خالد بن حمير الحبابي
10-11-2008, 04:50 AM
بسم الله الرحمن الرحيم
السلام عليكم ورحمة الله وبركاته
نبذه مختصره عن جدي الفارس الشيخ الله يرحمه ايام حياته علي بن مايقه الحبابي
الشيخ الفارس علي بن محمد بن هويج بن مفرح بن سالم أل حثيث الحبابي والحباب أحد فروع قبيلة قحطان ولقد أشتهر بلقب ابن مايقه خواله ال سالم بن معيض ال زربه وهو ليس بالرجل البسيط بل هو من أؤلئك الرجال الذين صقلتهم حوادث الأيام وتعرضوا لحلوها ومرها ولقد سبق أن غزا ونزا وشارك وعارك وله العديد من الفعايل مع العديد من الرجال مثل قصة دوحان عندما قام بفكه من السجن من عند ابن جلوي في الاحساء ولقد حظر وقعة الوادي الأسود وكذلك حضر حرب الأخوان على قبايل نجران المعروفه وكان له الصنيع الابرز فيها عندما أنقذ ربعه يوم نزل على اليامي اللي كان ناوي يفجر القصر ذاك اليوم وذبحه , وحظر وقعة الخواطر بين أل بو فلاح والخواطر .. وهو الذي أخذ ثار الفارس شديد بن مرعية أل حثيث أخو الفارس مبارك بن مرعية وهو اللي ذبح ذباح رمعان أل حثيث ولديه العديد من الغزوات سنوردها لاحقا.. ولقد عاصر العديد من الحكام في عصره مثل الأمير ابن جلوي وعلاقته كانت قويه معه وكان وجيه قبيلة الحباب لديه وقد أعتق العديد من الرقاب التي حل عليها القصاص عند ابن جلوي ومنها رقبة شخص من قبيلة أل جابر أل مره , ولقد كان للشيخ علي بن مايقه علاقه وطيده وقوية كذلك مع الشيخ حمد بن عبدالله بن جاسم أل ثاني فلقد كان يرسله الشيخ حمد بن عبدالله بن جاسم أل ثاني في العديد من المهمات الصعبه فلقد أرسله لبعض شيوخ الامارات والى ساحل عمان فكانت هناك مشاكل لا يجب ذكرها الان وكان الشيخ علي بن مايقه بمثابة سفير من ابن ثاني لال بوفلاح وكذلك كان مقرب من الشيخ زايد بن سلطان ال نهيان رحمة الله وقد طلب منه الحضور لدولة الامارات والمكوث فيها ولكنه رفض وهناك وثيقه تثبت ذلك عند ابنه الشيخ حامد بن مايقه أل حثيث .. ولقد كان يصلح بين القبايل فقد سن فرض عند قبيلة عبيدة قحطان الذي يسمى حاليا لدى قبيلة عبيدة ( فرض ابن مايقه ) حتى الان وكان رحمه الله تقيا يخاف الله ويوصي بالتواضع قائلا : من تواضع لله درجه رفعه الله درجات كثيرة وكان يكره الغرور ويقول احذروا مزلق الردى وكان رحمه الله شاعر من الطراز الاول ولقد كان يفعل الخير لديه من الاخوان اثنان وهم الفارس المعروف سالم بن فارس أل حثيث الملقب حمير وأخوه الفارس محمد بن فارس أل حثيث أخو شعفه والثلاثه اخوان من الام ... وكان لديه قصيدة مشهورة وهي في الفخر :
هاضني بالقــول خبــوش الــرخم = حطنا ضان نهير في ضياح
وحن نعشي الذيب سودان الجمم= ننزع العدات ونجيب اللقاح
