█▓▒░ ديوان وقصـائد شاعر الاندلس والامة ناصــر محمد الحبابي القحطــاني (متجدد) ░▒▓█

[الشيخ كارلوس]

بغــــــــــداد




عساها فاتحة برد وسلام وخاتمة و قَّاد
على دار السلام الله يروّع من بروّعها

حضارة سومر وبابل قبل تشريفة الميلاد
عروق الرسل والعلم واهل الشعر وروايعها

هوى سيف الله المسلول يوم السيوف حداد
مساري سربة ٍ كان المثنى في طلايعها

عروس ٍ زفها المنصور والدنيا لها سجاد
ودلعها الرشيد الله عليها يوم دلعها

بدت بالسندس اللي يهوس الخلان والحساد
وكثر ماهزها التاريخ ما اهتزت مرابعها

بقت خضر ٍ مرابعها بقت تنجب لنا أمجاد
بقت بيض ٍ صنايعها بقت سود ٍ وقايعها

ورى ما تستميت اقلوبنا معها وهي بغداد
ياكبر العـــار لو ما تستميت قلوبنا معها

عليها الله وامان الله بلاد الراااافدين بلاد
هجد صوت القنابل جنب تهليلة جوامعها

دهاها من ورى الحملات ليل ٍ لو نقص يزداد
أهلنا في مدامعها واهلها في مطامعها

هل الحرية اللي لا غشى اصحاب البيوت ارقاد
تفرق بينها مندوبة الهاون مضاجعها

هل الحرية اللي بعدها صاروا بنات الضاد
ينوش المعتدي حشمة ملابسهن ويرفعها

هل الحرية اللي قصت أجنحة أكثر الأولاد
مادام ايدينها ماترفع اثنين ٍ من أصابعها

تعودنا على حرق النسل والحرث والأصفاد
تعـــــــــودنا على نار ٍ ... يطفيها مولعها

يبس بكفوفها غصن زيتون ٍ وكما المعتاد
عناقيد الهدايا .... جاتنا من كف صانعها

عسى المقبل

مثل صيحة ثمود ومثل صرصر عاد

عشان أهل البيوت الخاربه

تبرى مواجعها

على وين المراكب سايره في حضرة الرواد ؟
عساهـــم للدواير ... لين تدرجهم منافعها

مصير

امصار

و اجيال

وزمن

وجموع

بيد افراد
لها التاريخ بالمرصاد ... وان خانت ودايعها

محبتنا .. عداوه .. والقلوب قريبّات بعاد
بعد ما نصنع الكذبه ..

نصدقها ونتبعها

خذتنا العنتريات الله يبيح من ابن شداد
وضعنا بالخطب ليت الخطب نقدر نضيعها

تواعدنا مع الوحدة وصرنا نخلف الميعاد
مذاهب وانظمه واحزاب من يقدر يجمِّعها

تصهْيَنْ دم ناس ٍ طايرين بعجــــــة الأوغاد
تصاغرنا مثل ماأستصغر الكرسي مراجعها

أخيرا : كم بقى طاغي وكم باغي وكم جلاد؟
وكم لص وكم أصنام وكم أوهام ٍ نصارعها؟

وكم صورة تظن الروح والدم أغنيه وانشاد؟
وهي كل ٍ هنــــاك يدوسها والا يقطّعها

لعل الليله اللي جابت الكابوس ماتنعاد
وبسم الله على



بغـــــــــــــــداد ...



من شي ٍّ يروّعها



=========

الغربـــــــــة


يمه اذنبت ونزحت من العشيره
وان تمنوا توبتي مانيب تايب

مابي لدنيا الغنادير اي سيره
طايح من عام الاول في مصايب

يمه اللي حب له طفله صغيره
ويش يسوي لاغدا فيها طلايب

طفلةٍ ماكانت بحبي جديره
بس كانت غير عن كل الحبايب

كنت اسميها العنود المستذيره
ليت اهلها العام سموها عجايب

كنت اجيها مثل الامطار الغزيره
كنت اضيع بجوها مثل الهبايب

وادعي الله هي متى تصبح كبيره
تفهم اشلون المكان يصير ذايب

ان تغنت صارت الطرقه قصيره
وان تغلت صارت جروحي عطايب

ديرة ماهي بها ..؟ ماهيب ديره
لو ثراها عشب ... واعلاها سحايب

يمه تحبين طايلة الضفيــــره؟؟
آاااه والله ياعليها اشقر ذوايب

ان تحرك له سواليف كثيرة
وان ركد روووح مثل لمة قرايب

عرفتني الليل ونجوم الظهيرة
بللتني بااغنيات ورحت طايف


كل عرق في خوفي تستثيره
خايف تصبح مراجيحة نصايب


صنتها مثل البحر لاأبعد جزيره
ماتركت علومها لاهل الركايب


قالت ان جا الراس شايب فيه خيره
قلت يابنت الحلال الراس شايب

قالت الا الحب وشهو وش مصيره
قلت انا استاهل وانا كل السبايب

ماجزا اللي حب له طفله صغيره
غير قبر و ضحكها فوقه نصايب


لنا عوده ومازال هناك الكثير من القصايد لشاعرنا

[الشيخ كارلوس]

لعدم استطاعتي تعديل الموضوع للتوضيح القصيدة السابقة عنوانها الطفلة وليس الغربة


الـغــربــة


يمه ... الغربة وفرقــــاك ملتمه
دمعة العين هذي ... مالها داعي



يابعد راسي انتي ليه مهتمه
الوجع لي سواة الناي للراعي



آخر أخباري ... الذمه هي الذمه
والوصايا هذيك تقدي شراعي

مابه الا
الســـــــواد يحاود اليمه

ولا به الا ...

البياض اللي ورا أضلاعي



وأشعل ما يفارق ليل حضن امـــه
وأخضر كل صبح من أول أتباعي



يتعب البرق ما أتعبت النظر يمه
حل مرباعي او ماحل مرباعي



حدقي بامهات الغيد يايمــــه
وانشديهن بعد ما قلت أطماعي



أنجبن لي عـــروسة حلم أضـــمه
أو بعد توها تشرب عطش قاعي



واذكري كيف كان العود ابو عمه
ايتعلى صهيله وأرخي أسماعي



امنياتي بــدربٍ ... ودي أتمــــه
آخره صعب ..
وأصعب منه مرجاعي




يوم كلن

فزع له..

خـاله وعـمه

يكفي اني وردت العد ..


بذراعي


أرفع الراس بين الروس ما همه
وأتباهى وأنا الغرقان بأوجاعي




يمه.. الحر طبعه يعشق الـقمة
وأنتي اللي فطمتيني على أطباعي




الهواء دام راسي حي
ويــشمه

والله اني لاأسـوووووق

هنـاااااااااك ذعـذاعي



غربة تلوي ذراع أشجع الخمه ؟
لا تخافينها لو تقـلب أوضــاعي




يمكن ؟ تبعثر الرجـال وتـلمـه

بس !!

بدري عليها ..

تلوي ذراعي ..

