مقالة روبرت فيـسك عن منتديات قبيلة الحباب !!!

[حفيد الذيب]

بسم الله الرحمن الرحيم



أول شي ابـارك لنفـسي اولا ثم لكم ثانيا بإني انـدليت المستطيل " موضوع جديد "


هههههههههههههههههههههههههههه



صحيح عنوان الموضوع لايمت للموضوع بصله لكن ماعليه راحت عليكم 1_0




الحقيقه يـا أخواني وأخواتـي الاعضـاء والمـشرفيـن والمــراقبين والمؤؤسسيـن لا صـح المؤؤسس واحـد .... هذا اول موضوع لي في ذا الصرح الشامخ ومن زمان وانا أفكر فيه اللي هو :



بعض الكلمات يسمعونها صغار السن اللي مثل عمري تقريبا وحتى اللي أكبر مني ولايفقه معانيها لان ذي المصطلحات اندثرت وصرنا مانسمعها الا من الشيبان الكبار وبشكل نادر من سياق احاديثهم عن الزمن القديم وأحداثه أو من الشعار والفرسان القدام جدا جدا امثال : بن هادي وبن حثلين وبن هدلان وتركي بن حميد الخ الخ الخ ...



يعني ياليت لو يساعدوننا اخواننا الشعار خاصه وجميع الاعضاء عامه حتى تعم الفائده للجميع ...

مــثــال :

يقول الشيخ تركي بن حميد في قصيدته موجهها للشيخ الفارس : محمد بن هادي


جانا من الشايب مكاتيب وعلوم .. وبن هادي رد البرا منحي له


وقد رد عليه الامبراطور الفارس زيزوم نجد وبطل الجزيره محمد بن هادي بقصيده منها ذا البيت :


ساعة قريته شفت ما عفت مرسوم .... رد النقا تركي وهو منحني له


ما معنى كلا من الكلمات الاتيه وما الفرق بينهما :

رد النـقا :

رد البـرا :



اتمنى منكم التفاعل تكــفوون واذا ماعــجبكم المـوضوع احــذفـوه ....


:) :) :) :) :) :) :) :) :)

[حسين الفحوس]

لبا قلبك يا مزيون

موضوع رااائع كروعه حظورك

وان شاء الله يتم التفاعـل ويفيدونك العرب

لي عوده طال عمرك

القف التحايا:)

[طهر الصبا]

اخوي مزيون يعطيك العافيه والله انك صادق احيانا نقرأ قصايد الأولين ولانعرف بعض المعااني

لكن شوف اخوي اتوقع وماني متأكده رد البرا وردالنقا يعني انكر المعروف

[صالح الحبابي]

لاهنت لاهنت لاهنت يامزوين

بس ليش ماقلت لنا من أول عشان ماننحرم من مثل هذه الأفكار

عموما ماعد لك عذر دليت الدرب الحين !

[أبو سلطان القحطاني]

ارحب

:)



بيض الله وجهكـ وعلى قولت بوهادي دليت الدرب ولاعاد لك عذر :)



موفق

[حفيد الذيب]

بيــض اللــه وجــيـهكمـ علــى المـــروور الـرائــع ...



ومن لايستطيع ان يأتي في البيت كامل مع الكلمة الصعبه عليه ... عادي بس اهـم شـي يـشـارك معــنا :g9g1 (4):

[حفيد الذيب]

وأنـا مــشاركتي هذي عــشان يـتـعرفـون على المـوضـوع وكيـف طـرحه ...




1_ مناعير !! نسمعها في كثير من القصائد ولا نعرف معناها : الرجال الشجعان الاوفياء



2_ وسـاع البنايد !! نسمعها في كثير من القصائد ولا نعرف معناها : الرجال وساع الصدور اللي ينفعون الناس



3- مـزبنيـن الـجلاوي !! نسمعها في كثير من القصائد ولا نعرف معناها : الرجال الذين يأوون الملهوف ويجيرونه من الاعداء



4_ خــلــوج !! نسمعها في كثير من القصائد ولا نعرف معناها : الناقه التي فقدت ولدهـا


