الإهداءات

إضافة رد
 
أدوات الموضوع انواع عرض الموضوع
قديم 06-14-2011, 02:08 AM   رقم المشاركة : 1
ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
(( عضوه مميـزه ))
 
الصورة الرمزية ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ






ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ غير متواجد حالياً

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the rough

Post ديـوان الشاعر / دخيـل الله بن محـمد الشكـره

السلام عليكم ورحمة الله وبركاته


يشرفني ان اقدم لكم نبذه مختصره عن الشـآعر/دخيل الله بن محمد الشكره


الجزء الاول




الجزء الثاني




الجزء الثالث




الجزء الرابع



الجزء الخامس



الجزء السادس




الجزء السابع




الجزء الثامن




الجزء التاسع




الجزء العاشر




نقره لعرض الصورة في صفحة مستقلة



قال الذي بافعـال ربعـه يمـاري=وبأفعالهم نعتز (جيلا) بعد ( جيل)


شاعر خلّد نفسه وفي تاريخ القبيلة المشرّف بأحرف من نور تبقى طول الأيام شاهدا ً على طيب هذا الرجل .
اخواني
اعرف انا مهما تكلمنا في هذا الرجل فلن نستطيع الايفاء ولو بجزء من حقه وتاريخه ، ولكنّنّا حاولنا بقدر الامكان تسليط الضوء ولو على جزء يسير من سيرة هذا العلم ، نسأل الله ان يرحمه ويتقبله في الصالحين ويتجاوز عنه.
لا أطيل عليكم اخواني شاعرنا هو :



المرحوم بأذن الله الشاعر الكبير دخيل الله بن محمد بن دخيل الله الشكري




نسبه ونشأته :
ولد الشاعر رحمه الله في وادي برك وكان ذلك قبل 73 عام تقريبا من تاريخ اليوم 1-7-1428 فقد كان من مواليد 1355 للهجره
وهو اكبر ابناءمحمد ابن محمد ابن دخيل الله ال موسى من ال ابوعلي الشكره وله ثلاثه اخوه فقط وهم بالترتيب بعده:
سعد ابن محمد
صالح ابن محمد
مرضي ابن محمد
وقد تحمل المسؤلية رحمه الله منذو صغره نظرا لوفاةوالده وهو بعمرالعاشره تقريبا وربما اقل من ذلك فكان مسؤلا عن والدته واخوانه خلال تلك الفتره .وعاش في برك وقضى فترة صغره حتى بلوغه 20 تقريبا.
وانتقل بعدها بحثا عن كرامة الرزق مع امثاله من الرجال
الى الرياض وعاش فيه فتره غير معروفه مدتها لدي بصراحه وبعده انتقل الى الاحساء وقضى بها 4 سنوات
تقريبا وانتقل بعدها الى الكويت والتحق بالحرس الوطني وقضى هناك تقريبا 15 عاما وكانت تعتبر تحولا كبيرا في حياته حيث استمر فيها فتره طويله وكان معه من في تلك الفتره من زملاء عمل ومنهم شخص يدعى عبيـــــد وقد ذكره رحمه الله في اكثرمن قصيده ويتوقع انه اقرب المقربين له من اصدقائه هناك وربما اولهم في هذه الدوله وقد اسند له الكثير من القصائد:الجميلة خلال تواجده في دولة الكويت ، وحيث ان حنينه الى وطنه ومرباه (وادي برك) كان كثيرا ً مايحرك شاعريته ، فلقد :كان شاعر يجمع بين امرين الحمية الاصيلة للقبيلة ~ والتوجد والاشتياق لموطنة وعشيرته فتراة تارة ينافح ويدافع ويذكر مئاثر ومكارم القبيلة
وتارة يأخذة الحنين والاشتياق والتوجد الى موطن قبيلته وتمني رؤياهم
~





ليت التماني للفتى تـدرك امنـاه
وان قولة ياليت تقضي اللزومـي
كان اتمنى شوف ربعـي ومربـاه
حيثه هوا قلبي وغايـة حلومـي
حدتني الدنيا على غير ماارضـاه
واصبر على الدنيا بقو العزومـي
عزي لعيناً لـذت النـوم ماجـاه
وسهرت عيوني ماتهنيـت نومـي
فياالله ياللي كـل خلقـه برجـواه
يادايما وسـواه مااحـدا يدومـي
ياللي الى ظاقت على العبد نـاداه
وانت الاله اللي بخلقـك رحومـي
لاطرقياً جانـي ولا خـط اقـراه
ولا اتحرا مـن يجيـب العلومـي
الله على اللي يطوي الخد ممشـاه
مسافه اليومين له نصـف يومـي
لاغاب نورالشمس والليـل غبـاه
ولع بنـوره واقتـدا بالنجومـي
سواقه اللي يبخص الدرب ماتـاه
يعرف طريق ارمالها والحزومـي
والجدي منه اخلاف واسهيل ينصاه
ينصاه كنه له على الدرب يومـي
يسرح من الجهرا وفي برك ممساه
والعصر في ذيك الديار امعزومـي
ملفاه ربعا تكرم الضيـف لاجـاه
ويذري ذراها من لهيب السمومي
للضيف تذبح شمخ النيق والشـاه
ولا يذبحون الا كبـار اللحومـي
آلاد علي ويل منهـم لـه اعـداه
ضد الضديد مطوعيـن العزومـي
عزالله انها غايت القلـب ومنـاه
والله يلوم اللـي العينـي يلومـي
ياحي ذيك الـدار ياعبيـد حيـاه
لعـل تسقيهـا رزان الغيـومـي
ديرة بني عمي هل الوجه والجـاه
اهل الفعـول الطيبـه والسلومـي
دار بخطـلان اليمانـي معـفـاه
وحطولها جدع الجماجم ارسومـي
يوما زايد غاب ودع بهـا ابنـاه
ودع بها اللي ينطحـون الزومـي
قومـا تحـد اجمالهـا بالملاقـاه
وحريبها بأمـر الالـه امهزومـي
آلاد زايـد ملحقـيـن المـخـلاه
يوم الملاقا واختـلاف السهومـي
وقصيرهم يحشم وتدمح خطايـاه
ومقدرينـا جارهـم ومحشومـي
والضيف يوم الضيف مايوجد اقراه
ثـلاث وجبـات عليهـم لزومـي
وخويهم يامـن وامانـه بيمنـاه
ويامن بهم يوم الأمـان معدومـي
توسم عصاه ولا تهقوا به اعـداه
ويمشي بها بين آل زايد عمومـي
وصلاة ربي عـد ماحـل ذكـراه
وماناحت الورقا بروس الحزومى



رجع رحمه الله الى ديرته ( وادي برك ) بعد ان قضى هذه الفتره الطويله بها.ومنذو عودته رحمه الله من دولة الكويت وكان ذلك تقريبا قبل 30 عاما كان تركيزه في الاستفاده من الأراضي التي يمتلكها مع اخوانه في وادي برك حيث قاموا بزراعتها واستثمارها ايام ازدهار الزراعه في ذلك الوقت وطفرتها التي مرت بالكثير في ربوع المملكه، فكان يقضي وقته بين متابعة مشاريعه الزراعيه وبين هوايته المحببه على قلبه وهي(المقناص) في وقت فراغه , فمن يعرف وادي برك يعرف ان الصيد فيها كثير في تلك السنين, فقدكان مولع بالمقناص مع بعض معارفه ومع من يهوى الصيد من جماعته رحمه الله واستمر بهم الحال جميعا بين الزراعه وبين المقناص خلال تلك الفتره



ياديرة مابيـن بـرك وعـالان
شوفه هوى قلبي وغاية امنايـه

هي غايتي ومناي من بد الاوطان
ومن غيرها مالـي بدارهوايـه

في مامضى وانا لها كان سكـان
واليوم منها كن علينـا جنايـه

لاجيتها قالوا لي الناس غلطـان
ويردني منهـا فريـق الحمايـه

يابومحمـد ياسلايـل كحيـلان
رايك نبي رايك وفيـه الكفايـه

وختامها ذكر الولي عالي الشان
والله يوفقنـا طريـق الهدايـه



ويردني منها فريق الحمايه ( يقصد بها الشاعر رحمه الله حماية الصيد )

لقد توج قصائدة الرائعة لقبيلته بصفات كريمة صفات الرجال والعادات والسلوم الاصيلة من مكارم الاخلاق والعز والشموخ ~~ يبصرها الرائي والقارء كالجوهر المنظوم والعقد الفريد فكانت كالحلل يتمنا كل من ابصرها ان تكون نصيبه و اهداها في غربته لقبيلة الدواسر ~ ولكل دوسري فقدمها لنا متجاوزا بذلك انانية النفس
وحب الذات ~ فشاعرنا كريم الاصل عالي الهمة وليس من الذين نظرتهم محدودة لايتجاوز شخصة وهذا لاشك من كريم الاخلاق ومن الثقة بالنفس ~ فيد الله مع الجماعة رحم الله شاعرنا رحمة واسعة وتجاوز عنه واسكنه فسيح جناته .





لي لابتاً من سد مـارب تحـدروا
احـرار مايمـشـون بالقصـيـر
متيهت شمخ الذرى في ديار العـدا
وعن الخوف ماردوا لهـا نشيـر
تخيروا من نجد واخـذوا خيارهـا
تخيـرو فيـهـا بــلا تخيـيـر
وخيارنا خذنـاه بالسيـف والقنـا
محد.ن عطانـا أيـاه نيـة خيـر
خذنا اديـارا مدجياتـا غروسهـا
يـوم المكاسـب ناقـة وبعـيـر
خيـلا وخيالـه وسيفـا وشلـفـا
تجعـل صليبـات العظـام كسيـر
وخذناه برمـاة تقـدي سهومهـا
وخيلا على نشر الحفيـف اتغيـر
وثـلاث شأيـات فرقنـا بفعلهـا
ولاقول في اللـي غيرنـا تقصيـر
يوم القبايل تفتخر فـي اسلومهـا
الها الفخـر والنـا سلومـا غيـر
في سلمنـا حنـا هـل المثلوثـه
يـوم المجاعـه والقـرى عسيـر
وفي سلم ربعي مايبيعـون اللحـم
ولا نجلـب الفايـت ولا العقـيـر
وخوينا في الخوف توسم له العصى
وديارنـا يهمـل بهـا القصـيـر
قلتـه وانـا مـن لابتـا زايديـه
اهـل الفخـر والمجـد والتقديـر
قوما تنال المجد والمـدح والثنـى
قولا صحيحـا مـا يبـي تفسيـر
دواسـراً تاريخـنـا شاهدالـنـا
وافعالنـا تكفـي عـن التعبـيـر
امر من الحنظل على كبـد شاربـه
وكالغند في در اللي ولدها صغيـر
وحريبنا نسقيه كاسا مـن القهـر
وسما علـى كبـده يزيـد سعيـر
لوصارت العليـا صعيبـا منالهـا
هانـت علينـا والآلــه قـديـر
عوايـداً ورث لنـا مـن جدودنـا
وانا على سلـم الجـدود انسيـر
عوايـدا نعتـز فيهـا ونفتـخـر
ورث لنـا مـن شايبـا لصغيـر
من الخرج للهضب المسمى ديارنا
دار ال زايـد مالـهـم خشـيـر
قول الذي في ذكر الآلـه مبتـدي
فـي مبتـداه وبالختـام الاخيـر
وعبـر لسانـه ماتصـور ببالـه
قولا على فصـح اللسـان يسيـر
مثايـلاً عديـت منهـا قليلـهـا
عديتـهـا والباقـيـات كثـيـر
مثايـلاً يفخـر بهـا مـن يعدهـا
ولهـا تواريـخ الزمـان تشـيـر
افعال شجعانـا تنومـس فعولهـا
واهـل الفخـر تستاهـل التقديـر
ولاضنتي تحصي تواريخ مجدهـم
لقـلام واللـي بالكتـاب شطيـر
وختامها بازكى صلاة على النبـي
علـى الرسـول المنـذر البشيـر




وكذلك القصيده التاليه تتحدث عن فخره بقبيلته رحمه الله وسلوم القبيله



لي ديـرة يمـة سهيـلا الـى بـدا
حدر النعايـم يـوم تبـدي نجومهـا
من الخرج الى الهضب المسمى يحدها
اسهالهـا وجبالهـا مـع حزومهـا
دار لـنـا ماهـيـب دار لغيـرنـا
يوم العرب حـازت بنجـداً قسومهـا
الجار يهمل به ويامن بهـا الخـوي
وبين ال زايـد حاميتهـا وسومهـا
خذنـاه يـوم القنـا يقـرع القـنـا
بالسيـف مانـدر عليهـا سهومهـا
دار حمينـاهـا وصـنـا حمـاهـا
بالسيف الاملح والزنايـج رسومهـا
وصيـة مـن زايـد خصنـا بـهـا
وصـى بهـا وانـا علينـا تمومهـا
وصى بهـا فتخـان الأيمـان غلمـه
ارواحهـا يـوم الملاقـا تسومـهـا
قومـا تبيـع ارواحهـا دون دارهـا
حيثـا دون الـدار محـد.ن يلومهـا
قبيلتـاً ماهيـب تجلـب جـزورهـا
ولا ذكر بيـع اللحـم فـي سلومهـا
ويامن بهـا اللـي خايفـا لالجالهـا
عقب السهر عينـه تهنـى بنومهـا
ولادش في قلبه من الخـوف رامـع
في راس عيطا من صوالي سمومهـا
ديـرة مصانيـم الـدروع ال زايـد
اللي مشـت بيـن البرايـا علومهـا
يشهد لها التاريخ بالمجـد والفخـر
والشاهد الثاني مضـارب سهومهـا
عاداتهـم رد الطمامـيـع دونـهـا
وللطير والسرحان ترمـي لحومهـا
كم قايداً جاء فـي جمـوع يقودهـا
ثـم عـودة منـا وسـاع ثلومـهـا
وختامها بازكى صلاة علـى النبـي
اعداد ماهـل المطـر مـن غيومهـا



ويلاحظ اكثارة وهو الذي يغلب عليه الحميه للقبيلة وذكر تاريخها ~ ~نعم انه شعور الشاعر الابي الاصيل في بلاد الغربة وهو يكافح الحياة والصعاب من اجل العيش الكريم نحو بني قومه مفاخرا بهم منافحا عنهم امام القبائل الاخرى من نجد في تلك الفترة من الزمن كان البعض من اهل نجد يقصدون الكويت وكان الجيش الكويتي يستقبل ويسجل القادمين من بلادنجد وكانوا يلتقون من قبائل شتى ولعب الشعر دورة في تلك الفترة الزمنية وبالتحديد في الجيش الكويتي وكان الشعر في قمة توهجه ولعل الذي اذكى مشاعر الشعار وصقلها هو الاغتراب عن الوطن واهل نجد احرار والحر يشتاق الى موطنه الاول , والتقاء الشعار ببعضهم من قبائل مختلفة عامل رئيسي ايضا اوقد الشعر وصقل موهبة الشعراء حتى برزوا لنا شعراء اجادوا الجزل وابدعوا منهم شاعر الكبير دخيل الله بن محمد الشكرة -- والشاعر الكبير خلف بن هذال العتيبي --والشاعر الكبير شلعان بن ظافر الدوسري -- والشاعر الكبير رشيد الزلامي العتيبي وغيرهم الكثير من الأسماء الكبيره والقديره , وهذا على سبيل المثل وليس الحصر-- كل هؤلاء الكبار كانوا في الجيش الكويتي في هذة الاجواء الاصيلة من العادات والتقاليد كان لابد من ذكر مفاخر القبيلة ومنافسة الاقران من القبائل الاخرى وكان قول الحق من سمة الرجال فلا يقولون الا الحق والصدق واذا قالوا صدقهم الرجال وكانت السوالف اذا عرضت لابد من ختمها بقصيدة يذكر بها مئاثر ومفاخر قبيلته والجميع يستمعون بانصات على طريقة كل توردة يمناة وهات ماعندك --هنا كان لابد من شاعر فحل بطل يحفظ تاريخ القبيلة وينشد الاشعار بكل فخر امام جمع القبائل كان شاعرنا هو الرجل المناسب وقصائدة تشهد بذلك