[الشيخ كارلوس]

(سوار الذهب)

يا "زول"...كل الرجال أزوال مثل الخشب
لين التعارف يضفّ من العيون الغمام


طلّيت واقفيت كنّك جاي تحمل عتب
غسلت في عام أنانية ملوك ألف عام


يا الفارس اللي ترجّلت وحضنك الهدب
يا ليتك أبطيت والدنيا عليها السلام


يوم اعتنق معصم الأمه "سوار الذهب"
طاب التلاقي...ولا أحلى منه غير الخصام


ثرت وبدل ما يسيل الدم لين الركب
أوميت بالغصن حتى جاك سرب الحمام


همنا بموالك اللي مثل صوت القصب
يا عاجل البر والخيره ومسك الختام


الله على فعلك أثره مثل حدّ الحدب
والله على الكرسي أثره مثل بنت الحرام



أحد على أخوه واحد ضد أبوه انقلب
ترسم وتحسم خرايط تحت جنح الظلام



واحد رهين اتجاه الريح مع من غلب
واحد على طول خلف خلاف...ليته عدام



ما يعجبه لا العجب ولا الصيام برجب
كان أسفل السافلين وفجأة أعلى السنام



واللي انولد وسط فمه ملعقة من ذهب
الرب ساتر عيوبه من سنين الفطام



بس أنت غير وفعولك غير...يا للعجب
من يأسنا في الحلال نظن فعلك حرام


خطّابة العرش مرّوا في زحام وصخب
يا أشد أهمية من أهل الصخب والزحام



يا أكبر فخامة
وأقوى عزوم
وأعلى رتب
واطلق زعامة
وأعز جنود
وأطهر نظام



لا فاخروا بالدرهم والحسب والنسب
فاخر بشي عجز عنه الملوك العظام


معاوية وانت عيدين بحيــــــــاة العرب
واحنا جسد وانتم الاثنين تاج ووسام



قالوا : زمام أمة محمد عساه انقضب
قلت : الله يخلي خشوم النسا للزمام


في شرقنا تنقص الثروة وحجم الغضب
ويزيد رقم النصايب جنب رقم الخيام


فخامة الريّس أعيانا الرجا والتعب
حتى أصغر أحلامنا ما هي على ما يرام


فخامة الرّيس آخر شي عندي طلب
تسمع من اللي فتح لك قلبه آخر كلام:


لو فيه 20 حاكم من (( سوار الذهب))
ما كان قلنا عروبتنا .. عليها السلام!!

[حسينـ الفحوسـ]

لشيخ كارلوس


انت مبدع

لك ودي

[صالح الحبابي]

يمه اذنبت ونزحت من العشيره
وان تمنوا توبتي مانيب تايب

رائع رائع أخي الشيخ كارلوس

استمر بارك الله فأنا والله مستمتع!

[الشيخ كارلوس]

سالفة بدو





طول النهار أضمّد جروح غيري
و يصيح جرحي لا ضويت آخر الليل
يا ما المسا صبّ السهر في نظيري
و خذا معَ لمّة هجوسي تعاليل
و خلف العيون اللي تراقب مسيري
أحيت مزون العين قاع المناديل
النار فيها من مواقد ضميري
و الدرب فيه من الرموش المضاليل
أشيل حلمٍ حاس كسره مريري
كم صكّت اليمنى اختها ترثي الحيل
انشبت في بعض المحابيل طيري
واطيري اللي عذّبته المحابيل
كم صارت العشرة وسيلة عشيري
و عدّيت مشواري معه (كذبة إبريل)
خلاص دامه ضاق حتى شويري
باللي تجيبن اسرعي يا مقابيل
عرفت كيف أكون بعيون غيري
من سالفة بدوٍ على ضوّهم ليل

[الشيخ كارلوس]

يــابـوي


يا بوي أنا من ضوّك أشعلت ضوي
والله مــا تفـنـى ولــو كـنــت فـانــي
شربـت علمـك فـي مـراحـل نـمـوي
حتـى قـوى عـودي وغـنـى لسـانـي
تذكـر ضنـاك الحالـم .. اللـي ينـوي
صــار أكـبـر من آيـة نـوايـا وأمـانـي
ياليـت عمـرك طـوّل وعشـت جـوي
وتشوف كيف أنجبت لك عمر ثانـي
عشـقٍ علـى حبـل الـوريـد متـلـوي
لهـوايـة التحلـيـق وحــدي خـذانــي
ما ضقت من باكـر وأنـا أقـول تـوي
هـــذا زمـــان الـغـيـر ولا زمــانــي
ودي تــحــدّث هالـنـجـوم بـعــلــوي
دام الـثـرى يـحـلـم بـحــزة طـمـانـي
مـن لا دخـل بـيـن الـرجـال متـقـوي
ما ظنتي يصهل صهيـل الحصانـي
واللي على جـال الضلـوع متطـوي
تبـاشـري بمـفـارقـه يـــا المـحـانـي
والله لا سوّي .. ثم أسوّي وأسـوّي
ولا فــلا بـاسـمـي فـــلان الـفـلانـي
ماتـوا عـداي وصـار وقتـي عـدوي
لا ابــو دقـايـق سـاعـتـه والـثـوانـي
أنــا عـلــى ذاك الـمـكـان مـتــروي
بــس الـوعـد لا قـلـت هــذا مكـانـي

[الشيخ كارلوس]

النســاء


النسا ,, روح المسا ,, والليل لو فكر يبات .. كان ما فيه أغنيات ..وكان ماله ذكريات...
وكان ما فينا عظيم ,, ومال أمانينا حليف .. وما بنا قلب وليف .. ولا لنا قصد شريف ...
النسا ,, نصف الحياة ؟ الا .. النسا كل الحياة... آه يا أسرار الخوات... آه يا أحلام البنات ...
آه يا الطيش الطفولي ,, آه يالحسن الشفيف... آه يالعشق العفيف... آه يالجنس اللطيف...
علّمن حتى المرايا والشبابيك اللغات ...والرسايل والدواة ...صارت أعذب مفردات ...
كم بكن وانكف مبصر,, واضحكن وابصر كفيف... ورمشن واهتز سيف ...وهمسن وامتد ريف...
كم غدن لاخوانهن عزوة صناديدٍ عصاة... بين صفق المرهفات... وبين ضبح العاديات...
طاحت أشناب وكراسي ...وانطلق دمع ونزيف... واعتلا الخف المنيف... والمقابر تستضيف ...
النسا ضلعٍ عوج ,, لولاه كل العدل مات... مالهن عنا فوات... ومالنا عنهن غناة ...
تبرق الدنيا على يديهن ويغرينا القنيف ...نطمع بتكريم ضيف... وناقف بيوم عصيف...
النسا ,, بحر على موجه... منايا وأمنيات... والنسا مركب نجاة... نسأل الله الثبات ...
هن لباس,, وهن فراش ,, وهن معاش ,, وهن رغيف.. إن فتك جوعٍ مخيف ...وإن حدا الرجال حيف...
النسا ,, حتى شراب الجنه العذب الفرات ...تحت ماطى الأمهات... يالهن من مكرمات..
كل ما عود بنا الكد أقبل ابن آدم ضعيف ...له ورا البيبان طيف ...مثل نسناس المصيف..
في بلادي يحسبون ان النسا متخلفات... في الضحى مستعمرات... وفي المسا مستوطنات ..
ما دروا عن هالبيارق شمخ العرض النظيف ...فزعة الدين الحنيف... شجرة العز الكثيف....
غادة ,, وسجادة ,, وكفين ,, وحجاب ,, وصلاة ...من صبايا محصنات... من عروقٍ طيبات..
أطهر من ألفين منظر... كلها فتنة وزيف... في رجا الصبح الكسيف ...واجرة الليل السخيف ..
كم مكانٍ يعرض أعراض آنسات وسيدات ... والهوى له بايعات... والغلاف وله فتات..
والحسن تشبير عنق وطولٍ وخصرٍ نحيف ... وشي ما ينشاف شيف ... لاجل الأول والوصيف ..
شهب تشابه رسوم الشاشة المتحركات... مال زمتهن طرات ... و لا لهن ملح وحلاة ..
لا ربيع فيه خير ولا به الا بروق صيف ... والشتا ما به رفيف... يحيي أوراق الخريف..
لي مناحل لي خلايا كلها سكر نبات... لي حصونٍ ناعمات... لي غصون شامخات...
لي قوارير ملاها العقل والدم الخفيف... خلفها العمر الكليف... ودونها الحد الرهيف ..
يا زمن وش جاب حلوى غلفوها بالعباة ... جنب حلوى للمشاة ... وللغبار وللشتات ..
شف بدل ما هي لواحد صارت لجمعٍ لفيف ... كيف ؟ أنا اخبرك كيف... شوفها فوق الرصيف ..



