قصيدهـ ملحمــه غــــزهـ ...

[حسينـ الفحوسـ]

صباحـ مساء الخيـــر


اللهــــم كن عونا لاخواننا في فلسطين

[حسينـ الفحوسـ]

السلام عليكم ورحمة الله وبركاته

انها ملحمة للشعراء اثبتوا وجودهم ان الشعر هو منبر الادب ومصدر الحكمة

ملحمة تمت في وقت وجيز وفي ساعة تقريبااا وتعتبر اسرع ملحمة من شعرا متمكنين.

انهم شعراء شبكة ومنتديات هوازن الذي يجمع نخبة من عمالقة الشعر ولاادب


كانت لليلة مملؤة بالحماس والشوق الى نصرة اخواننا في فلسطين الحبيبه الذي لانملك الا الدعاء لهم بالنصر وكان هذه الملحمه هي اقل مانفعله لهم..

كانت فكرة الشاعر الكبير الاستاذ/ سعيد ابو ديه اثناء تواجد شعراء هوازن في صوتية هوازن وقد كانت البدايه له وقدابدوا شعراء هوازن مافي قلوبهم تجاه احداث فلسطين الاخيره واحدا تلو الاخر
وهم كما يلي على حسب ترتيب الاول بالاول في المشاركة / سعيد ابو ديه/مضواح بن شتوي/مهدي بن مسفر الحبابي/عبدالله المقاطي(ابو طارق)/عبدالله المهداني/ خالد البحيري/نايف بن دغام/عبدالعزيز بن نواف/علي بن عواش/عبدالله الصالح (ابو فهيد)/غازي المقاطي/ ابو عبد العزيز/صوت الذيب/معيض بن دشن/محمد الحبيني



والشكر الخالص لصاحب الفكرة الشاعر الكبير سعيد بن مبارك ابو ديه فشكراا لك يابا عبدالهادي:)
كما انني افيدكم انه قد تم التنسيق مع احد المنشدين المعروفين ومع احد القنوات الفضائيه
لبثها عبر هذه القناة المنسق معها ان شاءالله وفي القريب العاجل






