الحباب ومغزاهم على قبيلة الدروع ( قصيدة ابن شرثان )

[الراية]

السلام عليكم ورحمة الله وبركاته

الفارس / عبدالله بن شرثان ال ناصر الحباب من فرسان الحباب وهو والد الشاعر المعروف مبارك بن عبدالله بن شرثان صاحب القصايد الحماسية غزا عبدالله بن شرثان ال ناصر الحباب على قبيلة ( الدروع ) وهي قبيلة عمانية معروفه وكان مع ابن شرثان عدد قليل من ربعه ويوم وصلوا عند الدروع لقوا الابل وقفوا بها ولحقهم الطرد من قبيلة الدروع ويقال ان عددهم كان كثير والتقوا الجمعان ودارت معركة وثبتوا صبيان الحباب وكسبوا الابل الحباب وماخذوها الدروع ونجا ابن شرثان من الموت جات فيه اصابه من القوم ولكن الله كتب له نصيب في الحياة .


وهذه مناسبة قصيدة الشاعر / مبارك بن عبدالله بن شرثان أل ناصر الحبابي ويذكر ربعه الحباب :



يالله طلبناك ياقاضي نوايبنا=ياعالم الغيب رب البيت معبودي
طالبك تجعل ثوابك من وهايبنا=تمحي خطانا وتغفر زلة العودي
عود يقول ان لنا عادات تجذبنا=عند التوالي الى جاء ردها كودي
ولانجهل اللي يوصي فيه شايبنا=وصى ولاحن عن اللي قال برقودي
قال الجماله ودرب العز واجبنا=والعمر يفنى وعلم الجود ماجودي
ويقول حولت يوم البر ضاق ابنا=نهار لحقت اركاب القوم بظمودي
لحقت بأهلها على أثر الكسب تتلبنا=هجن عليها القرط والجعد السودي
عبو تقدم وعبوين تحف ابنا=وحنا عليهم نسوق الماو بركودي
كن البرد من حقوق المزن يرذبنا=دندن رعدها وشبت الارض بارودي
ثم انثنينا وعقلنا ركايبنا=والعيب من هج والا قظب مردودي
خبرة حباب كفينا دون غايبنا=قطاعة مانعد النقص والزودي
ناطى الخطر كن ماشي بصايبنا=من خوفة يلحق الرجال منقودي
وفي مجلب الروح مانغلي جلايبنا=وماكتب للعبد في الالواح مرصودي
فرض علينا تحدي من يعاتبنا=ومن لايدوس الخطر مايكسب القودي
ترعى وسيمة عربنا من سبايبنا=يرتاب لاشافها الطماع ويحودي
ونركب على أكوار طوعات تجول ابنا=جول القطا يوم شاف العد مارودي
تجتال والقالة العليا مواربنا=وابليس ملعون والحساد ملدودي
حنا الحباب وعبدالله مناسبنا=وقحطان أبونا المسمى مورثة هودي
من عصر الآجداد وحنا ضد حاربنا=والله خلقنا منية كل مقرودي
وصلاة ربي عدد ماخط كاتبنا=على النبي عد ماهبت هوى النودي


أخوكمـ / الرايه

[حسينـ الفحوسـ]

ارحب يا الرايـه

وبيض الله وجهك انك جبت مناسبه القصيده

القف التحايا:)

[أبو سلطانـ القحطاني]

ارحب


:)



ونعم بـ الحبابـ والدروع


ابياتـ رااائعه وقصتها اروع ,, بيض الله وجهكـ






تحاياي

[ولد العين]

لاهنت يالرايه وابيض وجه

الله يعطيك العافيه

تحياتي

[الراية]

حسين الفحوس وخيال قحطان

لا خلى ولا عدم

[العبدي]

أبو سعود , جعل عيني ما تهل عليك

رحم الله الشاعر

[الراية]

مرحبا ياوجه الحباب ..... من ابو سعود ؟؟؟؟؟؟؟

اذا عادني اعرف انت ناصر بن صليم ...... على العموم لاهنت ياذيبان على مرورك



اخوك : الراية

[العبدي]

مرحبا ياوجه الحباب ..... من ابو سعود ؟؟؟؟؟؟؟

اذا عادني اعرف انت ناصر بن صليم ...... على العموم لاهنت ياذيبان على مرورك



اخوك : الراية


مالك لوى

وما ابعدت

واصل جهدك يالرّاية

[فرحان العتيبي]

شـكــ وبارك الله فيك ـــرا لك ... لك مني أجمل تحية .

[فيصل الحـبابي]

شـكــ وبارك الله فيك ـــرا لك ... لك مني أجمل تحية .

