فديت روحكــ

[أميرة الورد]

فديت روحك


http://www.mlfk.net/download/171649661151d701a.gif



قلبكـ عيوني ... كان باقي معي قلب
........والقلب قلبكـ وانت ساكن عيونه

وحدي بروحكـ .. وانت في داخلي ركب
.........كاسب غلاكـ بقيدكـ اللي أصونه

زحمة مشاعر تعشق الشد والجذب
..........والشوق سيل مقبل في طعونه

هيلكـ جنوبي ..فاخر الدم ياصعب
..........وصدركـ شمالي تحتويني فنونه

ماشفت شمس بالسما شارقة غرب
.........إلا انت ياسحر الشروق وجنونه

انت الملكـ والنبض حولك هو الشعب
..........والعرق سقفك والحنايا حصونه

آنا (الليالي )و (الشتا) وعكة الدرب
.........و(قمرا) (ربيعي ) حلم بآموت دونه

ماغيركـ احدٍ...صمته يزيدني صخب
..........ولا غير صوتكـ راقني في لحونه

ماغيركـ انسان سرق خاطري غصب
..........ولاغيري انسان تضمه جفونه

(فديت روحك) تنقصر فيك يارحب
...........ولاحد يطولك لو تمادت شطونه

روح الكلام بحضرتك تشهق الكرب
...........والكون يصغر والخجل في ركونه

بين السما والارض مكتوب لي ذنب
..........أتعلق.....بقطرة مطرك الحنونه

إما سقينا هالفضا ماينا العذب
.........والا..شربنا جدبنا من شجونه

يعني : أنا ماني أنا وانت بالقلب
.........يعني :بدونك كيف تبصر عيونه ..؟



http://www.mlfk.net/download/171649661151d701a.gif

[حسينـ الفحوسـ]

صح لسان قايلها

وسلمت يمين ناقلها

تحياتي

[أميرة الورد]

صح بدنك وتسلم على المرور

[أبو سلطانـ القحطاني]

ابياتـ رائعه .. لاهنتي



تحاياي

[أميرة الورد]

الاروع مرورك

مشكور خيال ولاهنت

تحيتي لك

[الـهنوف]

أحاسيس راااائعة



صح لسان قايلها وتسلم يمين ناقلها



تقبلي مروري

[أميرة الورد]

صح بدنك يا الغاليه

تسلمين على مرورك

تحياتي لك

[دايم الطيب]

أميره



أختيارك دائمآ رائع

لا هنتي





تحياتي

[أميرة الورد]

تواجدك هو الاروع أخوي دايم

مشكور ولاهنت على مرورك

تحيتي لك