ترجع لي و تطلب ( ودادي )
بعد ماكنت بعالمي ( شخص مغبوط )
الحين صرت آقل من شخص عادي
الحين صرت آقل من شخص عادي

الشيخ كارلوس
04-23-2011, 05:50 PM
لو ظنوني يوم واحـد تشعـر بِ خيبـة ظنونـي
ما يصير الحزن سيد الصدر وافراحـي عبيـده


سامح الله ذنب كلّ اللي على الضيقه حدونـي
لـيّن صرت أواجـه الأيام فـي بسمـه وحيــده

الشيخ كارلوس
04-23-2011, 05:55 PM
النوم ... ميّت عليــك و ماخــذا ديّه ..
و أحلامك ؟ ليا " سهرتي " تكون ( ولهانه )
{ وجهك } مثل / عيد .. والبسمات / عيديّه
فديت ! نظرة " عيـونك " و إنتِ نعسانه
أقول ( عــاديه ) و مــ انتي : بـ عاديّه !!
مــلاك ,, نازل عليّ في صورة إنسـانه
نامي وتشــوفين أحلى أحــلام ورديّه
النوم سلطـان ,, و إنتِ ؟ [ بنت سلطانه ]

الشيخ كارلوس
04-23-2011, 06:01 PM
كم لي ..؟ وانا مـا نمـت ... مـن دون تفكيـر
في المقبل من الحزن .. وجروح الاحباب؟!


خايف وساكت ، وآتمنّــــــى ولا يصيـر ..
حتى رميت الحلم مـن روس الاهـداب !


لا ردتـه كفّـــــي ،, ولا يقـــــدر يطيـر ..
طاح .. ومشى فوقه تباريـح وعتـاب !


واقفيت مثل اللي مواعـــــــد لـه بـخيـر ..
كل يوم يسأل ساعي الوقت وش جاب ؟!


شباب ،, وافراحـــــــه بـ ايديـن المقاديـر ..
من كثر ما علّق عليها الأمل .. شـاب !!

الشيخ كارلوس
04-23-2011, 06:08 PM
خلاص يعني ما بقى لأيامنا الحلوه أمان
ولا عاد باقي للحكي قيمه وللحيره مصير


شفني على قد السمار اللي ملا وجه المكان
مو قادر أشري راحتي وأبيعك لنفسك وأطير


لو كنت قادر أتركك والله تركتك من زمان
ولو كنت ناوي احرقك ما رحت اضمّك بالأخير


المشكله كل ما نويت أصير في عيني جبان
وأروح مثل اللي يروح ودرب خنّـاقه قصير


أرجع وأفلّ الذكريات من القسى لين الليان
والقاك في أغبى مراحل عشرتك قلبك كبير !

الشيخ كارلوس
04-23-2011, 06:10 PM
لا ضقت من دنياك واحوال دنياك
ارفع يدينك للسماء وادع ربكّ
هو الوحيد اللي ليا ضقت نجّاك
من ضيقتك وهمومك اللي بقلبك

الشيخ كارلوس
04-23-2011, 06:17 PM
عسى وادي خريم اللي عن العارض شمالٍ شرق
ليا مرّه سحــــاب الصيـف ,, بيّـح فيـه مكنــــونـه

من دموع السحاب وضحكة الغيم ورفيف البـرق
شهر والناس نصفٍ من وراه ونصف من دونـه

على شان العيوف أم الوصوف اللي غلاها سرق
تربّت في حمــــاه وضامـت العشـــــــاق بركونـه

تناديها الهبايـب والقصايـد والدمـوع الـزرق
وكبدٍ من ظـروف الوجـد والحرمـان مغبونـه


ثنت عرقين .. وأجتثت ثلاثه .. وأستباحت عرق
وطاب من البطا عرقين والثالث علـى لونـه !!

الشيخ كارلوس
04-24-2011, 05:54 PM
\\



‏​‏​​ياوليفي جعلك الله تمحق بالزمان


صرت انا وياك من مشكله في مشكله


ان بغيت اجيك مابه على وصلك ضمان


وان بغيت انساك جاني سهومن مرسله


زين قبضك وضربانك بمطرق خيزران


لين يبرد حر كبدي جديده واوله



\\

خخخخخخ

الشيخ كارلوس
04-24-2011, 05:58 PM
****



وين آنت غايب عسى ما بأس


وين انت / ما عاد لك .. طله


يمكن اني انسى جميع الناس


اما اني انساك ؟ ( لا والله ) !




****

الشيخ كارلوس
04-24-2011, 06:07 PM
*****



فيّ و هجير الله سبحانه ...


خلق فيّ و هجير


و هذا هجير العمر يا ابن آدم


و هذي فيّتـه


**


اللي تواجه من صلف وقتك ؟


قليل من كثير


واللي تبي من لذة الدنيا ,,


ترقّب جيتـه


**


لان الرشا فوق المحالة !!


والمحالة تستدير


هذا يصبّحه القدر فجأة !


و ذاك يبيتـه !!؟


**



عودٍ هرم


وإلا ولد


وإلا غني


وإلا فقير


كلٍ كتابه تكشف أوراقه ..


وتنشرّ طيتـه


**


ماوطي الأول من يسر وإلا عسر


وطي الاخير


يا ليت كلٍ يحسب حسابه ..!!


و يصلح نيتـه


*****

الشيخ كارلوس
04-24-2011, 06:55 PM
****


بنـت الخيال .. الواقـع .. المستحيلـه


مرّت .. على بال : الأمانـي والأحـلام



إحـتجتـها .. مع إنـها قـبل ، ليله


معاي .. وأحسبها قبل ( عشرة أيـام )



النـاعـمـة .. أم الـكثير .. القليـله


الأولى .. أو بالأصـح : كـل الأرقـام



إذا أقبلـت قـدام عيـنـك .. نحيلـه


وإذا أدبرت مالك سوى ، جرّ الأنسـام



تمشي..تحس إن الخطـاوي : بخيلـه


توقف .. تقول : البخل أحياناً [ إكرام ]



حتى الحكي لاسـولفت .. عزتـي لـه


يذوب مابيـن : [ الحيـا ، والتبسّـام ]



السالفه لـو هـي قصيـره ، طويلـه


( شمعة سهر .. بين الأحبّه والأنغـام )



عابر .. لمح فـي مهمهتهـا : سبيلـه


تقول لـه : قـدام .. ويقـول : قـدام



ويقـول لاشحّ الحكـي مـن مسيلـه


قصايدي .. في وجهك البدري خـزام



شاعر يدوّر في وصوفـك .. وسيلـه


يوصل رغم [ ظلم الصحافة والإعلام ]



مـن وين مـاوجهّتـي .. بتسمعيلـه


لو المساكن [ طين وعششّ وخيـام ]



يالملهمه وإن كـان .. مافيك حيلـه


مرّي ، على بال : الأمانـي والأحـلام



وانــا مـع الأيام .. راعـي طويلـه


قاعد على قلـب الليـالـي ولا أنـام !


****

الشيخ كارلوس
04-24-2011, 06:58 PM
‏​‏​‏​‏​‏​‏​‏​‏​​‏​‏​‏​باديٍ في راس رجمٍ مربٍ للوحوش


نايفٍ من فوق كل الرجوم النايفه



اتذكر فايتٍ فات ودموعي تجـوش


خابرٍ ان ماعادني لو بكيت بشايفه



حب زينات الوصايف رقيقات الرموش


ودي اجامل وروحـي عليه مهايفه



اتذكر كلمةٍ منه في الليل الدغـوش


ساعةٍ عجله وفيها نفوسٍ خــايفه

الشيخ كارلوس
04-24-2011, 07:00 PM
أضحك .. ترى الأيـآم .. لآبد .. تبكيك ..!
.. وأركض .. تراك بـ يوم .. لآبد .. تآقف .........!!

هذي تجارب نآس .. من دون تشكيك ..!
.. و هذي خلآصة عمر .. كله .. موآقـــف ....!!

الشيخ كارلوس
04-24-2011, 07:06 PM
آحيان عوج السوالف تجرح المسمع
لا صار سود الوجيه..تقـول ما تعني!
قادر على الذم .. بس الذم .. ماينفع
اخلاقي .. وعزتـي ترفض وتمنعني!
آصنع شعوري بفكـري.. وابتكر وابدع
لو بعض الاوقات تلقى الجرح يصنعني !
شرهاتي البيض .. ناتج طيبة المنبع
وكثـر المواقف .. تبيّن لي وتنفعـني
لا ضاق لي خاطـر ولا بان لي مدمع
كسرت خشم المواقف .. قبل تلفعني!
اطرقت راسي طناخه مارضيت ادنع
من غير (اسمي) الى من طحت يرفعني!
ورثت سمعـة ابـوي وهيبة المرجع
اللي على ارض الوفاء والطيب تدفعني!
هي راس مالي ولا لي غيرها مطمع
لا شان وجه الزمـن ثم قام يصفعني!
ياليـت الايام تعطيـني سبـب مقنـع
مع خالص الشكر .. لو تقدر وتقنعني!

الشيخ كارلوس
04-24-2011, 07:17 PM
****


سقا الله زمان قد مضى وأذكره بالخير


تدور السنين وعاد ذكـراه تتبعـني



مع انه رحل ماجاه حقه من التقدير


لكني دريـت بقيمته يوم ودّعـني



****

الشيخ كارلوس
04-24-2011, 07:21 PM
....


‏​‏​‏​‏​‏​كَآن آلمْعزَه عنَدكُم يُوم و آسّبوُع


ثُم تنَتهِي مْع دُورَة الوَقتُ وتضِيعَ



حّنآ آلمْعزَه عنَدنَآ [رآسّ مَرفوُع ]


لآ مْن شَريِنَآ شخٌصِ مآنقدر نبِيـعَ


...

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
04-24-2011, 07:58 PM
مدري وش أكتبلك على شان تقرى
مادامني ماعدت قادر أكلمـك..!!