انشد عن العراف حيث انـك غلطـان
تنبيـك عـن مايجهلنـك خـبـاره
حنا سكنا السد في مـاض الازمـان
يوم اليمـن كـلاً حكـى بازدهـاره
من سد مارب جيت مافيـه جحـدان
جينا ومـن نجـد.ن خذينـا خيـاره
خذناه في قوماً لها النصـر عنـوان
وكسب الفخر لبسـه وزايـد شعـاره
خذناه في شلفـا عطيبـات الأكـوان
وثميديـا كـن النجـوم انفـجـاره
خذناه في جيشـاً وخيـلا وفرسـان
باليـوم والليلـه يشنـون غــاره
غاراتهم يشبع بها الذيـب سرحـان
من ظرب من بالهوش ترخص عماره
وتشري الفخر والمجد في غال الاثمان
بأرواحهم لو هـي عليهـم خسـاره
واليوم حـد الخـرج لا دون نجـران
دار لنـا وديـار بـدواً وحـضـاره
دار لنـا نعتـز بـه بيـن الاوطـان
يومـا كـلاً يفتخـر فـي ديــاره
دار لنا مـن وقـت عـادا وعدنـان
والجار يهمـل بـه ويوخـذ بثـاره
مزارعـاً وبيـوت بـدوا وقطـعـان
وهدب الجريد اللـي تعـدل انهـاره
وقطعانا ترعى الحيـا حيـث ماكـان
وماطاب مـن نبتـا رعينـا قفـاره
نرعى بها جوسا على كـل عـدوان
لاطار مـن صـم الحوافـر غبـاره
يبرا لها قوما على الخيـل شجعـان
عـادة كبـارا وارثينـه صـغـاره
قوماً تنال المجـد فـي كـل ميـدان
وموعـودة مـن ربهـا بأنتصـاره
دواسراَ في يـوم زوغـات الاذهـان
كالعارض اللـي راسخـات جـداره
ونجما مراجيما لمـن كـان شيطـان
ويرجم بهم مـن راد ربـي دمـاره
ومن قدم الحسنى نجازيـه باحسـان
وشرا على الا شرار يقـدح شـراره
وصـلاة ربـي عـد ماكاينـا كـان
واعـداد مـا ليلـه يسوقـه نهـاره
على النبي من خلقـة آدم إلـى الأن
اللى لديـن الحـق جـاب البشـاره
راعٍ الشفاعه عنـد ربـه للانسـان
يومـاً لاتنـفـع يميـنـا يـسـاره



وله في الفخر بماضي قبيلته الكثير من القصائد يحثهم فيها على المحافظه على موروثهم الغالي من اجدادهم وهو الوطن


اسمع ولا صدقت من رد الأخبـار
ومكذباً بـه ليـن شفتـه بعينـي
تكفون يا هل الدار يا حيف ما صار
يا حيف ياملك الجـدود الثمينـي
دارا ثمنها مرهف الحـد والنـار
ورسومهـا جماجـم المعتديـنـي
واليوم بيعت في رخيصات الأسعار
وهانت مكاسبها على الطامعينـي
لعبوا علـى جهالنـا كـل قمـار
والدار شرهتها علـى العاقلينـي
يبغون غزو ديارنا سـر وجهـار
مير احذروا من خدعت الخادعيني
أشرار قوما لو تحلوا بـالا خيـار
تدرون عن نياتهـم بعـد حينـي
مير انظروا لدياركم ياولي الأبصار
نظرة رجـال للوطـن مخلصينـي
دار الغروس ودار حسقات ألاوبار
الله يلـوم إلـى بهـا بأيريـنـي
داراً ربتنـا يــوم دورات الأدوار
وأم بدونه مـا يعيـش الجنينـي
قوما بغير ديار يسقـون الامـرار
وتبقى على طول الدهر راحلينـي
تجاربا شفناه في بعـض الأقطـار
ويدري بها من كان قلبـه فطينـي
والحر ماينصاد من بعـد الأنـذار
والعرف ما يعرض على العارفيني
يا بايع الديره تَعيـب مـن العـار
والدار ما ترخص على الطيبينـي
لوبعت في تسعين مليـون مليـار
انت الذي تبقى مـن الخاسرينـي
لاحط دونه شايك الشبك وحضـار
وخلاك من دونه قصيـر اليدينـي
ثم بعد ذا يبدى بقـلاع الاشجـار
ويقـول داري وانتـزح لاتجينـي
يسكن بها وتصير دارك له اديـار
وانت الذي تحسب من الوافدينـي
ماراح منهى وانتهى كنه ماصـار
قوما بعـد قومـا لهـا وارثينـي
يا حيف طمع ديارنا كـل بيسـار
الـي بضـرب أيمانـا جاهلينـي
جاء كل جواً فيـه عقمـاً وحفـار
ويلا متـى وإنـا بـذا صابرينـي
يالاد زايد داركـم تطلـب الثـار
وتشكي عليكم من يـدا العابثينـي
إلى عبث به كـل ماكـر وغـدار
متغانمينـا غفـلـت الغافليـنـي
طالت يدينا كان من دونها قصـار
يا حيف منهـا كنكـم غاييبينـي
تنخا هل العادات وافيـن الأشبـار
ألي حموها مـن قديـم السنينـي
ألي حموها فوق زلبـات الامهـار
وحامينهـا بمذلقـات العريـنـي
ومشوكن كن صوت حسه إلى ثار
صوت الصواعق بالسحاب الرزيني
بإيمان قوماً مايهابـون الاخطـار
تاطى الخطر لاهابـوا الهايبينـي
دواسر تسقي العدا كاس الامـرار
ويوم اللقى تكسر شبى العايلينـي
لاجاء نهار يذهلـن فيـه الافكـار
وتخالفوا خبط النمـش باليدينـي
خيالهم ياخذ على الخيـل مشـوار
لا غاب عن بعض الرجال اليقينـي
لاخانوا الديره قصيريـن الاشبـار
ووجيهم دون الوطـن ماتشيينـي
عيوبها كسابـة المـدح والكـار
كل افتخا للـدار درعـا حصينـي
اللـي فعايلهـم للاجيـال تذكـار
ونفخر بذكراهم طـوال السنينـي
اربوعنا اللي تكرم الضيف والجار
وتفعل بفعـل اجدودهـا الاولينـي
اهل الجناب الزين واقطع من النار
وايمانهم تامـن بهـا الخايفينـي
وتدوس بالرجلين هامات الاشـرار
وتطوع اللـي روسهـم ماتلينـي
هم عزنا وإنا لهـم درع وانصـار
درعاً لهم يوم الملاقـى حصينـي
لاتنفع واليمنى الوحيده بلا يسـار
ولا تنفع اليسـرى بليـا يمينـي
وصلاة ربي عد همـال الامطـار
علـى محمـد خاتـم المرسلينـي



وله ايضا في الفخر هذه القصيده





سـلام ممـن قـال بـأول مبتـداه
وتحية تشمـل جميـع الحاضريـن
واهلا هـلا باللـي بعيـداة خطـاه
ولنا الشرف بحضوركـم يازايريـن
والضيف عند معزبه عمـدة قـراه
قولة هلا بالضيف والخلق الحسيـن
وقولة هلا بالضيف من حسن الصفاه
وصى بحق الضيـف رب العالميـن
ومن قدم المعروف بالطيـب لقـاه
ولايضيـع الطيـب عنـد الطيبيـن
والى دعانـا داعـي اجبنـا نـداه
والله مايسهـر وحـنـا نايمـيـن
ياغرس ياللي كـل طمـاع غـزاه
ثم عودوا عقب المعـارك عايفيـن
لو كل من يشره على مخـذه خـذاه
ماكان خلي مـن ملاييـن السنيـن
من زايد معنا على الديـره وصـاه
وصى وحنا في وصاتـه حافظيـن
وصى على الغرس الذي يخرف جناه
ماهوب يبخل به على اللي جايعيـن
يلعب به النسناس مايسكـن هـواه
وهدب الجريد اللي يشوق الناظرين
عيابـه الله وآل زايــد العـصـاه
وضرب النمش بإيمان خطلان اليدين
وان كان من يحصل على ملكا كفـاه
فاحنـا ملكنـا باليسـار وباليميـن
غرسـاً وقطعانـاً بخدانـاً فــلاة
وموسعينـا حـدهـا للراحلـيـن
لي ديرة محد.ن لنـا هـدوا عطـاه
ولاجاتنا هـدوا ولاحـن مشتريـن
ولاحدا عطانا اياه في وجهاً وجـاه
الا بحد السيـف والجمـع الرزيـن
من الشمال الخـرج وحـدوده وراه
والحد حد السيف والجمـع الرزيـن
سكنـه غياثاتـاً مطوعـة العصـاة
وتدوس بالرجلين روس المعتديـن
ومن الجنوب الهضب ويسوده حماة
اللي على دوس المعـارك داربيـن
لاد المنيعي ويل منهـم لـه اعـداة
اللي بـدل رجالهـم يذبـح اثنيـن
والى عوى ذيب جذب الاخر عـواه
وان صاد صيد مايصيد الا السميـن
ولي ديرة من كان مظلـوم نصـاه
ملفا لمن يشكـون ظلـم الظالميـن
يامن بها الخايف ولو كثـرة اعـداه
يامـن بديـرة ممنيـن الخايفيـن
فيها الخوي يامن وتوسم له عصـاه
يامن ولا يحسب حسـاب المعتديـن
عمِي الشريف إلين داوينـا عمـاه
إلين شاف الدرب مثـل المبصريـن
ومن عمي قلبه عندنـا يوجـد دواه
ونزيـد علتـه القديمـه علتـيـن
يالله ياللـي كـل مخلـوق دعــاه
اقبـل سؤالـي يامجيـب المدعيـن
ياالواحداللي كل خلقـه فـي رجـاه
يامنـزل القـران بالحـق المبيـن
ان تنصر اللي للوطن صانوا احمـاه
والنصر منـك يـا إلـه العالميـن
وصلاة ربي عـد مايمطـر سمـاه
على شفيع الخلق سيـد المرسليـن




ولا تخلو قصايده من الحكم والنصح فهو تنوع في اغراض الشعر رحمه الله


ورجلاً بلا لابت(ن) يهـزم وينهانـي

لوكان في القـوم ساطيـة مظاريبـه


ورجلاً بربعه على العدوان له شانـي

وتخضع له ارقاب روس الناس وتهيبه



كما ان له بالنصح قصائد منها






ماكل من تنخـاه يامنيـف ينفعـك
ولاكـل رجـالاً يسـد اللـزومـي
لاصرت محتار وتخالـف روابعـك
انص الذي يجلون منـك الهمومـي
ازهم عيال قـروم حتـى تسنعـك
ولايقضي العازات كـون القرومـي
اعيال حـراً فـي هـداده يشجعـك
ولا يصـيـد الا كباراللـحـومـي
وترى الرجال اوصوفها مثل اصابعك
والفرق بينه مايبـي لـه علومـي
ورفقتـك لخيارالرجاجيـل تنفعـك
وتفخر برفقـة طيبيـن السلومـي
وصديقك اللي صافياً ناصحاً معـك
صداقتـه دوم الليالـي تـدومـي
وداعـة الله يابنـي ثـم بودعـك
ابعد من اللي يلحقـك منـه لومـي
وحذراك من ولد الـردي لايرابعـك
ماتنفعـك رفقـة ردي العـزومـي
لانافعـا نفسـه ولاهـوب نافعـك
حيث انه من كسب الجميل امحرومي
لاصار طبعه ما يناسـب طبايعـك
خله وعده فـي الحيـاة معدومـي



وفي النصح ايضا




يا محمد المنعـور يـا قـرم الاولاد
يابن الذي روحي الروحـه عديلـي
أوصيك عـن دار المذلـه بالابعـاد
ومن عاش فـي دارالمذلـه ذليلـي
ولا تحـل بدارشـامـت وحـسـاد
أهـل النمايـم والحسـد والنقيلـي
بـدل ديـار الحسـد بديارالاجـود
عسى وطنهـم كـل عامـا يسيلـي
دارالرجال الـي يضـدون الاضـداد
وعلى الخـوي والجارظـلا ظليلـي
الي فعايلهم علـى روس الا شهـاد
وباموالهم يشرون كسـب الجميلـي
ولا ترابـع كـون شجعـان الاولاد
وحذراك من ربعة قليـل الحصيلـي
ألي على العالم كما وصف الارصاد
وكنـه علـى ذريـة أدم وكيـلـي
وان شفت من ميل الدهر كثر الا نكاد
فـلا تقـول أن الفـرج مستحيلـي
الرزق عند الي له الخلـق سجـاد
وهوالـذي بـرزاق خلقـه كفيلـي
ودنياك مثل الضـل لـوزال ينعـاد
مثل الظلا ل بكـل صـوب يميلـي
وصلاة ربي عـد ذعـذاع الانـواد
علـى نبيـي لعبـادة الله دليـلـي



ومر به رحمه الله بعض المواقف في حياته نذكر منها على سبيل المثال هذه القصه
وقصيدتها كامله حسب مارواها شاعرها رحمه الله
مناسبة هذه القصيده كان رحمه الله في طريقه عائد الى الكويت بعد زيارته لاهله في ( وادي برك ) وكان ذلك قبل 38 عام تقريبا ولا يوجد طرق مسفلته ولا مراكز للصيانه في الا في المدن الرئيسيه وتعطلت به سيارته في طريق الرجعه في الشمال قبل وصوله لدوله الكويت ومر به بعض الشباب في ذلك الوقت في المكان الذي تعطلت به السياره ونخاهم يساعدونه ويسحبون سيارته حتى بلوغ المدينه ولاكن للاسف ماثمنوا نخوته لهم حتى قيض الله له ان يلتقي بـــرجل من قبيلة زعب ويدعى ( ربيــع الزعبي ) ونخاه وانتخى له قال وشفيك ياولد قال شوفك بعينك السياره متعطله وادور على اللي مثلك وشرواك قال وين انت تبي قال ابي الكويت قال الامنت بتبي بغداد قال لاوالله ابي الكويت ولا وصلنا الكويت فالله لايهينك قال لايهم والله باذن الله مايجي دور هالليله الا وانت فيه ان مشى مشينا وانا مامشى شليناه وفعلا سحب السياره وصلحه وبعد ماصلحه وجيت بسلم حق التصليح حلف ودفع حق التصليح وهذا يدل على طيب ساس هذا الرجل وكرمه الامحدود وقام بالواجب وزاد عليه
ومعدن الرجل الطيب مايبين الا بالمواقف وعزالله انه من قبيله ذكرها يرفع الراس ويشهد على ذلك وقفتهم دون قصيرهم في وجه خصمهم اللي كلا يعرفها وفخرا لهم يستاهلونه لين تقوم الساعه وهذا جزء قليل من امجادهم تجسد في هذا الوقفه وقال فيه رحمه الله هذه القصيده



