عبدالله المهداني
12-27-2008, 06:25 PM
المراجل عند كساب المدايح=منجمٍ ما ينّقص طول الزماني
والوفاء والطيب مثل البن فايح=والجمايل ما تهيا بالتماني
عيلمٍ ما يارده غير الفلايح=الوجيه البيض ذربين اليماني
مكرمين الضيف في وقت الشحايح=الرجال الي لهم قدر ومكاني
يا عريب الجد برق الطيب لايح =لد عينك يالحصان بن الحصاني
من ورد هداج ما يحتاج مايح = جمته تروي الورود بدون ساني
استمع لي يوم هاضن القرايح=بالجديد من المثايل والمعاني
خوة الهافين ما منها صلايح=ما وراها الا الهزيعه والهواني
قفل البيبان عنهم والشرايح=عز نفسك بالرفاع (ا)من الطماني
وانت لا تتبع خطاوي كل سايح =وإن عطيت العشر لا تقبل ثماني
وكان سدك من عنا الايام بايح=فإعتصم بالي عليم بكل شاني
انت فكر فالنهايه وين رايح= مرجعك لله وتالي العمر فاني
ما يزيح الرجل عن مبداه زايح=لا التزم بالحق والسبع المثاني
فالنصايح يا مدورة النصايح=تنعرض ببلاش في سوق السماني
بعد ما كانت كليفاتٍ شحايح=عانها جاتك على ايح واني
والوفاء والطيب مثل البن فايح=والجمايل ما تهيا بالتماني
عيلمٍ ما يارده غير الفلايح=الوجيه البيض ذربين اليماني
مكرمين الضيف في وقت الشحايح=الرجال الي لهم قدر ومكاني
يا عريب الجد برق الطيب لايح =لد عينك يالحصان بن الحصاني
من ورد هداج ما يحتاج مايح = جمته تروي الورود بدون ساني
استمع لي يوم هاضن القرايح=بالجديد من المثايل والمعاني
خوة الهافين ما منها صلايح=ما وراها الا الهزيعه والهواني
قفل البيبان عنهم والشرايح=عز نفسك بالرفاع (ا)من الطماني
وانت لا تتبع خطاوي كل سايح =وإن عطيت العشر لا تقبل ثماني
وكان سدك من عنا الايام بايح=فإعتصم بالي عليم بكل شاني
انت فكر فالنهايه وين رايح= مرجعك لله وتالي العمر فاني
ما يزيح الرجل عن مبداه زايح=لا التزم بالحق والسبع المثاني
فالنصايح يا مدورة النصايح=تنعرض ببلاش في سوق السماني
بعد ما كانت كليفاتٍ شحايح=عانها جاتك على ايح واني