من عمان الى الحجا ز الى القعم = نلتطم كن حن حرار في فياح
هجمة الحراب ناخذها شمم = ثم نشعاها على سيق صحاح
وهنا يرد على مبارك بن مرعيه عندما أرسل عليه مجموعه من الابيات :
احتزم بي خلجت أمـك للثنـادي = احتزم بي فالكبيره و الصغيره
ما أذكر اني يوم دكات المعادي = يوم حبل خميسه غاد ٍ جريره
بيتين اخرى مشهورة وهي رد على ابن ضبان الوعله يام :
والنعـم يالاجنـاب مافيكـم الا الزيـن=الا ان عذب الناب منكم جات مرعوبـه
تفرض عليكم مثل فرض محمد بن حسين=في كل سوق هجمة الخطـاب مجلوبـه
محمد بن حسين أل شنان
وهذه الأبيات عندما مر بقبر أخيه فهيد بن محمد :
قال ابن حمدان ذب المرقب العالي=ودموع عينه كثيرٍ صب جاريهـا
على الذي حال من دونه جبل جالي=في جفرةٍ والنصايب ركزت فيهـا
ذبيت راس العريمة جعل ماسالـي=جعل التهامي يهكر فـي ملاويهـا
ليته بدار العجم والتـرك يطرالـي=ولا ديار التهـم والـروم وأجيهـا
وهذه قصيدة لابنه الشيخ حامد بن علي بن مايقه و يذكر فيها بعض فرسان وشيوخ ربعه قبيلة ( آل حثيث ) :
أعوذ بالرحمن مـن كـل شيطـان = ألوذ بـه واتبـع مناهـج سبيلـه
ألوذ به من شر عبثات الأضغـان=وأرغب رضاه وطاعته واهتدي له
نخضع لفضله بالمشاعر والأديـان=ونفوسنـا لـه بالعبـاده ذليـلـه
نسلك سبيل إللي على خمسة أركان=امنت باللـي نزلـه وانتمـي لـه
اجل وافضل دين من كل الاديـان=دين الفضيلـه واجتنـاب الرذيلـه
من فاز بالتوحيد واركان الايمـان=يبشر بجنات الغـروس الضليلـة
والله خلق الانسان له عقل ولسـان=سبحان من فصل مفاصل رجيلـة
والله جعل له سمع وعيون واسنـان=ولا تـرك لـه حاجـة مستحيلـه
كون وشكل لون الانسان والجـان=والخلـق كلـه مجـال وسليـلـه
امنت بالرحمن فـي كـل ماكـان=ابدا بذكره وانتهـي وانثنـي لـه
واليـوم جانـي بالتماثيـل قيفـان=من شاعر ٍطـرش علينـا وكيلـه
مثايـلٍ فيهـا جزيـلات وسمـان=تبعـد هواجيـس القلـوب الغليلـه
ياطارشي من عندنا فـوق سيـدان=بنزً من المصنـع جديـدٍ موديلـه
أسبق من الشيهان لا شاف حفـان=فرخٍ عرف صيد الحباري فصيلـه
أسرحه مـن عندنـا قبـل الاذان=وقت الضحى طاف الرويس ونخيله
ينصى ربوع العين وبلاد الاعيـان=دار المها ذات الخصـور النحيلـه
سلم على غيدان من غيـر حقـران=لربوعنا الباقين من صـف جيلـه
ودي يابو مرزوق ما قول غلطـان=مالـك اتخلـي مقحميـن الدبيلـه
وراك ياغيـدان تنسـى علـيـان=عوق الخصيم وستر بيت الحليلـه
أول شبابه ثار مـن عقـب قـذان=بمشوكٍ يشظـى العظـام الجليلـه
والسبعة اللي فكهـم يـوم نجـران=حول على اللـي يشتغـل بالفتيلـه
طقه براس مشـوكٍ فيـه دخـان=خلا نخاعـه ينتثـر فـي شليلـه
من عقبها خلى مداهيـل قحطـان=عود على غـارب ذلولـه شعيلـه