ياحسيفـا يانخوتـي بعـض الاولاد
ماثمنـوا لـي قـولـة يالعيـالـي
كسب العلا صعباً علـى كـل كـواد
ولا كـل رجـل للمراجـل ينـالـي
المرجله تبغي لهـا عـزم وجهـاد
وصبراً على ميل الدهـر والعدالـى
ياوالله اللـي صـار للجمـس لـداد
من عقب ماويلـه يشـق الرمالـي
شريت انا لـه كـل شـي ولا فـاد
ومن الوكاله جبت لـه كـل غالـي
والهقوة انه صايبـه عيـن حسـاد
عسى العمى لصبـي عينـه خلالـي
امس وقبل امس على العيـن لاعـاد
وقبله ثـلاث أيـام واربـع ليالـي
بارضاً خلا مابه مـن النـاس رواد
برضـا خـلا فيهـا وحيـد لحالـي
والصدر كن به للهواجيـس ميعـاد
وماكان غاب من الهواجيس جالـي
لاكن فزع لى خالقي بابـن الاجـواد
لاعـل مايقطـع للأجـواد تـالـي
بربيعـا عشيـق مزمـوم الانهـاد
لعـل عـمـره دايــم مايـزالـي
وزال الهموم وهان من المر ماكـاد
الله يجيـره مـن صـدوف الليالـي
ثم قال وشبك قلت له يابن الاجـواد
شوفك بعينـك كافيـا عـن سؤالـي
ثـم قـال والله لانـوديـه بـغـداد
وان ما مشى لاياصلـه لـو يشالـي
وان كل مايطلب على نقـد واقصـاد
والله وامانـه ماتسـلـم ريـالـي
تعيش يارجلاً كسـب كـل الامجـاد
وحاش المراجـل كلهـا بالكمالـي
تبناله البيضا علـى روس الارجـاد
واعداد ماتـذري الريـاح الرمالـي
من روس زعب اللي يضدون الاضداد
زعباً هـل الـردات عنـد التوالـي
زعبا عزاز الجـار بانيـن الامجـاد
ودونـه تبيـع ارواحهـا والحلالـي
هل فرسة مـن دور عـادا وشـداد
ويشهد لهـم تاريخهـم والرجالـي
والطيب ماهو مشفقا عنـد الاجـواد
لاكن ذكرتـه يـوم جالـه مجالـي
وصلاة ربـي عـد ذعـذاع الانـواد
واعـداد ماهبـت هبـوب الشمالـي



وفاته :
انتقل من وادي برك رحمه الله عام 1408 تقريبا الى الخرج حيث كان وقتها قد ارتبط بعمل بشركه الجيساي
احدى الشركات التابعه لشركة ارامكو واستقر في الخرج
وقد قال هذه القصيده في عندما كان في مقرعمله بالربع الخالي:
وعاش رحمه الله بالخرج الى ان توفي رحمه الله فيها بتاريخ 08/02/1420هـ.



متى نشوف الخرج منا شمالـي
في ديرة مالـي بـدارا بدلهـا
ديارنا الي مـن قديـم وتالـي
نفخر بها والدار تفخـر باهلهـا
دار آل زايد ملحقيـن التوالـي
الي تخاف اضدادها من زعلهـا
حامينها بمصقلات السـلا لـي
ويامن بها الي خايفـا لا نزلهـا
يرسخ بهم غرساً زها بالجمالي
غرساً يحد جبالها مـن سهلهـا
يلعب به الغربي جنوب وشمالي
ومن اين ما جات الرياح تعدلها
ما حيط في الاسوار من كل جالي
سوره سهوم باليديـن نحملهـا
بآيمان قوما ما تهـاب القتالـي
قوما تحـدد بالمعـارك جملهـا
وصلاة ربي عد وبـل الخيالـي
من مزنة سيله يسابـق هلهـا



هذا وقد قيل فيه بعض القصائد
اذكر منها قصيدة رثاء قلتها فيه رحمه الله




بسمك الاهي بابتدي فـي كلامـي
وبرجيك يامن كل خلقـه ترجـاه
ارجيك ياربـي بحسـن الختامـي
زاهد بدنيـا مابهـا خيـر نلقـاه
سوى صلاة لك وايضـا صيامـي
وماجابشرعك يا الاهـي تبعنـاه
وبطلبك ترحـم رفيـع المقامـي
وارجيك تغفر ما حصل من خطاياه
اللي ذكر بالخيرشرق(ن) وشامـي
ودايم لفعل الخير عجلات(ن)خطاه
شيخ مقامه هامة المجـد سامـي
تاج على راسي وبفخـر بذكـراه
عزيز نفس ومن رجـال كرامـي
ياسعد من في ساعة الضيق ينصاه
وحليم وموهـب دليـل الكلامـي
وكريـم مايبخـل بمـال ولاجـاه
ذكره على ثم اعتلـى ثـم زامـي
بالطيب من بين المناعيرشـرواه
صفات ماتوجد سـوى بالعظامـي
اللي لهم تاريخ شامـخ ابمبـداه
مرت على الفرقا ثمـان تمامـي
ولاغاب لحظه عن عيوني بفرقـاه
عينـي بكتـه ولاعليهـا ملامـي
ورحيله ابكى قاصي الدار وادنـاه
وبكاه بيـت شرفـوه الحشامـي
منصى ال ربعه واللمناعير تنصاه
وبكاه طفلا فرحتـه بـه دوامـي
يفرح بشوفه وابتسامتـه لاجـاه
وايضا ضعيف يجود له كل عامي
فارق جزيل المد من بعـد فرقـاه
وايضا كبير يواصلـه بالسلامـي
دايم بوصل ارحامه ايوصي ابنـاه
وايضا ربوع ينطحـون الزحامـي
قالوا عزيـز وكلنـا قـد فقدنـاه
توافـدوا يـوم العـزا كالتهامـي
واكثر حضوره يومهـا ماعرفنـاه
رفقتـه بالدنيـا رجـال عظامـي
وكـل ذكـره وقـال يالله تجـزاه
تجزاه بالفردوس الاعلى مقامـي
ويالله عسى في جنت الخلدمثـواه
ماحصي ثناهم فيه جفت اقلامـي
وماقيل منهم فيه لايـق ويزهـاه
مني السلام ووافـي الاحترامـي
للي حظريـوم العـزا لاعدمنـاه
واللي غياب(ن) ماعليهم ملامـي
معذور يامن كايد الضـرف عـداه
يالأدمـي دنيـاك مثـل الحلامـي
من طال عمره لازم بيـوم فرقـاه
في طاعة الله قوم شـد الحزامـي
واسجد ال ربك باول الليل واتـلاه
بتواجه المولى بوقـت الصرامـي
وتبدالحيـاة السرمديـه ابملقـاه
خسران من ضن ان حياته دوامي
ولاطاع ربه ساعـة النوروضيـاه
تبدا ضلام وتنتهي فـي ضلامـي
وتبدا حياة البرزخ اللـي عرفنـاه
في ساس تكوينك بدا اول ضلامي
ثم بعد موتك ضلمـت القبرعـزاه
مابينها فرصـه بذكـر وقيامـي
للخالق اللي كون الكون وانشـاه
في طاعة الله نور يجلى الضلامي
ومن صدعن ذكره ابتزداد ضلمـاه
وصلاة ربي عـد وبـل الغيامـي
واعداد مانور القمر شـع بضيـاه
واعداد مانور(ن) قفاه الضلامـي
واعدادما يسجد من الخلق لرضاه
اعدادها منـي صـلاة وسلامـي
على النبي في بادي القول وتـلاه





وقصيدة صاغها الشاعر فهد بن عبيد الشكره في رثاء الشاعر دخيل الله الشكرة يعبر فيها عن مشاعره ومشاعر المحبين الذين فارقهم
.




السبت فاجئنا الخبر سبعـه اثنيـن
قالوا رحل ذرب السجايـا كحيـلان
من عام الف واربعميـه وعشريـن
بالضبـط لازود ولا فيـه نقصـان
قالوا توفى وهملت دمعـة العيـن
والموت حق وخاتمة كـل انسـان
رحل دخيل الله معي قولـوا اميـن
وادعوا عسى المولى يجازيه غفران
ويجزاه بالجنه ومن حورها العيـن
ويسكنه في دار الكرامه والاحسان
ندعيك ياربـي خشـوع مصليـن
ويدعيك عبد ممتلي قلبـه ايمـان
ويدعيك من يعرف صفات الكريمين
اللي لهم في صفحة الجود عنـوان
ويدعيك من يعرف بطلق الحجاجين
سمح المحيا لالفا الـدار ضيفـان
شيالهـا لاهـج عنهـا المسيكيـن
-ينطح ثقيلات المواقـف بليهـان
له مجلس مفتوح بالعسـر والليـن
على نذر ماخبـر خاطـره شـان
يفز لاصغر شخص ويرحب الفيـن
وينزل كبير السن في وسط الاعيان
لو اذكراوصافه تعجـز الدواويـن
ولو اكتب افعاله ابي عـدة ازمـان
لاكن عوضنا في الرجال الوفييـن
عياله اهل الطيب ذربيـن الايمـان
والختم صلـوا عـد فـوج ملبيـن
على النبي المصطفى نسل عدنـان



يابودخيل الله مجمـل ومشكـور
ترفع لك الرايات يابـن الكرامـي
عرفتنا تاريـخ شاعـر ومنعـور
شاعر لحق وقت الجهل والأمامي
من روس زايد عارفينه ومخبـور
منصى وركن وللقبيلـه حزامـي
وشاعر وشعره يقطع انهار وبحور
وشعره كما سيف يقص العضامي
وشجاع يوم العج والبندق تثـور
مافيه حبـة خشـم ولا سلامـي
يسطي على خصمه بلافكروشعور
ويـورده للمـوت ورد الحيامـي
وكريم يوم الفقر والجوع والجور
ماهو كرم ذالحين خيـر ونعامـي
يالله عسى مثواه في جنة الحـور
ويشفع له المبعوث يوم القيامـي



للشاعر القدير بدر بن فهيد المساعره



وقصيده للشاعر مبارك بن جلمود الشكره

وهي مجاراه لقصيدة الرثاء التي نظمتها بوالدي رحمه الله




سلطان ياحـرن عديمـن قطامـي
اخون عزيزن ماكر الحـر مجنـاه
الله يجـزي والدينـك رحـامـي
بجاه الذي نصوم لاجله ونخشـاه
مريت يوم النـت مـر الكرامـي
بصفحة نداوي الشعر للي بيقـراه
رجعـت للذكـرى وزاد اهتمامـي
وذكرت سيرتكم وهـذي مجـاراه
سجل على وضح النقا والتمامـي
تحيتـن للحـي والميـت مهـداه
مظمونهـا بالطيـب والاحترامـي
ومرحوم ياشيخن تنومس سجايـاه
خلد لنا ذكـرى تصـح النيامـي
واخبار ماضي الوقت كنا لحقنـاه
ودون الوطن والدار سيفه يحامـي
وهذي تراها ميزتن مـن مزايـاه
وذكر السلوم الطيبه لـه مرامـي
من دون ربعه ناصبن حد شلفـاه
وتجاربه في الوقت روض الوسامي
لمن اختلط ريح النفل مع خزامـاه
تاريـخ مـر وراح كنـه حلامـي
من جيلنا اللي راح وانـا بنقفـاه
لولاك ياسلطـان ذكـره عدامـي
موروث مايكتـب ترانـا نسينـاه
لانك على ماقيل رجلـن اعلامـي
حفظت شعره ليـن حنـا حفظنـاه
مايحفظه ياكود شخـص ولامـي
وخطوات شايب في زمانه وخاواه
واعداد ماهلـت حقـوق الغيامـي
صلوا على المختار قاف ختمنـاه



والشاعر عبد الله بن فهد الصخابره رثا شاعرنا بقصيدة معبرة






الناس من ماضي اليالي والازمـان
والشعر ديوان العرب شي مثبـوت
والشعر له مبدى ومغزى وعنـوان
كم ثبتت سيرة هل المجـد ببيـوت
وخلد لنا ذكر الفـرزدق وحسـان
وخلد لنا ذكر العواجي معـا نـوت
وخلد لنا سيرة مشاهيـر واعيـان
اهل الوفى لباسة الجوخ وبشـوت
وسيرة هل الطولات ذربين الايمان
نعيشها كنها على الشوف والصوت
والي يبرهن شي ثابـت للاعيـان
ابو محمـد حـي ماغيبـه مـوت
قرم برع في الشعر من بد الاقـران
شعره بقى في صفحة المجد منحوت
غنو بشعره كـل حضـر وبـدوان
والي سكن لنبار والسند والكـوت
من لابة يـوم المثـارات شجعـان
في ساعة فيهـا مظفـر وممقـوت
لادارت الهيجـا وراغـن الاذهـان
وكل بلج في ساعة الموت منعـوت
دواسـر لاصـار عـج ودخــان
شرب المصايب عندهم شربة التوت
اهل مدن وغروس نخـل وبستـان
وهل جهام فـي مرابيـع ووقـوت
وعسى دخيل الله بروضات وجنـان
بجاه من نجى ابن متا من الحـوت
وختامها صلوا على نسـل عدنـان
ذكره يسر الروح لو ماحصل قـوت



هذه قصيده قالها الشاعر جازي بن مفرح بن ناجي العطاوي العتيبي

(حاوي الطيب ).

رحمة الله على الشيخ الشاعر/ دخيل الله بن محمد الشكره الدوسري رحمةً واسعه
الرجل الفريد بكلمته وبشعره الذي يتصف بالحكمه والجزاله والله يبقي الحيين ذخراً لنا واخص بالشكر الأستاذ/سلطان بن دخيل الله الشكره
الذي يحض على دروب الغانمين ويقف وقفة الرجال النبلا ولاهي غريبه من أبن الرجال الذين سطرو في التاريخ كل علم طيب ومشرق ولكم هذه الوقفه البسيطه




بديت باسم اللي سلم من ترجـاه
غافر خطايا اللي ببيتـه يطوفـي
الواحد اللي تسجد الناس لرضـاه
جل وتعالى اللي بعبـده يروفـي
الله الـه الكـون عالـم خفايـاه
الغافر القـادر بخلقـه عطوفـي
واللي بعدها قال جـازي بمبـداه
يقدح من الهاجس وبالقول يوفـي
اهلا هلا يابن الرجـال المسمـاه
درع الجهامه يوم ضرب الشلوفي
سلطان سلطان السعد ماله اشبـاه
ماهو على بذل المكارم حسوفـي
الجود في يمناه والطيـب مبـداه
من راس ابوه القرم نال الوصوفي
عليه مـن ذاك الاسـد لاعدمنـاه
والطيب ورث اهل القنا والسيوفي
والشعـر ياشعـار لاشـك ينعـاه
من بعد ابومحمد جراله صدوفـي
مرحـوم ياشيـخ قليلـه حلايـاه
دخيل الله محمد جزيل الحروفـي
اطلب اله العرش عفوه ورحمـاه
وعساه بالفردوس دايـم يطوفـي
ابومحمـد خاسـر مـن تهقـواه
هداج يشبه لـه نـدي الكفوفـي
وعسى العوض بعياله اهل المثاراه
الطيب ورث جدود شي معروفـي
واعتيبة أهل الخيل كـلٍ بشلفـاه
ذباحة الحايل عمى مـن يزوفـي
عنهم حكا التاريخ بـأول وبتـلاه
حماية الخلفات بحـدب السيوفـي
منهم ابن مفرح اليا حـل طريـاه
قالو نعم بك يامعشـي الضيوفـي
واقبل تحية حاوي الطيب والجـاه
اللي مع الوافين بالطيـب يوفـي
وصلاة ربي عـد ماينتثـر مـاه
على الرسول الهاشمي النصوفـي



متصفح خاص بمعظم قصائده رحمه الله بقـلم : سلطان بن دخيل الله الشكره

المتصفح الثاني بالأسفل
 






التوقيع



يـوم جأآأبـو طـآأري الفـخـر{ ب} انـسـآأب الـعـرب
قـلـت الفـخخخر عـنـد الـحـبـآب مـلـزوؤم ينـوخ ركـآأبـه

خـوآألـي اللـي . فـي حـزآأت المـصـآأيب والـكــرب
تـركـي عـلي كـل كـبـد . مـشـعـآأب صـآألـي نـآأره

وانـآ .بـنـت الـسـلأآأططـين { ي} عـريبيـن الـنـسـب
لاد عججـيـم اللي عـلـي عــروش الـعـز جــلآأســـه




 
رد مع اقتباس
قديم 06-14-2011, 02:40 AM   رقم المشاركة : 2
ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ
(( عضوه مميـزه ))
 
الصورة الرمزية ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ






ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ غير متواجد حالياً

ǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the roughǁ|[⁄¨⁄.ਊ.مـتعـبه عـسافهـأ ਊ.⁄¨⁄]|ǁ is a jewel in the rough

افتراضي


نقره لعرض الصورة في صفحة مستقلة


مناسبة هذه القصيده في فالح ابن كليفيخ وعياله اللي هو خالهم وهم كليفيخ وفالح الغرابا الشكره لانه كان لهم مواقف مشرفه معه اثناء التحاقه بعمله في ارامكو وجادت قريحته بهذه الابيات تعبيرا عن شكــره وامتنــانـــه وتقديره لهم وبين رحمه الله فيها واستعرض رحمه الله بعض مواقف قبيلته المشرفه.