وهذا اهداء ملف فلاااااش بالقصيدة وبصوت شاعر الاندلس

width=400 height=350

[الشيخ كارلوس]

لا رحتي ولا جيتي


ياللي بمرباعي الموعود مهتمه
انتي مطر صيف لا رحتي ولا جيتي
رحلت لا امدح زمان اول ولا أذمه
الا اني اضحك على سابق تناهيتي
يا مقبله ليه خليتيني اليّمه
يا حلوها لو بدل ما اقبلتي اقفيتي
ياما تمنيتي العشق يحكي فمه
حتى حكى العشق فوق اللي تمنيتي
عمر نثرتيه رحت انساك والمه
والى تذكرتك اذكر عمر تشتيتي
انتي ووقتي وحظي مالكم ذمه
ياما على ونتي غنوا وغنيتي
وااجرحي اللي نفذ صبر وانا اضمه
كيف اتناسى صوابي لو تناسيتي
ما أنتي بذيك اللي الشوق اهدرت دمه
وأنا اللي اظن بين ضلوعها بيتي
يا ليتني قبل اكذب راعي النمه
سويت في طفلنا اللي فيه سويتي
أنا الوفا بين اخوه وبين ابن عمه
وانتي الجفا وين ما رحتي وحليتي
يمكن نخيتي الزمان وشح باللمه
أو شفتي الصدق زودها ومليتي
كذاب لو قلت قلبي راح ما همه
وألفين كذاب لو ما قلت حبيتي
ياللي تركتي الهوى غرقان في دمه
جيتي غريبه ورحتي مثل ما جيتي

[الشيخ كارلوس]

مهزلة


تدرين يا حلوه ...؟ متى العاشق يحس بمهزله !
لا جاه شي ٍ مثل شي ٍ قام يحداني حدي
ما اقسى من دموع اليتيم الى ذكر ضحكة اهله
ولا يهد من الفراق الا الفراق السرمدي
يا الورده اللي في شرايين الحشا متغلغله
يا روحي اللي لو تبرّت مني اختل جسدي
كونت لك عالم غرام ٍ ما دخله البلبله
إلا هدير ٍ ينتهي بين الضلوع و يبتدي
حتى اقرب اصحابي من اللوعه سهيت و قلت له :
يا الاجودي كف العذل ما في العواذيل اجودي
انا اللي استاهل .. عناقيد العنب يا مدللة
ليتك دريتي كيف عيني تذكرك في مرقدي
يا ادنى من الغيم ان تغطرس و اطول من السنبله
يا اقرب كثير من الحكي و ابعد شوي من الجدي
ان جيت .. رحتي مقفيه و ان رحت ..جيتي مقبله
كم مت .. وليا قلتي ( احبك ) ؟ تجدد مولدي
دنياي انا لو تجتمع لذاتها في مكحله
والله ما اشهر لأي عين ٍ غير عينك مرودي
يا ذابحتني كل شي ؟ إلا الجفا ما اتحمّله
يا كبر كذبة عزتي لو قلت ابا ابعد و ابعدي
قلبي لو اغديتيه في الصحراء بليا بوصله
ما تاخذين؟ إلا وهو لأقصى ضلوعك مهتدي
و ان خاب ظني و آخر المشوار.. جاء مثل اوله
با اغمض عيوني و ابا احلم و اقهر الحظ الردي
بأحلامنا ... حتى آخر المريخ نقدر نوصله
الله لو نطلع بساط الريح... و يدك في يدي
تخيلي روض ٍ من اقصاه اجمل الورد احمله
و اهديه لإيدين و ظفاير شيخة الورد الندي
تخيلي نهر ٍ بالاحجار نتمثنى جدوله
نبقى على جاله جلوس شوي و شوي نعدي
تخيلي بيت ٍ دفاه من المواجع و الوله
ضحك ..و سواليف ..و سهر ..و مزوح.. و بساط احمدي.
تخيلي عشق ٍ عجزت استوعبه و اتخيله
كانه على هالحال ما عز الله ابشر بسعدي
يا سيدة عشقي و انا راعيه راعي الاوله
ما هي كثيره لو تقولين .. انت والله سيدي

ترى الله اللي حط لك ذاك الغلا و المنزله
ولا الهوا لا ورث ابوي ولا ذخرته لولدي

حبيبتي ما يقهر الرجّال في مستقبله
إلا الهوا اللي مرة ٍ يقبل و مرات يغدي
حتى الوفا لا زاد عن حده يعوّد ... مهزله؟
يا ليتني خنتك ولا اللي قام يحداني حدي

[الشيخ كارلوس]

الفقيرة







يسعد صباح الفقر يا اللي تذمّينه
في ذمتي ما انتي من الفقر معذوره
ما شلت هم الرغيف اللي تشيلينه
كل الهموم لسواد العين مذخوره
ما انتي فقيره تقولين اليسر وينه
يا قطعة السكر من الملح ميسوره
من علم الجوري انشدوة بساتينه
من هز ريش النعاس اللي كسا حوره
من ذكر الخيزران اللي نسى لينه
من جدل الليل لين اختال ديجوره
سلسالك الفضي - اصلا - لو تزمّينه
ما راحت اكثر عقود الماس مغروره
و الازرق الرث يا ملحه و يا زينه
ابها من ارض ٍ نهار العيد ممطوره
مستورة الحال بس القاف تغرينه
ليه اتنحّى و اخلي الحال مستوره
والله لأغني لفقر ٍ غنت سنينه
لين ايسر المترفات تموت مقهوره
قالوا لي ان الجديل اللي تربينه
معه تربين حلم ٍ فاحت عطوره
قالوا بذاك الركن سر ٍ تخبينه
و مراية ٍ من رداة الحظ مكسوره
لا ينكسر مثلها الخاطر و تشقينه
تمنظري في المرايه حي هالصوره
مذكور جرح ٍ ورا الاضلاع تخفينه
و تحت المخده رسالة عشق مذكوره
اثر الهوا جاي يسوق الشوق بإيدينه
غصن ٍ جفاه اليباس و زف عصفوره
يا من يكون الحبيب اللي تحبينه
يا اللي بوجه الليالي ثروه و ثوره
وقت مضى ملمس اللعبه تمنينا
و اليوم خضر القلوب العاب منثوره
الحزن .. ليه العيون السود في عينه
و البحه اللي ترد الروح مذعوره
فقر ٍ ستير ٍ ولا ازكى من رياحينه
ولا نعيم ٍ فضوح ٍ تغرق زهوره
و الميت اللي يبي دعوات حيّينه
كنتي وصاته و نزفه و آخر شعوره
يا زمة الغيم و رخاية هدب عينه
ما قلت لك ما انتي من الفقر معذوره

[الشيخ كارلوس]