أهم شيء إن أنت بشعـوري أدرى
سواء أعلمك والا ما أعلمـك..!!


مادامك الجلاد وأفراحـي أسـرى
مافيه داعي أشتكي وأتظلمـك..!!


الجرح دامه منك جعلـه مايبـرى
يشفيني الله وأنت ربي يسلمـك..!!

بندر الحبابي
04-28-2011, 01:25 AM
ابيض وجه اخوي حسين
مشكور على الموضوع الرائع
وش يقهر المخلوق غير الخديعه .... لو صابت ارصاص الغدر اوسط الصدر

لــ بندر الحبابي

الشيخ كارلوس
04-29-2011, 02:57 AM
**



‏يا عايفٍ من يعاف إحساسي الطاهر


أحداٍ عطاه الله أغلى قلب .. ويعـوفه ؟



الظاهر إنّك فقير إحساس .. والظـاهر


إنّي طلعت أنزف إحساسي على طوفه !



**

الشيخ كارلوس
04-29-2011, 03:02 AM
**

تعبت من ممشى على غير مشهـاي


وتعبت من صبر علـى غيـر غايـة


طاحت عزومي ليـن قلـت نوايـاي


وابعدت من مبـداي صـوب النهايـة


ماغير اهوجس واضرب الراي بالراي


واثـر المغربـل مايخلصـه رايــه


الوقت ذا هوهو بطبعـه وانـا ايـاي


انـا صـدوق وذا زمـان الدعـايـة


يالله ان تعاوني علـى كبـر بلـواي


ويالله ان تقدينـي طريـق الهـدايـة


اشكي من الماضي وخوفي من الجاي


ولـي فـي ملمـات الليالـي درايـة


لو كنت اعرف دواي ماخفت من داي


واخير مـن طـب الطبيـب الوقايـة


سبحان من يعـرف مقاسيـم دنيـاي


فـي صفحـة ماتنعـرض للقـرايـة


اليا غدى وقتي جـزوع مـن حكـاي


ادوي بهاجوسـي علـى كـل ايــة


واليا كسرني هاجسي صوب مركـاي


فايه جبرنـي نخـوة دموعـي ايـة


وان شفت همي مانقص من تشكواي


اخترت من نطـح الهمـوم القفايـة


وقت غدى كنه علـي اكبـر اعـداي


يفـرح علـي مجمعيـن الوشـايـة


صادمت صكات الزمن باول اصبـاي


وصادمت قد شيبي بـراس المرايـة


الين نبـات الارض غـارس ورواي


وشوك السلم ماخذ على اسمي وصاية


اعـد غلطاتـي واحسـب خطايـاي


لانـي بمـن قـل ولانــي بتـايـه


أيس وتيبس عقب ماايـس شفايـاي


وامل وبعـض امـال قلبـي غوايـة


لااسوم انا وجهـي ولاامـد يمنـاي


ثنتيـن تحسـب للمـذلـة بـدايـة


بالقـي همـوم الليـالـي مقـفـاي


لين اقلـب اخـر صفحـة للروايـة


برضى بمقسومي على طيـة رشـاي


لاعـاد لـي شـك ولالـي غوايـة


مالي جدى الا ونـة القلـب ودعـاي


وعنـايـة الله مـاوراهـا عنـايـة


بسكت وسري ساجنه فـي حنايـاي


اليـن تـروي المقبـلات الحكـايـة

**

الشيخ كارلوس
04-29-2011, 03:04 AM
==



تناسيتها .. لا شكّ ما تنسّي يـا منيـف


هنوف ٍ غلاهـا شـال قلبـي بمعلاقـه


..


أحاول ما يشغلني هواها ولا أدري كيـف


تجيني طواريها مـن البـاب للطاقـه !


..


صدق من يقول الذاكره مثل حدّ السيـف


تمزّع خلايـا المـخ وتسبـبّ إرهاقـه


..


أراجع شريط الذاكره بين طيف وطيـف


ومع كلّ لقطه .. نزعة الوجـد منساقـه


..


سقى الله مواعيد الهوى في ليال الصيف


يا كم جيت مشتاق .. ويا كم جات مشتاقه


..


نوثّـق مشاعرنـا ولا تقبـل التحريـف


نحسب الزمان يصـون للحـبّ ميثاقـه


..


لكنّه علينا مـارس العنـف والتخويـف


وغيّـم سمانـا والجفـاء لاح بـراّقـه


..


قطعنا النصيب وراح ركب الغرام معيـف


وكل ٍ على حظّـه تبـاري لـه أوفاقـه


..


أدوّر عوضها في بنات المـدن والريـف


وعليها لازال القلب واقف علـى ساقـه


..


يا سعد الخليّ اللّي تريّح مـن التكليـف


سمع عن مذاق الحبّ .. والحبّ ما ذاقـه



==

الشيخ كارلوس
04-29-2011, 03:07 AM
ماني محاسبهم !! على مايسوون ..
إن ماكسبت إحسانهم !! ما أخسرهم !

وإن كذبوا فيني .. سواليف !! وطعون ..!!
[ الله يجعل كيدهم .. في نحرهم ] .. !

الشيخ كارلوس
04-29-2011, 03:11 AM
==

شحيّت عني بشوفك صار لك مدّه


واليوم صوتك بعد شحيّت به عنّي



قبل أمس لك صدّةٍ واليوم لك صدّه


زودٍ على مابي من طعون تطعنّي



إن مات شوقك فشوقي واصلٍ حدّه


وإن كنت رايق فعقبك ماضحك سنّي



أرخي لك الحبل وأنت تعوّد تشدّه


صار الجفا فنّك وصار الوفا فنّي



هذي سواياك باللي خصّك بودّه


تعيشّه في عذابك وأنت متهنّي



هذا جزا اللي هواك وجاك من جدّه


عاش يتمنى وقضى العمر متمنّي



الله حسيبك بقلبٍ صار مسودّه


والله حسيبك بحالٍ صار متدنّي



صبري قضى والليالي السود ممتدّه


العمر توّه وأشوف الهمّ زابنّي



عزّي لمن مثلي الدنيا صفت ضدّه


ربه كتب له يعيش العمر متعنّي



ياصاحبي صاحبك كفّه على خدّه


يغفي له شوّي ثم يفزّ ويونّي



يضرب بيدّه من الضيقه على يدّه


ومن الحزن يعتلي المشراف ويغنّي



ياصاحبي والدروب اليوم منسدّه


وش عاد باقي بعد ماخاب بك ظنّي



قال المثل شي منّه تستحي بدّه


بقول لك شي في صدري وغابنّي



قلبي وداعه معك واليوم قد ردّه


هاته بما فيه وخذ وداعتك منّي



مانيب ابي منك لاحاجه ولا مدّه


ابي اتصالٍ على حالك يطمنّي



من عيد لاعيد دقّ وفضلك اعدّه


يمكن لادقيت رقمي !! ماتعينّي

==

الشيخ كارلوس
04-29-2011, 03:22 AM
اهــــــدااء لابوسعيد


*****



في خاطـري ضيـقة وزحمة غرابيـل


وهمـوم كفـت في ضلوعـي ووفّت


اربـع سنين اعيش نفـس التفاصـيل


لازان حـالي يـوم !! يوميـن زفّـت


اثر الفـرح كـافر وفـ المّـده بخـيل


واثـر الليــالي لاتقفّـت !! تقفّـت


مليت ,, من كثـر التعـب يارياجيـل


لا البـرد يذبحنـي .. ولا النار دفّـت


كلمة ( فرح ) عندي مثل كـذبة ابريل


قطـرة آمل !! لاوصلـت الارض جفّت


والضحكة .. اللي تجـلي الهم فالليـل


لابـان نص الخيـط الابيض !؟ توفّت


ولاجيت ابشرب من غسـول الفناجيـل


قامت رقـاب اهـل القـهاوي .. تلفّـت


*****

الشيخ كارلوس
04-29-2011, 03:28 AM
***


الفاتنه .. فيها حلا .. غير معقول !


تعبت أحاول عن حلاها ،, أتهرّب



من زود ماهي كول ,، وأسلوبها كول


تكتب رسايلها ،, ( أنجليزي معرّب ) !



إن ضايقوها تقول : لاحول .. لاحول


وأطيح من ( لـ لاحولها ) وأتكهرّب



هي تعتبرني شخص للحين !! مجهول


وانا أعتبرها .. ( سر عمر ) وتسرّب ؟



**

الشيخ كارلوس
04-29-2011, 03:29 AM
كل ما شعرت إني من الوقت مغلوب
قلت وخفوقي يفتري فيه .. الإحساس !

يا ليت ما للناس فـ صدورها قلوب
ما دامها ما تنبض بـ حب .. للناس !

