قصيدة عن بطاقة سوا

[ريانة العود]

جاه عبر الأثير و رنة التيلفون
رقم مجهول والهاتف برقمه ضوى
رد آلو مرحبا قالت معاك الفتون
أرتبك وأرتبش من صوتها وأنكوى
وقال عن أذنكم يا الربع لو تسمحون
اتصالٍ ضروري وابتعد وأنزوا
ولا ترك كلمةٍ في هرج من يعشقون
جابها كلها بالشكل والمحتوى
ياهوى البال ياروحي وشوف العيون
وأنت لولاك وش لي في دروب الهوى
أطعن الروح وأجرحني وتل الطعون
يا ضماد الجروح وطبها والدوا
آمر أطلب تمنى كل غالي يهون
لأجلك أسري ولو في ليل ذيبه عوا
قالت أحرجتني يا بو قليبٍ حنون
يا لطيف الكلام وعالي المستوى
أدري أنك على صوتي عزفت اللحون
وأدري القلب في صدرك ذبل وأنشوا
وأدري أنك على شوفي وصلت الجنون
وأن مثلك على فرقاي أبد ما قوى
بس عندي طلب واحد وبعده تمون
ما أبي غير ترسل لي بطااقة سوا !!!

[أبو سلطانـ القحطاني]

يعطيكـ العافيه يـ ريانه

[ريانة العود]

الله يعافيك

[ريانة العود]

سوا صار لها صيت ن عندنا هنا في السعودية

[دايم الطيب]

لا هنتي






تحياتي

[ريانة العود]

ولاهنت الله يبيض وجهك