لافرق بين البشر باللـون وازوالـه
لكن نشوف اختلاف فـي مذاهبهـا
يازين وقت الفراغ ومكثـر ارجالـه
لاعد ربـع الرخـا مانـي مقطبهـا
ماكل رجـلاً وفـا بالقـول لاقالـه
ولاكل من يرمي الشـاره بصايبهـا
ومن يتبع الهون كسب العز مانالـه
ويموت ماحصلت نفسـه مطالبهـا
يامساعد القرم وصل معكم رسالـه
بالـورد والعنبرالممتـاز كاتبـهـا
وصل سلامي لدار العـز وارجالهـا
اللي حظرمن بني عمـي وغايبهـا
دار الذرى من سموم القيظ وظلالـه
وامنا من الخوف يامن من يحل ابها
واثنه على فالح المنعـور وعيالـه
حموله طيبها مـن طيـب شايبهـا
كليفيـخ وفالـح لاصعبـة القالـه
ترثة يسـودا تعيـن عنـد واجبهـا
ربع من المرجلـه ماهيـب ملالـه
لاملت اللى فعـول الطيـب تتعبهـا
صوارم من حرار طويـق وجبالـه
من ماكر الطيب واصل الطيب جاذبها
صحيح ان الولد لوطاب مـن خالـه
يكفيك من ماضي الدنيـا تجاربهـا
لعلنـا فيـه مانعـتـاض ببـدالـه
يسلم لنـا بانـي العليـا وكاسبهـا
كسب الفخر دايما يشريه من مالـه
يشريه لو كان فيه النفـس يجلبهـا
والبيض في شامخة الامثال تبنالـه
اعداد مابيـن مشرقهـا ومغربهـا
من لابتا يشهـد التاريـخ بافعالـه
تفعل فعول الفخر واحنـا نفوزبهـا
قبيلـه مـن حربهـا زاد غربالـه
واللي صديقا لهـا مامـل جانبهـا
آلاد شكر هـل النامـوس والطالـه
كم غيب الموت نفس هـم سبايبهـا
كم طايحا من يديهم ماحـدا شالـه
من ضربة مـن يدينـا مايهازبهـا
تفعل بالاخصام فعل احسين وامثالـه
معاقـب القـوم قبـل الله يعاقبهـا
هم خمسة واهزمواتسعيـن خيالـه
كم قلـه تهـزم الكثـره وتغلبهـا
وابداح يوم المنافق شـرب فنجالـه
دزه بشلفـا عطيبـات مضاربـهـا
تصهل جواده وهو بالصوت لاحالـه
من حد شلفـاه صايبتـه وصايبهـا
ثم قيل بالحفر يحذف كونه اشلالـه
لاياخذ القـوم بصياحـه ويرعبهـا
من كف شيخ.ن خذا ثـاره وعدالـه
هل سربه مايظـام اللـي يلوذبهـا




ابيات مفقوده ---- (1) ----هذا مكانها بالقصيده





ورثا لجهالنا مـن فعـل عقالـه
اللي بالاكوان ماظيـة تجاربهـا
يشهد على مانقول السيح ورجاله
والتربة الطاهره دمـه مخظبهـا
يوم الزنايج جنوب الدارواشماله
سحم الضرايا جثايا هم تسحبها
مع لابتا هم لنا بالضيق والنالـه
آلاد عمـار لاشبـت حرايبهـا
آلاد عمار سور الـدار واظلالـه
يستاهل الدار من عفى جوانبهـا
وصلاة ربي عدد ماهـل همالـه
من مزنه هلة الما من سحايبهـا






ملاحظه (1)

يوجد هنا ابيات مفقوده في القصيده وقد قررت ان لاتكون الابيات
متسلسله فقد يكون تسلسلها بهذا النقص تغيير لبعض الحقائق
في هذه المعركه المشهوره لذا حببت ان انوه بالنقص حتى لايكون
هناك خلط في الامور واعتذر منكم جميعا فلقد حاولت البحث عنها
ولازلت ابحث حتى تكتمل قريبا انشاء الله




هذه ايظا من قصائد العرضه في قصيده رحمه الله




ياسلامـي عليكـم باسـم واليكـم
عد وبل المطر من غـر الامزانـي
وياهلابالحظـور ومرحبـا فيـكـم
مرحبا فـي بعيـد الـدار والدانـي
دارنــا داركــم والله يحييـكـم
ونحمد اللي بفضله ربع واخوانـي
ومن عطايا جزيـل المـد نقريكـم
ومن كرم ربنـا للظيـف كرمانـي
واشكروا نعمة من فضـل واليكـم
نعـمـة مانقـدرهـا بالاثمـانـي
مثـل ماقالـه الله بالمثـل فيـكـم
امن الاوطان والصحـه بالابدانـي
مرحبـا عـد ماسـارت خطاويكـم
عدمابـيـن نجـرانـا وعمـانـي
يارجـال الوطـن تسلـم يمانيكـم
ياحمـا الـدار شيبانـا وشيبانـي
الوطن والمواطـن يفتخـر فيكـم
وغالي الروح يرخص دون الاوطاني
وقفـوا وقفـة تقهـر معاديـكـم
وقفة العـز تقهـر كـل شيطانـي
وقفـة العـز لاولكـم وتاليـكـم
عــادة ورث جـدانـا لجـدانـي
واذكروا دور حاضركـم وماظيكـم
ومايـدز الكتـاب بغيـر عنوانـي
جدكـم زايـد بالـدار موصيـكـم
وصونوا الدار ياخطـلان الايمانـي
ماحد(ن) له بنـو الخيـر معطيكـم
مير خذتوه فـي خيـل وفرسانـي
ماخذينـه بهيبتـكـم وطاريـكـم
وضرب حدب النمش حزات الاكواني
وحقكم وافـي(ن) خذتـوه بيديكـم
يارجال الوفـا فـي كـل ميدانـي
وبامرالالـه حققـتـوا امانيـكـم
ونلتوا المجد واللـي قاسـي لانـي








هذه قصيده تعبر عن نفسها اتمنى ان تنال استحسان الحميع





يا (--) بلشـة نـاس مايبونـك
وانت ضربك ياسمي العير عيـره
الحذر بيديـك لاتفقـع عيونـك
واخذها من شور من لا تستشيره
قبل يوم في الطبيـب يعالجونـك
الحياة اضنون والحالـه خطيـره
والمداوي يبتحل بعـلاج كونـك
من يدين فـي هويتهـا شطيـره
انهزم قبـل ال زايـد ياكلونـك
لقمة بحلوقهـم ماهـي عسيـره
والله لولا اللي على الحق يحمونك
ماتحل ديارهم مـن دون جيـره
ان قسمها الله تغايتلـك جنونـك
مايصح الجسم والجني خشيـره







هذي القصيده قالها رحمه الله وهي تعبر عن نفسها سوف اترككم معها:




يا(--) دار آل زايد ماهـي نهيبـه
كم غازي قد غزاها شاف ماعافـي
دار آل زايد عليك وجنسك صعيبـه
مير الحذر لاتصكك بعض الاصدافي
دونه رجال علـى الطامـع تعييبـه
جهال قوما ووقت العـرف عرافـي
بثميدي مايخوجـل فـي مضاريبـه
بأيمان من في اللقا للعايل عسافـي
والله لـولا الـذي نـدراه وانهيبـه
اللي على اهل الجزيره حكمهم ضافي
مايطلع الثـور يـم البـر يمشيبـه
عقب المعالف يبي عذبات الاريافـي
والكبش من هيبته يمشي مع ذيبـه
ويغض منه النظر ماكنـه ينشافـي
ذا الوقت فيه الثعل صار اكبر مصيبه
ماقيل في مامضى شفنـاه ياكافـي
من علة دودها بالقلب يمشـي بـه
وبسبابها صار في اغلاث واهرافـي
عير نهق وابلـش العالـم بنهيقـه
واذا العرب يوم حصل زود الاعلافي
لاصار مايربطونـه فـي عراقيبـه
ويحط بيديـه زود قيـود واكتافـي
هذا دواء راعـي النمـات والغيبـه
خبل كما قالوا اهل العرف متعافـي





مناسبه هـذي القصيده قالها يطلب الله فيها بالحــيا ,وكان ذلك بعد انقطاع طويل للمطر عن برك وكثير من مناطق المملكه ويناجـي فيـها ابــنه .





عسى الله يعود بعادة الخيـر ياسلطـان
ويرجع لنا الله بالحيا عقـب الامحالـي
بنوا على الديـره يجـي ماطـره ودان
ثلاثيـن يومـا فوقهـا الوبـل همالـي
يعدون سيله من بني رمح إلى بيضـان
ويقولون مابـه وادي كـون ماسالـي
ويسقي الديار اللي عربنا لهـا سكـان
حموها بحد السيف ماضيـن الافعالـي
حموها بحد السيف من لمـة العربـان
وصانوا حماها من قديمـات الاجيالـي
بجاه الآله اللي ضمن رزق كل انسـان
آله العبـاد اللـي عليمـاً بالاحوالـي
جزيل العطى معطي العطايا بغير اثمـان
سوى الحمد له واخلاص عبده بالاعمالي
لكـان لاحـنـا بـبـدوا ولا شــوان
لكن الحيا يحـي ويطـرب لـه البالـي
وختامها صلوا علـى مارثـة عدنـان
شفيع امته عند الولي يـوم الاهوالـي






لقصائد العرضه النجديه في شعره دور ولدي اكثر من قصيده عرضه هذه واحده منها:




مني سلاماً عـد همـال المطـر
واثني سلامي للبلـدو ورجالهـا
دار الرجال اللي ينالـون الفخـر
ترثـة يسـوداً نفتخـر بفعالهـا
مقدمة للضيـف بأيـام العسـر
صيانيا تصعـب علـى شيالهـا
يرسخ بهم غرسا تهـزع بالثمـر
حملـه لهشـال الخـلا يجنالهـا
كم طامع قد طمع فيـه ولا قـدر
غرته نفسه يـوم ربـي زالهـا
ماحيط بالجدران من صوب الخطر
آلاد زايـد سورهـا وظلالـهـا
من حد جو خريص لا دون القهر
دار آل زايـد مدنهـا وسهالهـا
ديرة حمول الخيل لاثـار الكـدر
كم فارساً قطـوه طـول حبالهـا
عفوا جوانبها بسبـرات النظـر
وحدبا كما وصف البروق اشعالها
بإيمان قـوم مايهابـون الخطـر
تشري الفخر بارواحها واموالهـا
يشهد لهم سكـان بـره والمـدر
واصدق شهود للرجـال افعالهـا
وصلاة ربي عـد مابـان القمـر
وماغابة القمـرا وهـل هلالهـا
على النبي الهاشمي سيد البشـر
شفيع خلقه يوم تلقـى اعمالهـا








هذه القصيده قالها رحمه الله في ولده منيف عندما سماه على منيف ابن حمدان الشكره مفتخر به وببطولاته مع قبيلته ويقول فيها:




قال الذي من خيرة القـول يختـار
ويعتـز بالطيـب ويفخـر بذكـراه
يامنيف سميتك على واف الاشبـار
وارجي عساك تصير مثلة وشـرواه
باسم الذي جاء للطرف درع وحضار
ليثا حمـا الديـره بسيفـه ويمنـاه
وبالسيف لا رقاب المناعير جـزار
ومن هيبتـه كـل يهابـه ويـدراه
لك الفخر والمجـد يـادار الاحـرار
دار الفخر والمجد والعـز والجـاه
توجد بها النخوه وعطف على الجار
وبها الفخر والمجد والطيـب تلقـاه
يادار ابن حمدان مشهـور الاخبـار
لو مات ما ماتـت فعولـه وذكـراه
سجل لها في صفحة المجـد تذكـار
تاريخ مجـدا كـل الاجيـال تقـراه
ودع بها مـن بـر فيهـا ولا بـار
آلاد شكر ويـل منهـم لـه اعـداه
قبيلتا تعرف علـى قـب الامهـار
تعـرف مواقفهـا نهـار الملاقـاه
ديرة هل العادات لوصـار ماصـار
كم واحدا من هقوته تقصـر خطـاه
ويسقون عدمين العدا كـل الامـرار
بحدب السيوف الي من الموت مسقاه
تمت وصلى الله على سيد الابـرار
على محمـد بـأول القـول واتـلاه







هذه القصيده عندماكان بالكويت رحمه الله وكان من ربعه من كان على نية العوده
للسعوديه فقال هذه الابيات وكانت تعبر عن مافي نفسه من رغبه في التواجد بين ربعه
وفي ربوع ديرته اترككم مع القصيده واعتذر على الاطاله :





ياهل الونيت اخذوا لنا معكم وصاة
خفيفـة المنقـل علـى نقالـهـا
رسالة مقدارهـا عشـر كلمـات
للـي تبيـض بالوجيـه افعالهـا
مكتوبة بالورد والمسـك الـدواة
والنصر من رب العبـاد اكمالهـا
للي رقوا بالمجد روس النايفـات
والبيض في روس العلا تبنالهـا
ودوا سلامي عد وبـل الراعـدات
والفين مليونـا وعشـر امثالهـا
لآ لاد زايـد كاسبيـن الطايـلات
تشري الفخر برواحها واموالهـا
عاشوا حماة الدار قهـار العـداة
والدار تفخر في افعـال ارجالهـا
دار حميناها بضـرب المرهفـات
اللي كما وصف البروق اسلالهـا
على العدا مثل النجوم المرسـلات
بامر الذي له منعهـا وارسالهـا
دواسر مثل الجبـال الشامخـات
ترسي كما ترسي رواسي جبالهـا
على العدا مثل النجوم المرسـلات
بامر اللذي له منعهـا وارسالهـا
قوم الى ركبوا ظهور المسرجـات
تقضي بعض الارواح قبل اجالهـا
كم طامعا غره غـروره بالحيـاة
جاء يبغي الديره وحـط بجالهـا
مقابر مـن يـوم كانـت للغـزاة
ومن جايبيهـا ندفنـه برمالهـا
وصلاة ربي عد وبـل الراعـدات
واعداد ماتذري الريـاح ارمالهـا








مناسبة هذه القصيده كان رحمه الله يعمل في دوله الكويت
وكان يتمنى العوده الى ديرته وربعه وهذا يبين انهم لم يغيبوا عن باله لا الأهل ولا الديره ولا القبيله ولاكن تواجده هناك للبحث عن الحياة الكريمه مع امثاله من الرجال الذين تغربوا عن ديارهم واهلهم لهذا الهدف فالحياة لاتخلو من هذه الامور من الغربه بحث عن عمل او دراسه او تجاره وما الى ذلك وقد قال هذه القصيده مخاطبا
زميله في العمل انذاك ويدعى عبيد ويشكي عليه الحال :




يا الله يا لـي مدتـك مالهـا قيـاس
يا واحـدا وأ رزا ق خلقـه ضمنهـا

أفرج لقلبـا غاديـا فيـه هوجـاس
وعينـا ظلمهـا وقتهـا وامتحنـهـا

حدتني الدنيا علـى قطـع الارمـاس
عن ديـرة مـا نبغـى البعـد عنهـا

ياعبيدعيـا لا يجـي عينـي أنعـاس
وعافت لذيـذ النـوم تبغـي وطنهـا

تبغـي الديارالـي لنـا بـدة النـاس
دار ال زايـد غيرهـم مـا سكنـهـا

دارا خذوها فـوق زلبـات الافـراس
والـدم الاحمروالثمـيـدي ثمنـهـا

وحدب السيوف الى لها قطف الا نفاس
وشلفا يخافـون العـدا مـن طعنهـا

بالسيف ما جتهم بحبـرا وقرطـاس
ولا عطا من العالـم ولا مـنْ منهـا

وصلاة ربي عـد مـا هـب نسنـاس
ماغنـت الورقـى بعالـي لحنـهـا










مناسبةهـذه القصيده قالها الشاعر وهو يصـف ديرته ويطلب الله سبحانه تعالى لها بالحيا والمطر المستمر لها نظرا لحاجة الاولين بصراحه اكثر من وقتنا الحالي للمطر فتنبت به الارض وتتغذا منه الماشيه وهذا من حبه لهم رحمه الله وانتقل يمدح ربعـه ويتنومس بفعولهم وتاريخهم المشرف .