الشيخ كارلوس
04-29-2011, 03:32 AM
يامشتهـي فرقا المواليـف حـذرى


تبعد وأنا من سكرة الحـب ..؟ مافقـت

الشيخ كارلوس
04-29-2011, 03:33 AM
ما عشقت


من النجوم إلا الثريا


و ما ملكت من الكنوز إلا القناعه

اماراتية
04-29-2011, 03:29 PM
والله ما يذبحك يا كود حاجه لا صار في وجهك حيا وانت محتاج

الراية
04-29-2011, 04:28 PM
اسمك ورسمك يا خوي المطاليق=عند الرجال الطيبين النشاما
أحلا من التمره على فكّة الريق=والذ من لبيه عند اليتاما


حامد بن علي بن مايقه

الشيخ كارلوس
04-29-2011, 05:26 PM
‏​‏​‏​‏​‏​‏​‏​لاحان وقت القصيد وزان لي جوه
سريتها في دروب ألذيب سرحاني
ان جات بالطيب وإلا جات بـ القوه
نذرن علي ياالنـوادر مـاتعـداني
والصاحب إلي يقط الهرج ويمـوه
مايدري ان كيتـه عنـدي ومجاني
اللي يبوق العهد ويبوق فـ الخـوه
إشــوم عن خوته واعيش وحداني
لا راح يلقا من أصناف العـرب توه
ناسٍ توريه حد السيـف شامانــي
روح مراح القطا جعلك على القـوه
وان جيـت دور على بيتي وتلقانـي

الشيخ كارلوس
04-29-2011, 05:28 PM
حبيبة العمر جعل , ( الله يسامحها )
راحت بعد صرت شاعر وابتدت فيني !
لو مافضحت الشعور الشعر يفضحها
ولو مابكيت الوداع اش عاد يبكيني ؟
خلت لي جروح .. كل ليله اصافحها !
لاغاب نور .. الكلام وغمضّت عيني !
كانت تخاف الفراق ان حلّ يجرحها ..
وتقول : تكفى طلبتك لاتخليني ... !!
واليوم : الله واكبر يا ملامحها .. !
مدري .. وش اقول واقوله ويكفيني ..
راحت عسى الله يحفظها ويصلحها
وانا انتظر غربة سنيني توديني !!
عيون الأحلام تبكي .. من بَيسمحها ؟
مادام حتى يديني ماهي يديني .. !!
اخاف لاطوّلت هالحزن يذبحها ..
وتصير ذكرى حزينه لـ آخر سنيني

الشيخ كارلوس
04-29-2011, 05:31 PM
تقول لي .. وش فيك لآغبت ما / أشتقت ..؟؟
.. وأنا .. أسوّي لك .. وأفعل .. و .. أفعـل ..!!
تجعل .. مزآجك .. يحكم الحآل .. لآ رقت ..
.. تجعلني أحسن شخص عندك .. و .. تجعل ...!!
شفني على كثــــــر الذي صااااار / مآضقت ..
.. وأدري .. لو .. إني معك .. أسوّيه .. تزعل ..!!

الشيخ كارلوس
04-29-2011, 05:32 PM
إنسـان , مثل / النااس أو أنت : واجد ...
لازلت أشوفك شي أكثر من الحب
غلااك مايستحمله , ( قلب / واحد ) ..
أنا ترى محتااج لـ.: أجلك ..[ كذا ( قلب) ] ..

الشيخ كارلوس
04-29-2011, 05:34 PM
لو كل زلة رفيق أشيل منها وأضيق
أعذرت فالرفقـه وصكيـت بيبانهـا

ما كل من قال أنا صاحبك أعدّه رفيق
ولا كل زلة رفيق أزعل على شانها !

الشيخ كارلوس
04-29-2011, 05:37 PM
الاحـــــــــلام منا ,, وحنا ليتنا منا ..
بس [ الامل ] .. ما يوصّلنا لكل حاجه !!
يمكن يكون الفضا زحمه ..؟ اذا حنا .. !
فـ صدورنا جرح ما نقدر على علاجه .!!

الشيخ كارلوس
04-29-2011, 05:39 PM
**



يابايـع الحلـم لـ الواقـع علـى فكـره


حبّـك قبـل لا أتعلّـق بـه / تناسيـتـه



عشـان بعديـن لاغبـت وبـدا ، ذكـره


ما أضيق ، وأقول انا .. وشلون حبيتـه ؟!



الحب .. بأول نفس لـو حـسّ بالسكـره


مع .. كل نسمة هـوى تسمـع تناهيتـه



ماهـو بكيـفـك إذا تبـغـاه / تفتـكـره


معروف .. ماله طعـم لامـات وأحييتـه



من طيبي الجـرح كـان يبادلـك شكـره


ومن طيبك إن طـال نزفـي ، ماتباطيتـه



كـم بيـت لـعيونـك الثنتيـن مبتـكـره


والناس .. تسأل تقول : البيت من بيتـه ؟!



( وجيه الأيام ) لـو تضحـك لنـا عكـره


والحلـم .. ماينتحقـق ، لـو ترجيـتـه



ولو لـ الفرح درب .. ماكان الحزن ، حكره


أخـذت .. مُجمـل أحاسيسـي ومريـتـه



إنسان أواصل وأفـارق وأعشـق وأكـره


مامت ... لو مـا أحقـق / مـا تمنيتـه



إن طاح من عيني اليـوم الرجـا ، بكـره


وإن طـاح بكـره .. تبسّمـت وتعديـتـه



حتى أنت .. إذا ودك تفارق ، علـى فكـره


ما أنت أول إنسان ( خلانـي وخليتـه ) !!


**

الشيخ كارلوس
04-29-2011, 05:48 PM
في أنتظـارك من المغرب إلين الصباح


كل ما شفت نور .. اقول هذا انت جيت..!!



..



لين حمّر شعــاع الصبح .. والليل راح


لأوفيت بوعدك .. ولاحصلي .. مبيت !!

الشيخ كارلوس
04-29-2011, 05:50 PM
ماعاد حتى وضعـنا .. مثل ( الأول )


واجـواءنا .. بين الملل .. والرتابه ..!



كنت اشتــكي .. من غيبته .. لو يطـول


والحين عادي .. لو .. يطـــول غيابه ..!

الشيخ كارلوس
04-29-2011, 05:53 PM
"غآب صوتك والمشاعر تحتريه"


مايخالف كان ماتنوي جفا !


آه / لو تدري وش اللي صار فيه؟


قلب خلّك كل نبضً به طفا !!

الشيخ كارلوس
04-29-2011, 05:53 PM
قادر الله يشفي كل ..جرح خطير


لو جروح الليالي.. تتعب اصحابها


ايه لي قلب عانا منك ..شيء كثير


ولك بحقي خطايا.. تهت بحسابها!




..

الشيخ كارلوس
04-29-2011, 05:55 PM
لنا على الماضي مشاريه وعتاب


حزين لكن نعشقـه رغم ذلك .. !


وبيت القصيد اللي يقولون جذّاب


مبطي وانا اشوفه حزين مْتهالك .. !


..

الشيخ كارلوس
04-29-2011, 05:56 PM
..


دون سجدة صلاتك وش تكون الحيـاه ,, ؟


رحمتك يـ ( الَهي ) كلنا مقصرين ..



ياعسـاني اموت وخاشـع ٍ بـ الصـلاه ..


وكافي الناس شر . ومرضي الوالدين..

الشيخ كارلوس
04-29-2011, 05:57 PM
اللي سألني عن أحوالك وأنا ساهي


كنّه ينبّش عن الأحزان في صدري..



حاولت أدوّر عذر لو هو عذر واهي


وطاحت دموعي عليه وقلت له مدري ..!

الشيخ كارلوس
04-29-2011, 05:59 PM
أرض الأحلام و أشجار الأماني يباس


و إنت : ظالم : ولكني أحبك كثير !



واضح إني خسرتك للأبد و إنت حاس


خلّك أقوى شوي ! و إعترف بالمصير .. !

الشيخ كارلوس
04-29-2011, 06:02 PM
..




النوايا سود والموت أقرب من وريد


والإقامة عند من لا يقدّرني سفر


هل بعد ضيقة مداهيل ذي القربى مزيد ؟!


عدّني (عابر سبيلً) ليا صلى قصر


ملني صبري متى يقرب الفجر البعيد


يا بحر مدري سراب أو أنا شوفي شجر


من رضى في عايل العانية يصبح عقيد


مثل من دوّر على غزوة اربوعه عذر



..

الشيخ كارلوس
04-29-2011, 06:06 PM
..



في عزلتك .. ترسم لـ / عمرك تجاعيد


وتشيب ما ذاقت لياليك .. برّك !



قم واحبس دموعك ، وكف التناهيد


ثم ابتسم ، ايه ابتسم .. وش يضرّك ؟!



لا تكتئب وتضيق ، ويمرّك العيد


ويروح ما كنّه على الوعد .. مرّك !



..

الشيخ كارلوس
04-29-2011, 06:09 PM
الجامعة همّ وقلق وإختبارات


وأنا تعبت أشيل هالكتب وآحطّ



واللي مطفشني في هالترم بالذات


دكتور مصري لاتكلّم مسك خط

الشيخ كارلوس
04-29-2011, 06:11 PM
..



يارب .. وسعها .. على القلب .. لآ ضآق


ولآ تجعل الغآلي .. يشوه .. محله



وإن كانها ردت على حزن .. و .. فراق


فالله .. يسآمحني .. على كل زله



أششتآق لأني .. أملك إحسسآس .. وأششتاق


ولاني .. من اللي .. لآ ملك شيّ .. مله

..

الشيخ كارلوس
04-29-2011, 06:16 PM
*


هالحين أنا ماعندي أحباب ياريـم


أمشي وكنـي غربـةٍ مستبـدّه !




من بعد ماكنت ألمس بضحكي الغيم


صرت أحفر قبور الحزن بالمخدّه !!



*

الشيخ كارلوس
04-29-2011, 06:17 PM
****


من كثر مافيني من أحزان وجروح


كل شي حولي أبتدى في ذبوله



مافيه داعي أكسر الصمت وآبوح!


ما دام بوحي أنكسر قبل أقوله !


****

الشيخ كارلوس
04-29-2011, 06:23 PM
.....

مع " فيـروز " .. غنّيـت وسرحت


بـ مفرق الوادي


ذكـرته .. وانسجمـت أكثـر مع الكوبلـيّه ..


بـ زيـاده ..!


......





تغنـي ..


( يا هوى دخل الهوى .. خدني على بلادي )


و أغـنّي ..


يا هوى دخل الهوى خدني على " بلاده " ..!
.....

alsh3r
04-29-2011, 06:46 PM
اسمك ورسمك يا خوي المطاليق=عند الرجال الطيبين النشاما
أحلا من التمره على فكّة الريق=والذ من لبيه عند اليتاما


حامد بن علي بن مايقه

أنا أشهددد

لله دره هذا الشعر و إلا فلا


و أبو علي جمعها كلها شعر و مرجله يطولنا بعمره

alsh3r
04-29-2011, 06:50 PM
ما كل ( كلمة ) تحز بخاطري ، يعني ..


بعض السواليف ( حشمه ) صدتك عنها .. !