احلى الصبـــايا




قلت من ذيك الصبيه .. قالوا : من احلى الصبايا
قلت : اقول الله يخليها لعين ٍ ترتجيها
طلة ٍ ما استوعبتها لا العيون ولا المرايا
كم تعدّتني و انا ما كنت والله مهتويها
ما دريت الا و هي مثل النفس بين الحنايا
ان شهقت اموت منها و ان زفرت اموت فيها
اثرها يوم اني اجمّع ما بقى لي من بقايا
عشعشت في بالي المحروسه اسم الله عليها
طفلة ٍ قدامها طفل ٍ سرق همس الشفايا
كل همّه كلمة ٍ ما كل الافواه تحكيها
كنّها في ضحكها عيد و زغاريد و هدايا
كنّها في حزنها عين ٍ حورها مكتسيها
بانها اللي فارد ٍ طوله مسوي بي سوايا
و ارتشافة قهوة انفاس ٍ تعوّدت احتسيها
نهر حسن ٍ ضفته ستر و تواريخه عرايا
صب بعروقي و قامت ترتويه و يرتويها
عنـــدل ٍ بفراقها تكشيرة انياب المنايا
كيف ما ابيع النفيس و ضحكة العمر اشتريها
حاولت لحظه من اللحظات تنثرني ضحايا
كنها اللي تنتصر لجروح حواء و تحميها
و الخفوق اللي رميته بينها و بين الخطايا
تشتهي جرحه وهو في عز جرحه يشتهيها
كم بدت طفله تحب احلى القصص و احلى الحكايا
قلت امر اشكي عليها الهم و اصبحت اشتكيها
كم على الماء و الذهب و الرمل و البيض الضمايا
انقشت قلب و سهم و حروف حب ٍ تحتويها
كم قرت شعري و لدّت للمرايه و الزوايا
الجديل تبعثره و احلى الملابس ترتديها
وش ورا همس الغمام ان قلت يا شح العطايا
كل شي ٍ من ملامحها يجيني قبل اجيها
ما ذبح تفــــــاح انوثتها مغاتير النوايا
من قصد قصده شريف ومن ورد ماها يبيها
علموها بس ! والا علموا ... كل البرايا
انها اللي عود امري من يديني في يديها
والله ان تبطي وهي تختال من بين الحنايا
مره تسمي علي ... و مره اسمي عليها

[الشيخ كارلوس]

بحر سودك

في بحر سودك ابحر شوق مضنونك
شفّه الريح يوم تمازح شراعه
زيد في فتنتك لعيون مفتونك
يتبعك .. ما تلفّت يم تبّاعه
كل ما لد طرفك قلت .. يا عونك
انت شيخ الخفوق و كثّر اوجاعه
كن ما انت بعلى بعضك .. و انا دونك
اتلهف لوعد ٍ عندك وداعه
كن الاهداب تشكي رعشة جفونك
كن كفّك يتّله منّي ذراعه
اشغلت عينك الساعه .. على هونك
ودنا نطلع من الوقت لو ساعه
لمت صمتك و اثر صمتك من فنونك
لا سألتك تصير الكلمه طماعه
بس لا جاوبتني هزّة متونك
كيف اعاتب خجول ٍ تحكي اطباعه
ادري انك رويت العشق بمزونك
و ادري ان الغلا في عز مرباعه
ما بقى الا اسرق الكحله من عيونك
و اتجمل بعين ٍ فيك ملتاعه
و ان خذاك الملل حتى من طعونك
جرّب الحب مره نقلب اوضاعه
قل ما اخونك و اقول ان عشت لأخونك
قل ما احبك و اقول السمع و الطاعه
اصعب اللي خذيته عقل مجنونك
و اسهل اللي عطيته دفتر ابداعه
مزنة ٍ ما سبقها بارق سنونك
في زمان الشقا ما هي بفزّاعه
تحرسك عين من صوّرك و تصونك
روح .. ما دام راح الليل في الساعه

[الشيخ كارلوس]

(منك لله)


هذا جزا اللي يحبّك .. منك لله
و إلاّ طريقتك أجل هذي طريقه

ما قلت لك هالفـــراق إيّاك و إيّاه
و إنّي ما أطيق الجفا يعني ما أطيقه

مبطين و العيد ما جبنا هداياه
و لا كشفنا الصناديق العتيقه

مبطين و الليل ما أشعلنا زواياه
و البرد ما حنّ أناملك الرقيقه

يا شبه الأزهار ياللي ما لك أشباه
من وين ما جيت كنّك في حديقه

لو كلّ شيٍّ ،، الى شفناه طلناه
ما و الله أصدّ ؟ عن شوفك دقيقه

يوم أذكر إنّك زمان أخرست الأفواه
أسجّ و أرجع ..... بتنهيده عميقه

و أقول لأدنى الخليقه واحلاااالاه
إن الأمـــــــاكن تبدّل و الخليقــه

[الشيخ كارلوس]

غـــــــــازي

الأبيات تحبي لك .. و الثنا يمشي على معكاز
و الأرض تدور .. و المهجر يذكّرني بمركازي
مكانٍ في زمانٍ عزّ بك .. ما أغلاه من مركاز
و أنا في مجلسٍ نهجه و نهج العزّ متوازي
صغيرٍ .. كل ما صدّت عيون .. أقرب من المعناز
سواليف الضيوف تدور و عيوني لمعنازي
ألا يا كثر أصابعهم الى شافوك بالتلفاز
و عشقٍ مثل زخّات المطر مجنون و اعجازي
أفكّر من يكون اللي على أصوات الضماير حاز
من اللي ما يبي غير الجزا من ربٍ يجازي
من اللي في فراش الموت ابوي يردّده بايجاز
من اللي يفرشون لسيرته سجّاد شيرازي
تخيّلتك شبيه السندباد .. أثرك شبيه الباز
دخلت الذاكره و القلب يا أوّل و أصعب ألغازي
يا غازي .. و الله انها ما تضيق إلا على المعتاز
و أنا و أمثالي من الناس محتاجين كم غازي
عرفتك .. مزنٍ يزلزل زمانٍ كله استفزاز
و لو ما للزمن زلزال زادت نزوة النازي
قريتك .. يوم خلّيت الورق بأحلى الغرق يمتاز
يفزّع له ميّة فارس .. و تحتضنه ميّة جازي
سمعتك .. يوم صحت و قمت أباري صيحتك منحاز
و أردّد : نجد نجدي و الحجاز – و ربّي – حجازي
أعزّك يا عزيزٍ عزّك الله و انت بين عزاز
معزّة من زعامة عزمها مدري وش توازي
تفاصيلك .. غزت سجّادتي .. و أصبح دعاي أجواز
محاصيلك .. ملت زوادّتي .. و انجازك انجازي
من أول ما يجوز الغزو .. قلت : يجوز قالوا : جاز
كم أرضٍ ترتجيه ان كان شروى غازي الغازي
يخلّدك الزمن .. يا صورةٍ غرّد بها البرواز
مثل ما خلّد التاريخ ابن حيّان و الرازي
بعيد من المواجع و انحياز اليعربي لا انحاز
أبأقول لعدّويني .... قبل ما أقول لعزازي
أنا من أمةٍ في الماضي لها صهلله و انجاز
و أنا من أمةٍ في تالي الوقت انجبت غازي

[أبو سلطانـ القحطاني]

ارحب


بيض الله وجهكـ ... والله لايهينكـ يالقرم

ابياتـ وقصائد راااائعه .. صح السانـ شاعر الاندلس ناصر محمد الحبابي القحطاني

ننتظر المزيد



تقديري

[الشيخ كارلوس]