5_ الغــضي !! نسمعها في كثير من القصائد ولا نعرف معناها : البنت ويقصد هنا المحبوبه الترفه والجميله



6_ المــغــمه !! نسمعها في كثير من القصائد ولا نعرف معناها : المــرأه القبيــحه وليــس شـكلا بـل أخـلاقا وطـبعا >> اللـه يــجيــرنـا



7_ حبــال الشــررابيــك !! نسمعها في كثير من القصائد ولا نعرف معناها : ويقصد بها الامور والمسائل المعقده



8_ الــســواني !! نسمعها في كثير من القصائد ولا نعرف معناها : هي الابل المخصصه لاستخراج المياه من الآبار



9_ أشــهب الـلال !! نسمعها في كثير من القصائد ولا نعرف معناها : هي الرمــضـاء شــديـده الـحر ويـوصف معظـم الشـعراء بفــراق حبــايبــهم بأشــهب اللال


10 _ عـــوال !! نسمعها في كثير من القصائد ولا نعرف معناها : يعني مسوي نفسك ماتعرفها !! هنا يقصد بها الاولاد هههههههه



11_ هــداج تيمــاء !! نسمعها في كثير من القصائد ولا نعرف معناها : هي عين مشهوره بكثرة الماء



12 _ هــبووب النـود !! نسمعها في كثير من القصائد ولا نعرف معناها : هي الرياح اللطيفه التي تاتي في الصباح بعد المطر



13 _ الملـح والبـارود !! نسمعها في كثير من القصائد ولا نعرف معناها : والقـصد منها الحرب لان الملح والبارود يخلطونها في البنادق واذا لمست الفتيله ثـارت



14 _ قــهيدان !! نسمعها في كثير من القصائد ولا نعرف معناها : أسـم فــحل مشــهور


15 _ الــقنــا !! نسمعها في كثير من القصائد ولا نعرف معناها : عــصــا الرمــح

[قحـطـان الحـبابـي]

مزيون بيض الله وجهك


ولاهنت

[مشآعل]

بالفعل في مصطلحات كثيره ماعاد يعرفها الا شيباننا الاولين الله يطول بعمارهم بطاعه الله

لاهانت يمينك اخوي مزيون
الله يعطيك العافيه

[حفيد الذيب]

ووجـهك أبيض يا قحــطان



ولاهنت على المـرووور

[حفيد الذيب]

الله يعافيش اختي مشاعل


لاهنتي على المروور

[حفيد الذيب]

مـــــشـــــكـــورين جـــــمـــــيعـا عــــــلـــــى الــــتـــــفـــاعـــــل الــــســلــحــفــاوي :g9g1 (4):





:) :) :) :94: :) :) :)

[حفيد الذيب]

16- المـثـبـوره !! نسمعها في كثير من القصائد ولا نعرف معناها : ويقصد بها الفـرس كـثيرة السـقوط بصاحبـها


17- المــسمـوره !! نسمعها في كثير من القصائد ولا نعرف معناها : هي الـرمح او الـحربه اللتي في رأسـها مسامـير


18 - الـسـفايـف !! نسمعها في كثير من القصائد ولا نعرف معناها : هي حبال الزينه اللتي تتدلى تحت الجمل


19- عـلط الارمـاح !! نسمعها في كثير من القصائد ولا نعرف معناها : روؤؤس الرمـاح


20- تــبــوج !! نسمعها في كثير من القصائد ولا نعرف معناها : تــقــطع


21- الــقــحـص !! نسمعها في كثير من القصائد ولا نعرف معناها : هي الـفرس الـتي تـعدو براكـبـها


22- النــقــا !! نسمعها في كثير من القصائد ولا نعرف معناها : هـي الـحـرب بــعد هــدنـه


23- الاســلاب !! نسمعها في كثير من القصائد ولا نعرف معناها : هي الثـياب


24- خــفــرات !! نسمعها في كثير من القصائد ولا نعرف معناها : هـن البــنات الــمــسـتترات الــعفيــفات


25- البــيــضاء !! نسمعها في كثير من القصائد ولا نعرف معناها : راية كان يرفعونها الرجال لبعضهم بعض اذا فعل احدهم به معروفا اعتراف بفضله ومعـرووفه