لـو كـل كـلمة ليا قيلت بـ / توجعني ..


يمدي ، تـوهـقـت بـ اللي .. مـا يثمنها ... !



:g9g1 (4):

الشيخ كارلوس
04-29-2011, 07:27 PM
ياررب .. ابي زفه مثل عرس وليام


ويارب .. ترزقني بزوجة مثل كيت


..


والناس تتبعني وترفع لي اعلام


والجيش يحرسني من القصر للبيت


..


وان كان مالي حظ الا فـ الاحلام


يكفيني اني مسلم وهم سرااابيت


... :g9g1 (4):..

الشيخ كارلوس
04-30-2011, 05:42 PM
هات الوداع ..وخذ معك جرح الأيام
يمكن يكون فراقنا ..فيه ..خيره

خذ دمعتي ..والحب ..وكبار الأحلام
وإرسم بها للشوق ..لوحه ..كبيره

تبي تذوق بغيبتي.. طعم الالام
وانا بعد بذوق ..لوعه وحيره

يب يبلشن قلبي ولارايح .. ينام
لادق دقه ..جات ..دقه ..كسيره

والله ماتصغر ..لو الوقت ..مادام
غلاك فيني ..مثل ..دوله كبيره

ماقلت لك ..وإن كنت تذكر قبل عام
باإن الهوى ..لوعات ..آخر مصيره !!

وهذا إنت شايف كيف ملتاع الالهام !!
في ناظره هالكون ... ذره صغيره

طير الحزن توه على خافقي حام
وشكل الفرح بيروح ..هالحين.. طيره

ولايقهر الرجال ..الا ..إليا.. انضام
من سبة افعال الحياه ..الحقيره

ماهي بخيره ..لاتحْدتك .. الايام
أجل عذابي منك ..بالله ..خيره !!

الشيخ كارلوس
04-30-2011, 05:44 PM
الله يطـوّل في عمـر ..عـدواني
اللي لهـم ..فضـلٍ علي ومـنّه
ان بيّـنوا ذنبـي .. يزيـد ايمـاني
وان نافسـوني شي ..مااغفـل عنّه

الشيخ كارلوس
04-30-2011, 05:44 PM
لو تبتسم فـ/ وجيه الاغراب ، عادي
بالعكس تكسب غير الأجـر ، المحبّـه!

اللي ماهو عـادي ، وضـدّ المبـادي
تكشيرك فـ( وجه ) الأهل .. والأحبّه!

الشيخ كارلوس
04-30-2011, 05:46 PM
صحيح !! حنّا تفارقنا .. ولايمدي
نرجع .. ويرجع معانا حبنا العذري

لكنّ ؟ لاشفتي دموعي على خدّي
مدّي يدينك وقولي فدوتك عمري

الشيخ كارلوس
04-30-2011, 05:48 PM
يا طير حظك لا بغيت تطير { ما اضناك المطير }
( تنطح صلافيح الهوى ) من هيبتك وتعوقها


{ وش لك } بالارض العابسه والظلم والحظ االفقير
بيض الليالي رخت ارشاها ( وقفت نوقها )


{ ما فيك لا برقع } ولا لك وكر ولا لك جرير
والله لو اني اياك ( لآشق السحب ) وآفوقها


لا ضاق صدري { رحت بلحالي } وحثيت المسير
وان ضاق صدرك توكر ( بروس الجبال ) وفوقها


{ شامخ ولك هيبه } ولك سطوه ولك عزم خطير
واليا نويت الصيده الجزله ( قدرت تبوقها )


اشبهك في غيك { وغيك غير } واحساسك عسير
بس ( اختلف وياك ) فالقدره وفي منطوقها

اماراتية
04-30-2011, 09:59 PM
اقعد واشب النار و اذكر وليفي .... وبحجت الدخان ابكي على كيفي

اماراتية
04-30-2011, 10:02 PM
ليا من دعاني قلت لبيه ثم لبيه ... وهو لا دعيته قام طوله ولباني

الشيخ كارلوس
05-01-2011, 04:54 PM
ياللي فراقك من كبار الزرايا
ذكراااك لوطال المدى ماتبيدي

اشوف لك في كل شي بقايا
في ضحكتي ..
في دمعتي ..
في قصيدي ؟؟

الشيخ كارلوس
05-01-2011, 04:58 PM
راع الهوى ينقل فواد بلا جوف
يومك تخج بحربة الحب جوفه

ان ماانبنى صرح المحبه بمعروف
والا عسى صلف الهبايب تلوفه

الشيخ كارلوس
05-01-2011, 05:04 PM
نش السراب وحادي الغيم نشوان
هيض غناه معانق الورد طله

من فرحتك شابت نواطير الاحزان
وبجيتك خان اسود الهم ظله

alsh3r
05-01-2011, 09:02 PM
لاشفتني أبكي فلا تقول ( وش فيك )؟


.............................. بس خلني أبكي .. و أفضفض دخيلك !





قـربني لحضنك و حسسني بـ إيديـك ،


............................. تمسح على شعري و أنا أقـول حيـلك





بـ غرقـك بالدمـع و أقول ( ما أبيك ) !


......................... ثـم إبتعد و إرجع أشوفـك و أجـي لك



:rolleyes:

alsh3r
05-01-2011, 09:11 PM
مدآمني ( ويّـآك ) ... رآح أشعر ( بخيـر )


..................................... لا تنشد : شلوني ؟ .. و إيديك ف يدي !




لوني : (فرح) (ورد) و غنآوي ( عصآفير )


.................................... يعنـي : محـد بالكون آلحين : ( قـدّي )


,

alsh3r
05-01-2011, 09:17 PM
قلْ للذي ( دندن ) خفوقه .. / و غنّى :


لا يعلّق أنغامه على [ طيف شبآك ] !






حآل الحيآة ( إن أشرق الشوق منّا )


حلّ الفرآق ف مغرب الشمس منّاك !

alsh3r
05-01-2011, 09:27 PM
يامل قلبي كل مآ جيب ( طريآه )


..................................... تسـآرعت دقـآت نبضـه توآلي




و ذكرت له ( حسنٍ ) يبآري سجآيآه


....................................... مـبـهـر بمقـدآر ديمـه ( دلالي )

alsh3r
05-01-2011, 09:50 PM
به وآحدٍ ( أشفق ) على شوفة إسمه


.................................................. ......... إسمه تميز بين كل ( الأسآمي )






مدري ( غلآ ) مدري عشق مدري ( شسمه )؟


.................................................. ............... شخصٍ أبيه و أكن له / الإحترآمي



:g9g1 (68):

حقوق الــوسم
05-03-2011, 12:52 AM
لكن قبل لآ انسى بنبهك دآمــــكـ
مسلم و باقي كم شهر و يدخل الصوم


لآ يذبح الموضوع قل اهتمامـــكـ
طعني وشف لك شيخ يفتي لك اليوم


مآ ظنتي يــآ زين يقبل صيآمــكـ


ريقك عسل .. علمني و شلون بتصوم



لـــبــــــيه يابن فطيس

الشيخ كارلوس
05-04-2011, 09:58 PM
وش يزيد اللي بـ أقوله وش يزيد ؟
و فـ عيونك .. ابتدي و الا انتهي ؟

لا تلوميني ..! على : قل القصيد ،
والله اني في غرامك .. ( ملتهي ) !

الشيخ كارلوس
05-04-2011, 09:59 PM
كل شي ماعاد يسوى بعيني عشان
اقدر ارد اعتبار ايامي المرعبه

\\
مع خالص الحزن ياجرحي لك الامتنان
رميتني في طريق العالم المذنبه

الشيخ كارلوس
05-04-2011, 10:04 PM
عـشـان ما يفقـد جمـيلك معانيه
وتمـر لحظـات الكـدر من خـلالك !

لا تنتظر ( شكراً ) على اللي تسويه
مدّ الجميل بدون تطري فـي بالـك !!

الشيخ كارلوس
05-04-2011, 10:05 PM
متَى السّهر يعتق عيُوني ابغْفى
نفسّ السّهر , والليلْ مِن عَام هُو هُو
بردَان اناديلكْ : دخيلكْ ابدفَى
ما كِنت احسّبك صَاير ابردّ مِن الجَو !

الشيخ كارلوس
05-04-2011, 10:06 PM
دام السهر .. دافع على كشف الاوراق
قل له : معي .. لا عاد يثبت : وجوده !



( النوم بدري ) . حل جذري ل الاشواق
خصوصاً ف ( ليلة ) .. هدوء و بروده !

الشيخ كارلوس
05-04-2011, 10:08 PM
خايف من الفرقا .. وخايف من الضيـق..
اللي يخنقنـي .. كلمـا لاح بـارق .!!
يارب عطنـي رحمتـك .. والتوافيـق..
والطف في حالي كاننا بـ انتفارق .!!

الشيخ كارلوس
05-04-2011, 10:11 PM
يميـن الله
مازاحــم "مكانك " بالحشـا "مخلوق "
لحااالك مستبيــح "القلب "
تذبحنــي ?? وتحييني !!?

تسلطنت بحنايا "الروح "
وشرعت "الخضوع " طـروق
رغم طول المسافه !!
كنك بــ "جنــبي " تبـاريني.!

الشيخ كارلوس
05-04-2011, 10:13 PM
بالضبط كم ساعتك ماني بـ / متعوّد
يتأخر الحزن عن قلبي لـ / هالحزّه

الشيخ كارلوس
05-04-2011, 10:14 PM
هوّن عَلَى نَفسك إذا ضقت . . و تهون
لآ تنشغل بـ الشرح والجرح : جرحك
اللي يَبي كرهك بـ يكرهك- من دون
و اللي يحبك ماهو محتاج " شرحك "

الشيخ كارلوس
05-04-2011, 10:15 PM
أنت أنت .. ماغيرك ينفذ وصـاتي
إن حط وقتي دوبه بدوب .. رجال
{ لا ضاق صدري .. وأبتلشت بحياتي }
جيتك .. بـ شوق وقلت لك : صبْ فنجال

الشيخ كارلوس
05-04-2011, 10:16 PM
الله يجازي.. هذاك الوجه.. \ بالجنّه
الباسم .. الحالم .. المتفرد .. الحاني
احس كن الصباح اقبل .. وأخذ منّه
وأحس كن العمر جابه .. \ واهداني
من كثر مآهو بطيب صرت احس انه
مخلوق من طين طيب وطهر روحاني !

