ابوساره
06-07-2010, 04:03 PM
http://www.alhbab.com/vb/uploaded/1321_01274959703.gif
تحدث لي احد الزملاء هذا اليوم بسالفه الصراحه انها تشوش الراس
وحبيت اني اذكرها لكم.
يقول زميلي وهو من قبيلة عتيبه انهم كانوا في مناسبه عند واحد من ربعه
في استراحه وكان الحضور كثير منهم منهو كبير في السن ومنهم الصغير...
المهم....
يقول فيما كنا نسولف دخل ذاك الرجال علينا وقام المغزب يعرف به ويقول
فلان ابن فلانــــــــه القحطاني..
وبعد ماجلسنا وخذينا دقائق بسيطه تكلم واحد من الشيبان وقال اسمحلي يابن فلانه
طرتلي سالفه يوم عرف بك المعزب وهي حصلت وانا موجود.
طبعاً يقولي زميلي ان هذا الشايب خوي مع الامراء.
الشاهد........
يقول تكلم الشايب وقال كنت ازور معالي الشيخ محمد العذل في المستشفي والعذل
اخو الملك فهد من الرضاع......الله يرحمهم جميع.
كنا جالسين نسولف في جناح العذل اللي منوم فيه وكان من ضمن الزوار ثلاثة
اشخاص لم اكن اعرفهم في ذالك الحين وهم:
مسفر بن مهدي بن زهره الحبابـــي
سعد بن محمد الحبابـــــي...........الله يرحمه
علي بن وازع الحبابـــــي...........ادعوا له بالشفاء
يقول فيما كنا نسولف دخل علينا صاحب السمو الملكي الامير/احمد بن عبدالعزيز
قمنا نسلم عليه وبدأ العذل يعرف بأسمائنا ومن ضمن الاسماء ابن زهره.
وبعد ماجلسنا بقليل التفت صاحب السمو للحباب الثلاثه وقال انتو ياقحطان تسموان
بالنساء ومن بدت القبائل وش السبب او المقصد من الشئ هذا.
قام ابن زهره ورد عليه وقال ياطويل العمر هذي الأسماء من عهد شيبانا الاولين
ولانقدر نغيرها وبالعكس نفتخر بهذي الأسماء.
والشئ الثاني الذين كانوا يتسموان بهذه الأسماء إما عقيد قوم او فارس او حتي يسمي
شخص بأمه لكثرت تشابه الأسماء.
وعندك ياطويل العمر ابن قرمله.....وابن لبده وغيرهم كثير من رجال قحطان الفريس
وبعد ماانتها ابن زهره من كلامه.........اخذ الامير شوي وقال انتوا ياقحطان كثير
والحباب قوم...والحباب قوم....كررها مرتين.
بعدها تكلم العذل وقال ياطويل العمر انا عرفت الحباب زين من كثر روحاتي لهم واختلاطي
بهم ..........طبعاً العذل كان رئيس المزكيه في المنطقه الجنوبيه.
والحباب ياطويل العمر ارجال الوفاء فيهم وارجال اهل كرم وشجاعه ولهم صولات وجولات
مع والدك يرحمه الله الملك عبدالعزيز اثناء الفتوحات في المنطقه الجنوبيه.
وبعد ماانتهي الشايب العتيبي من سالفته قال واحد من ربعه ياشايب ضيفنا ابن فلانه من الجحادر
والرجاجيل اللي تقول سالفتهم من الحباب.
قام الجحدري ورد علي العتيبي اللي يعاتب راعي السالفه وقال طولة ابن عمي طولتن لي
والحبابي والجحدري واحد ماهم اثنين وسالفة الشايب تنومسني.
وبعده تكلم الشايب وقال لابن عمه ياولدي هذولا عوال الشايب الحميه لبعضهم تمشي في دمهم.
والسلام ختام......
واعذروني طولة عليكم السالفه لانها والله تنومس....
تقبلوا تحياتي
تحدث لي احد الزملاء هذا اليوم بسالفه الصراحه انها تشوش الراس
وحبيت اني اذكرها لكم.
يقول زميلي وهو من قبيلة عتيبه انهم كانوا في مناسبه عند واحد من ربعه
في استراحه وكان الحضور كثير منهم منهو كبير في السن ومنهم الصغير...
المهم....
يقول فيما كنا نسولف دخل ذاك الرجال علينا وقام المغزب يعرف به ويقول
فلان ابن فلانــــــــه القحطاني..
وبعد ماجلسنا وخذينا دقائق بسيطه تكلم واحد من الشيبان وقال اسمحلي يابن فلانه
طرتلي سالفه يوم عرف بك المعزب وهي حصلت وانا موجود.
طبعاً يقولي زميلي ان هذا الشايب خوي مع الامراء.
الشاهد........
يقول تكلم الشايب وقال كنت ازور معالي الشيخ محمد العذل في المستشفي والعذل
اخو الملك فهد من الرضاع......الله يرحمهم جميع.
كنا جالسين نسولف في جناح العذل اللي منوم فيه وكان من ضمن الزوار ثلاثة
اشخاص لم اكن اعرفهم في ذالك الحين وهم:
مسفر بن مهدي بن زهره الحبابـــي
سعد بن محمد الحبابـــــي...........الله يرحمه
علي بن وازع الحبابـــــي...........ادعوا له بالشفاء
يقول فيما كنا نسولف دخل علينا صاحب السمو الملكي الامير/احمد بن عبدالعزيز
قمنا نسلم عليه وبدأ العذل يعرف بأسمائنا ومن ضمن الاسماء ابن زهره.
وبعد ماجلسنا بقليل التفت صاحب السمو للحباب الثلاثه وقال انتو ياقحطان تسموان
بالنساء ومن بدت القبائل وش السبب او المقصد من الشئ هذا.
قام ابن زهره ورد عليه وقال ياطويل العمر هذي الأسماء من عهد شيبانا الاولين
ولانقدر نغيرها وبالعكس نفتخر بهذي الأسماء.
والشئ الثاني الذين كانوا يتسموان بهذه الأسماء إما عقيد قوم او فارس او حتي يسمي
شخص بأمه لكثرت تشابه الأسماء.
وعندك ياطويل العمر ابن قرمله.....وابن لبده وغيرهم كثير من رجال قحطان الفريس
وبعد ماانتها ابن زهره من كلامه.........اخذ الامير شوي وقال انتوا ياقحطان كثير
والحباب قوم...والحباب قوم....كررها مرتين.
بعدها تكلم العذل وقال ياطويل العمر انا عرفت الحباب زين من كثر روحاتي لهم واختلاطي
بهم ..........طبعاً العذل كان رئيس المزكيه في المنطقه الجنوبيه.
والحباب ياطويل العمر ارجال الوفاء فيهم وارجال اهل كرم وشجاعه ولهم صولات وجولات
مع والدك يرحمه الله الملك عبدالعزيز اثناء الفتوحات في المنطقه الجنوبيه.
وبعد ماانتهي الشايب العتيبي من سالفته قال واحد من ربعه ياشايب ضيفنا ابن فلانه من الجحادر
والرجاجيل اللي تقول سالفتهم من الحباب.
قام الجحدري ورد علي العتيبي اللي يعاتب راعي السالفه وقال طولة ابن عمي طولتن لي
والحبابي والجحدري واحد ماهم اثنين وسالفة الشايب تنومسني.
وبعده تكلم الشايب وقال لابن عمه ياولدي هذولا عوال الشايب الحميه لبعضهم تمشي في دمهم.
والسلام ختام......
واعذروني طولة عليكم السالفه لانها والله تنومس....
تقبلوا تحياتي