26- يــدن الهـــاشميـه !! نسمعها في كثير من القصائد ولا نعرف معناها : معنى فلان يدن الهاشميه اي انه يبكي

[الراية]

ارحب يامزيون اما بخصوص رد البرا ورد النقا يقصد بها الحرب مردوده عليكم بسبب خيانه او نقض عهد او ماشابه

اما بخصوص ابن حميد وابن هادي فالسالفه يوم الدعاجين سرقوا خيل من خيول ابن هادي الاصيله

وكان بينهم هدنة فارسل ابن هادي مرسول لا بن حميد ان يرد الخيول فارسل ابن حميد للدعاجين ورفضوا

فارسل ابن حميد لا بن هادي بان الدعاجين رفضوا فغضب ابن هادي وقال لابن حميد عليكم رد البرا فاستعدوا للحرب

وعفاااك

[حفيد الذيب]

ارحب يامزيون اما بخصوص رد البرا ورد النقا يقصد بها الحرب مردوده عليكم بسبب خيانه او نقض عهد او ماشابه

اما بخصوص ابن حميد وابن هادي فالسالفه يوم الدعاجين سرقوا خيل من خيول ابن هادي الاصيله

وكان بينهم هدنة فارسل ابن هادي مرسول لا بن حميد ان يرد الخيول فارسل ابن حميد للدعاجين ورفضوا

فارسل ابن حميد لا بن هادي بان الدعاجين رفضوا فغضب ابن هادي وقال لابن حميد عليكم رد البرا فاستعدوا للحرب

وعفاااك



تـــعــافيـــــت .......


مروووورك دســــم يـــا الـــرايـــه والقـــصه ذي مــعـــروفه وعـــزاللــه ان عــنــدنـا شـــيــخ جعــل يـــفــدونه شيــــوخ الـــدراهــم والـــخــــتــوووم ..

[نهاار]

موضوع جيد وممتع . وفعلا بعض الكلمات تتطلب منا التوقف عندها لنفهم معانيها ومغازيها شكرا على موضوعك المشوق

[حفيد الذيب]

لاهنت يا نهار على مشاركتك الطيبه ..


واذا شي صعب عليك اطرحه وان شاء الله نسهله لك

[حفيد الذيب]

ويـن ويـن الـمـشـاركـات يـالـربـع !!!!!





:angry: :angry: :angry: :angry:

[حفيد الذيب]

الــغــوج !! نسمعها في كثير من القصائد ولا نعرف معناها : وهي الفـرس أو الحـصـان

اللاش !! نسمعها في كثير من القصائد ولا نعرف معناها : هو الرجل الرخو عديم الفائد

أمس جـعل يمـسكـ ورد !! نسمعها في كثير من القصائد ولا نعرف معناها : يعني نم يابني ولا تزعجني ههههههههههههههههه << صعبه واجده قلت اجيبها لكم

[حفيد الذيب]

لكـن انتـو ماينـفع لكـم اللي يجيـب الكلمـه ومعنـاها حلاتـه لو اني اجيب الكلمـه وانتو تعلموني وش معنـاها <<< عصب عصب خخخخخ



يالله شدو حيلكم ولازم حداكم يعلمني وش معنى كلمة ( رمي الركـد ) !!!

[حفيد الذيب]

هــقـوتي لـو أنـي منـزل المـوضوع في منتـدى سـوداني يمـديـهم تفــاعـلوا معـي !!!



يالله تحـلحلـو وحاولو تدبرون لي معنى رمي الركـد بسـرعه لان عندي كلـمه جديـده وصـعبه شــوي

[حفيد الذيب]

يـالربـع يقـول الـشاعر / علي الحارثي في قصيده له :


عالبأس نصبر للتقينا بهيه .. هذا نباني للنبي كان يخفاك

عز الرجال محيرين العبيه .. لاعاد للهيجاء مدندن وشباك






ويــقوول شـاعـر من عتـيبـه في عـرض قصيـدته مـدح الـدعـاجـين من عتيـبه :