الشيخ كارلوس
05-04-2011, 10:18 PM
ياَ نعمَة النسيان قـومي من النوم !
وانسي سواليفه وكذبـه وطيشَه ..

ماعدت أتقبّل مشاريـه أو لوم !!
ماعندِي إلآّ عمُـر واحد .. بعيشـه

الشيخ كارلوس
05-04-2011, 10:21 PM
يا تحبه بالغصيبه .. يا يسبك
حب "مبزرة الزمن هذا" .. كذا

لاحقك بالشر .. حتى لو يحبك
في كلا الحالات طايلك الأذى !

مبزرة هالوقت عاثوها .. وربك
ناقصين بكل شي .. إلا الغذا ..!

الشيخ كارلوس
05-04-2011, 10:30 PM
ياخي طلبتك !!
إرجع شوي .. ثم رحْ
بقول لك حاجه ؟ ثم إتبع ضميرك !


أنا بدونك ؟!؟
كيف بـ الله ابفرحْ ؟!
و آنا استمدَ الفرْح !!
من " نبع بيرك " !!


تدري !!
وش اكثر شيَ لارحت يجرح ؟!
إنَي ما اعرف آبوح !!؟
لـ انسان غيرك ,,

ونــــااااات
05-05-2011, 01:09 AM
ياتاج راسـي لا والله راسـي وتاجـي
محبّتك في ضلـوع الصـدر محفـوره
من غيرك اللي تعـلاّ برجـي لعاجـي
ووايق على رجم قلبي واسبل شعـوره

لـ : سدآح العتيبي

ونــــااااات
05-05-2011, 01:12 AM
كـل شـيٍ لـه دواء والهـوى مالـه دواء
..... غير مسرى الليل ، والدمع ، وطروق القلـم


كلمتيـنٍ كايـده مـن يحصلهـا ارتـوى
..... قولة : أحبك , وقول النشامى : والنعم



خالد بن مدعث الدوسري

حقوق الــوسم
05-05-2011, 01:28 AM
ما ترتظي نفسي مذله وحقران ... أردها عن من سعى لي بذلي
... نفسي عزيزه ساميه فوق يا ?-->فلان<--? ... وابعد من نجوم الثريا محلي

انا من نجد الحب
05-05-2011, 02:46 AM
فدوه مواطيك روح مابقى الا هي&&في سوق ويلي على لاماك جالبها

الجارح
05-05-2011, 03:13 AM
[QUOTE=حسينـ الفحوسـ;2322][color="royalblue"]صباح الخير يا غالين


<<< يفكر الناس كلهم صاحين

طيب ماعلينا

اسعد الله جميع اوقاتكم بالصحه والعافيه

اتمنى من كل عضو

ان يكتب اقوى بيت شعر او اغلى بيت شعر على قلبه


اتمنى التفاعل
الله يمسيك بالخير:
ودي اكسر عظم ساقس ولامنة بخيل @ كسر عظم الساق عنندي ولامنة عطاه
كل شي يزول كون الردى والجميل@ هذي الثنتين تبقى على طول الحياه
من تحرى فزعة الضيق من راس ذليل @ مثل من يبغى المغارير من صم الحصاة
__________________________________________________ _
راسمالي رفقة اللي يسدون اللزوم ** هم رصيدي يوممالي رصيد بالبنوك

الراية
05-05-2011, 10:33 AM
تخيّر اذا رافقت من الناس عارف=رجلٍ اذا شان الزمان يطيب
رفيقٍ على عسر الليالي و يسرها=كما الزرع في وقت الدهور خصيب
أمينٍ يحفظ السد عن ساير الملا=حفيظ على ما في الظمير قطيب


حامد بن علي بن مايقه

الهاجس البطران
05-05-2011, 10:45 AM
لما نخيت القرم جاله تشعشاع&&مثل الحصان يجيك عجّه يكوسي
والا الردي ما يفْتهم كل الاوضاع&&دايم معا الي للنايم حروسي
وترى الرخوم تجيك ما تقدر الباع&&اهدافها جمع الردى والفلوسي

الشاعر:مهدي بن عوض بن شنان (الله يطول عمره)

مـحـمـد القحطاني
05-05-2011, 01:35 PM
كان الوفا بين المحبين معدوم ** الله يقطع سيرة الحب كله

الشيخ كارلوس
05-07-2011, 01:38 AM
وناااات
حقوق الوسم
انا من نجد الحب
الجارح
الرايه
الشاعرالمسافر
محمد القحطاني

اسعدني يعلم الله تواجدكم ومشاركاتكم تباعا يعطيكم العافيه ولاتبخلون علينا بابداعاتكم مازلنا نطمح بالمزيد وعساكم على القوه

الصبـر : شيـخ ٍ كبيـر / ودمعتـه حــرّه ,
ما [ طاحت ] الا بعد ما : ( ماتت احلامـي ) !
لو إن :- لـ/ الحب درب ولـ/ الرجاء جـرّه ,
( يمديني ) .. بخير , و [ أيامي هي : أيامي ] !

الشيخ كارلوس
05-07-2011, 01:40 AM
تقهويتكـ سنين و لانويت اهز فنجالكـ
عليكـ الله و امانة لا تجيب العيد واهزة

الشيخ كارلوس
05-07-2011, 01:40 AM
الحزن .. يقتل كـل حآجـه جميلـه
ويسرق من أيام العمر حلو الأحلآم ،
والدمـع للتعبيـر أفضـل وسيلـه
ترتآاح معه شوى من بعض الألآم ،

الشيخ كارلوس
05-07-2011, 01:42 AM
تاهت خطاوينـا .. ولاعـاد نـدري
الحق وين .. ووجهة أقدامنا ويـن !
أحدا ٍ مغرد خـارج السـرب بـدري
وآحدا ٍ يفكر .. كيف غرد الى الحين ؟

الشيخ كارلوس
05-07-2011, 01:44 AM
ادخل على قلبي وشف وش يبي بك
اما اقنعك .. والا رضى واقتنــع هو ؟

قلت انك المخطي .. ولا طاعني بـك
قلت انك المظـــلوم .. قال ايه بس لـو؟
وا للو ؟ هاذي خيطهـا ينتهــي بـك ..
وانت الذي تملك لتحليلها .. الضـو

الشيخ كارلوس
05-07-2011, 01:46 AM
يا دمع الارشاد خذ مع سكة اذرافك
وجيه ناسٍ تبي فرقاهم ..؟ عيوني



من قوم ..
( وينك تغيب )..
( وعاش من شافك )
وهم يبوني اغيب وما يشوفونيِ ؟

الشيخ كارلوس
05-07-2011, 01:48 AM
للي لعشرتهم تهـادوا وصانوا ..
انا لهم / .. لو ؟ عوج الايام لحّت !
وفّيت يوم ان اكثر النـاس خانوا ..
واعطيت/ يوم ان اكثر الناس شحّت !

الشيخ كارلوس
05-07-2011, 01:49 AM
اللحظه اللي من العام اتمناها
واوليتها الاهتمام وراحت لـ/ غيري
يمرها .. ( كبريائي ) ويتعداها
لو تعبت اقدام صبري .. ما اختلف سيري

الشيخ كارلوس
05-07-2011, 01:50 AM
هب نسناس الهوى من جنوب و ظمني
من نسيمه طيف .. يقطعك يابرد الشمال
انت من شتت كيـاني وغيـرك لمني
الجنـوب اللي هواهـا يناديني .. تعـال
غير داري عشقها والهـوى ما همني
توني اعرف ديرتي بعد مارحت الشمال ..

الشيخ كارلوس
05-07-2011, 01:52 AM
حداني على سود الليال / ..
الندم وبكــاي !
وصوت الضمير وضعف الإنسان وعيوبه !
عسـاي إن رحلت ..
أرحل !
وأنا ساجد لمولاي ,,
شهيد تطهر من خطاياه / وذنوبه

الشيخ كارلوس
05-07-2011, 01:53 AM
ودي اطقطق على الكيبورد واتسلى
عسـاني القى معاكم مايسليني ..!
مرات اجيكم سعيد وخاطري فلـه ..
ومرات اجيكم ودمعي في طرف عيني ..!!

الشيخ كارلوس
05-07-2011, 01:57 AM
...

يسعد صباحك .. ويسعد وقتك الباقي
ودروبك اللي مشت بك لين جيتيني !


لولاك ماعاشت حروفي على اوراقي
ولا اهتم في قلبي .. ولا اناظر بعيني


انتي بنيتي مكانك داخل اعماقي
ملكك ،, ولو زاد تقديرك ،, ملكتيني


لاجيت هليّ ،, واذا فارقتك اشتاقي
حبيني بعنف ..؟ وإلا .. لا تحبيني ؟!

...

