المساعد الشخصي الرقمي

مشاهدة النسخة كاملة : منتدى ربعك حبابً محتمينه من وراه

الرايز
06-29-2009, 10:13 PM
مرحباً وهل(ن)هلا باللي يشرفنا نباه=عند مالإحت بروق الصيف في آقصى الجنوب
مرحباً ياخوي وأنت اللي يشرف منتداه=منتدى ربعك وصحبك منتدى جمع القلوب
منتدانا والله غالي وأنت عارف مستواه=ياسعد كيف أمدحه والله خالي من العيوب
منتدى ربعك حبابً محتمينه من وراه=فيه شعر وفيه علم وفيه قصه ما تذوب
وفيه إشنابً تسطر وفيه إشنابً تراه=فالحذر ثم الحذر نعرف الفم الكذوب
وفيه نقادً بتكتب وفيه حق لمنصاه=وفيه صدقُ وفيه طيبُ وفيه من كل الدروب
ياسعد نبغى نحلق مع نجومه في سماه=أبغى أرقى بسم ربعي في شروق وفي غروب
عطني يدك وهاك يدي وخلنا نرقى معاه=وين مايرقى نزيده منك صوب ومني صوب

وسلامتكم

بقلمـ الــرااايــز
سعد هادي المقرحي
06-29-2009, 10:46 PM
لعن الله ابو من يقول المرجله ما هي سمو الحباب


وما نوفيهم لو نكتب فيهم معلقات


وأنتظر الرد قريبا
حسين الفحوس
06-29-2009, 11:05 PM
الراااااايز

ونعم فيكـ وفي سعد والله يزيدنـا بكم

اشهد انكم نوماس شروى من هنـا

صح لسانكـ وبأنتظار رد سعد والله لا يخلينـا منكم يا غلاهـ

<< شايش راسـه ودهـ يكتب ...:)

القفوا التحايا:)
الرايز
06-29-2009, 11:55 PM
سعد
لاهنت على المرور

وانا ماطرحتها هنا لاجل تجاريني فيها
طرحتها في منتدانا ولاكن بديت بترحيبك والمعنى هو المنتدى

والمعنى أو القصيده للجميع

حسين

الله يزيدك طاعه لربك ومحبه لخلقه

لاهنت ياذيبان على المرور
والله يجملنا

مشكورين على المرور
والله لا يحرمني منكم
سعد هادي المقرحي
06-30-2009, 12:04 AM
مرحبا يامرحبا يامرحبا ياعز جاه=مرحبا ترحيبةً تفرح لها كل القلوب

جيتكم في منتدى ربع مطانيخ عصاه=منتدى ربعي حباب العز كاسبت الحروب

هاض فكري وأقبلت الاشعار وأدرت الرحاه=اطحن الهزلات والجزلات اوردها الشروب

وانت يا الرايز على اسمك رايز وعلمك نباه=وكل مركب شعر نلقالك على متنه ركوب

شمر اكمامك وانا لك بحر ما يلحق مداه=انثني لك وأصفق الامواج لك من كل صوب

اقصد اللي نقصد واكتب مكاتيب الرواه=وأجمع شعوب على شانك وأفرق لك شعوب

وكب عنك شاعرً ما يحتمي في منتداه=شاعر لابوه لابو شاعر ما هو محسوب

في الختام أقول لاهل المنتدى وأللي بناه=شاعر ما أنتو بربعه يترك الشعر ويتوب

بقلمـ سعد هادي المقرحي
الرايز
06-30-2009, 12:17 AM
في الختام أقول لاهل المنتدى وأللي بناه=شاعر ما أنتو بربعه يترك الشعر ويتوب

أنشهد كفيت ووفيت وكل الشعراء يفخرون بلابتهم

صح الله لسانك . . وبيض الله وجهك على الرد الوافي

ونشهد ان أبوي جاب ولد

ههههههههه >> يمدح أخوه << رقعهااا

مشكور والله لا يحرمني منك
الحبابيR
06-30-2009, 02:59 AM
عشتو ولاهنتو جميع


والله يبيض وجيهكم جميع



وافين من ربعن وافين ونعم بكم كلكم




بإنتظار المزيد




تقبلو مروري
عبدالهادي بن مسفر الحبابي
06-30-2009, 12:07 PM
وافين ولاهنتو

وانتو من ناس مواريث جدود واهل حدود

ونعم بكم كلكم

تحياتي لكـ
غريب بن معيض الحبابي
06-30-2009, 12:22 PM
وكب عنك شاعرً ما يحتمـي فـي منتـداه
شاعر لابوه لابو شاعر ما هـو محسـوب


دندن وغن وتمن


اسأل اللي دايم ن ماهو يخيب من دعاه ** يجعل نبا ذا المنتدى شامخ وللناس محبوب


اشكركم


الرايز و يا سعد هادي المقرحي


على الابداع



تقبلووووو مرووووووري ..!
سعد هادي المقرحي
06-30-2009, 05:53 PM
يعطيك ألف عافيه



وأبيض وجه يالغالي
حسين الفحوس
06-30-2009, 07:57 PM
ارحبببببببببوا


صح لسانكـ يا سعد وبيض الله وجيهكم والله لا يفرقكم يا غلاهـ

تقبلوا تحياتي واعجابي

القفوا التحايا:)
الرايز
07-04-2009, 08:13 PM
تسلم ومشكور على المرور
قحـطـان الحـبابـي
07-26-2009, 10:06 PM
صحـ لسانكـ يالراااايز وياسعد


واللهـ لا يهينكمـ


تقبلو مروريـ
الرايز
07-27-2009, 07:14 AM
تسلم الله يخليك
امير الاحساس
07-27-2009, 02:55 PM
صح السانة الشعراء ويعطيكم العافية على القصايد
الرايز
07-27-2009, 04:46 PM
أمير الأحسـاس

مشكور على المرور يالغالي