العروس


خـويـة درب عـمــري مـاخـذانـي دونـهــا النـسـيـان
وأنـا يـا اهـل الملامـه مـا رغبـت العيـش وحـدانـي
+ + + + +
ابـي لـي مهـرة ماعسـفـت صغـيـره وبـنـت حـصـان
ابـوهــا الـلــي يـفــك المشـكـلـه ويـزبــن الـجـانــي
+ + + + +
واخوهـا لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي
+ + + + +
أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف اشـكـال والـوانـي
+ + + + +
أبي الجبهه كما الصبح وكما القوس اسود الحجان
وابـيـهـا نـاعـسـات ونرجـسـيـه ســــود الاعـيـانــي
+ + + + +
ابـي رمــشٍ كـمـا ريــشٍ يغـطـي الثـلـج في الاوجــان
وابــي جـفـنٍ يشـيـل الـرمــش طـربــانٍ وكـسـلانـي
+ + + + +
ابــي خـــدٍ كـمــا وردٍ تـنّـمـى فـــي طـــرف بـسـتـان
وابـي خـشـمٍ صغـيـر ومـثـل حـّـد السـيـف شامـانـي
+ + + + +
ابـي البسمـه كمـا البـرق وثناياهـا كـمـا المـرجـان
وشـفـاهــا جـمـرتـيـن وفـمــهــا خــاتـــم سـلـيـمـانـي
+ + + + +
ابــي شـعـرٍ مـثـل ذيــل الـفـرس لا طـبّـت الـمـيـدان
او الـشــلال لامـــن بـــات لـيـلــه بــيــن الامـتـانــي
+ + + + +
ابــي جـيـدٍ ســـوات ابـريــق فـضــه نـاتــقٍ مـلـيـان
وصــــدرٍ كــنــه مــرايــه عـلـيـهـا طــلــع رمــانــي
+ + + + +
ابـي ظهـرٍ كمـا الـجـدول وقـّـدٍ مـثـل غـصـن الـبـان
وخـصـرٍ مـثـل مـجـدول العــنان وجـسـم رويـانــي
+ + + + +
ابـيـهــا نـابـيــة ردفٍ وبــطـــن ظــامـــر جــوعـــان
ابـيـهـا مـدمــج ســـاق وقـدمـهـا لــســان ثـعـبـانـي
+ + + + +
ابيـهـا بـنــت عـــزٍ مـــن رغـدهــا يـنـعـم الفـسـتـان
ابــي الـرقـه وابــي الـدقـه لـهـا باطـرافـهـا شـانــي
+ + + + +
ابي المشيه كما اللـي طالـع مـن المعركـه كسبـان
وابيـهـا تــرش مـــع خطـواتـهـا مـســك وريـحـانـي
+ + + + +
ابـي صــوتٍ الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـي اشـجـانـي
+ + + + +
ابيهـا ...
حـب
واخـلاص
وهواجيـس
وفــرح
واحــزان
ابيـهـا مـثـل مــا دكـتـور اهـالـي العـشـق وصـانــي
+ + + + +
ابـيـهـا لــوحــة مــــا صـورتـهــا ريــشــة الـفـنــان
ابـيـهـا جـوهــره مـــا جـابـهــا قــاصــي ولا دانــــي
+ + + + +
ابيـهـا تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي
+ + + + +
مـهـرهـا ..
قـلــبٍ
وشـعــرٍ
يـهــز الـقـلـب والـوجــدان
وألبـسـهـا ..
القـصـيـد
وتـصـبـح
اوزانــــي وقـيـفـانـي
+ + + + +
ابي اللي فات
واللي فـات صعب ؟
ومن لـقـى العنـوان
يــرد الـعـلـم ؟
ولا افـضـــــــــل ...
ابـقــى اعـيــش وحـدانــي

[حسينـ الفحوسـ]

الشيــــخ كــــارلوس


كما قال اخوي صالح والله اني مستمتع


بيض الله وجهك يا غالي

انت شنار للمنتدى لانك تقدم للمنتدى شي يرفع الراس

وهو قصائد ناصر القحطاني


بيض الله وجهك

لك ودي

[الشيخ كارلوس]

شمــــر

الشمس غابت وكلٍ دور سراجه
والشوق جمّر .. مااحر الشوق لاجمّر
دام إتجاهك شمال مودعك حاجه
سلم على حايل .. وسلم على شمّر
قدامك الخافق اللي ينشد علاجه
كنه معلق على برزان ومسمّر .. !
وإنت تعرف يابعد حيي من تواجه
بيضان الأفعال لامن الزمن سمّر !
إن ضاقوا اعنف من البحر ومن أمواجه
وإن راقوا أركد من الخرمان لاعمّر !
كم صيت بيتٍ عتق هالباب مزلاجه
وكم شيخ إماره قبل تعيينه مومّر !
وكم حاتمي تكفي فلة حجاجه
وشلون للضيف لو عن ساعده شمّر
وإن مر تاريخهم متلبسٍ تاجه
كم عاشقٍ كيف وكم حاسدٍ زمّر
في جو أغلى على الرجلي إليا داجه
من ديرة السادس ومن ديرة معمّر
كنه إلى أهدى له البراق ثجاجه
طلة غرير ضحك ومن الخجل حمّر
توارثوا حرثه وتمتير ديباجه
ركابة الجيب من ركابة الضمّر
الود لا غرس بدري صعب مخراجه
والله ولا الذ وأحلى منه لا ثمّر !
أدخل على اللي تطوف البيت حجاجه
من ناقص عند مدح الغير يتذمّر
والمدح لو كان في الرديان للصاجه
ويقال " عمر بلد " باالعون ماعمّر
والذم لو زاد في الطيب تولاجه
لا أحرق ولا أغرق ولا عمّر ولا دمّر
مانيب متحسف بشعري على حاجه
إلا إني أروح ماغنيت في شمّر

[الشيخ كارلوس]

المقابر


في مكان تفاخر فيه روس النصايب
و امتلت من عظام الناس فاضي قبوره

كل شي يتراجف فيه حتى الهبايب
والذهايب توارى والنصايب فخوره

وقفت بي قدم رجلي وكلي عجايب
والبكا حولي اسمع له تمرد و ثوره

لين جاء واخجل عيون تودع حبايب
مؤمن جفف الدمع بحديث و سوره

عن يميني بيوت السابقين الذهايب
وعن يساري بيوت اللاحقين محفوره

اسمع اصغر ذنوبي كنه يصيح تايب
والقدم ما نشدت بموقفه عن شعوره

واذكر انه تشره لحظه وكان هايب
قلت خل الطواري ما طلبتك مشوره

دامها جت من الله مرحبا بالمصايب
لو ثقل حمل نفس المسلم اللي صبوره

جيت اشيل الجروح المشرقات العطايب
طيب الله ثرى اللي فارق العين نوره

ما ركزت النصيبه واعتلت راس شايب
كود ابدّل ذاك القبر لا جيت ازوره

عل ما تبخل بماها عليه السحايب
كودها تستر اطراف النصيبه زهوره

كل حزن ملا الدنيا على القلب ذايب
وانقلي يالجروح الحمل لو زاد جوره

كنت اعزي مجاريح بعاد وقرايب
واترك الخاطر لعيني تجبر كسوره

تغرف الحزن وتصب العباير صبايب
وان خلص دمعها لعيون ابوي معذوره

شايل صورته في البال لو كان غايب
ليته اللي يشيل لشخصي اليوم صوره

كان لي ظن في صغري ولا هو بصايب
احسب ان القبور من الحياة مهجوره

علّ قبره نعيم وصالحاته سبايب
هي عزاي بوادع مودّع جاه دوره

[الشيخ كارلوس]