وعمان زاره فوق زينات الاقـران=ركايـب ينقـل عليهـا صميلـه
ونصر شديد يوم زوغات الاذهـان=من صوبه هالـوا عليـه النثيلـه
وعود لاخو رزنه على بنت ظبيان=شرق من اللي ياسمـون الدخيلـه
واعتق كفوف اثنين وافتك دوحـان=يوم الحسا من سجن راع الكحيلـه
هـذي فعايـل والـدي ياقهيـدان=لا عنك هاك العود مافيـه حيلـه
اخط الخطا ياشوق سحاب الاردان=تنسـى مفرقـة الخليـل وخليلـه
وحمير لطام العدا وبـن صوفـان=ونسيت اخو شعفه وراعي مطيلـه
أنا معك هامان وخصـام سربـان=نار علـى كبـد المعـادي مليلـه
وربوعنا اللي غيرهم تذبح الضـان=كـل يزاحـم بالمراجـل زميلـه
وباقي الرجال رجال وفحول نسوان=والطيب طلاب المراجـل يشيلـه
والهرج له ميدان والصدق ميـزان=وبرق نزح مرعـاه لا تستخيلـه
وأناعلى ماقيـل مانـي بعجـزان=اقرا قرار المنبطـح واحبـي لـه
والخيل ماتقبض بلا لجـم وعنـان=والسيل يجري في مجـر المسيلـه
وسفينة تجري مـع غيـر ربـان=خطر عليهـا بالغـرق والفشيلـه
من دون ذا حنا بني عـم واخـوان=من شك في ربعه عسى الله يزيلـه
يالشاعـر اللـي بالتماثيـل فنـان=ذكرتنـا ذاك الزمـان ورعيـلـه
واليوم زاد الخير والبنـك خـزان=من صادها حط الرطب في زبيلـه
اسهم وهم وطارد المـال خسـران=تغيرت بعـض النفـوس الهبيلـه
زاد الفساد وقالوا حقـوق الانسـان=تفرض على العاقل يراقب عديلـه
ماقـل دل ومثـل ماقـال راكـان=لو كان صعبات المعاني عضيلـه
السلام عليكم ورحمة الله وبركاته
نبذه مختصره عن جدي الفارس الشيخ الله يرحمه ايام حياته علي بن مايقه الحبابي
الشيخ الفارس علي بن محمد بن هويج بن مفرح بن سالم أل حثيث الحبابي والحباب أحد فروع قبيلة قحطان ولقد أشتهر بلقب ابن مايقه خواله ال سالم بن معيض ال زربه وهو ليس بالرجل البسيط بل هو من أؤلئك الرجال الذين صقلتهم حوادث الأيام وتعرضوا لحلوها ومرها ولقد سبق أن غزا ونزا وشارك وعارك وله العديد من الفعايل مع العديد من الرجال مثل قصة دوحان عندما قام بفكه من السجن من عند ابن جلوي في الاحساء ولقد حظر وقعة الوادي الأسود وكذلك حضر حرب الأخوان على قبايل نجران المعروفه وكان له الصنيع الابرز فيها عندما أنقذ ربعه يوم نزل على اليامي اللي كان ناوي يفجر القصر ذاك اليوم وذبحه , وحظر وقعة الخواطر بين أل بو فلاح والخواطر .. وهو الذي أخذ ثار الفارس شديد بن مرعية أل حثيث أخو الفارس مبارك بن مرعية وهو اللي ذبح ذباح رمعان أل حثيث ولديه العديد من الغزوات سنوردها لاحقا.. ولقد عاصر العديد من الحكام في عصره مثل الأمير ابن جلوي وعلاقته كانت قويه معه وكان وجيه قبيلة الحباب لديه وقد أعتق العديد من الرقاب التي حل عليها القصاص عند ابن جلوي ومنها رقبة شخص من قبيلة أل جابر أل مره , ولقد كان للشيخ علي