لي ديرتا ماهيب توصف بغيرهـا
حيثـا مالـه بالديـار وصـيـف
ان جا الشتا نلقى بها الكن والذرى
والقيض نسناسـا هـواه لطيـف
سقاها الاه الخلق من رايح الحيـا
ليـلا بعـد ليـلا يجيـه قنيـف
رواح وسمـي حقـوق مخايلـه
لادبرالوسمـي يجيـه الصـيـف
بجاه الاله اللـي عبـاده تسالـه
يعطي ولا له فـي عطـاه نكيـف
عطأياه مايبغي جزاها مـن المـلا
رب العبـاد وبالعبـاد لطـيـف
ديرة مصانيـم الـدروع ال زايـد
وديارهم ملجـا الكـل اضعيـف
كم طامع بالسيـف ردوه دونهـا
ثم راح منهـا خاسـرا ومعيـف
دار حميناهـا وصنـا حمـاهـا
في حربت الشلفا وحـد السيـف
ويطوعون الشره بالسيف والقنـا
كمـا يطـوع بالخطـام عسيـف
من الخرج للهضب المسمى يحدها
غرسا ظليلا والضواحـي ريـف
ماحيط بالجدران من يمـة العـدا
تحميه عـودان القنـا والسيـف
ذا قول من قال الحقيقـه وعدهـا
حقيـقـة ماقالـهـا تـزيـيـف
والسيف يشهد والتواريخ والقنـا
بهزيمـة نكـرا علـى الشريـف
دون الدخيل اللي زبن في ديارنـا
ودخيلنـا محـدا عليـه يحيـف
صفحات مجدا سجلوهـا جدودنـا
نصرلنـا وانـا عليـه انضيـف
انضيف مانكسبه المجـد والفخـر
ولاضن معروفـا يبـي تعريـف
تمت وصلاة الله على سيد البشـر
اعـداد ماهـل الهـلال وشيـف







هذه القصيده
مناسبتها قالها رحمه الله مدحا
في كل من محمدابن حسن ابن عجب ال حفيظ واخوانه بداح ابن حسن وفيصل ابن حسن وفرج ابن حسن وعجب ابن حسن وفيصل ابن فيصل ال حفيظ ومن معهم من جماعتهم
على خلفية علم غانم لهم.




قال الذي بافعـال ربعـه يمـاري
وبفعالهم نعتز جيـلا بعـد جيـل
يامن جراله من غروره جـواري
الحق مأيوخـذ بغـدرا وتضليـل
حقا وراه ارجـال لوكنـت داري
تعرف بغير معرف مثل مـا قيـل
تعرف بغارات الضحى والعصاري
وتبرالهم دهم السرايـا زعاجيـل
تاخذ حقوق القوم غصبا جبـاري
وانتوا تبون حقوقهـم يالمهابيـل
كل افتـخ دون الديـار انتحـاري
ماهوب حكي قليليـن المحاصيـل
جاتك حرار من سلايـل حـراري
اللي مخالبها تشيل اللحـم شيـل
ترثت يسودا للفرايـس ضـواري
يسودا فرايسها قروم الرجاجيـل
عاداتهم نطح المعـادي جهـاري
وهداتهم تبـري الكبودالمغاليـل
تظـرب بغبـات الخطرماتـداري
ماحسبـوا للحاضـره والمقابيـل
كم من طريح فوق راسه تثـاري
وكم من يديهم طايح طاح ماشيـل
يشهد لهم زرق القنا والسـواري
وحدب السيوف مطوعات المشاكيل
دون الغروس ولابسات الخـزاري
عربا بهم ترعى نبات المساييـل
امـا يمـام سهيـل ولا شمالـي
ويبرونها من فوق قبـا مشاويـل
كم ديرة فيهـا تسـج الخبـاري
للريم فيها والوضيحـي مداهيـل
وكم عثعثا تلقى لهم فيـه اثـاري
فوق الرمك ولا على كنس الحيـل
ومن شافهم تكثر عليه الطـوارى
ويمسي سهير العين مايمرح الليل
وصديقهم بالعز في راس عالـى
وحريبهم تسقيـه ويـل بعدويـل
الاد زايـد ملحقـيـن التـوالـي
لادبـرة خيـلا وخيـلا مقابـيـل
قولا صحيـح والحقيقـه تقالـي
ويثبت لك التاريخ عدا وتفصيـل
وصلاة ربي عـد وبـل الخيالـي
على النبي اعداد وبـل المخاييـل







هذه قصيدها قالها رحمه الله في بني عمه ال حفيظ ممتدحا اياهم وهم يستحقون اكثروهذه القصيده قديمه جدا وواضح من خلال ذكره الهافات وهي تعبر عن نفسها :




قال من يختار من زيـن الكلامـي
من حسين القول ياخذ من اخيـاره
بادي رجمًا على الامثـال زامـي
يتعب الرجليـن ذبـه ونحـداره
صافيا جوه على غايـة مرامـي
معتـدل لافيـه بـردًا ولاحـراره
من هضاب طويق علتها الوسامي
دارنا لا عتـز كـلاً فـي ديـاره
ياهل الهافات هيضتـوا غرامـي
جعل رب البيت يكفيكـم خطـاره
مانحب نطـول عليكـم بالكلامـي
كلمتين(ن) مـا نطـول بانتظـاره
ريظوا واخذوا لنا معكـم سلامـي
للشيوخ اهـل المـروه والامـاره
لاسرة الحفيظ مرويـن السهامـي
مروية روس القنا في كـل غـاره
لاميشيتـوا ساعتينـا بالتمامـي
ثم لفيتو عنـد بيتـاً كنـه قـاره
جاكم الي صاملا من يـوم قامـي
مايطيـع الضيـف لوكثرعـذاره
قـدم الترحيـب ودلـلاً شوامـي
وخمس رسلانا على رس المنـاره
والعشا من بعدها عنـد الكرامـي
عند شيخاً يعطي الخاطـر وقـاره
ما يقدم كون شامخـة السنامـي
يذبحه لاصار مـا يكفـي حـواره
عند من سموه في خيرة الاسامـي
باسم من بين العرب شاعت أخباره
فارس الفرسان في يوم الزحامـي
كـل جـوًا هاديـا ثورغـبـاره
لاغد قدح الرمـك مثـل الكدامـي
مايهمـه كـون عـزه ونتصـاره
شيخ قوما من حربهـم ماينامـي
تسقي العدوان كاسـات المـراره
لاد شكرا نخوة رجـالا عضامـي
نخوة ورث صغـارا مـن كبـاره
والعدو لو شافهم لـو بالحلامـي
جض جضة من وطا داب الخباره
وبعد ذا يبدي حديكـم بالكلامـي
عن كثير القول يكفيـه اختصـاره
حن علينا ظربهم فـوق الهوامـي
وهوعليه من الملوك الى الـوزاره
وذكر ربي عـد همـال الغيامـي
عد وبل السحب لاهلـه امطـاره








هذه قصيده قاليها في سعد بن مبخوت ابن عجيبه ال حسن الشكره وكان من من كانوا معه بالكويت ايامها وتربطه به علاقه قويه حتى بعد ماعاد رحمه الله من الكويت استمروا بزيارات بعظهم هنا بالسعوديه فقد كان له مكانه خاصه عنده رحمه الله والقصيده تعبر عن نفسها




يامن يوصل لـي سلامـي ونجـزاه
ولا وصل ابو سالم عـداه الملامـي
سعدا سعد دل اللـذي يـوم سمـاه
واختار من سماه خيـره الاسامـي
وسعد اللذي في ساعة الضيق ينصاه
عند الشدايد يـوم مـس الحزامـي
له موقفـا لايمكـن القلـب ينسـاه
ولايمتكـن ننسـاه دايـم دوامـي
اربع صفات فيـه توجـد وشـرواه
ماتوجـد الا بالرجـال العظـامـي
فيه الكرم والطيـب والحلـم تلقـاه
وموهبـه ربـي دليـل الكـلامـي
وصلاة ربي بـاول القـول واتـلاه
وعلى النبي مني صـلاة وسلامـي








هذي قصيده من باب الفكاهه قالها في سياره كانت بعمله ولم تعجبه ولاكن
كان مجبر على استخدامها بالعمل نظرا لعدم وجود بديل لها مع كل الاحترام والتقدير
الكبيرين لاهالي المناطق المذكوره ليس القصد من ذكرهم فيها التقليل
من شأنهم لاكن السبب لانها مناطق بارده ولا تعاني سياراتهم من
تأثير الحراره على محركاتهاولاترتفع حرارة السياره فقال فيها هذي الابيات
وهي تعبر عن نفسها:




راكب الىماتنومس مـن ركبهـا
واردالنيسان ماهيـب امحبوبـه
صنعت السيهات ماتحمل تعبهـا
جعل يمنا صانعه تكثـر اعيوبـه
من رداها ماتزبـن مـن نهبهـا
ومن رداة النور بيضيع دروبـه
ولاانتحت به مسرعه لحقه طلبها
ومن ركبها دايم يحسـب ذنوبـه
جعل عين تعشقه تلقـى سببهـا
وجعل قلبا حبها يمـرض بنوبـه
ولونواه أيبيعهـا محـد رغبهـا
وان ركبها لين مركبها اعقوبـه
مايبيها كون اهل جيـزان وابهـا
ومن شمالي ظلع جازان او جنوبه
والحرارة نـار مايطفـى لهبهـا
لوبشط النيـل مأيطفـى شبوبـه






وهذه القصيده يصف ديرته فيها ايضا:





دارا بدل ديرتي ياعبيد ما بغيهـا
مابغيه ياعبيد لو زانت مناظرها
شوامخا فوق سطح الخد مرسيها
بامر الا له العزيز الي مصورها
وسهالها الرجل ماتحفي مواطيها
لا كن زل العجم فوقه منشرهـا
مهما يطول الدهرمانيب ناسيهـا
في خاطري دايما والقلب ذاكرها
جعل الحيا من أله الخلق يسقيها
من مزنة سيلها قدام مـا طرهـا
يسقي لنا دار قوما نفتخر فيهـا
على المعادي لرب البيت ناصرها
ديرة يسودا بحد السيف تحميهـا
كم سربه كثروا فيهـا عقايرهـا
برواحها الغاليه والمال تفديهـا
لابار فـي داره الـي مايقدرهـا
دواسرا يشهد الحاضر بماضيهـا
وافعالها الماضيه تشهد لحاضرها
فعسى الذي ديرته لعداه يعطيهـا
عسى يمينه تعلق بـه جبايرهـا
وتملك دياره وتاكل من حلاويهـا
ويمناه من مصلحة داره تخطرها
ويشكي مرض علة يبحل مدويها
علة خفا تبتحل فيهـا دكاترهـا
الدار عذرا وستر الدار أهاليهـا
من هيبة رجالها محدا يناظرهـا
وذكر النبي عد ماتذرى ذواريها
وعداد من حج بالكعبه وزايرهـا








مناسبة القصيده

هذه قيلة في بني عمنا ال بريك خاصه واللي معهم من الشكره في برك في وقفتهم مع بعض وقف رجل واحد في موضوع مشترك في وادي برك

والطرف الاخر

ليست في قبيله بل في شخص اعتذر عن ذكر تفاصيل اكثر لانها قريبه وعفالله عن ماسلف





احسن نبا جتنا علومه والاخبـار
يوما بـه الطمـاع دنـا رحيلـه
اللي رحل مجبورماهـوب مختـار
والياس كسبه والندامـه حصيلـه
من ضرب قوما مايهابون الاخطار
مركاظهم يبري الكبـود العليلـه
اثقل على العدوان من ضلع سنجار
واثقل من العارض على من يشيله
تسلم يديكم ياحما الـدار والجـار
نعتـز فيكـم والوطـن والقبيلـه
حيث الدياروداعتا عنـد الاحـرار
وتحمى الدياروناقضـات الجديلـه
كـم غلمـة لديارنـا جـاوا زوار
وراحت عليهم في نحانا سحيلـه
عيوبها كسابـت المـدح والكـار
خطلان ليـدي كاسبيـن النفيلـه
اللي نهار الهوش ترخص بالاعمار
وتفدي بها دون الغروس الظليلـه
قوما تنال المجد بالموسم الحـار
لاعلقـوا بارقابـهـن الشليـلـه
الاد زايـد لاتبـادوا بـالاشـوار
كـم واحداحطـوا بكبـده مليلـه
وحريبهم يشرب قراطيع الامـرار
وتسقيـه منهـا شربـة وتعليلـه
وصلاة ربي عد همـال الامطـار
على الرسول اعداد وبل المخيلـه









دائما وبشكل مستمر لايجد للقصيد عذوبه الا عندما يكون ذلك في وصف ديرته وبهذه القصيده كغيرها من القصائد صوره من صورالحب والوفاء لهذا الوطن الغالي ومن فيه من الاهل والاقارب وبني عمه وكذلك معارفه من ابناء قبائل الدواسر وكذلك القبائل الاخرى ومناسبتها كان مسافر خارج المملكه ومع زميل
له يقال له عبيد وسئله قال لوخيروك يابومحمد بالديره هذي ولا ديرتك وش بتختار فرد عليه بهذه القصيده وهي تعبر عن نفسها