وأهل القنا وأهل السيوف المحنّـاه .... وأهل الكرم يوم الليالـي عقيمـه
آلاد مفلـح فاللّقـاء والمـثـاراه ..... عدوّهـم عنهـم يـذبّ الخريمـه
رجّالهم تروى مـن الـدم شلفـاه ..... وتشبع طيورٍ جايعه من خصيمـه






ويــقول الفـارس الشـيخ / قاسي بن عضيب بن حشر ال عاصم الجحادر مفتخرا بشجاعته وفعوول ربعه :


وليا لحـقـنـاهم والأريــاق يــبـاس .... مركاضنا ما هوب هوز وتمانيع

عـاداتـنـا ناخـذ وراهـم بـمـرواس .... وعاداتنا نرخي حبال المصاريع

[حفيد الذيب]

الـسـؤال يـقوول !!


مامعنى كلا من الكلمات الآتيه :


رمـي الـركـد :

محيـرين العبـيه :

الـخـريـمه :

ماهو المرواس :



اتمنى التفاعل وخصووصا أخواننا الشعـار

[حفيد الذيب]

وينكم يالربع !!!

[أزهلها !!]

مرحبا أخوي ( وسيع البنايد ) :) .. موضوع هام ومفيد وأتمنى من الأخوان ( المناعير ) المشاركه والتفاعل في هذا الموضوع للأفاده والأستفاده ..


رمي الركد ... تعني والله أعلم .. أصابة الهدف بكل دقه
محيـرين العبـيه .. أخليها للأخوان اللي بعدي<< عجز منها
الخريمه .. أعتقد أنه وادي ( لاتسألوني وش أسمه :)..



طبعاً العهده على الراوي << يقصد قوقل :)




مزيون الحباب ألف شكر على هذا الموضوع الرائع والمفيد بنفس الوقت وأتمنى من الجميع التفاعل في مثل هذه المواضيع ..



تقبل مروري ولكـ كل التقدير والأحترام ..

[حسين الفحوس]

رمي الركد يقصد رمي الركاده ورمي الركاده ياخذ راحته الرامي في اقتناص هدفه

هذا مالدي

لاهنتوا فديتكم :)

[حفيد الذيب]

مرحبا أخوي ( وسيع البنايد ) :) .. موضوع هام ومفيد وأتمنى من الأخوان ( المناعير ) المشاركه والتفاعل في هذا الموضوع للأفاده والأستفاده ..


رمي الركد ... تعني والله أعلم .. أصابة الهدف بكل دقه
محيـرين العبـيه .. أخليها للأخوان اللي بعدي<< عجز منها
الخريمه .. أعتقد أنه وادي ( لاتسألوني وش أسمه :)..



طبعاً العهده على الراوي << يقصد قوقل :)





مزيون الحباب ألف شكر على هذا الموضوع الرائع والمفيد بنفس الوقت وأتمنى من الجميع التفاعل في مثل هذه المواضيع ..



تقبل مروري ولكـ كل التقدير والأحترام ..




ههههههههههههههههههههههههههههههههههه


تيتي تيتي مثل مارحتي جيتي << يمزح لاتزعل

[حفيد الذيب]

لاهنت ياحسين على المررور الشامخ

[مسفرالملحاني]

لاهنت اخوووووووووي مزيون على هالموضوع في قمة الروووعهـ
لاكن المصطلحات الي جبتهاا نصهاا اعرفها ونصهاا اول مره تمر علي
..
وفي انتظار القادمـ
تقبل مروووووري

[حفيد الذيب]

لاهنت يالملحاني على المروور ..


والقـصد وانا اخــوك انـنـا نــعرف الــمـجهـول !!

[حفيد الذيب]

!!!!!!!!!!!!!!!!!!!!!!!!!!!!!!!!!!

[المعنى]

والله انك رااااااااااااائــــــع يامزيون الاحباب


تحياتي

[حفيد الذيب]

مروووووورك الاروع يالغـلا

[حفيد الذيب]

يالـربع وشهـي شــذرة السـيـف !!!

