محاوره ناريه بين ابن مشيط وحبيب

[ابن زابن]

الشاعر/حبيب العازمي


ياجاهل في عتيبه يستر الله عـلاك
عتيبه ابناء سعد وايضا خوال النبي

وانا مالومك مادامنك هذا مستـواك
لوقلتلك وين ربك قلـت فابوظبـي







الشاعر/محمد ابن مشيط







ماني بجاهل وعلمي ياولد روق جـاك
لوكنت خال النبي يالعازمي في شنبـي

الأرض ماهيب لك والعرش ماهو سماك
ولا يجهل الله تعالى غير مثلـك غبـي









الشاعر/حبيب العازمي







هذا حديثٍ موثق وأعتقـد ماخفـاك
واللي يعارض حديث الصالحين يهبي

ليتك مادام السعه عنا تدربـى وراك
وانت لوانك ذكي يمديك جيت تحبي









الشاعر/محمد ابن مشيط







يالعازمي هد نفسك وأعتذرك من خطاك
دامك توضح حديث من النبي وشتبـي

ماجزت عن طبعك الماضي يامال الهلاك
تبغي تسلطن ولا يدخل معـاك أجنبـي









الشاعر/حبيب العازمي







أرجع على الحق وأسلم كان ربي هـداك
وان كان ما أسلمت قدني واصلك يا صبي

انته ليا جيت في نجران جـاك اشتـراك
ما أدري من المكرمي ولا مـن الأكلبـي








الشاعر/محمد ابن مشيط







ابلشتنا مع عتيبه وانت مغشوش مـاك
غير العصا ياذلول ابليـس ولا اشربـي

ان رحت وان جيت علمي يا حبيب دهاك
معرب منسبـي مانـي بـورع صلبـي









الشاعر/حبيب العازمي







لا بالله انته مصفى مير بلعن ثـواك
بلاش ترفع يدك وانته تحت منكبـي

ياشين شكل الكبير اللي عليه ارتبـاك
انا اعرف منسبك وانت تعرف منسبي









الشاعر/محمد ابن مشيط







ان كانها بالحكي ما حدن يتمشى معاك
وان كانها بالفعل منزلك تحت اركبـي

قدلك تهرب عن ابن مشيط والله رماك
ولا عندنا ياحبيب غير صتـم حلبـي








الشاعر/حبيب العازمي








ياقدر ليتك مغطى ما كشفنا غطاك
ركبك ياجعلها بالداب والعقربـي

تحدنا بالخطايا لين نبحث خفـاك
واللحيه اللي نقص تقديرها تتربي








الشاعر/محمد ابن مشيط







ياحارس القول كورتك اسقطت من يداك
سددت صوبك قذيفه والهـدف لولبـي

انت المعزب وانا ضيفٍ تعشا تعشـاك
وأثرك في صدرك الواسع حكي مختبي








الشاعر/حبيب العازمي







أعطيتك المصحف الطاهر ومسواك راك
وأثرك لامسلـمٍ مخلـص ولاغيهبـي

بلاك ضيفٍ ما صنت معزبك من رداك
تقف مابيـن الوجيـه الغـر وتكذبـي








الشاعر/محمد ابن مشيط







رجعتلك مصحفك وأهديت معه السواك
مطلبك هذا يابوفيصل ماهـو مطلبـي

الطيب طبعي مادام أن الردى من وفاك
لو يختلف مذهبك ما يختلف مذهبـي

[صالح الحبابي]

لاهنت يا ابن زابن

لاتحرمنا تواصلك الدائم

[أبو سلطانـ القحطاني]

ارحب

:)



مشاركة طيبه ,, بيض الله وجهكـ


بـ التوفيق








تحاياي

[حسينـ الفحوسـ]

يعطيكـ العافيـه على النقـل الرائع


تقبل مروري

القف التحايا

[ابن زابن]

لا هنتوا يا اشناب على المرور

[المعنى]

بيض الله وجهك على النقل الراااااااااااااايع
تقبل اجمل تحيه

[ابن زابن]

مشكورين على المرور

[مهدي الغرابي]

هاذي المحاوره الناريه اذا قالو ناريه عز الله انك يابن مشيط شاعر واعجبني بيته اللي يقول :
ابلشتنا مع عتيبه وانت مغشوش ماك @@@ غير العصا ياذلول ابليس ولا اشربي .
وهذا البيت هو نقطة تحول المحاوره لابن مشيط حتى ان حاول يتراجع بس ما امداه بقوله :
ياقدر ليتك مغطى ماكشفنا غطاك @@@ وركبك ياجعلها بالداب والعقربي .
والصراحه حبيب يستاهل ماجاه لانه مخطي لا ومخطي على شاعر فحل بعد من غير قصور في حبيب العازمي .
كلمات الشكر تعجز عن الوفاء لك يابن زابن وشكراااااااا جزيلا

[ابن زابن]

لا هنت على المرور

وهذا البيت ميل الكفه لبن مشيط

ان رحت وان جيت علمي يا حبيب دهاك
معرب منسبـي مانـي بـورع صلبـي

وحبيب يبي يطلع باقل الخساير فعطاه مقلب في اخر الطاروق


أعطيتك المصحف الطاهر ومسواك راك
وأثرك لامسلـمٍ مخلـص ولاغيهبـي

لكن هيهات ما مشت على ابن مشيط وبعد هذي المحاوره الشاعر حبيب لم يقابل ابن مشيط لن حبيب الشاعر القوي لا يقابله امثال ابن شايق وغيره