الشيخ كارلوس
05-07-2011, 01:58 AM
الحب / ساس الوصل / والوصل مالوف
والبعد معّه اصـدوف الايـام قشـرا !!
وان كان نفسك / علها وابـل الخـوف
الصبر زين / وراحت البـال تشـرا !!

alsh3r
05-07-2011, 01:58 AM
عادي ترى مانيب ميت من الشوق

ـــــــــــــــــــــــ إن جيتني حياك و إن غبت كيفك



كافر بكلمة كل مطرود ملحوق

ـــــــــــــــــــــــ مؤمن بأن اللي يعزّك حليفك



يعني تماماً كلما كنت مطفوق

ـــــــــــــــــــــــ ترخص بعين اللي تظنه وليفك

الشيخ كارلوس
05-07-2011, 01:59 AM
من ماحترمني ما أعتبرته من اعداي
ولاكل صاحب يستحـق احترامـي
.
عثرات نفسـي ماتبـدل سجايـاي
ومطيـح غيـري مايعلّـي مقامـي
.
أصيب وأخطي و أتْعلّـم من أخطاي
وارمي ولو قدامي الفيـن رامـي

الشيخ كارلوس
05-07-2011, 02:00 AM
ما حيلتي وأنا بلا مأوى ولا حصـن منيـع
والأرض صحرا والرياح الموسميه موجعـه



حب الحياه أرغمني أبقى حي فالوضع الشنيع
والحر لولا رغبته فالعيـش مـات ببرقعـه

الشيخ كارلوس
05-07-2011, 02:01 AM
قلبي رهيّف ولكن انه بعد جفس
لاباعته دنيـاه ... مايشتريهـا

ابوي ربّاني على .. عزّة النفس
وانا بعد ربيت نفسي .. عليهـا

alsh3r
05-07-2011, 02:04 AM
وش فيك ؟! كنّك خفت من دمعتيني ، = ما شفتها ؟! و هيّ كنّها :- وابل المزن !




كل الحكايه : إن البكا .. ( أوكسجيني ) ، = و أبكي عشان آعيش ما أبكي من الحزن !


:g9g1 (121):

الشيخ كارلوس
05-07-2011, 02:05 AM
هَذا صباحيْ ،, يِسألكّ عِنْ صباحِكّ ..
للحين تِدمعّ " عينّك " بـ حزة الصبّح ..!

كانك على خبري تزايد جراحك ،,
انا علىِ خبرك : وفيّ معْ الجرّح !
آنا علىِ خبركّ : وَفِيّ معْ الجرّح !
آنا علىِ خبركّ : وَفِيّ معْ الجرّح !

الشيخ كارلوس
05-07-2011, 02:06 AM
بديت تاخذني لدنياكـ بـ/سكات ..
بديت أحسّ إنّكـ معي وين ما روح ..
كيف اختصرت الدّرب في بضع كلمات ..؟؟
لا ســ(ح)ــركـ استاذن ولا قلت مسموح ..
الله عليكـ الله .. لا جيت بـ/سكات ..
والله عليكـ الله .. لاجيت بـ/تروح ..

الشيخ كارلوس
05-07-2011, 02:10 AM
يا بلاك بيري وجهك ابيض ومشكور
فيك التواصل بين الاحبـاب ميـزه
من الجماعه ناخذ سنين وشهـور
ومعـك نواصلهـم بفتـره وجيـزه
احباب واصحاب ورفاقه وجمهـور
ولا خسرنا في المواصيل بيـزه !!

الشيخ كارلوس
05-07-2011, 02:11 AM
صـوت لـك .. ياسيـد العمـر ..ودي
ليه .. الأمل .. نذبـح سنينـه .. كذيّـا
ودي .. وحظ الوصل .. دوم .. متردي
من يرشف إحساسي .. اليا قلت .. بيّـا
ودي .. وإحس اني .. اذا قلت : ودي
كن .. الزمن .. سّكر .. اذانه .. وعيّـا

.

الشيخ كارلوس
05-07-2011, 02:15 AM
كنت أحسب ان الشوق لاعانق الريـح
يتنفسه .. صدرٍ بالأحسـاس صـادق
\\
لين أكتشفت ..؟ أن الهوى صار تجريح
وقلـوب ... طرديـن المحبـه .. فنـادق

alsh3r
05-07-2011, 02:15 AM
إن كان حطيت ( الغلا ) في طرف ( شك ) ،،




يطيــح .. ~




لامن جـاه عــآذل و دفّـــه

:g9g1 (68):

الشيخ كارلوس
05-07-2011, 02:17 AM
ما يترك الحبّ في عين المحـب الحشيـم
غير السهر والحزن ؟ في صوته وخافقه !!

يا ليت لـي قلـبٍ .. مصـدٍ عيـوفٍ لئيـم
لا مرّه الحب لـوّح لـه ..؟ ولا رافقـه !!

الشيخ كارلوس
05-07-2011, 02:20 AM
أطعن ! ترى صــدري مشقق وبالـي
لا ترتعـد يـدك .. ولا تخاف من شي ؟

عادي يجي جرحـي ؟ من إنسان غالي
وعـادي أموت ؟ و داخلي حبك الحـي

alsh3r
05-07-2011, 02:22 AM
أدري بك فــ كُلْ ( ليلة ) ,’ تـكْتِم .. أشواقك ..

......................... و إنك تناسى ( زفيرك ) ,’ لأجل تشهقني !



و إنكـ تغمّــ ض , عليّ ,’ بداخل أحداقك ..

......................... و أسهِركْ / و تخاف .. لا ( دَمْعَكْ يغرِّقني ! )

الشيخ كارلوس
05-07-2011, 02:25 AM
عطشان .. وكفوف السما ما بها ( مـاء )
يا لايم الخافـق فـ قلّـة سـروره .. !!
ماني بـ أدوّر لـ( الحزن ) والحـزن ما ..
دوّر على غيـري وخالـط شعـوره .. !!

الشيخ كارلوس
05-07-2011, 02:29 AM
قلبٍ يعـيش الغـــلا..لا يمكن يعــــــادي
لو يصبح الموت عشـقه حاول يصونه

ومن عاش عمره وفا..ظن الوفا عادي
لـــو حس بالحـب مرة حـــــرّم يخـــونه

alsh3r
05-07-2011, 02:30 AM
يا طيبه .. و إللي يحّب بصدق .. يثبت حاجتين = و ( أهل السلوم ) أفعالها تثبت صـدق ( سلومهـا )






الأوله :- محبوبته ينصّـح لهـا ( دنيـا و ديـن ) = و الثانيه :- يحفظ لها السمعه .. و أسامي ( قومها )





:g9g1 (4)::g9g1 (4):

الشيخ كارلوس
05-07-2011, 02:32 AM
هاجسـي عيّـت عليـه الجاذبيّـه
فوق خط الاستواء .. سارح وضاوي

يعترضنـي بالـريـاح الموسمـيّـه
لين ينحاني على السيـل النحـاوي


يستميل مـع اللحـون السامريّـه
ويستوي لا قام ويطيـح متسـاوي

مانحتّـك يـا الحـروف الابجديّـه
غيرموحي لي في صدري ذيب عاوي

alsh3r
05-07-2011, 02:33 AM
أصعب من التضحيه | غصة خجول


.................... ضآع بين ( الصمت ) و ( قيود الاهل ! )




:(:(

alsh3r
05-07-2011, 02:36 AM
جايـز أدور فـي غيابـك معـاذيـر = و يجيك من بعـض القرايـب سلامـي
من قال أصبح في غيابك على خيـر؟ = ياللي تقول إن طوّل الليـل نامـي ! !
لوكنت مرتاحه مـن البُعـد وبخيـر ؟ = ماكنت آواصل يوم أروح لـ( دوامي )

الشيخ كارلوس
05-07-2011, 02:36 AM
ماضقت من كثر العطاءلكن الضيق


لامن جحدني من بذلت وعطيته

الشيخ كارلوس
05-07-2011, 02:38 AM
ياليل وش حدك على صدري وانا صدري شتات
كنك تناول طـارف ضلـوع الشقـى وتشبهـا

كن الزمان يشب في صدري وانا مالي سـوات
الا انـي اشـرع ضلوعـي للهبـوب تهبـهـا

والغيبه اللي خلت عروقي مثـل جـف النبـات
ياليتهـا ماتحـرق اعصـابـي ولا تلعبـهـا

alsh3r
05-07-2011, 02:42 AM
واصل إبدأعك يا الشيخ كارلوس تواجدك و أبياتك


شيووووووووووووووووووخيّه زيّك :g9g1 (4):





و الليل الليل يا كارلوس و إسري يا سآاري :10100:


تصبحون ع خير :embarrassed: >> قد عيونهآ تكبس خخخ

الشيخ كارلوس
05-07-2011, 02:42 AM
الزمن .. يمكـن يغيّر شخص ماله أي قيمه ؟
بس .. ما يقدر يغيّـر واحـد عنده " مبادي "


يمشـي الواثق ... ويجنــــح للدروب المستقيـمه
ويقضي " المهزوز " عمره بين خلق الله غاديَ !

الشيخ كارلوس
05-07-2011, 02:47 AM
واصل إبدأعك يا الشيخ كارلوس تواجدك و أبياتك


شيووووووووووووووووووخيّه زيّك :g9g1 (4):





و الليل الليل يا كارلوس و إسري يا سآاري :10100:


تصبحون ع خير :embarrassed: >> قد عيونهآ تكبس خخخ







هاهاهاهاها يعطيك العافيه وبحفظ الرحمن :)

الشيخ كارلوس
05-07-2011, 02:48 AM
اخسر .. ولامن خسرت أقول : راحت فدى
لانّ الخساره .. بعزة نفس .. ماهيب عيب

ياما تجمّلت فـ( العالم ) .. و راحت سدى
وياما تحمّلت تحت اسم .. القدر والنصيب

انا اشهد الطيب .. في بعض المواقف ردى
وانا اشهد ان الردى في بعض الاشكال طيب

الشيخ كارلوس
05-07-2011, 02:52 AM
الحين أنا ماعندي ( احساس ) بالله ؟
سلامتـك يامقـطّـع إحسـاسـك الـحـس !!


تـشـكـي عــذابــي لـك : مــــن الـآه لــــلـآه !
تحسبك وحـدك منحمـس خافقـه حمـس


اذا فراقـي : حـد قلبـك علـى أقصـاه !!
أنـا فـــراقـك قـط قــلـبـي ورى الــشــمس

الشيخ كارلوس
05-07-2011, 02:53 AM
يا فاهم الحس تدري ان البشر تفرق
محبوبتك ليه يوم انك .. اتعداها ؟

دمعات الانثى لو انها دايم ٍ تبرق
في كل طيحه يموت احساس وياها

اخاف بكره بـ كثر دموعها تغرق
وتنساك من قبل لا ترحل وتنساها

الشيخ كارلوس
05-07-2011, 02:59 AM
دنياك هاذي كبير القلب تلعب به
وان برقت لك ترى دنياك صفاقه


احدا .. تصلفق عليه ويرزقه ربه
واحدا .. تصلفق عليه وتقطع ارزاقه

الشيخ كارلوس
05-07-2011, 03:07 AM
يا جعل ما اسوق القِدم الاّ و اعيّن لي طريق..
اليا إرتبط مستقبل ابن آدم على سـوَق إقِدمـه..