[الراية]

فرحان العتيبي + فيصل الحبابي


شاااااكر لكم تواصلكم

[إبن شرثان الحبابي]

الـرايه الله لايهينك ويطول في عمرك
أبيض وجه ياذيبااان
الله يعطيك العافية على القصة والقصيدة
ولك مني أجمل تحية ....
أخوك : بن شرثآن الحبابي ....

[الراية]

مرحبا يابن شرثان وقايل مايهون

وماعليك زود وهذا واجبنا

[حمدالدرعي]

ونعم بالحباب ، غير اظن يحق للدروع المطالبه بالابل بشتى الطرق , ولا ايش قلتو :)

[حسينـ الفحوسـ]

^

^

^

^

:)

بعد اذنك يا الرايـه

ارحب ارحب يا ابن الدروع

والله يحييك في منتديات الحباب والتاريخ يوم لك ويوم عليك فديتك

والدروع وسبعين نعم غالين عندنا بالحيل

اتمنى تواجدك معنـا

القف التحايا:)

[حمدالدرعي]

^

^

^

^

:)

بعد اذنك يا الرايـه

ارحب ارحب يا ابن الدروع

والله يحييك في منتديات الحباب والتاريخ يوم لك ويوم عليك فديتك

والدروع وسبعين نعم غالين عندنا بالحيل

اتمنى تواجدك معنـا

القف التحايا:)

من رحب باقي ، والله يحيي اصلك ، اخوي القبايل كلها كانت عايشه على النهب وكانت عاده معروفه الواحد ياخذ على الثاني ، وقحطان قبيلة معروفه عند قبيلة الدروع .....

[الراية]

الأخ حمد الدرعي حياك الله اخي العزيز وقبيلة الدروع قبيلة لا ينقصها شي

وحسين كفانا بالرد جعله يسلم


تقبل ودي اخي الدرعي


أخوك : الراية

[دايم الطيب]

ونعمآ بكم يالدروع


معروفين ووافين ومثل ماقلت وقال أخوي حسين


نتشرف بوجودك معنا ياغالي

[حمدالدرعي]

اشكركم جميعا على الردود الطيبه.................

[حبابيه عسوله]

يعطيك العافيه ع الموضوع يا الرايه

[دندون المحمدي]

welcome for you Hamad between your friends

And I'm sorry I coudn't type the Arabc becasue all the computers know English in my institute

Qad willing we see you here always

have a good time with us

see you

[حبابي والراس عالي]

لاهنت يالراية
وبيض الله وجهك على القصة والقصيدة
الكفـووووووووووووو
والله يرحم الشايب بن شرثـآآآن
وآآآآل شرثـآآن كلهـم
ويطول عمار الباقيــن
قصـة كـفوووو وقصيدة جـزلـة
والشيبآآن معروفين بالمغزى
مشكور يالراية
تقبل مروري يالغالي
ولاتبخل علينا من قصايد وعلوم آل شرثان ..

[الراية]

اررحب يادندون اررحب

لاهنت طال عمرك على التعقيب والمرور

تحياتي يالغالي

[دندون المحمدي]

ارحب يا الرايه

لاهنت على الموضوع الوافي

لاهنت

[قحـطـان الحـبابـي]

الرايه


يعطيك الف عافيه على النقل الرائع

[الراية]

الله يعطيكم العافية جميع

تحياتي ياغلاه

[الحبابي الإماراتي]

الأخ الراية بيض الله وجهك على إراد سيرة إبن شرثان آل ناصر

الإحبابي وهم معروفين مع من معهم من الإحباب

أول وتالى وعل فكرة الإحباب في الإمارات يد واحدة من أول وتالي

من غير قصور في الإحباب الباقين والدروع تراهم معروفين وعلومهم معروفه من أول وتالي ترا تربطنا بهم علاقات وشكرا أرجوا

المعذرة.

:059::059::059:

[التوباد]

الله يغفر لنا ولهم ويرحمهم ويسامحهم

الجوع والخوف هما فتنة هذاك الوقت

لاهنت

[الراية]

الحبابي الاماراتي

التوباد

شكرا على المرور ونسال الله لهم الرحمة والمغفرة

تحياتي لكم

[النايفه بنت السديري]

طرح رااائـع اخوي

ونعم بالحباب والدروع


النايفـه ..

