علي مسفر الحبابي
01-04-2009, 10:48 AM
الله يرحم الرياحي ولايهينك يابوهادي
والابيات ضمن قصيده للشاعرعبدالرزاق الذيابي
انقلها لكم هنا كامله
أكبر حزن خيَّم بعام الثلاثين!
,,,,,,,,,,,,,,,,, الظلم في غَزّه, وموت الرياحي
يارب يامعبود تنصر فلسطين
,,,,,,,,,,,,,,,,, وترحم فقيد المرجله والكفاحي
صباح يوم السبت.. ذقت الاَمرّيَن
,,,,,,,,,,,,,,,,, وش هالخبر؟..وش هالحزن ياصباحي؟
مرحوم يامذكور فيْ العسر واللين
,,,,,,,,,,,,,,,,, ذِكرِه بطيب,وعزّ,وامجاد..فاحي
ابو بدر غالي ومن قوم غالين
,,,,,,,,,,,,,,,,, اِظهور السواني, موُرِدين السلاحي
جيره,وصحبه سايره في الشرايين
,,,,,,,,,,,,,,,,, وانساب واِعنوّه..ووَصلٍ مُباحي
وفيصل صديق..وله بقلبي عناوين
,,,,,,,,,,,,,,,,, ماغيّرت فيها هبوب الرياحي
يابو بدر واللْه ماحنّا براضين
,,,,,,,,,,,,,,,,, لكن حمام الموت بالغصب ناحي
يامال جنَّة خِلد بين الكريمين
,,,,,,,,,,,,,,,,, اهْل السعد,والديِن,والاِنشراحي
ويحسن عزا ربعك كعام المعادين
,,,,,,,,,,,,,,,,, واهَلْك,واِعيالك..وماراح! راحي
واِختامها.. ننعاك والدمع فيْ العين
,,,,,,,,,,,,,,,,, ونلقاك يافيصل فيْ بدر الرياحي