من هوازن دندن الصـوت ياعيـال العـرب=ناصـروا المظلـوم والله يعـز المسلميـن
انتخت غزه وثـورو لهـا ثـورة غضـب=وابشـرو بالنصـر والله يعيـن الصابريـن
ابشـرو بالعـز والنصـر قـرب واقتـرب=والله اللي ينتقـم مـن صنيـع الضالميـن
مـن بـنـي صهـيـون لله لله العـجـب=كـل مايبغـون سـوو وحنـا ساكتـيـن
نارهم يـا الربـع شبـت وتاكلنـا حطـب=وحن على ذا الحال راضين من عدة سنيـن
مايصح العلم والو ضع فـي سلـب ونهـب=والجيـوش امجيـشـه والاوادم ميتـيـن
لـو توحدنـا وقلنـا لهـم تــب وتــب=واليسار يسار واهـل اليمـن مـع اليميـن
يوم دامي والدمـااء واصلـه حـد الركـب=والعرب في كل شاشـه تلـد بنـص عيـن
محَـد ٍ فيهـا مفكـر ولا فــك النـشـب=اكثر العربان عـن وضـع غـزه غافليـن
لي متى واحنا على حالنـا ويـش السبـب=اليهـود تذلنـا والـعـرب مستسلمـيـن
لازم انـا نعلـن الحـرب ويقـوم الشبـب=ثم نرجـع يـوم غـزوة بـدر والا حنيـن
ماحدن يسلم من الموّت لـو يومـه قـرب=حااولوا .. ف القدس يالله عسى القاسي يلين
والله انا دون مسرى النبـي عنـد الطلـب=ندعس ارقـاب الكـلاب اليهـود المعتديـن
ياعرب ماذا دهاكم ويشجـب مـن شجـب=يانمـوت بعـز ولا لنـا النصـر المبيـن
لامتـى وشعوبنـا نخـل ماينتـج رطـب=القيـادة نايـمـه والـعـرب متحمسـيـن
نصـرت الاسـلام لبـو نداهـا لاوجــب=و العـرب تنخـى وننخـا رجـال وافييـن
كل ذيب يسمع الصوت مـن رجمـه قنـب=من يرد الصـوت تكفـون ويـن الطيبيـن
ياصلاح الدين راح الحسب واهـل النسـب=ليت تدري ويش حصـل فـي بلادالرافديـن
راس الافعى بوش واللـي يحركهـا الذنـب=خطتن من تحت راس اللعين ابـن اللعيـن
ريـس يحـذف بجزمـه ورئـس منتخـب=يحملون الغيض والحسـد والحقـد الدفيـن
كيـف تبغونـا نعامـل يهـودي بــالادب=يوم بالدنياء مـادون الحلـوق الا اليدييّـن
لو زعلتو فى محـرم رضيتـو فـي رجـب=مايوقـف للمهمـات غـيـر المخلصـيـن
ياهـوازن سجليهـا وفـي هـذا الشـنـب=والله ان مـا ينتصـر واحـد مافيـه ديـن
يـا عيونـي لا يهمـك سواليـف وخطـب=لوعـد قـدام بالعـز والخـافـي يبـيـن
وش نبي في المـال والعـز كنـز ماذهـب=اظفروا تكفون تكفـون باحـدى الحسنييـن
من يكيد لديـن الاسـلام يخسـى ويعقـب=حن حماة الدين ووالله على الكافـر يعيـن
كل بيت وصط غـزه مـن الجانـى شـرب=والمـوارد قطعتهـا سيـوف االغايـريـن
العرب تؤمن بقول السكـوت مـن الذهـب=ويش باقي ما حصل يا هل الـراي الثميـن
شيئ يوخذ بالغصـب مايجـي الابالغصـب=اسمعوها واكتبوهـا مـن العقـل الذهيـن
احشـدوا قواتكـم والسـرب تتبـع سـرب=ما نظريها علـى الـذل وابقـوا صامديـن
كل من شاركّ .. مـع الملحمـه ولا كتـب=الشعَـور انعبـره يالـرجـال الغانميـيـن
لا متى واحنا علـى قـول حامـظ ياعنـب=كن مانسمـع ونقـراء ريـاض الصالحيـن
واليهودي طامع فـي حمـاه وفـي حلـب=ويش ذنب الورعّ .. لامات من بين اليديّـن
ما يموت العـز والعيـن يحميهـا الهـدب=ياهل التوحيـد والمجـد حاضـر واوليـن
الله اكبر كل مؤمن علـى الشوبـه ضـرب=مايخيب النـا الرجـا ياليهـود الخائبيـن
يا بني صهيون جاء يـوم سـلات الحـدب=دندن حميـدان بالـروس والقاسـي يليـن
جعـل يمنـا ماتشـل الحجـاره باالعطـب=نرجم الكافـر وتصبـح علامـه فاالجبيـن
في سبيل الحق حنا علـى حسـب الطلـب=الله اكـبـر والله اكـبـر وبالله نستعـيـن
منهو اللي بالمعـزه علـى المنبـر خطـب=وحث همات النشاما هـل القلـب الحزيـن
يازعامـات العروبـه كليتـواا كـم مطـب=والنصـارا عندكـم فـي مقـام الوالديـن
كان حنـا مـا تحدنـا علـى مالله وهـب=مااوصلنا لاهل غـزه ولا اولـى القبلتيـن
في نواصي الخيل خير وفي السيف الحـدب=عزنا والمجـد يبقـا لنـا فـي كـل حيـن
جرحنـا خمسيـن عـام تلعثـم واللتهـب=كل يـوم يدمـي الجـرح يمكـن مرتيـن
والامر لأهـل الأمـر والله يحـل الصعـب=ننتظر تأشيـرة الـروس وإحنـا طايعيـن
اليتيمـه طـوّل انياحهـا وانتـو السبـب=لامـتـى وقلوبـكـم لليتيـمـه ماتلـيـن
مايفيد الشجب وانتو علـى لهـو وطـرب=وافهموهـا ياعساهـا تجـي قلـب فطيـن
من تجود فـي عـرا الله يبشـر بالشبـب=والتهـاون مشكلـه وذهـنـو ياغافلـيـن
الجمال الجّرب تبطـي وهـي فيهـا جـرب=والهيودي .. كل ليله يزيد المـاء ب طيـن
يا سلاطيـن العـرب قالهـا قبلـي عـرب=امرونا وافتحـوا البـاب ونعيـد السنيـن
بيـن تشجيـع المزايـن ولعـب المنتخـب=التهينـا وانتهيـنـا وحـنـا السابقـيـن
منهو اللي يرفـع الـراس ويجـب اللقـب=مايهمـه فـوز بـاراك والثانـي كمـيـن
الدفـاع امـر ضـروري وحـق مكتسـب=وارضنا واعراضنا دونهـا سيـف سنيـن
شرهة التاريخ ترجع علـى حفـظ الكتـب=ويأّسف الماضي على حاضر ٍ تبكيـه عيـن
جعل يمنى اللي يحـب االشجاعـه ماتجّـب=افرحوا ياصحابنـا وازعلـوا يـا شامتيـن
كـل ثغـره دونهـا فـارس ويسـد نـب=واليهـود اقـرود والله يعـز السامعـيـن
شجب وستنكار وحباط والصـوت انشحـب=والفخر في هيبة السيـف والعلـم اليقيـن
البـلاء منـا وفيـنـا عمـيـل منـتـدب=والسرائـر بيحوهـا هـل الحقـد الدفيـن
اضعـف الأيمـان قلـب يالاعبـه المهـب=ماتجمـع شملنـا والـعـداء متكاتفـيـن
الشجاعه تحتضر غيض والنـور انحجـب=والعروبـه فـي سبـات عميـق غارقيـن
صاحو اهل القدس والـرد للصايـح وجـب=ونصرهم عهدن مضى والوفا بالعهـد ديـن
رفرفي يارايـة العـز مـن فـوق القبـب=والقبب من تحتها المـوت ياعبـد المعيـن
من هوازن منبـر المجـد ديـوان العـرب=ملحمـة شعـار والله يـعـز المسلمـيـن