لـي ديـرة مانـي الغيـره بمختـار
تمتـاز بالموقـع وحسـن الطبيعـه
دار سكنهـا كـل عــدم وخـسـار
اهـل الشهامـه والنفـوس الرفيعـه
ودع بها زايـد هـل المجـد والكـار
خطـلان ليـدي محتميـن الوديـعـه
عاداتهم مـن دونهـا بيـع الاعمـار
امـا الشهامـه والشـرف ماتبيـعـه
يرسخ بهـم غرسـا عيـادا وجبـار
ورثـا مـن الجـدان ماهـو بديعـه
ماحيط من صوب الطماميـع باسـوار
سـوره رجالـه بالسهـوم السريعـه
كم طامعا قد طمـع حلـواة الاثمـار
وعقب الطمع ضاقت عليـه الوسيعـه
غـره غـروره والامانـي والافكـار
وقطـوه خلفـا للذيـاب المجيـعـه
من ضرب من تسقي العدا كاس الامرار
وافعالهـم يـوم الملاقـى شنيـعـه
هـذا خيـاري كـان ياعبيـد بختـار
حيثـه هـوى قلبـي وغايـة ربيعـه
تمت وصلى الله علـى سيـد الابـرار
راع الرسـالـه للعـبـاد وشفيـعـه









هذه القصيده من قصائد العرضه في قصيده رحمه الله





لي ديـرة منهـا نـرد الطامعيـن
لاغر بعـض الطامعيـن غرورهـا
دارا رسمناهـا بـروس المعتديـن
ورسومها روس العـدا وقبورهـا
دار الغروس ودار جرعاة الحنيـن
مارد من صوب الحفيف انشورهـا
وهدب الجريد اللي يشوق الناضرين
اللـي تعـدل باليديـن نهـورهـا
حامينها بالسيف خطـلان اليديـن
وروس القنا والسيف الاملح سورها
وحامينها بالسيف والجمع الرزيـن
وحدبا على حسب الرماة اظهورها
بايمـان قومـا للمعـارك داربيـن
ومعلميـن للـحـروب بـزورهـا
دواسرا بالطيـب تجـزا الطيبيـن
وترد كيد اهـل النكـد بنحورهـا
عادات جيلا بعـد جيـلا وارثيـن
جيلا بعـد جيـلا تقـوم بدورهـا
واللي حظر يكفـون دون الغايبيـن
وتنـوب دون الغايبـي حظورهـا
تبقى بحيل الله على طول السنيـن
ليالـهـا وايامـهـا وشهـورهـا
صلوا على الهادي شفيع المرسلين
عـد الرمـال وبرهـا وبحورهـا
رسـول ربـه بالهـدى للعالميـن
رسالـة بالحـق يسطـع نورهـا









هذه القصيده قالها رحمه الله في عجب ابن مناحي ابن حفيظ واخيه محمدابن مناحي ابن حفيظ امير شمل قبيله الشكره كانت تربطه بهم رحمه الله علاقه مميزه بالرائي والمشوره نظرا لثقته رحمه الله في رائيهم السديد فكان لهما تقدير خاص لديه رحمه الله وهي تعبر عن نفسها:





يا محمد القرم جينا صوبكـم عانـي
والقرم من جاه مـا خيـب مطاليبـه
لي لازمًَََََََََََـا عندكـم ياطيـر حارنـي
والهقـوة انـك علينـا مـا تعييبـه
ابا ستشيرك وغيـرك واحـدا ثانـي
حيثًا شـورك يـدل الـراي ويصيبـه
والا أيلا جيت عجـبً كلـش هانـي
حـلال ماكـاد لاصعبـت مطاليـبـه
يامركـز الطيـب ياترثـة كحيلانـي
ياعيال من في القـا فعلـه نماريبـه
مناحيًـا لاتغرشـى الجيـش دخانـي
له ماقف من يعـرف العلـم يدريبـه
لاقيل ياهل العوايـد يـوم الاكوانـي
من دون تالي النضى روحه يفاديبـه
عـوايـدًا ورث شيبـانـا لشبـانـي
وكلا لمـن سابقـه يركـب مراكيبـه
ورجلاً بـلا لابتـا يهـزم وينهانـي
لوكان في القـوم ساطيـة مظاريبـه
ورجلاً بربعه على العدوان له شانـي
وتخضع له ارقاب روس الناس وتهيبه
والضو ماولعـت مـن غيـر دخانـي
ويزيـد صاليـه لا كثـرة مشاهيبـه
وصلاة ربي عـدد مـا هـل ودانـي
اعداد من حج بيـت الله وصلـي بـه









مناسبة هذه القصيده قالها الوالد رحمه الله في اخوياه اللي كان برفقتهم عندماكان يعمل في احد الشركات التابعه لشركة ارامكوا وهي تعبر عن نفسها :





سـلام رديـه عليكـم ياحضـور
واللـي غيابـا حقهـا يبقالـهـا
اللي حظر يكفي ومن غاب معذور
من ربعنا اللـي نفتخـر بافعالهـا
ياللي لكم في ماضي التاريـخ دور
غرب الديار وشرقهـا وشمالهـا
يامسجلة للمجد تاريـخ وسطـور
ابشركة الجيساي هـي ورجالهـا
ماجات من خدا تحط بهـا عبـور
وتفتح طريـق بالجبـل وسهالهـا
مـرا مسانيـدا ومراتـا حــدور
نبرالهنـه والسـعـد يبرالـهـا
ماحن بقوما كل زور فيـه شـور
ولابغـة دربـا كـثـر عذالـهـا
يامفجرة بالارض بتـرول ونهـور
من غيرهنـه مانعـرف اشكالهـا
ومن يزرعون الورد يجنون الزهور
والمهمله تجنـي ثمـار اهمالهـا
دامت لياليكم على خيـر وسـرور
وفي ضل من عم الديـار ضلالهـا
وصلاة ربي عدة امـواج البحـور
والفيـن مليونـا وعشرامثالـهـا









مناسبه هذه القصيده كان يناجي فيها شخص يدعى سعد وبصراحه لا اعرف رحمه الله من هو سعد لاكن الارج انه كان يقصد اخوه في مناجاته وهو سعد بن محمد بن دخيل الله اطال الله عمره والمقصود بـــ ماوان هو وادي يسكنه بعض معارفه رحمه الله من القرينيه وبعض القبائل الاخرى وهو بين محافظة الدلم ومحافظة حوطه بني تميم وكان يكثر به الصيد وهي تعبر عن نفسها:




ياسعـد نبغـي الـمـاوان زيـاره
كل مامريت مـال القلـب صوبـه
من معزة من سكـن فيـه ووقـاره
يجذبه حب الوطن واللـي ربوبـه
لومشينا الليـل كلـه مـع نهـاره
مانـواه القلـب ماجابـه صعوبـه
اشهد انها عنـوة ماهـي خسـاره
ساعة ماهي مـن العمرامحسوبـه
صـوب دار ساكنـا فيهـا اثمـاره
عند اهلها واكثرالنـاس امحبوبـه
ديـرة فيهـا البـداوه والحضـاره
وقانصين الصيد منها الصيد جوبـه
بدلـوا بيـت البـداوه بالعـمـاره
شامخ البنيـان شيفتهـا اعجوبـه
كن ساكنها سكن فـي راس قـاره
يلحقه من صافي الغربـي هبوبـه
في طرف غرسا من العارض اجداره
من شمالي بيـن واديـه وصبوبـه
مـن سلايـل شايـع والـدار داره
يعرفون ويعـرف اسمـه لنتخوبـه
جعل همال المطـر يسقـى ديـاره
من طلوع الشمس لاحـزة غروبـه
لا ولاجتهم من احدا منـه اعـاره
كـم طمـاع يبيـهـا ومهيـوبـه








هذي قصيده قالها في طريق الرجعه بعد اداءه فريضة الحج الاخيره في عام 1419 للهجره التي توفي بعدها بشهر وكان ذلك عام 1420 للهجره رحمه الله رحمة واسعه واموات المسلمين وكان برفقته حسن بن محمد ابن حسن ابن عجب ال حفيظ وكان يناجيه بهذه القصيده:





ياحسن قد ذاك ضلع طويق باني
عقب ضلعان الحجاز وماوراها
ديرة فيهـا عربنـا والعوانـي
وللشحاذه ماتمد الهـا ايديهـا
للضيوف اتقدم الحيل السمانـي
وتعطي الخطار من مالله عطاها
جعل تسقيها مراديف الغيامـي
بامر من مشاه بامره في سماها
جابه اللي كنها فرخ القطامـي
سلم سايقها وسلم اللي شراهـا
كنها شيهانـة والليـل دامـي
سمعة الصقار يدعيها عشاهـا
واذكر الله رب الايات العظامـي
باية للـرب مخلوقـه قراهـا
واذكر الله بالبدايـه والختامـي
باول الكلمه وباخـر منتهاهـا









مناسبه هذه القصيده قالها رحمه الله يخاطب فيها ابنه محمد وكان يطلب منه ايصال
شكره وتقديره الخاص ل فراج المصارير على ماقدمه له رحمه الله من علم طيب يستاهل الثنا عليه
واترككم مع القصيده الان




انا حالفا يافاعـل الطيـب ماننسـاه
اذا سجو اللي فاعل الطيـب ينسونـه
ومن قدم المعـروف فعـل الثنايلقـاه
يحصل جزاه وفـوق حقـه يزيدونـه
ويامحمد المنعور برسل معاك اوصـاة
سلاما علـى فـراج معكـم تودونـه
سلاما عدد ماينثر النو صافـي مـاه
سحاب تكاشف بارقـه بـول مزونـه
مع ازكى تحياتي لبوعايـض مهـداه
هديـة اكـرام لاعطـوا مايمنـونـه
ويستاهل البيضا رفيع النسب والجـاه
ثلاثين بيضا باجزل الشكـر مقرونـه
من لابتا شجعان والعـدو ماتخشـاه
ومن غيررب البيت ماهمب يخشونـه
مصاريرتعرف يوم تدعى العرب بسماه
والـى عدواخبارالقبايـل يعـدونـه
عيال الحبيبي والفخر مرثـه لابنـاه
رجال تبيـع الـذل والعـز يشرونـه
رجال الشهامه والكرم والفخر والجاه
صفات بهم تعرف وهـم يستحقونـه
وبالخاتمه ذكر اللـذي خالقـه نبـاه
رسـولا لخلقـه كـل يـوم ينادونـه








مناسبة هذه القصيده هي مدح في فهد ابن فريج الشكره فقدكانت له مكانه كبيره بحكم العلاقه الشخصيه التي تربطهم ببعض والتواصل المستمر بينهم رحمه الله فقد كان يمتدحه نتيجة مواقفه المشرفه مع ربعه وحرصه عليهم وصفاته التي يتميز بها عن اعيان القبائل الاخرى ومكانته عند بني عمه الشكره والقبائل الاخرى وله الكثير من القصائد فيه هذه واحده منها.




بديت باسمك يارفيـع الجلالـه
وانت الاله ولاسواك معبـودي
للعز يابيتاعسـى العـز فالـه
منصى الرجال ومسكنا لليسودي
بيت الكرم يرتاح له من عنالـه
لاجاه من ظيم الزمان محدودي
يلقى به الرسلان صـف قبالـه
على خشب سمرا لضوه وقودي
وصنيه للظيف يصعب مشالـه
عند اللذي من جودة الله يجودي
بيتا عزيز من معـزة ارجالـه
اللي لهم من يعرفونه شهـودي
من غاب منهم ناب الاخربدالـه
ترثة يسودا مرثتهـا يسـودي
عاداتهم كسب الفخر والجمالـه
عوايدا من دورعـاد وثمـودي
عيال من بالطيب وصى عيالـه
ورى وصاته زودوا بالحـدودي
فهـد فهـد نعتزلاجامجـالـه
يسلم وتسلم له اخوانه عضودي
ابوفريج اللي شهـوده افعالـه
اللي بكسب الطايلات محمـودي
رجل المروه والكـرم والعدالـه
عليه كسب المرجله مايكـودي
كم شال من حملا ثقيلا مشالـه
ويشل حمله لويجي فيـه زودي
لعـل مانعتـاض فيـه ابدالـه
ويبقى لنا ذخراعريب الجدودي
هداج تيما يوم يظـرب مثالـه
مانزحت جمـه كثيرالـورودي
ولاكل رجلا يبغي الطيب نالـه
والطيب صعب مثل ذب السنودي
الاعلى من تاصل المـا حبالـه
ولا يحسب حساب نقصاوزودي
ماهوبخيلا شوفتـه قـد حالـه
حيث البخيل النعمه الله جحودي
كالعارض الشامخ ضليلا ضلاله
يذريك من حرالهوى والبرودي
وصلاة ربي عـد ذاري رمالـه
واعداد ماتذري الرياح النفودي
على رسولا مرسلـه بالرسالـه
رب العباد ولا سـواه معبـودي











مناسبة هذه القصيده كان رحمه الله قد سمع ان الشيخ عبدالله الفصام دفع مبلغ كبير

لرجال من احدى قبائل نجد الكريمه كانوا يجمعون مبلغ من المال لتقديمه للافراج عن محكوم عليه بالقصاص مقابل تنازل اهل المقتول عن الدم واعطاهم مبلغ كبير من المال وقال لهم هذا المبلغ عني وعن جميع الدواسر فارجوا الاتطلبوا منهم شي وهذا نابع من احساسه بان هناك بعض افراد قبيلته من ذوي الدخل المحدود ولا يستطيعون الدفع في حاله مرور هؤلاء عليهم وهذا يجبرهم على الاستدانه وان يتحملون مالا طاقت لهم به ودون وجييهم فبيض الله وجهه وجعلها الله في ميزان اعماله الصالحه وكان موقفا يدل على شهامة وكرم لاحدود له وقال هذه القصيده مدح فيه وفي قبيلته المساعره وهو وهم يستحقون ذلك.


واترككم مع القصيده وهي تعبر عن نفسها



هيهات يابنـت الرجـال القرومـي
لاتعشقيـن الاعريبيـن الانـسـاب
شومـي لبوفهـاد جعلـه يدومـي
اللـي رقابالمجـد فيكـل مـرقـاب
قال اللذي يفخـر بفعـل القرومـي
ويعتز في طيب ابن عمه الى طـاب
للعـز يابيـت لـك العـز دومــي
بيتاعن الخطار ماصـك لـه بـاب
بيت الذرى من بردهـا والسمومـي
لعـل عـزه دايـم الـدوم ماغـاب
نـاس مسأييـر ونـاس تقـومـي
هـداج تيمـا مرويـا كـل شـراب
وصيانيا فيها مـن البـل ردومـي
ومن الغنم ماهوب يقطب لها حساب
لاكن جـدع شحومهـا واللحومـي
الحوم بوشـا عاثياتـا بـه ذيـاب
قدام بيت اللـي يعـرف السلومـي
اللي يعرف حقوق ربعه والاجنـاب
لاعنك مالحقه مـن النـاس لومـي
بينه وبين الايمـه ستـر وحجـاب
عبدالله الفصام خصـم الخصومـي
خصم الخصيم وتفتخر فيه الاقـراب
ليثا لكسـب العـز نفسـه تهومـي
هوم اليسد لاقـام يقـرع بالانيـاب
وللرايـه العليـا عزومـا جزومـي
ولايستشير يكون عصمان الاشنـاب
وسما على كبـد المعـادي يزومـي
واحلى من الغند المصفى للاصحـاب
من لابتـا تكفيـك عنهـا العلومـي
زبن الضعيف مفرقة جمع الاحـزاب
اولاد مسعر يـوم زرق السهومـي
تكسر بروس حرابهـا كـل حـراب
ياماعلى العـدوان شنـوا هجومـي
في غـارة تشبـه لبوزيـد وذيـاب
خطلان ليـدي للمراجـل تسومـي
تشري الفخر لوكان في قطع الارقاب
من شافهم حتى بطيـف الحلومـي
يجض جضة من وطة رجله الـداب
وحريبهـم بامرالالـه مهـزومـي
اللـي بنصـره للمخاليـق وهـاب
من يشتكـي ميـل الدهروالهمومـي
يعنز الدار حدها العـرق وهضـاب
بيـن النفـود ونأيفـات الخشومـي
دار القويد مطوعة روس الاصعـاب
يرقـد بهـا اللـي ساهرمأينومـي
ويامن بهـا ماكنـه يطلبـه طـلاب
حطوا لها جدع الجماجـم رسومـي
جيلا بعـد جيـلا شبابـا وشيـاب
وجوب الجفير اللي له العـز يومـي
وغيره ولو عديت ماقطب لها احساب
داربغـيـر ارجالـهـا ماتـدومـي
عننيمة يطمـع بهـا كـل كسـاب
دون الغروس وضافيـات الهدومـي
شلفا علـى خيـلا وللخيـل ركـاب
خيلا تحـط صفـوف لعـدا ثلومـي
وان لحقت المقفي سريعات الاطلاب
حدرالرجال اللـي تسـد اللزومـي
اللي علـى نطـح الطوابيـر دراب
يوم الثميدي مثـل وبـل الغيومـي
بردى قنيفـا ينثـر الوبـل صبـاب
كم مـن يديهـم طايحـا مأيقومـي
من ضرب حدب مصقل الهند وحراب
وحدبا تلامع مثـل لمـع النجومـي
بغدرى ضلامـا ليلهـا والقمرغـاب
وصلاة ربـي عـد وبـل الغيومـي
على الرسول اعداد ماخـط بكتـاب