غــــــــاده



جيت يا كثر السوالف والقصايد
الدلال مبهره لعيون غــــــــاده
جيت اسامرها واحط لها وسايد
من شجون قتلها للبرد عاده
جيت اغني والغلا كله وقايد
عل ذيك النار ما تصبح رماده
جيت ابي من وصلها جروح جدايد
القديمه ملّها الليل وسواده
مثل ما ملّت عتيقات القلايد
وجيت البسها من اشعاري قلاده
غيرها ما ابي رخا وقت الشدايد
ولا تبي لاحدن بعاشقها شهاده
ان رضت ما اظني رضى الناس كايد
ولو تظايق ضاع مفتاح السعاده
كم لقيت اللي لقيت من النقايد
من نصيب طولت كبوة جواده
كم قضى ليلي وانا اطارد شرايد
الدموع لحاف ؟؟ والهاجس وساده؟؟
لاعني التحنان مال االصبر فايد
قلت: اسوق الدرب يكفيني جلاده
وجيت اصب الشوق يوم الشوق زايد
عل خاطرها خذا منه مراده
والا انا لي تالي اللقيا عوايد
قهوتي من جمرها سكر زياده

[الشيخ كارلوس]

( تناساني )

حبيبي ماكفاني في الحضور الصوت والصوره
ولاطفت لهيب الشووق ؟ ثنتين تحلاني
سقى الله ليلة فيها القمر غاب وطفا نوره
بعد ماسلمك يانور ليلي وجهه الثاني
سقى الله يوم كان الحب غصن نقطف زهوره
عسى الريح اللي اومت به تنام ويسعد الجاني
حبيبي ؟ علها تكبر جروح منك مغمووره
نصيب جابني لك...باتجاه الشمس وداني
ذخرت اغلى شعور وكل خفاق ومذخووره
لعينك يالجريح المستريح القاصي الداني
وشلتك داخل الوجدان حملٍ لذ لي جوره
ولو اشغلتني واشغلت بي تفكير خلاني
ابـ اولع لك الدنيا قصايد عشق منثوره
وابـ اعزف لك نغم للحب ياقيثاره الحاني
عليك عيون ناس وكل قلب ضاق بشعوره
تمنتك العيون وجيت ياعيني تمناني
احبك....كيف مااحبك..؟ وانا اللي لك بنى سوره
على جمر يدفي بارد اشجانك من اشجاني
حبيبي والمشاعر فيك مختاله ومغروره
تدلل...وانت في ساعه غلاي اليوم وحداني
واذا ملت خطاك الدرب مسموحه ومعذوره
تناساني دخيل الحب لو تقدر تناساني




وهذا اهداء مني لكم وتصميم رائع جدا لهذه القصيدة

تحميــــــــل (http://c0500788337.googlepages.com/swf.exe)

[العبدي الحبابي]

مرحبا بك

يعطيك العافيه على هذه القصائده لشاعر الاندلس

لاهنت

[حسينـ الفحوسـ]

الله يرحم والديك

اشهد انك عطرت منتدانا بهالابداع

للاخ / ناصر

بيض الله وجهك ووجهه تقبل مروري

وننتظر جديدك

تحياتي

[دايم الطيب]

الشيخ



بيض الله وجهك




تحياتي

[الشيخ كارلوس]

( عنود الصيد )

حبيبي طال موالٍ يجيب الهم والتنكيد
عسى الله ما يخلي لي خليل إن كان خليتك
يا بو عذرٍ يشابه ضحكة الأطفال يوم العيد
أنا أبكيتك حشا واللي فتني فيك ما ابكيتك
حرام بعينك الدمعة حرام بصدرك التنهيد
حرام البرد يمضغ راحتينك ما ترضيتك
تعال وكل جرحٍ فدوتك يا اقرب من التضميد
اشوفك من زمان وقدر المولى وحبيتك
من اول مرةٍ شفتك تمنيتك وكنت السيد
وتمنيت أني أصلا يوم شفتك ما تمنيتك
تخيل كيف سكّنتك وخليت القريب بعيد
وروّح كل عاشق يحلم ببيت ٍ مثل بيتك
فداه من البيوت اللي يمل ويعشق التجديد
يا عمري شف وهو قلبي متاني فيه وصيتك
أسج وتنقلب ضوضا الشوارع في عيوني بيد
واجيك ويرتعش في خافقي عصفور لا جيتك
دخيل الطلة اللي كل ما جت فوق ذاك الجيد
دريت أنك طموحي يا طموح ما تعديتك
حشا ما مرني يومٍ صبوح .. إلا أنت بالتحديد
تراك الصبح في عيني من أول ما تهجيتك
نسيت أن الرسايل كانت من ايدي تسافر ليد
تكحل لك مساك وعطرها يحييك ويميتك
نسيت أنك ظفرت بزفرةٍ تستاهل التمجيد
ولا تلحق جزاها لو تجمّع لي تناهيتك
نسيت اني وضعت الشمس في كفك وعفت الغيد
وحطيت القمر في كفك الثاني وخاويتك
أنا لي ذنبك .. وللذنب عذر .. وللعذر تمهيد
ولك خيل الرضا تصهل بصوتي يوم ناديتك
تمتع بالغلا ياللي يسمونك عنود الصيد
والا يا كثر ما غرتني حروفي وسميتك
حبيبي .. لا سقا الله عرفي اول قبل أجيب العيد
سقا الله يوم طشت .. الا سقا الله يوم حبيتك

[الشيخ كارلوس]

( الصورة )


تراها الصورة اللي جا عليها في الوداع علوم
فديتك ما سواها حرك الخفاق و اوجاعه

عسى يا احلى هدايا الكون ما انتب من حلال القوم
عسى يمي يجيبك من تركتك عنده وداعه

معاك اضيع يا عمري .. و ابي لو ساعة من اليوم
تضيعها معي .. و انسى وش اليوم وكم الساعه

عشيرك من يد الترك ليد الفرس ليدين الروم
هذا هو يعربي لانسى حلمك و لا باعه

تعال الكل ينشد عنك و طيور الخيال تحوم
و انا مما بين طيف وصوره ودفتر وسماعه

من اول ما اصبح استفرد بنكهة سرك المكتوم
و اهيم بكل شارع و اندهك و اخرج على الطاعه

اطارد شمسك اللي لآخر الدنيا بدون غيوم
و الى مني ذكرت عيونك و مغناي و شراعه

اجي جنب البحر واحكي له اول ما عرفت العوم
وفوق الشاطي ارسم وجهك اللي سافر شعاعه

و الى جا الموج يمي ضمت ايدي وجهك المرسوم
وطاحت نجمتين مرت الخدين مرتاعه

و اعود للحدايق ما بقى من زادي الا اللوم
افتش عن عبير كم و كم نسمه من ابتاعه

اداعب وردها و الفل و الريحان و اليشموم
ولا هو ملمس الورد الطبيعي يا اجمل أنواعه

و انشد عنك اناشيد و عصافير وشجر و كروم
وكرسي باهتٍ لونه وسبع خيوط لماعه

و اشوفك في فساتين وذهب معلقٍ منظوم
و اخبر بك سرايا كل سوق وغالي بضاعه

واشيل اوراقك ام حروف وقلوب تشيل سهوم
واغني ما طرى و اطبع عليها الطاري طباعه

و اعود للوساده في مسا ما له قمر و نجوم
اصحي صورتك من نومها و تفز فزاعه


انام بحضنها لين الصباح يقول ( صح النوم )
وافيق بوجهٍ اجمل من ( صباح الخير ) مطلاعه

[الشيخ كارلوس]

http://www.up4arab.com/out.php/i455871_Sans20titre1.bmp

[حسينـ الفحوسـ]

http://www.up4arab.com/out.php/i455871_Sans20titre1.bmp


هيكـ التحايا والا فلا


عشت يا الوافي

تحياتي

[مانسيـ00:00:01ـتـك]

عسى ايامه وايامك وايام جميع الاخوان سنين ابداااع منقطع النظير

[بــــرق الجنوب]

بيض اللـــــــــــــــــــــــــه وجهك على التميز




شـكــ وبارك الله فيك ـــرا لك ... لك مني أجمل تحية .