الشيخ كارلوس
05-07-2011, 03:10 AM
لا جيت ناوي بـ عين الجرح تلْمحني
بطلبك حـاجه وانا ذنْبك ومسموحك


جب لي معك قلب ثاني قبل تجرحني
القـلب الاوَل شبع من كثرة جْروحك ..

الشيخ كارلوس
05-07-2011, 03:14 AM
يا نادل الحزن ..اسكب لي فناجينـي
ــ الليل موحش وعلة صاحبك علقم .!



كيف ألحق النوم دام النوم جافيني؟
ــ وليه أرجي الصبح دامه مثلنا أظلم .!

الشيخ كارلوس
05-07-2011, 03:23 AM
طف العتب و اوقد شموع المواصيل
وآكتب سمااحكـ وآترك القلب يقرى


بيني وبينكـ يااحبيبي مراسيـل
لو تنقطع ماا عاد به جرح يبرى

الشيخ كارلوس
05-07-2011, 03:30 AM
يخطون وان عاتبت راحوا .. مقفين
وان عاتبوا قلبي .. من الحب يبقى!

يا ليت قلبي لا قسوا .. حـرّم يليـن
عشان لا يتعب .. ولا عاد يشقـى !

،‘،

إحبابيه
05-07-2011, 12:55 PM
مــسـاء الـــخـــيـر .....بالنسبه لي أجمل بيت سمعته في طفولتي وللحين حافظته. وماعرف صاحب البيت

الله كـــريـــم يـــبــدل الـــجـــور بــنــصـــاف.
يــجــبـر فـــوادِِ مـــوجـــعـــاتـه ظـــــروفــــه

الشيخ كارلوس
05-07-2011, 09:33 PM
أأفـ .. ياكبر الاحلام اللي على بالي وشفي
وأأخـ .. ياراسي من التفكير في مالا يشونه

وأأحـ .. ياحر انتظاري للقبول من المقفي
وآآهـ .. ياحب عطيته ناس مايستاهلونه

الشيخ كارلوس
05-07-2011, 10:00 PM
المعاني ضيّعت درب الوضـوح
والحقيقـه .... باعـهـا طلابـهـا
والنتيجه صارت اوجاع و جروح
والمصيبـه ,,,, مـا تعـدّت بابهـا

الشيخ كارلوس
05-07-2011, 10:01 PM
ماحداٍ قدر يسرق دموعي من عيوني
الا غيابٍ .. خذاني عنك .. واقفى بك !

الشيخ كارلوس
05-07-2011, 10:08 PM
. . . . . . .



اختلفنا ؟


من على .. الثاني يموتْ


قلتْ : انا ..! بَكتْ .. وقالت : لا أنا !!



قلت : أنا في موطني متْ بسكوت


قالت : أنا ميّته .... قبلك هنا ..!!


. . . . . . .

الشيخ كارلوس
05-07-2011, 10:10 PM
سو خير .. وخل جرحك في مكانه


ولا تجي / مالي على شوفك مزاج


كل شي اعآلجه غير ( الأهانـه )


هذي اللي .. مالها عندي علاج !

إحبابيه
05-07-2011, 10:14 PM
أنــوح مـن فــرقــا إلـمـــوالـــيف
شــروا حــمـام إلــورق لـي نـــاح
وعـن حــب غـيره قـلبي إمــعـيـف
لــو كـــان هــاجــرنـي ومـــرتاح


هذي من كلماتي ....

الشيخ كارلوس
05-07-2011, 10:14 PM
**



(( تمشي الساعه وتسبقها شروط الساعـه


والفتـن ماعـاد خلـت لليالـي معنـا ))



(( كل ما ساق القلـوب ايمانهـا للطاعـه


ساقت الغفلـة علينـا شرهـا وارتعنـا ))



(( انتمـادى فالخطـا ونفوسنـا طماعـه


ونتوجـه بالدعـاء وذنوبنـا توجعـنـا ))



(( يالله انّا في ذراك من الضنـك والراعـه


بيـن صكـات القـدر يالله لا تفجعـنـا ))



(( انت ملجا من يدّك الخوف حدب اضلاعه


انت يامن رحمته من رحمتـه تاسعنـا ))



(( من يحط ابليس لذنوب البشـر شمّاعـه


لا يقول انه عـن التوبـه قـدر يمنعنـا ))



**

الشيخ كارلوس
05-07-2011, 10:20 PM
يقول : وش ودّك ؟ .. واقول : ابغي آطير


عجزت الاقي لي على الارض [ راحه ]



ما يكره الحافي .. سوى [ نعمة السير ]


يبغي [ جناحٍ ] يحتميه .. و مساحـه

الشيخ كارلوس
05-07-2011, 10:23 PM
دخيلك يا عظيم و خالقٍ ضعف الحبايب خلـق
ياجبّار السما و الأرض خذ حقي من أحبابي ..!

انا انفاسي تزاحم بين { ضيق و بين نشفة حلق }
عيوني ودها تشوف الطريق و ضيَّعت بابـي ..!

عبث كنت أحسب ان لمقبل الأيام وجهٍ طلـق
وانا حضوري مع ايام السعاده يشبه غيابـي ..!


و لحّد قادر يساعدني أفرح مـرّه ..مـن الخلـق
ولاني قادر اهرب و الحزن من نفسي أولابي ..!

الشيخ كارلوس
05-07-2011, 10:29 PM
اللي تعـوّد مايوطّـي هامتـه..


ولاطـراله ينحـي مهما يصيـر..



ماشاف له مخـرج يناسب قامتـه..


واحتار مايقدر يقرر له مصـير



امّا خضع حتى تطيـح عمامتـه..


ثم رافق القاصر مع الباب القصير..



ولاّ قعـد تشمت عليه الشامته ..


ماله على الدنيـا ولي ولا نصير..


....

الشيخ كارلوس
05-07-2011, 10:34 PM
......



ياما وهبـت الصبـر للدنيـا


ولم ..؟


ينفع مع الدنيا سعة صدر


وصبر ..








لـولاي اكتّـب ماأعـايـش


بالقـلم ..


أمسى فؤادي من همومي


كالقبر ..








ماكن هـذا الوقـت غيـري


ماظلـم..


وأثقـل علـيه بالـدروس


وبالعبـر








مهما اتحرّى قول رفـرف


ياعلـم ..


المال يقصر شبر ويطـوّل


شبـر ..



....

الشيخ كارلوس
05-07-2011, 10:36 PM
تضيق الارض الوسيعه والفجوج الوساع


لاوقّف الحظ الاقشر لك على كـل ريـع


احيان !! اشوف المفارق خير من الاجتماع


لاصارت قلوبنـا شتّـى وحنّـا جميـع

**

إحبابيه
05-07-2011, 10:37 PM
يالله ياللي من تـرجــاك مـاخـاب
ياللي خلقت الكون عالم مصيره
تـفـج لـقلبِِ ضـار يخفق ومـرتاب
قامت غواصيف الطوارئ تثـيره

الشيخ كارلوس
05-07-2011, 10:39 PM
**



كل ماشنيـت للاشـواق غـاره


غار جرحٍ في دجا ليلي ضـوى




الحزن .. بندق شجاعٍ ضاع ثاره


والفرح .. غصنٍ من الرمضا ذوى




**

الشيخ كارلوس
05-07-2011, 10:42 PM
****


تقهقـري يادمـوع العيـن منسحبـه


لاتفضحين الجروح اللـي ورى بالـي


لو كل جرح ٍ سكن في الروح اصرح به


من يضمن اني بصك حلـوق عذالـي


مناكب الارض رحبه .. والسماء رحبه


وانا اعلم الناس عن حالي .. وفي حالي


****

الشيخ كارلوس
05-07-2011, 10:44 PM
**


لبّاس جوخ .. و صلف
و أخلاقي دماث


و ما ألدّ عيني غير فـي
لبّـاس جـوخ..


**

الشيخ كارلوس
05-07-2011, 10:47 PM
طعنات ... توجعنا .. وتبـرى وطعنـات


يبقـى وجعهـا ... مايفـارق .. حشانـا


صحيح ... ماحدٍا من خطا صاحبه مات ..!!


المشكلة ،، مـوت الصحيـح .. بخطانـا


****

الشيخ كارلوس
05-07-2011, 10:58 PM
الشعر جابك لكن .. ! الوقت وداك


و غيابك فـ ( عيني ) من يمر شافه



رحت البحر اشكي على البحر فرقاك


و هاجت لي امواجه و جفت ضفافه

الشيخ كارلوس
05-07-2011, 11:02 PM
مشكــلة لا صار لك مطلب ٍ صعب المنــال

إن نثرته مـا أجتمـع ؟ و إن جمعتـه ينتثـر

الشيخ كارلوس
05-07-2011, 11:05 PM
ماانتي بمطفوقه ولانيب مطفوق
دام الوصل سيدش ترى الصد عبدش

على ثمر قلبٍ ملاه الجفا شوق
تفضلي ..؟ لبى سراجيف كبدش

الشيخ كارلوس
05-07-2011, 11:07 PM
**



شحًـت بـي الدنيـا وانـا ماتخيًـرت


ماغيـر احمـد الله علـى ماعطـانـي




قالو لي اصبر قلت انـا وإن تصبـرت


لـو بـارت ايدينـي تعـزوا لســـانـي



***

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
05-09-2011, 04:16 AM
ان كان في زلة حديثي اشفايه
أكيد نفسك يا رفيقي بها غل

من زود حبي ما تركتك ورايه
ولاني من اللي يضرب الناس فـ الظل

تبقى صديقي رغم قبح الهدايه
وأبقى صديقك كان عندك بقى حل

إحبابيه
05-09-2011, 05:53 AM
أمــشـي مـع الــناس وطــيـوفـك تـــنـاديـنـي
مــدري ولـــه! أو عـــذابـي صــار يــحــــلالك!