مناسبة هذه القصيده هي زيارة صاحب السمو الملكي الامير سلطان بن عبدالعزيز ال سعود حفظه الله الى محافظه الخرج.
ياعــزنــــا الـدايــــم





يامرحبا ترحيبـة مالهـا حـدود
ولا تحددهـا المطابـع واليديـن
منشوعة بالمسك وازهار الـورود
حق وتقديـر لكـم والحاضريـن
بك ياولد عبدالعزيز بـن سعـود
ياعزنا الدايم ويالدرع الحصيـن
افراحنا في كل يـوم بـك تـزود
من يوم قيل انك لوطنـا زايريـن
الخرج نور لك سماهـا بالعقـود
الخرج واهل الخرج لك مستقبلين
سلامتك هي خير شي في الوجود
والحمد لله يوم جيتـوا سالميـن
يابن المليك اللي فعوله له شهود
اللي شمل فضله جميع المسلمين
جزاه من مولاه جنـات الخلـود
وجعله مع اللي بالجنان مخلديـن
وعد بلم الشمل واوفى بالوعـود
وحقق جميع آمالهم دنيـا وديـن
ونفذ على عهده كثيـرات البنـود
وانتم الباقيـه البنـود مكمليـن
انتم هل المعروف ولو بار الجحود
ولا نسوا فعل الجميـل البايريـن
ياما عطت يمنـاك ماتبغـي ردود
تبغي الجزاء من عند رب العالمين
الشعب عايش في طمانين وركود
وامان تحسدهم عليها الحاسديـن
كملتوا حقوقه وفوق الحـق زود
وحنا لكم في مافعلتـوا شاكريـن
ياسيدي سلطان حنا لـك جنـود
دمتوا لنا ياسيدي طـول السنيـن
دون المليك ودون ديرتنـا نـذود
وانرد دون الدار كيـد المعتديـن
نحميه باللي كنها قصف الرعـود
بايدي رجال للحـروب معلميـن
ومتعلمين في المعارك للصمـود
ولو لان ضلع طويق حنا مانليـن
ومن ذاق ضرب من يدينا مايعود
دون الوطن نقصر طويلات اليدين
وصلاة ربي عدة رمـال النفـود
واعداد خلقـه لوليـن ولاخريـن
على رسـول بمتـه رفـق ودود
وارسله ربـي رحمـة للعالميـن









مناسبه هذه قصيده قالها في زملائه بالعمل في شركه ارامكو كان رحمه الله يرغب بان يرجع لأهله بالخرج لما عرفوا برغبته في ذلك كل منهم قال انا اداوم عنك ومتى تحب ترجع حياك الله كان هذا تقديرا منهم لزميلهم بالعمل وهذا ان دل على شي انما يدل على طيبهم وطيب ساسهم ويستاهلون المدح والذكر الطيب كلا بأسمه كما ذكر رحمه الله وهي تعبر عن نفسها:





ليت ربي حـط بالخايـب وسومـي
كان مـا نحتـار بيـن النـاس لله
ميرمثل الناس جسمـه والهدومـي
والفعا يل والطبـوع مخالـف لـه
جعل عين الـي تعشقـه للهزومـي
ويش تبغى بالمهونـه والمـذ لـه
يالعـذارى لا تبـن كودالقـرومـي
والـردي بعيونكـن لاتنظـرن لـه
مثل أبو حسن عسى عمره يدومـي
طيبـا بالطيـب فعلـه شاهـدلـه
مطلق الجـلاد قـرم مـن قرومـي
وا شهد ا ن الاسما على العالم مد له
ونايف ومطحس مطوعة العزومـي
سعد منهم فـي الشدايـد محزملـه
وثقل بن عبيد حقـق لـي حلومـي
دايمـا كسـب المراجـل عـادتـه
يوم قلت اليـوم جاعنـدي لزومـي
كل منهم قـال عنـك الـزام خلـه
وربعنا الغياب مـا تلحـق بلومـي
والغيا ب الي حضـور فـي محلـه
من قبايل نجد مـا ظيـن العلومـي
ويثبـت التاريـخ قولـي والمجلـه
أهل الأخـوه والمـروه والسلومـي
والفخروالطيـب دايـم هــم هلله
وذكر ربي عـد همـا ل الغيومـي
عـد وبـلا مـن قنـوف مستهلـه








مناسبة هذه القصيده قالها في خوي له كان يعمل معه في شركــــة ارامكو يدعى عبيد ابن مجلاد من قبيله عنزه وهي تعبرعن نفسها:





كلا رقد وعيونـي النـوم ماجـاه
ولاقلت بتروح الهواجيس جاتـي
هواجسا لا يمكن القلـب ينسـاه
يعلم بها ألـي يعلـم الخافياتـي
يابوفهد يبـن الرجـال المسمـاه
يالي لكم دوراعلـى الموجفاتـي
رايك عسى في رايك الخير نلقـاه
يالي برايـك تفعـل المعجزاتـي
ولابه احدا رايه من الناس كفـاه
الكامـل الله والروابـع اشتاتـي
ياعبيد بن مجلاد زبـن المخـلاة
لاكـاد خطـوى نايـرا للاتفاتـي
شيخا ولد شيخا على الطيب وصاه
وعدى على ما قالـه بالوصاتـي
من روس عنازا هل الوجه والجاه
ومطوعة بالسيف روس العصاتي
تاريخهـم كـل يعـده ويـقـراه
ويشهدعليه الحاضـره والبداتـي
قومـا تحـد جمالهـا بالملاقـاة
عوايـدا لاجيالـهـم باقيـاتـي
وصلاة ربي باول القـول واتـلاه
على النبي بازكى سلام وصلاتـي









هذه الابيات قالها رحمه الله في الشيخ راشد العويظه من قبيلة بني ياس وهواحد اعيان دوله الامارات الشقيقه وكان ذلك بعد اخر زياره قام بها له بدولة الامارات كتعبير عن شكره وتقديره لشخصه الكريم بعد مالقاه من حفاوه وكرم الظيافه في ذلك الوقت وهي تعبر عن نفسها:





ودو سلامي يالوجيـه المسافيـر
وانتوا عن اللي مرسلـه بالنيابـه
الياوصلتـوا راشـدا يالمناعيـر
ردو سلامي لـه وهاتـوا جوابـه
سلاما احلا من حليب المصاغيـر
وخلفات قرمـا كـل قفرارعابـه
لاصاربالعربـان عـذال ومشيـر
يضرب بغبـات الخطـر مايهابـه
لبوعويضه شوق بيض الغناديـر
كـل الصفـات الطيبـه تنلقابـه
ماكنه الا حاتـم الطـي والزيـر
فيه الشهامـه والكـرم والمهابـه
هداج تيما في السنيـن المعاسيـر
لـو كثـر ورده مأيكمـل شرابـه
من لابتا تجزي هل الخيربالخيـر
ورجال حرب في نهـار الحرابـه
والاد ياس يـوم نطـح الطوابيـر
ترسي كما ترسي رواسي هضابـه
يوم الملاقى ينطحـون الطوابيـر
تاريخهـم بالطيـب كـلا درابـه
للعـز يابيتـا تجيـه المسأييـر
ماصك من دون المساييـر بابـه
اللي من اهل الدار واللي من الغير
واللـي يجـي ينقالـه ياهـلابـه
بيتا يجونـه مبعديـن المشاويـر
من غير سكان الوطـن والقرابـه
مثل الورود اللي تزاحم على البير
لوعدها الحساب ماقطـب حسابـه
تلقى الشحم به والدلال المباهيـر
وصيانيا تلقى العشـى والغدابـه
في مجلس اللي مايحسب المخاسير
يوما بخيل النـاس قوتـه هبابـه
والضيف عنده له معـزه وتقديـر
وزود على التقدير سهـلا جنابـه
يفدونه الـي يجمعـون الدنانيـر
اللي يشب وشـاب محـدا درابـه
واثني سلامي عد رمـل العثاميـر
واعداد ماهل المطرمـن سحابـه
وختامها صلوا على داعي الخيـر
على رسولا دعـوة الحـق جابـه








هذه قصيده قالها في خشمان ابن محمد الشكره لا اعرف بصراحـه مناسبتها فاعذروني ويعذرني ابن عمي خشمــــان يالــيت اعـــرف المناسبه وعلمه الطيب اللي سواه مع والدي حتى يقول فيـــــه هذه القصيده لاكن اللي انا متاكد منه بانه رحمه لله لايقصد باحد الابعد علم طيب تلقاه من هذا الشخص لذلك اذا اطـلـع الاخ خشمـان على هذا الموضوع فياليت يذكر لنا ذلك فانــا لا احـــب ان انـــزل هـــذه القصيده بدون مناسبه لذا اسمحولي اقدم لكـــم القصيده كماهي وهي تعبر عن نفسها :




دل المسمي يوم سمـاك خشمـان
سماك بسم الشامخـات الضليلـه
شوامخ.ن يلقى بهى الضل وكنـان
ومن كان قلبـه خايفـا يلتجيلـه
تسلم يمينك يـا سلايـل كحيـلان
يا مثمن الشكوى لمن يشتكي لـه
ولا هو كثيرا منك ياطير حـوران
عوايدك كسـب العلـوم الجميلـه
من لابت.ن تعرف على مر الازمان
آلاد شكـر كاسبـيـن النفيـلـه
آلاد شكرا يوم زوغـات الاذهـان
ترسي كما ترسي الجبـال الثقيلـه
قوما لهشال الخلا تذبـح الضـان
لا قل مد اهـل اليديـن البخيلـه
والى تناخوا عند حلـوات الالبـان
كم راس شيخا من متونه تشيلـه
قبيلة من وهبـة الله لـلا نسـان
فيها الشهامه والكـرم والفضيلـه
يشهد لهم غرسا رسخ بين الاوطان
بارضا حمادا كـل عينـا تخيلـه
بارضا فضا كن العدا منه عميـان
يوم المجاعـه والمعوشـه قليلـه
ما حط له من يمت الخوف جدران
سوره رجاله بالسيـوف الصقيلـه
وصلاة ربي عد مـا كاينـا كـان
على رسـولاً وضـح الله دليلـه









هذه القصيده في بخيت ابن جلوي الشكره مدحا فيه على خلفية علم طيب معه رحمه الله
ووبصراحه لاتحظرني تفاصيل اكثر لاكن بيض الله وجه ابوجلوي وجعل عمره يطول
على طاعه اللهم امين ساسه طيب وراسه طيب وعلومه الغانمه تدل على طيبه والله يحسن لنا وله حسن الخاتمه علما بأن القصيده من ذكرها لي يقول
انها كثر من ذلك لكن هذا مايحظره منها:




كم من رفيق كان بالطيـب بـه هاقيـن
وجا الضن في بعض العرب مثل الاحلامي
ولامن رفيق الا رفيـق القسـى والليـن
رفيق علـى عسـر الليالـي والايامـي
وياجعل يوم بخيت فـي الحيـاة اسنيـن
وعامه بدال العام خمسة عشـر عامـي
زهمته وقال ابشر يجي لازمـك ذلحيـن
ومن يزهم المنعـور ماهـوب ينظامـي
وقال ابتجح وانا علـى ماتبـي ماشيـن
على حاجة الدنيا وفي نطح الاخصامـي
ويستاهل البيضـا وحنـا لهـا مهديـن
ملايين عدة من سكن مصـر والشامـي
حوى الطيب كله ماوصل سنه العشريـن
ومن طيب ابوه ومن خواله والاعمامـي
الايابعد من يجمـع المـال نقـد وديـن
اشحاحا على انفسها وللـوارث كرامـي
تبـي تجمـع الدنيـا وللاخـره ناسيـن
وهم حقهم منهـا قليـل مـن الخامـي
ولاتنفـع المعسـرولا ترحـم المسكيـن
عسى كـل مـال يجمعونـه للاعدامـي
وانا اعتزبه يوم انه من لابتـي لادنيـن
هل المدح لاسيق السلف خلف الاعلامـي
من والاد على اللي بكسب الفخر ضارين
ولا ضن تحصي مجدهم روس الاقلامـي
اثقال بحال وحال لاجا الطلـب عجليـن
بحدبا تشبل الروس من فوق الاجسامـي
ارجال الشهامه والكرم والفخـر والديـن
صفات (ن)بهم دامت على طول الايامـي
واهل عادة لاقيل ياهـل العوايـد ويـن
يدوسون هامات العـدا حـدر الاقدامـي
وباختامها صلوا على من دعـا للديـن
رسولا دعى الأمه الى ديـن الاسلامـي










مناسبة هذه القصيدة التي يناجي فيها رحمه الله سعد ابن عبيد جهيمان الشكره ويطلب منه ان يوصل سلامه وشكره وامتنانه ل مبارك اين فرحان الشكره الدوسري على ماقدمه له يرحمه الله من خدمه كانت مرتبطه بمجال عمله في مرور محافظة الخرج وهي تعبر عن نفسها:




وصل سلامي يـا سعـد واحترامـي
لمن تعب من شاني وانا كنت مرتاح
لا جيت من سمواه باحسن الأ سامي
بامرالأ له مبا ركـا حيـث مـاراح
مبـارك دامـت ليـالـه ودامــي
عسى تدوم له اليالـي بـالا فـراح
نعتزبـك يابـن الرجـال الكرامـي
ياهل الكرم منتواعلى الضيف بشحاح
ألاد شكـرا يـوم مـس الحزامـي
ماحسبوا زود الخسايـر والاربـاح
حريبهم طـول الدهـر مـا ينامـي
يسهروعينه ما تهنـى بـالا مـراح
يشهد لهم غرسا على الدوم دامـي
بارضا خلا ما حط من دونه اليـاح
حاميه ربي بالرجـال العضـا مـي
الي تسوم المجد في غالـي الارواح
لا ثارعـج مـثـورات العسـامـي
ثم صاح عند مطرف المـال صيـاح
لحقت بربعـا ينطحـون الزحامـي
عاداتهم يوم القا كسـب الا مـداح
بالسيف والبندق مـع كـل رامـي
بارضا خلا ما حط من دونه اليـاح
وحدب السيوف الي تقص العضامي
كن جدع هامات العدا جـدع تفـاح
وصلاة ربـي عـد وبـل الغيامـي
على الرسول الي عن الشرك نصاح