[الراية]

النايفه شكرا على المرور

[ابن زابن الحبابي]

الله يرحم شيباننا وشيبانكم يالدروع

[الراية]

ابن زابن ارحب تراحيب المطر لاهنت

[حفيد الذيب]

موضوع رائع والله يرحم بن شرثان واللي معه والدرووع ومليون نعم كفوو والله

[الراية]

اررحب ياحفيد الذيب اررحب

انت الاروع ومرورك جزل

تحياتي يالغالي

[الراية]

الشكر للجميع على المرور

والعذر لمن لم يتم الرد عليه لان الردود كثيرة

تحياتي

[مبارك الناصري]

بيض الله وجهك على الطرح الوافي والجميل

ويعطيك الف عافيه فديتك

[الراية]

بيض الله وجهك على الطرح الوافي والجميل

ويعطيك الف عافيه فديتك

فداك عداك واررحب

ووجهك ابيض ياوجه الحباب

تحياتي يالغالي

[الشهب]

قصيده جميله بارك الله فيك و ارحب بأخوي الدرعي في محله
بس ودي اعرف حياة بن شرثان الله يرحمه من كان يقصد بالعود ؟
وشكرا

[الراية]

قصيده جميله بارك الله فيك و ارحب بأخوي الدرعي في محله
بس ودي اعرف حياة بن شرثان الله يرحمه من كان يقصد بالعود ؟
وشكرا

حياك الله يالشهب

الشاعر مبارك بن شرثان يقصد ابوه بكلمة العود ويذكر فعل ابوه وربعه

لاهنت على مرورك

تحياتي لك

[حسينـ الفحوسـ]

يرفع

ويثبت

[الراية]

يرفع

ويثبت

ارحب يابو سعيد

لاهنت يالغالي

[رائد نملان الحبابي]

لاهنت يالرايه وابيض وجه

الله يعطيك العافيه

[الراية]

لاهنت يالرايه وابيض وجه

الله يعطيك العافيه

ووجهك أبيض يابو نملان

لاهنت

[السيف الصارم]

قصيدة جزله ووافيه واشهد انها من القصايد الي يجب أن تحفظ عبر التاريخ , القصيدة هذي احفظها كامله من فترة طويلة عندما زرت الشاعر سعيد بن علي ال برمان الذي أكد لي انه سجلها شخصياً من صاحبها المرحوم الشاعر/ مبارك بن عبدالله بن شرثان الحبابي ونشرها في كتابه شعراء من الحباب نظم وجواب بنسخته الأولى والثانية وحصلت منه على عدة قصايد وقصص ثمينه سأنشرها إن شاء الله قريب , وأنا في رأيي الشخصي إن أبوعلي من أفضل الرواة وأشبهه ببحر من العلوم والقصايد الوافية فلديه ما يثري الباحث والمتطلع والحقيقة إن أبوعلي ما قصّر عندما زرته لأطلب منه بعض القصايد وقصصها فوجدتها بالتفصيل ووجدت لديه الكثير من غيرها وأثبت لي أنه أول من كتب بعض المقالات التي تخص قبيلته الحباب قحطان حيث أطلعني على مقالاته التي كتبها في مجلات وصحف ودواوين يعود تاريخها الى مايقارب اربعين سنه ونحن نعلم أنه لم يكن أحد يكتب أو يهتم في التدوين عن قبيلة الحباب في ذلك الوقت فأشكره جزيل الشكر على ما أفادني به وعلى حسن ضيافته وهو سباق بالطيب وإن شاء الله إن الطيب متبادل بيننا فأبوعلي يستحق الإكرام والتشجيع من الجميع.

[الراية]

قصيدة جزله ووافيه واشهد انها من القصايد الي يجب أن تحفظ عبر التاريخ , القصيدة هذي احفظها كامله من فترة طويلة عندما زرت الشاعر سعيد بن علي ال برمان الذي أكد لي انه سجلها شخصياً من صاحبها المرحوم الشاعر/ مبارك بن عبدالله بن شرثان الحبابي ونشرها في كتابه شعراء من الحباب نظم وجواب بنسخته الأولى والثانية وحصلت منه على عدة قصايد وقصص ثمينه سأنشرها إن شاء الله قريب , وأنا في رأيي الشخصي إن أبوعلي من أفضل الرواة وأشبهه ببحر من العلوم والقصايد الوافية فلديه ما يثري الباحث والمتطلع والحقيقة إن أبوعلي ما قصّر عندما زرته لأطلب منه بعض القصايد وقصصها فوجدتها بالتفصيل ووجدت لديه الكثير من غيرها وأثبت لي أنه أول من كتب بعض المقالات التي تخص قبيلته الحباب قحطان حيث أطلعني على مقالاته التي كتبها في مجلات وصحف ودواوين يعود تاريخها الى مايقارب اربعين سنه ونحن نعلم أنه لم يكن أحد يكتب أو يهتم في التدوين عن قبيلة الحباب في ذلك الوقت فأشكره جزيل الشكر على ما أفادني به وعلى حسن ضيافته وهو سباق بالطيب وإن شاء الله إن الطيب متبادل بيننا فأبوعلي يستحق الإكرام والتشجيع من الجميع.



حياك الله يالسيف الصارم
مشكور على التعليق وكلامك عن المؤلف سعيد بن علي أل برمان صحيح وهو من يستحق التكريم فعلا
تحياتي لك