بن مايقه علاقه وطيده وقوية كذلك مع الشيخ حمد بن عبدالله بن جاسم أل ثاني فلقد كان يرسله الشيخ حمد بن عبدالله بن جاسم أل ثاني في العديد من المهمات الصعبه فلقد أرسله لبعض شيوخ الامارات والى ساحل عمان فكانت هناك مشاكل لا يجب ذكرها الان وكان الشيخ علي بن مايقه بمثابة سفير من ابن ثاني لال بوفلاح وكذلك كان مقرب من الشيخ زايد بن سلطان ال نهيان رحمة الله وقد طلب منه الحضور لدولة الامارات والمكوث فيها ولكنه رفض وهناك وثيقه تثبت ذلك عند ابنه الشيخ حامد بن مايقه أل حثيث .. ولقد كان يصلح بين القبايل فقد سن فرض عند قبيلة عبيدة قحطان الذي يسمى حاليا لدى قبيلة عبيدة ( فرض ابن مايقه ) حتى الان وكان رحمه الله تقيا يخاف الله ويوصي بالتواضع قائلا : من تواضع لله درجه رفعه الله درجات كثيرة وكان يكره الغرور ويقول احذروا مزلق الردى وكان رحمه الله شاعر من الطراز الاول ولقد كان يفعل الخير لديه من الاخوان اثنان وهم الفارس المعروف سالم بن فارس أل حثيث الملقب حمير وأخوه الفارس محمد بن فارس أل حثيث أخو شعفه والثلاثه اخوان من الام ... وكان لديه قصيدة مشهورة وهي في الفخر :
هاضني بالقــول خبــوش الــرخم = حطنا ضان نهير في ضياح
وحن نعشي الذيب سودان الجمم= ننزع العدات ونجيب اللقاح
من عمان الى الحجا ز الى القعم = نلتطم كن حن حرار في فياح
هجمة الحراب ناخذها شمم = ثم نشعاها على سيق صحاح
وهنا يرد على مبارك بن مرعيه عندما أرسل عليه مجموعه من الابيات :
احتزم بي خلجت أمـك للثنـادي = احتزم بي فالكبيره و الصغيره
ما أذكر اني يوم دكات المعادي = يوم حبل خميسه غاد ٍ جريره
بيتين اخرى مشهورة وهي رد على ابن ضبان الوعله يام :
والنعـم يالاجنـاب مافيكـم الا الزيـن=الا ان عذب الناب منكم جات مرعوبـه
تفرض عليكم مثل فرض محمد بن حسين=في كل سوق هجمة الخطـاب مجلوبـه
محمد بن حسين أل شنان
وهذه الأبيات عندما مر بقبر أخيه فهيد بن محمد :
قال ابن حمدان ذب المرقب العالي=ودموع عينه كثيرٍ صب جاريهـا
على الذي حال من دونه جبل جالي=في جفرةٍ والنصايب ركزت فيهـا
ذبيت راس العريمة جعل ماسالـي=جعل التهامي يهكر فـي ملاويهـا
ليته بدار العجم والتـرك يطرالـي=ولا ديار التهـم والـروم وأجيهـا
وهذه قصيدة لابنه الشيخ حامد بن علي بن مايقه و يذكر فيها بعض فرسان وشيوخ ربعه قبيلة ( آل حثيث ) :
أعوذ بالرحمن مـن كـل شيطـان = ألوذ بـه واتبـع مناهـج سبيلـه
ألوذ به من شر عبثات الأضغـان=وأرغب رضاه وطاعته واهتدي له
نخضع لفضله بالمشاعر والأديـان=ونفوسنـا لـه بالعبـاده ذليـلـه
نسلك سبيل إللي على خمسة أركان=امنت باللـي نزلـه وانتمـي لـه
اجل وافضل دين من كل الاديـان=دين الفضيلـه واجتنـاب الرذيلـه