منقووووووووووول من المصدر


والشكـــر موصول للاخ عبدالله المهداني








الشـــــاعر سعيد ابو ديه


لا فظ فوك وجزاك الله خير أسأل الله ان يحتسبها في ميزان حسناتك

انت


والشعراء المذكورين


تحياتي

[كلنا قطر]

لاهنت يابو علي

والله يجزاهم خير


ولكن ياخوي (( للأسف )) ان حن يالعرب ... صار هذا اقصى مانستطيع ان نقوم به !!!

واسفااااااه على حال هذه الأمه !!


جزاك الله كل خير

والله ينصر دينه

وينصر المسلمين

[كرستاله فوشيه]

السلام

مشكور اخوي حسين ع النقل الرااائع

نحن لانستطيع مساعده الشعب الشقيق

الا بالدعااااء

فادعو لهم ان الله ينصرهم ع القوم المفسدين

ودمتم بود

[الرايز]

الله يعطيك العافيه على النقل

وصح لسان الشاعر

والله يكون معهم وينصرهم على من عاداهم

[أميرة الورد]

صح لسان الشاعر
تسلم يمناك على النقل
ولا نملك لهم سوا الدعاءلهم بالنصر

[حسينـ الفحوسـ]

اشكر لكم مروركم


الذي عطر موضوعي

الله لا يهينكم

[ريانة العود]

اللله يعطيك الف عافية والله يساعد اخواننا الفلسطينن

[@الزعيم@]

لاهنت و جمل الله حالك يالغالي

[أبو سلطانـ القحطاني]

ارحب


باركـ الله فيكـ .. وصح الله السنتهم جميع

جزاهم الله خير .. والله ينصر الاسلام والمسلمين





تحاياي

[دايم الطيب]

لا هنت يابو سعيد على النقل الطيب



وصحت ألسنت الشعراء



تحياتي

[حسينـ الفحوسـ]

اللله يعطيك الف عافية والله يساعد اخواننا الفلسطينن

اشكرك ع المرور

امين يا رب

[حسينـ الفحوسـ]

لاهنت و جمل الله حالك يالغالي

ارحب يا ابو عبدالله

لاهنت ع المرور يا غالي

حالنا وحالكـ

[حسينـ الفحوسـ]

ارحب


باركـ الله فيكـ .. وصح الله السنتهم جميع

جزاهم الله خير .. والله ينصر الاسلام والمسلمين





تحاياي

خيال اسعدني مرورك يا غالي

لاهنت

[حسينـ الفحوسـ]

لا هنت يابو سعيد على النقل الطيب



وصحت ألسنت الشعراء



تحياتي

ولا انت يا ابو جود

لك ودي

[ابوتركي الحبابي]

الف شكر على النقل الرائع

الله يوفقك

وكعادتك ماتجيب الا الطيب

تقبل مروري ,,,,,,,,

[حسينـ الفحوسـ]

الف شكر على النقل الرائع

الله يوفقك

وكعادتك ماتجيب الا الطيب

تقبل مروري ,,,,,,,,

ما عليك زود

وزادني شرف مرورك يا غالي

لك ودي

[قحـطـان الحـبابـي]

لاهنت على النقل