[النايفه بنت السديري]

فعلا ابداع منقطع النظيـر

موضوع يستحق القرائـه

ما قصرت اخوي الشيخ

النايفـه..

[ناب الذيب]

يعطيك الف عافيـه

وناصر نوماس للحباب خاصه ولقحطان عامه

تحياتي

[الزربي]

وين باقي القصايد الصوتيه

[الشيخ كارلوس]

فديتــكم جميع ولا عدمتكم ولاعدمت طلتكم الحلوه

لكم مني اجمل واحلى التحايا

وابشروا بالسعــــــد تستاهلون اكثر من ذلك

[الشيخ كارلوس]

http://b0500788337.googlepages.com/55435tre.gif




( الى ضاقت علي ميلتها لأهل الرمك والجيش )
( وأخـذت من الأصـايل مهرة يختال راعيها )

( الى جت كن أبوها من سلايل خيل صقر قريش )
( والى اقفت كن ابن شالح بسوط الموت حاديها )

( أغنــي في ظهرها لاغــدا للذاكره تنبيش )
( هجينــيات ابوي اللي ورا صبحــا يغنيها )

( وامرّ من العذارا غادة لاضقت قالت : ليش )
( تتل الداء وتصرف له دواء لعيـــون غاليها )

( نفوس الذل تسقط والنفوس الساميات تعيش )
( وراعي الكلمـه اللي يستحــي منها يبديها )

( احسب ان المبــادي عملة ماتقبل التغشيش )
( سقا الله يوم قلت : ايوالله أن أموت شاريها )

( أردّدها .. صغيّر سن .. توّي مانبت لي ريش)
( أثرها عيّــدت بأهل الكراسي في كراسيها )

( عساني ماصغرت من احترامي نقطة التفتيش )
( وعساني ماكبـرت من المنصّات وتهانيـها )

( الى زل ّ السفــيه استصغـره حتى من التهويش )
( والى استفــزع بربعه قلت : ما أحلى فرك أذانيها )

( والى ضاقوا عليّ حتيش وأن طاشوا بعد حتيش )
( والى وصلت مـداها جبت عاليــها لواطيها )

( عطاني مانع الفتنه منـــاعه من هل التشويش )
( ونجّاني من اعيال الحـــرام ومن بـلاويها )

( من اعراض العرب لاطفالها تقتات لقمة عيش )
( ياويح أهل الكبود الناشفه من كفّ واليــها )

( الا ياماكثر الضوضاء والا يا ما حلا التطنيش )
( والا يا ما أطول الدعوى والا يا وين قاضيها )

( عسى الله مايحد القرم للعيشه ورى البخشيش )
( وش الأشناب لاقام الدهر ينفض مخـابيها )

( تعفرت كم ثعل لين أعتبرني صاحبي درويش )
( وانا لي كلمة رخص الكلام وعشت مغليها )

( على فرقا جلاليب الضماير في مزاد الطيش )
( تنومسنــي مزونن ماخضع مـاها لباغيها )

( بلا سجّاد .. لانذر عليّ الا افتـراش الخيش )
( أعــزّ لهـامة كني على الغيمـه موصيها )

( وانا لو ما حترفت الرمي لين اسرفت بالتحويش )
( ظهرت من الميادين وعطيت القــوس باريها )

( الا يالله طلبتــك سمعة ماتقبــل التهميش )
( ولو متّ افقـر الناس وهلي فقرانه إيديها )

( عسى ماهو صحيح ان المبادي ماتوكل عيش )
( اذا هو صدق .. أجل عز الله اني رايح فيـها )

[الشيخ كارلوس]

(ياقلب لاتحزن)

يا قلب لا تحزن .. و لو طال ممشاي
خاو الصبر ولا التعب طبع دربي
وش بك تحسب خطاي يا حادي خطاي
الذنب ذنبك و اصبح الكرب كربي
لو عشّمك بالمجد و اهدا لك الراي
الهاجس اللي مل طرحي و ضربي
لا تاخذك وردية احلام دنياي
يكفيني اللي لمّني و انتثر بي
و الى سرى ليلك مع راعي الناي
الجرح غطّه كل ما هب غربي
كلها عشان اذن ٍ شفوقه لشكواي
و عيون حساد ٍ تلد النظر بي
ادنيت يمّي قاصي ٍ همّه رضاي
و ابعدت عني داني ٍ هان قربي
اضمى ولا ارجي حاسدي شربة الماي
لا قرّب الله من يد النذل شربي
حرام اعيش .. و لو شفع طيب مجناي
انا ما جعلت ادنى العرب تفتخر بي
يا قلب توعدني بالامجاد يمناي
و يلوي ذراعي وقتي اللي غدر بي
و ان راعتك ظلما على سكّة مناي
قلت لقدم رجلي بلا قلب سر بي

[الشيخ كارلوس]

(المهر والمهره)

على قوافل اهل المجد و اهل الشهره
يا شيخ جتنا هداياك و قبلناها
ضاقت علينا و سقت المهر و المهره
اللي شيوخ القبايل تطلب رضاها
يا نوم عين اجودي ٍ شد بك ظهره
اما نشرت القصص ولا نشرناها
ما والله يجوز راع الحب من طهره
ولا تفقد العين غير اللي نثر ماها
البارحه في المنام قلوب منصهره
صكت عليها الضلوع و جابت اقصاها
و حكاية ٍ بالغلا و الشوق مزدهره
و ضعون اجاويد نتعب لا ذكرناها
خلوا لنا الليل و اخذوا معهم السهره
و رحنا نعد النجوم ولا حسبناها
لو عشّمونا زمان بكوكب الزهره
اهون من احلام و بيوت ٍ بنيناها
كانت كوابيس تشبه وجه ابن فهره
و اليوم جاء من يبشّرنا بمنفاها
يا حلو عز ٍ تدفق يمّنا نهره
ليه الزغاريد ما تملى زواياها
خواطر مكسّره و عيون منبهره
و عيون مدري من اللي ضاق و اعماها
و الليله اللي نسى فيها الشقي دهره
احلى الليالي الى قالوا وش احلاها

[الشيخ كارلوس]

(ليل العتاب)

يالله بعلمٍ يسر و يبهج الخاطر
طالت و طال الصبر لعيون خلاني
ادري طراة الفتى عزّام و مخاطر
اما على شانهم ولا على شاني
ما احلى من الغيم لا منه نوى الماطر
ما اعظم من الحب في تاريخ وجداني
لا عاد ليل العتاب و غلطة الشاطر
اقفى على وجهه الغالي ولا جاني
كان اول يذوب .. كان لشوفتي ناطر
كان يتحرّى الغلا .. كان يتمناني
يا حسرتي لا تهجّيت اسمه العاطر
دوّرني بوقتها .. ما عاد تلقاني
الى رجع ما له الا طيبة الخاطر
لأشب نصف القصيد لنصفي الثاني

[الشيخ كارلوس]

وهذي عيديتكم شيلة جبل طارق حصــــــــــرياَ


width=400 height=350

[النايفه بنت السديري]

فعلا ابداع منطع النظيـر

يعطيك العافيـه موضوع كل فتره يتحدث بالجديد

واعاده الله علينا وعليكم

النايفـه

[تراتيل أنثى]

