كبير جاهك بس انا مانيب عبد ولاصبي

[ريانة العود]

انا ماعاد ارجي من عيونك كثير ولاقليل
وماني مطالب فدوتن لك كل جهدي وتعبي


احتجت لك في وقت فيه الصد شي مستحيل
وصديت ماكنك بوقت قد مضى جيت تحبي

وانا فزعت وفزعتي مانيب اسميها جميل
ذي عادتي ومن قبل لا اخلق عاده لجدي وأبي


رميت واخطيت الهدف فلا تحط ولا تشيل
كبوة جواد بينت راعي المحل والاجنبي

ماطال عمر السالفه بين المضيع والدليل
الاغبي وده يقنّع واحد ماهوب غبي


ابيك تدري يا كبير الجاه ان ماني سبيل
كبير جاهك بس انا مانيب عبد ولا صبي


انا اعترفت اني على ماقيل في حبك قتيل
لاكن حبك لاهو حزامي ولا هو مزهبي


واللي قوى محمود تو الكعبه ومحمود فيل
واللي جعل ذالسالفه في عام ميلاد النبي


ان نور وجهك صار عندي يشبه الليل الطويل
وان الشحوب اللي كسى لمحات وجهك بسببي


انا رجل يعني صمود وهمّه وحرب وفتيل
ومن فضل ربي حافظ اصلي وفصلي ونسبي


نبيل بعض احيان وان شفت الخطا مانيب نبيل
اللي يهبي اجيه في وجهه واقول انت تهبي


واحكي مع العاقل بما لايعقل ويصبح هبيل
واللي يبي من قبل لا ينطق اعرف اللي يبي


لي جيل واصحب جيل واحقر جيل واغني لجيل
وامسي بوسط الاحمدي واصبح بوسط ابو ظبي


هنا انا باقي ولاكن انت ابدى بالرحيل
قد كنت غاية مطلبي والحين منتب مطلبي

[@@متعبه عسافهأ@@]

لاهنتي


بالتوفيق يالغاليه

[ريانة العود]

مشكووور علىى مرورك

[الرايز]

صح الله لسانه

قصيده رائعه

مشكوره على النقل يالغاليه

ونتظرجديدك

[أبو سلطانـ القحطاني]

تسلمين ع الابيات الطيبه


تقديري

[ريانة العود]

لاهنتوا على ذا المرور

[قحـطـان الحـبابـي]

مشكورة على الطرح