[حسين الحبابي]

مزيون بيض الله وجهك

موضوع رائع وثري ومهم بنفس الوقت

اتمنى من الجميع المشاركه والاهتمام

[حفيد الذيب]

ان كانكم انتم يالشعار ماعرفتو معانيها وش عرف ذولا المساكين !!


على العـمووم الله لايهينك على المـروور !!

[أزهلها !!]

ومن لايقلط شذرة السيف والكيس *** يصبح عليه من الليالي ثلومي ..


ههههههه ايو الله اذا الشعاار ماعرفو وشلون احنا يامساكين ..

[حسين الفحوس]

والله يا مزيون وش اقولك


الشذر يجي له معاني كثير

يعني اللؤلؤ او الذهب الصفى

امـا شذره السيف فمعنـاه حد السيف

والعلم عندك فديتك

:):)

[حفيد الذيب]

انــشهد ان مـاعنـدي علـم يالـربع .. وأنـا بعـث لـشعراء المنتـدى الكبـار !!


امثال ابو ديه وبن شتوي وحسين الحبابي وللحين محد رد منهم الا حسين الحبابي ..


ومـر مروور الكرام واتمنى من الله ان له عـوده دسـمه ..


والله لايهينكم كلكم على المشاركه واشكر جزيل الشكر لكل من حاول ان يشارك بحرف واحد .. واتمنى ان الموضوع يـاخـذ بـعين الاعتـبار لان المـفردات هذي مـهمه فيـري ام بورتنت !!


ههههههههههههههههههههههههههه

[حسين الفحوس]

ياليت يا مزيون تقوم بأرسال رساله لأي شاعر ترغبه

[حفيد الذيب]

الشعراء اللي في المنتدى كلهم مرو على الموضوع ماعدا اللي ارسلت لهم رسائل في الخاص ومامر منهم الا حسين الحبابي ..

والله لايجي ابوديه " حلال العقوود " ان يخلصنا ... ولايهون كبير الجنووب " بن شتوي "

[حسين الفحوس]

انت ارسلت لابو ديه رساله


فبخبره بالجوال يمر على المنتدى :)

[حفيد الذيب]

أي نعم ارسلت له رساله أمس وهو كان شابك !!

[حفيد الذيب]

العبـيه ,, ابشـركم عـرفتـها !! نسمعها في كثير من القصائد ولا نعرف معناها : هـي الفـرس الاصيـله ( ويقال انها مخصصه للفرس اللي قد أغـارت وليـست النـكوور )

[أزهلها !!]

للحين مبلش روحك في هالموضوع :) .. يارجال خلك من الاسئله اللي أكثر العالم مايعرفونها ووسع صدرك ..
ترى المصطلحات عند الأولين وااجد وكل قبيله عندهم حكي ماحد يعرفه الا هم ..








شذره السيف محد عرفها ..<< خاطري أعرفها ..

[حفيد الذيب]

للحين مبلش روحك في هالموضوع :) .. يارجال خلك من الاسئله اللي أكثر العالم مايعرفونها ووسع صدرك ..
ترى المصطلحات عند الأولين وااجد وكل قبيله عندهم حكي ماحد يعرفه الا هم ..








شذره السيف محد عرفها ..<< خاطري أعرفها ..





والله انك صادق بالش عمري وياها ,, وانا من طبعي الشي اللي الناس يلتفتون فيه أهمله ,, واللي الناس مايعبرونه أدور عليه ,,


على العموم ماعادي بطالب من احد شي << عـجـز من الناس اللـي حولـه واللي في المنتدى ,, بس تصدق بعض الكلمات انشد منها شاعر مايعرفها ..


واحد من اخوياي شاعر وابوه من اشهر شعراء الخليج ,, ولو اقول او اسمه عرفتـوه .. المـهم كنت في مـجلسه ومـدري كيف تتطرقنـنـا لمـثل ذي المـواضيـع المهـم اني سألتـه !! قلت يا فلان : وش معنى رد البرا ,, طبعا قبل لاعرف انا معناتها .. قال : رد البرا يعني رد الباب يعني تسكر البـاب !!!

عودت قمت أفرفر الجوال والله ماعاد دريت وش اقوول ... ههههههههههههههههههههههههههههههههههههههههه