الصمت في حرم الجمال جمال


شكرًا مدد على المتصفح الشامخ

[الشيخ كارلوس]

شاكر لك مروركم جميع وتامروني امر وشرفتوني بمروركم لاخلا ولا عدم

[الشيخ كارلوس]

الـلي تـودع ضـنـاهـا ...؟ الـعـام مـبتـسـمـه
قـالـت : عـسـاه الـذهـاب إن مـارجـع داسـم



مـاعـلمتـنا ؟ عن الـمـوقف .. مـتى حسـمـه ؟
لاانـتـظـروا أصـحــابــه الـلي ربـهـم قـاسـم




الـسـالفة طـولـت .. والنـاس ؟ مـنـقـسـمـة
يالـلـه بـنـصـــرٍ عــزيــز ومــوقـفٍ حــاســم




لا والـلـه إلا غـديـنـا (( وجـــبة دســمـه ))
مـادامـها .. وصـلــت الدعــوى لأبـوالـقـاســم




يـكـــــرم عـن الحـالـمين بوصـفه ورسمه
تخسـى الرسـومــات واللـعنـة عـلى الراسـم






اللي تـجـرت يـديـنه ؟ عـرفوا باسـمـه ....؟
هـي ؟ مابـعـد ذاقـت الـميـسـم مـن الــواســم





وش يامر الشـيخ فيه إن غابت البسمة
والـلـه مايــصـبـح .. الا والـثـغـر بــاســــم






إن ثار ملـيار .. والجـاني وجب وسـمــه
كـلٍ مـصيـره مـع أهـل الـخـيـر مـتـقـاسـم




وإن لانـت الـريــح ؟ نـســمه .. فـي قـفـى .. نـســمه
يـكـرم ويـكـرم ويـكـرم وجـه ((( أبـو الـقـاســم )))


هذه القصيدة اعتبرها من اصعب القصائد ومازلت اسمعها واردد ابياتها بل لن امل من سماعها وترديدها الا عندما يستطيع اي شاعر مجاراتها ولو باربعة ابيات وله مني مايريد ايضا


لتحميل القصيدة صوت اداء النداوي (http://b0500788337.googlepages.com/05-Track5.mp3)

[حسينـ الفحوسـ]

^

^

الله يلوم اللي يلومك

القف التحايا:)

[ريانة العود]

شكري لمن ملك قلب

آآحترمنآآآآه بروعة مكتبته من حروف

خرجت من فوهة حبره


فأذهلني ذالك الحبر الجزل !!
اقف لك امام تلك القلوب التي تحييهآآ

بكل حراره مصفقه لك من قلبي

على النسيج المزدخر بالروعه
والمغمور بالطيبه واللمسه الساحره
التى اخذت بشغف تام وكامل ولكن عفوي
لك الشكر لقلبك العطر والمزدوج احاسيس !
تقبل تواجدي :
::
::
آآختك ريآآآنه

متميز vip vip vip:)

[الشيخ كارلوس]

^

^

الله يلوم اللي يلومك

القف التحايا:)
ايه في ذمتي

[الشيخ كارلوس]

شكري لمن ملك قلب

آآحترمنآآآآه بروعة مكتبته من حروف

خرجت من فوهة حبره


فأذهلني ذالك الحبر الجزل !!
اقف لك امام تلك القلوب التي تحييهآآ

بكل حراره مصفقه لك من قلبي

على النسيج المزدخر بالروعه
والمغمور بالطيبه واللمسه الساحره
التى اخذت بشغف تام وكامل ولكن عفوي
لك الشكر لقلبك العطر والمزدوج احاسيس !
تقبل تواجدي :
::
::
آآختك ريآآآنه

متميز vip vip vip:)
شكرا لك على مرورك خيتي
ويستاااهل شاعر الاندلس ... كل هالاحترام والتقدير

والله يلوم اللي يلومني فيه

[الشيخ كارلوس]

width=400 height=350

[amer-alqased]

بيض الله وجيهكم علي هذي القصايد والله يعطيكم العافيه علي مجهودكم ولا هنتم يا رجال قحطان

[التوباد]

بيض الله وجهك

ولاهنت يالغالي

[amer-alqased]

ماشاء الله علي ناصر وأختياره للقصائد الرائعه والمميزه والجميله والله أنه كفو وقصايده بعد كفو وصح السانك يا بو محمد والله لايهينك علي هالقصيد الرائع والمميز والمتمكن مهما قلنا في ناصر ما نقدر نوفيه شي من الي عنده وهو يستاهل الخير ماشاء الله عليه كل العلوم الطيبه والجزله والغانمه موجوده فيه

[التوباد]

بيض الله وجهك

[الهنتر]

لاهنت يالشيخ بيض الله وجهك

[الشيخ كارلوس]

لا هنتوا جميع والشكر الجزيل لكم وتحياتي وتقديري لكم

[الشيخ كارلوس]

http://www.alhbab.com/vb/uploaded/127_01271013398.gif

نغمات صدى للشاعر ناصر القحطاني واكوادها ...

[حسينـ الفحوسـ]

^
^
^

بيض الله وجهك:)

[الهنتر]

لاهنت ودك لوانك كبرتها الشوف لك عليه هاتو النظاره

[حسينـ الفحوسـ]

الهنتر

فيه شريط اعلا الصوره اضغط عليـه ويتم تكبيرهـا

[الهنتر]

اها وافي يالذيب

[الشيخ كارلوس]

^
^
^

بيض الله وجهك:)

ووجهك يابوسعيد

[الشيخ كارلوس]

الهنتر ابشر بالسعد تاااامر امر ولاهنت يابوسعيد دايم سباق لاعدمتك


7


7


تابع

[الشيخ كارلوس]

http://www.alhbab.com/vb/uploaded/127_01271052880.jpg
http://www.alhbab.com/vb/uploaded/127_11271052880.jpg

http://www.alhbab.com/vb/uploaded/127_01271053237.jpg

http://www.alhbab.com/vb/uploaded/127_11271053237.jpg

http://www.alhbab.com/vb/uploaded/127_21271053237.jpg

http://www.alhbab.com/vb/uploaded/127_01271053434.jpg

http://www.alhbab.com/vb/uploaded/127_11271053434.jpg

http://www.alhbab.com/vb/uploaded/127_21271053434.jpg


وذلحين ... ان شاء الله تكون واضحة

[الشيخ كارلوس]

هذي الرياض افتتاح السيرة العطره
والهودج اللى تزفه لهـفه الصحرا



الله عليهــا مراية نور منشطـرة
شطر على كف نجد وشطر في القمرا



تمردت للحيـاه وجالهـا بطــره
على تضاريسها ورمالهـا الحـمرا

لو مايجيـها من المـزنه ولا قطره
بيض قلوب اهلها وفياضها خضرا

ماعنـدنا إلا تراحيب على الفطره
والعود الازرق خلاف الدله الصفرا

نبرد كبـود على العـادات منفطره
ونسجل ازهى حضاره والزمن يقرا

يلطف بنا اللى لطف ياحوالنا الخطره
والنفط يشرى لكن الطيب ما يشرى

[الشيخ كارلوس]

مازال هناك المزيد ....

فقط تابعوووووووونا ..

[amer-alqased]

بيض الله وجهك يا الشيخ كارلووس والله انك مبدع ونعم الأختيار يوووم أخترت الشاعر ناصر يكوون هو اساس المشاركه وهو كفو وانت كفو ولا قصوور في جميع الشعار ولا يصغروووون في مكانهم

[حفيد الذيب]

شـــــــــــــــــــــــــــــــاعــــــــــــــــ ــــــر عــــــــــــــــمــــــــــــــــــلاق