من فاز بالتوحيد واركان الايمـان=يبشر بجنات الغـروس الضليلـة
والله خلق الانسان له عقل ولسـان=سبحان من فصل مفاصل رجيلـة
والله جعل له سمع وعيون واسنـان=ولا تـرك لـه حاجـة مستحيلـه
كون وشكل لون الانسان والجـان=والخلـق كلـه مجـال وسليـلـه
امنت بالرحمن فـي كـل ماكـان=ابدا بذكره وانتهـي وانثنـي لـه
واليـوم جانـي بالتماثيـل قيفـان=من شاعر ٍطـرش علينـا وكيلـه
مثايـلٍ فيهـا جزيـلات وسمـان=تبعـد هواجيـس القلـوب الغليلـه
ياطارشي من عندنا فـوق سيـدان=بنزً من المصنـع جديـدٍ موديلـه
أسبق من الشيهان لا شاف حفـان=فرخٍ عرف صيد الحباري فصيلـه
أسرحه مـن عندنـا قبـل الاذان=وقت الضحى طاف الرويس ونخيله
ينصى ربوع العين وبلاد الاعيـان=دار المها ذات الخصـور النحيلـه
سلم على غيدان من غيـر حقـران=لربوعنا الباقين من صـف جيلـه
ودي يابو مرزوق ما قول غلطـان=مالـك اتخلـي مقحميـن الدبيلـه
وراك ياغيـدان تنسـى علـيـان=عوق الخصيم وستر بيت الحليلـه
أول شبابه ثار مـن عقـب قـذان=بمشوكٍ يشظـى العظـام الجليلـه
والسبعة اللي فكهـم يـوم نجـران=حول على اللـي يشتغـل بالفتيلـه
طقه براس مشـوكٍ فيـه دخـان=خلا نخاعـه ينتثـر فـي شليلـه
من عقبها خلى مداهيـل قحطـان=عود على غـارب ذلولـه شعيلـه
وعمان زاره فوق زينات الاقـران=ركايـب ينقـل عليهـا صميلـه
ونصر شديد يوم زوغات الاذهـان=من صوبه هالـوا عليـه النثيلـه
وعود لاخو رزنه على بنت ظبيان=شرق من اللي ياسمـون الدخيلـه
واعتق كفوف اثنين وافتك دوحـان=يوم الحسا من سجن راع الكحيلـه
هـذي فعايـل والـدي ياقهيـدان=لا عنك هاك العود مافيـه حيلـه
اخط الخطا ياشوق سحاب الاردان=تنسـى مفرقـة الخليـل وخليلـه
وحمير لطام العدا وبـن صوفـان=ونسيت اخو شعفه وراعي مطيلـه
أنا معك هامان وخصـام سربـان=نار علـى كبـد المعـادي مليلـه
وربوعنا اللي غيرهم تذبح الضـان=كـل يزاحـم بالمراجـل زميلـه
وباقي الرجال رجال وفحول نسوان=والطيب طلاب المراجـل يشيلـه
والهرج له ميدان والصدق ميـزان=وبرق نزح مرعـاه لا تستخيلـه
وأناعلى ماقيـل مانـي بعجـزان=اقرا قرار المنبطـح واحبـي لـه
والخيل ماتقبض بلا لجـم وعنـان=والسيل يجري في مجـر المسيلـه
وسفينة تجري مـع غيـر ربـان=خطر عليهـا بالغـرق والفشيلـه
من دون ذا حنا بني عـم واخـوان=من شك في ربعه عسى الله يزيلـه
يالشاعـر اللـي بالتماثيـل فنـان=ذكرتنـا ذاك الزمـان ورعيـلـه
واليوم زاد الخير والبنـك خـزان=من صادها حط الرطب في زبيلـه
اسهم وهم وطارد المـال خسـران=تغيرت بعـض النفـوس الهبيلـه
زاد الفساد وقالوا حقـوق الانسـان=تفرض على العاقل يراقب عديلـه
ماقـل دل ومثـل ماقـال راكـان=لو كان صعبات المعاني عضيلـه