هذه قصيده بمناسبة عيد الفطر المبارك عام 1418 هـ




يامنيف جيبوا لنا صنع المريكانـي
واعطه من السير ماكمل بطبلونـه
اليوم عيد(ن) وغيره واجب(ن) ثاني
واجب سلام(ن) نهار العيد مادونـه
جعله علينا يعـود بكـل الازمانـي
بالخير للمملكـه واللـي يرودونـه
نعايد شيوخنـا خطـلان الايمانـي
عيدية(ن)منـا بالطيـب مقرونـه
في مجلس جلسة(ن)به ترفع الشاني
دون المساييـر بابـه مايصكونـه
في شرقي الخرج مايحتاج عنوانـي
مشيـدا كـل خلـق الله يعرفونـه
لاجابه الضيف كنـه بيتـه الثانـي
يلقى به الكيـف ورجـال يحيونـه
واهلا وسهلا مع حيل من الضانـي
لوكان هو غالي مشـراه يشرونـه
وصلاة ربي عـدد ماهـل ودانـي
واعداد منشا السحاب وهلة مزونـه
على رسـولا بعثـه الله للانسانـي
يامـر عبـاده لحـق الله يودونـه








هذه قصيده قالها رحمه الله في فراج الحراجين من قبيله الحراجين كنت اتمنى اسمه كاملا لذكره لاكن للاسف اللي انا سجلته ايام كنت ادون قصيده رحمه الله بحياته الاسم المذكور وهذا تقصير مني لاكن لعلي اتقصى عن ذلك وسوف اضيف كل جديد بهذا الموضوع وبين رحمه الله ان المرجله ليست بالقول وليس كلا يستطيع الوصول لها ووصفه بأنه هداج تيما ويقصد بهداج تيما هو مثل العد الذي لاينضب ماه مهما كثروا رواده وهذا تشبيه بانه كريم بلاحدود ويستحق ذلك المدح فيه وانتقل بعد ذلك رحمه الله الى قبيلته الحراجين وقال ان رجال هذه القبيله في ايام السلم وغيره يتسمون بالرزانه رزانة الرجال العظام وفي اثناء الحروب يتميزون بقوة جورهم وبطشهم على عدوهم وبلا رحمه وبين موقفهم مع الامام عبد العزيز اسكنه الله فسيح جناته ارسل لهم مرسال لكي يلتحق به جيشهم وفرسانهم لمواصلة فتوحاته ارسلوله العدد المذكور بالقصيده فزعة منهم معه رحمهم الله جميعا واترككم مع القصيده وهي تعبر عن نفسها:




ما كل من يبغى المراجل لها نـال
وكسب الفخرماكل رجـل ينولـه
كسب الفخربالفعل ماهوبالا قـوال
ما هوب حكي واليديـن مغلولـه
ألا بسيف ومنسفا مثل مـا قـال
راع المثل في قوله الـي يقولـه
ولا كل رجـال يوصـف برجـال
وكسب المراجل ما تجي باالسهوله
أبومحمد جعـل تفـداه الا نـذال
قرم العيال الي تنومس فعـو لـه
ذ رب اليمين وللصعوبات حـلال
وانا اشهد أن الزايدي من حموله
هداج تيما فيه يضـرب بالامثـال
وغيثا الى كن الحيا مـن نزولـه
لا د الحريجي مقعدة ميل من عال
بحدب السيوف الي تعدل ميولـه
في السلم عقالا والحـرب جهـال
كم واحد في عنـق دارة غزولـه
يوم الامام ارسل عليهم بمرسـال
لاحم وملحم بالمواقـف حمولـه
قالو حدن يحمي المحلات والمـال
واحدن يروح لمن لفانـا رسولـه
وجاته ثلا ثينـا بستيـن رجـال
يازين قـول يشهـد لـه فعولـه
عانيتا الابـوا عزيزمـن عيـال
ياحلو مردودا يجي فـي حلولـه
وصلاة ربي عد مـا هـل همـال
نوا مشـت قـدام وبلـه سيولـه






--------


هذه قصائد قديمه جدا للوالد رحمه الله ولم يصلني منها الا القليل من الابيات من قبل بعض الرواه فاغلب هاولأ لم يتذكروا الا القليل
منها يسرني ان اقدمها لكم في موضوع واحد واتمنى ان تنال استحسان الجميع .

اولها

هذه قصيده قدمها لي احد الاخوان هذه الايام جزاه الله خير ويقول انها لوالدي ولم يحفظ منها الا هذه الابيات واتمنا ان تنال استحسانكم.





يامرحبـا يامرحبـا يامرحـبـا
والفا من التر حيب وميات الالوف
اعداد ماينبت نبات فـى الثـرى
واعداد حجاج البيت الله تطـوف
حنا ال زايد يوم مـردود البـرى
يشهد لناالتاريخ والصدق معروف
الناس كل فـي فعولـة يذكـرى
لا شك انابفعول ربعى زودنـوف
مثل الجبال الشامخه كـن وذرى
يامن بها الخايف وملجا لضعوف
وجمالهايـوم الحـروب تحتـدى
مثل الرواسى ماتزعزها الشعوف
وخوينا ناسم عصـاه ويهمـلاى
يمشيبها بيناالازايـد ومايخـوف
وحريبنا نسقيه كاس الحنظـلاى
يشرب من السم المصفى باالكفوف
وقصيرنا يامن ولايخشى العـدى
الامن المعبود تجرى له صـدوف




هذه القصيده قالها رحمه الله عندما ذهب للامارات العربيه في موضوع شخصي وهذا اللي

وصلني منها وهي اطول من ذلك.





امس من الدار العزيزه مشينـا
واليوم عند ربوعنا نسل الاحرار
في مجلس ينصونـه الغانمينـا
مجلس رجال له معزه ومقـدار
لـولا معزتهـم لهـم ماعنينـا
ماجيت انا من نجد لدبـي زوار
نسئل على رجل عزيزا علينـا
جدا لجدي مرمسة عنه الاذكار
رجل يقال انـه حـدا والدينـا
وكنا صغار ولادرينا بماصـار
واليوم يوم انا دراينـا فجينـا
عساه يجمع شملنا وال الاقـدار






هذا بيت من قصيده لا اعرف الاهو




الطيب ربي بين الاجواد قسمه
وكل خـذا حقـه بلاتقسيـم







هذي جزء من قصيده طويله جدا حسب كلام من رواها لي ويقول فيها رحمه الله اخذتها منه كماهي
حاولت جاهدا ترتيب ابياتها حتى تكون متسلسه عكس مااخذتها منه:







سلام يا ربعي طويليـن الايمـان
سلام مني عـد وبـل السحابـي
يالابتي ياعزوتي يـوم الاكـوان
دواسر الى هاب الردي ماتهابـي
حنا ال زايد يوم زوغات الاذهـان
عز الصديق وللعدو سـم دابـي
من حد جوخريص لادون نجـران
اجـباللها وسهالهـا والروابـي
دار لنا من وقت عـاد وعدنـان
دارحميناهـا بـزرق الحـرابـي
يسكن بها خطلان اليدي هل الشان
دار الغروس ودار جرد الرقابـي
جانا الشريف يقود خيلاوفرسـان
واله الهزيمه سطـرت بالكتابـي
دارحميناها علـى مـر الازمـان
وكلا يبيهـا ميـر منـا يهابـي
نحميه لايسكنـه انـس ولاجـان
ومن طبها مـن ينـال العقابـي
حامينها بالسيف خطلان الايمـان
تستاهل البيضا عـزاز الجنابـي
تستاهل البيضا سلايـل كحيـلان
بيضا تشيد فوق روس الهضابـي







هذا جزء من قصيده ايضا طويله حسب كلام من ذكرها لي ولم يحفظ الا هذه الابيات








من لابة تنبيك منهـا العلومـي
تاريخنا يتعب بالامجـاد قاريـه
اهل الفعول الطيبه والسلومـي
وكلا على مقدارفعلـه نجازيـه
والطيب وهبه بين خلقه اقسومي
ومقسمه بين المخاليـق واليـه
وصلاة ربي عد وبل الغيومـي
على النبي باول كلامي وتاليـه






هذه ابيات من قصيده قالها رحمه الله في كل من عبدالله ابن محمد الشكره واخوه ابراهيم






ياعيـال محمـد ودي نجيكـم
مير ماتسمح ضروفي واعذروني
من فعول ايمينكم تندى يديكـم
والرجال الما نقوله يشهدونـي
الطرف واهل الطرف يعتز فيكم
تعرفون ومن رجـال يعرفونـي





هذا بيت محفوظ له لا اعرف تكملته ولا مناسبته:




بعض الاوادم جعل ربي يزيله
يزيله اللي زال عاد وفرعون





قصيده له كان رايح يدور له ابل وكانت رحلته رحمه الله متعبه وتعرض فيها لمصاعب كثيره في ذلك اليوم بعد ان اصبح بعيد عن اهله وديرته وتذكرهم وقال قصيده طويله لم يذكر منها الا هذه الابيات .






سقى دارهم من رايح يلى ادلهم درسم
سمر بالبروق ولا فصل فيه رعـاده
ويالج قلبي لج خلف على المـا لـم
على جال عد يـوم لمـت بهـا راده
عقب صبيى ياسعـد ماشـي بالنـم
ودوبه كثيـر الهـرج نقلـه ورداده






هذه قصيده لا اعرف مناسبتها وهي اطول من ذلك بكثير لكن هذا اللي محفوض منها عند من رواها:






عينت انا الدنيا ترقرق ابميـزان
الاولـه تفنـى وماخلـق فانـي
ياماازعلت من خاطر كان طربان
ويامربحك ياللي عليهـا معانـي
مرا على الانسان بسرور وحسان
واحلا من الماء فوق كبد الضماني






هذه القصيده تعبر عن نفسها





حداني تعيس الحظ لمحمدا وسعيـد
سقيط البشر تبغيني اخضع لاوامرها
ونفسا ربت بالعزماتقبـل التنكيـد
وفي طاعة الخبلان ماني بجابرهـا
عسى دارنا من دار ذيك الوجيه بعيد
وجيه بنو الخيـر محـدا بذاكرهـا






هذه القصيده غزليه يقول من ذكرها انها طويله جدا




عند العشي ذبيت في عالي الزبـار
وانا للشقي من المشاريف نصاحي
ساعة رقيته هلت العين غزر عبار
كماهل وبل مـن مقاديـم رواحـي
ويافوح قلبي فوح شاميـة ببهـار
جحاها المقهوي لاتباطاه مافاحـي
ويازوع قلبي زوع مشبوك الحـرار
الى وكدة في عالي الرجم ملواحـي
وياجرح قلبي جرحة السيل للجوار
تنحى بسيل من مناشيـه جراحـي
على صاحب يذكر بدار وانا في دار
ترى من تشقى بالمحبين مارتاحي
على وارد الستين زود عليه النـار
الى لحق حده بردوا لـه برياحـي
الى ضواه الليل ساقه على الانـوار
وهو منوة اللي صاحبه منه منزاحي








هذه القصيده حسب قول من رواها انها قديمه جدا وطويله :





عزي ال صافي اللون من رعية الغنم
عساها العزاري عد ماهي تعزري به
الا ياحلال القوم شوفك يجيب الهـم
وعسى من يحبك علة الكبد تازيبـه



هالـديـوآن بقـلم : سلطان بن دخيل الله الشكره


بصرااحه أعجبني بالحيييييــل هالـديــوآن وحبيـت انقـله لكـم نقره لعرض الصورة في صفحة مستقلة

السمـوحه ع آلاطـآلـه نقره لعرض الصورة في صفحة مستقلة

اللهم ارحمه واسكنه الجنه ... اللهم وسع له في قبره
اللهم اجعل قبره روضةً من رياض الجنه

هذا وصلى الله وسلم على سيدنا ونبينا محمد عليه افضل الصلاة واتم التسليم
 






التوقيع



يـوم جأآأبـو طـآأري الفـخـر{ ب} انـسـآأب الـعـرب
قـلـت الفـخخخر عـنـد الـحـبـآب مـلـزوؤم ينـوخ ركـآأبـه

خـوآألـي اللـي . فـي حـزآأت المـصـآأيب والـكــرب
تـركـي عـلي كـل كـبـد . مـشـعـآأب صـآألـي نـآأره

وانـآ .بـنـت الـسـلأآأططـين { ي} عـريبيـن الـنـسـب
لاد عججـيـم اللي عـلـي عــروش الـعـز جــلآأســـه




 
رد مع اقتباس
قديم 06-14-2011, 06:30 AM   رقم المشاركة : 3
حسين الفحوس
(( مدير المنتدى ))
 
الصورة الرمزية حسين الفحوس






حسين الفحوس غير متواجد حالياً

حسين الفحوس is just really niceحسين الفحوس is just really niceحسين الفحوس is just really niceحسين الفحوس is just really nice

افتراضي

صلى الله عليه وسلم

ورحم الله الشاعر الفحل


وتسلم والله متعبه على النقل اللي يستحق التقييم

كل الشكر ولي عوده لتكله القرائه نقره لعرض الصورة في صفحة مستقلة

 






التوقيع

 
رد مع اقتباس
قديم 06-14-2011, 02:36 PM   رقم المشاركة : 4
رائد نملان الحبابي
شاعر
 
الصورة الرمزية رائد نملان الحبابي





رائد نملان الحبابي غير متواجد حالياً

رائد نملان الحبابي is on a distinguished road

افتراضي

صلى الله عليه وسلم

ورحم الله الشاعر\\دخيـل الله بن محـمد الشكـره

ولاهنتي وبيض الله وجهك وانا اخوك على النقل الرااااااااااااائع

 






التوقيع

ياقلب لاتندم على مامضى وتنوح&كثر الندم ياقلب مافيه مصلوحي

حسن بن حراف

 
رد مع اقتباس
قديم 06-20-2011, 12:44 PM   رقم المشاركة : 5
أبو سلطان القحطاني
عضو مجلس أدارة المنتدى
 
الصورة الرمزية أبو سلطان القحطاني






أبو سلطان القحطاني غير متواجد حالياً

أبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond reputeأبو سلطان القحطاني has a reputation beyond repute

افتراضي

نقره لعرض الصورة في صفحة مستقلةنقره لعرض الصورة في صفحة مستقلة




صح السانه وعز الله انه شاعر





لاهنتي يامبدعه





موفقه

 






التوقيع

 
رد مع اقتباس
قديم 02-12-2012, 06:09 PM   رقم المشاركة : 6
سلطان بن دخيل الله الشكرة
عضو جديد





سلطان بن دخيل الله الشكرة غير متواجد حالياً

سلطان بن دخيل الله الشكرة is on a distinguished road

افتراضي رد: ديـوان الشاعر / دخيـل الله بن محـمد الشكـره

بسم الله الرحمن الرحيم

السلام عليكم ورحمة الله وبركاته

متعبة عسافها ,, الله لايهينك ويعطيك الف عافيه على نقل هذا الموضوع عن والدي رحمه الله ووالديك وجميع اموات المسلمين والمسلمات

مجهود تستحقين عليه الثناء والشكر والدعاء بارك الله فيك واشكر ايضا الاخوان الذين سجلو مرورهم وتشرفت بالاطلاع عليه وقرائته وبيض الله

وجيهم ورحم الله والديهم وكذلك اشكر الزوار الذين مرو على هذا الموضوع ولم يتمكنوا من تسجيل حضور لهم فتواجدهم في هذا المتصفح

تشريف لنا جميعا اشكرهم عليه

وشكر خاص لادارة هذا المنتدى لاعطاء هذا الموظوع مساحة في موقع قبيلة الحباب العريقه التي نتشرف بابنائها جميعا ولايستغرب الطيب من

اهله وعساهم في الوجود دوم وعلى طاعة الله.

ودمتم جميعا برعاية الله وحفظه

 






رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:06 PM.


تصميم : شركة ابن القاضي لـ استضافة وتصميم المواقع