الشيخ كارلوس
05-09-2011, 11:44 AM
http://www.zwjte.com/s/media/images/54867f9230.jpg





تبي الحقيقة جاااااارك الله من النااااار


من لا انجبت مثلك ؟ تراها عقيمه !



...

الشيخ كارلوس
05-09-2011, 11:48 AM
لو لا الردى مابيٌن الطيب بالناس
والطيب لو هو سهل ,, ماحدٍ تردٌى

الشيخ كارلوس
05-09-2011, 11:49 AM
كـان ماتـدري إدر يا مودمانـي
والله إنـك وسـط هذيّـه وذيّــه
صاينك عن عين حسد وهرج شاني
وحافظك فيها مثل حفـظ الوصيّـه
بس قبـل تـروح اسمعنـي ثوانـي
وريع فبالـي وفـي فكـري شويّـه
كان ماطوعت لك عـوب المعانـي
قلـي الذمـه مـن الذمـه بـريّـه

الشيخ كارلوس
05-09-2011, 11:51 AM
أبعد وأنا ببعد لكن ّ على فكـره!
محبتي لك تواضع وأنت {متكبر}
الحر لأمن جزع ثم طار من وكره
والله ما يلتفت ما دامه مدبـر !!

الشيخ كارلوس
05-09-2011, 11:52 AM
يا صاحبي لا من حزنت و تضايقت
إستغــــفر الرحمن جـلّ جلالـــه
لو كل حـلم ٍ بيتحقق مع الوقت
ما شفت حلمي مات قبل اكتمـاله

الشيخ كارلوس
05-09-2011, 11:53 AM
وش عاد لو أنك على الفرقا نويت
اللي سواتك لا رحل .. مانتبعه
أن جيت وإلا رحت والله مادريت
حبل الوصل ترخيه وإلا تقطعه

الشيخ كارلوس
05-09-2011, 11:54 AM
يا موت أنا طالبك لا تثني الجيه
حتى يخف الجفاف اللي كسى قاعي

زولٍ خذيته بدون , وداع يا حيه
ليته طراله قبل لا يرحل وداعي

الشيخ كارلوس
05-09-2011, 11:57 AM
يا صبح ياليتك تشووف ( العصافير )
لانك جميل بـ صوتهــــا (غردت لك ) .!


هذا انت دايم يحتضن جوّك .. الطيـــــر
لو مانت ( وافي ) يا صبح ما وفت لك !


قل لـ الليـــالي من متى بـ الزمن خيــــر
وأسكت ليــا من الليــالي ( حكت لك ) !


...

الشيخ كارلوس
05-09-2011, 11:58 AM
إن حكـــوا فيني بـوجهي او حكــوا بــي من وراي
مالقــوا غير البيـــاض اللي قهـــــــر ســـود الظنـــون

الشيخ كارلوس
05-09-2011, 12:00 PM
يا ليل يا بيت السهر والحيارى !؟
عرفتني .. والا كبرت و تغيرت .. !
ذكرت او كثروا عليك السهـارى !؟
افا عليك ان قلت لي : ما تذكرت .. !

الشيخ كارلوس
05-09-2011, 12:02 PM
اضرب طريـق الخير واسلك مسيره
ولا تلتفت للناس عوجــاه واقـداه
ولو طال عمـرك عارف وش مصيره
ازبن ولي العرش واتعب على رضاه
وأد الفــروض الاوله والاخيـرة
واضف لهن مخافة الله ورجــواه

الشيخ كارلوس
05-09-2011, 12:04 PM
لا والله الا زعلت وشانت اوضاعي
ومن ضيقت الصدر جريت الهجينيه


امشي مع الناس لانايم ولا واعي
متعومس البال .. واخلاقي تجاريه


الميسم اللي كواني بين الاضلاعي
اسج من كيته ويجـدد .. الكييه

الشيخ كارلوس
05-09-2011, 12:06 PM
ودي ولا ودي ولا ادري وش اقووول
الا ان وجعــــــااات الليــــــــالي ثقيلة

مشيت في الدنيااا على العرض والطول
وعجــــزت لا انجـــز حاجــــة مستحيلة

هي باختصــــار القى رفيق على طـــول
ما ينقــــــلب في ظــــرف يوم وليـــــــلة

الشيخ كارلوس
05-09-2011, 12:07 PM
اللي يحط فْـ عيونه من يبكيها ،،
لا يشره إن طاحت الدمعة على خده


كم كلمةٍ في لساني جيت ابا احكيها ،،
وأزريت لا اقولها والسبه الصده



تبرير الأشياء ما يعكس معانيها ،،
ولا ينقّص خطأ من تعشقه / مدة

الشيخ كارلوس
05-09-2011, 12:11 PM
....



ماودّي اذكـر عيـوبه واحسب ذنوبه
حتى لـو آنـه جـرح قلبـي وبكّـاني



جعـل الله يسآمحـه ويسمّـح دروبـه
خـلآّني آبيـع [ خِلآّنـي ] و خَلآّنـي



....

الشيخ كارلوس
05-09-2011, 12:15 PM
الظمـــــا يجتاحنـا .. وأرياقنـا منكـــوبه
والسمــا يرمش هدبها .. ولا تبي تسقينا

كلّ ما نسنس من الغربي نسيم هبوبه
الكــــلام يغصّنـا .. وآمــالنـا ترثيـنا..

وليت لاجيــنا على شان الغـــلا ودروبـه ..
ما نقـول إليا رجعـــنا : ليتـنا ما جيـنا ..!

الشيخ كارلوس
05-13-2011, 09:22 PM
(يا واقعي) لا تزعجك بعـض الاحلام
ما كـل حـلمٍ .. بالخـيــــــال يتحقـق


واللوحـه اللي من تصــــــاميم رسـام
لو اعتنـــــاهـا الغيـــــر يمكـن تشقـق


ما جيـت ابعرضهــا على كل سـوام
فطينها يعـرف لها : كان .. دقـق

الشيخ كارلوس
05-13-2011, 09:25 PM
بلغ [ الأحلام ] ،, شكري ,, و إمتناني
و إن لقيت الياس ،, عنّي ( بوس يدّه )

قلّ : لِـ حلمي : طبع واقعــنا أناني
و قصرنا الشامخ ,، زمان البين هدّه !

آه منّي .. و آه منك .. و من زماني
ليه دايم من يحب .. يجزى بـ صدّه ؟!

الشيخ كارلوس
05-13-2011, 09:27 PM
ليت الكلام ... يداوي الجرح والروح ....
كان القصيد اللي نقوله .... نفعنا..!!

أو ليتنا لا فضفض لسانناا ... بوح ...
يطيب جرحٍ غافيٍ يمتحنا ....!!!

الشيخ كارلوس
05-13-2011, 09:30 PM
ان كان تبغى الحقيقه \ ماهقيت الغياب
يستدرجك .. لين تعرف دربه وتتبعه.!

كنت اعتقد : لو عرض سيفه على كل باب
ماهوب قاطعك وانت اللي تبي تقطعه .!

مدري شعوري خطا .. والاّ غيابك صواب
والاّ اختصرنا الزمان .. وطاحت الاقنعه .! ..

الشيخ كارلوس
05-13-2011, 09:32 PM
نصبر على الحال ,, لا نبكي ؟ ولا نشكي ؟
والوضع مُزري .. وفكره في قفى فكره ., !!
قد قالها : يا صحيبي .. [ متعب التركي ]
[ لو في يدي شي ؟ ما قلت الوعد بكره ] ., !!

الشيخ كارلوس
05-13-2011, 09:32 PM
لاتنتظر رجعة المقفي عقب فرقـا
ابعد على صاحبك من حبتك كوعك
الوصل مثل الدمع لاطاح مايرقـا
وفر حديث العتاب ووفر دموعـك

الشيخ كارلوس
05-13-2011, 09:34 PM
أمشـي واقـول لطريقي لا تودينـي
لعيون ناس تبي تدري عن الخافـي
أمانتـك .. خلهـا ما بينـك وبينـي
خابرك يا الدرب .. خوة عمر وسنافي

الشيخ كارلوس
05-13-2011, 09:35 PM
لولا السكينه وصبر النفس وإيماني ..
جبرت نفسي تذوق الموت محتده .. !!

الشيخ كارلوس
05-13-2011, 09:39 PM
بـ اقول بيت ٍ يمثلّني ...؟ بوجهة نـظـر
يجوز أخطي إذا قلته .. ويمكن أصيب ..!!
لو كل غايب ...؟ يخاف الله بالمنّتَظِرْ
ماشفت ناس ٍ تشيل قلوب ناس وتغيب ..!!

الشيخ كارلوس
05-13-2011, 09:39 PM
تقول : ليه الحزن ، والهم ، والضيقه !
وأقول .. ما للـزمن في فرحتي منّه
حتى وحلمي بسيط .. وسهل تحقيقه
أصبح يشابه لـ”حلم ابليس فالجنه“

الشيخ كارلوس
05-13-2011, 09:41 PM
نصبح على شوف انتهاكات وخراب ..
.. ونمسي على دمع وتنهات وونين

يالله زلزل تحت الأعداء التراب ..
.. والطف بنا واحقن دماء المسلمين

الشيخ كارلوس
05-16-2011, 07:42 PM
دام ( الاحلام ) منشاها .. نسيج الخـيال
اطلـق عنانهــا من دون [ ترويضــها ]



طنّش ( الواقعي ) واحلم بـ شي ( محال )
و ( سـود الايام ) .. شرهتهـا على بيضهــا

...